Asat 8
8
1Netachamayie sii Saulo metari Sitepano.
Eitama ꞉Saulo ltung'ana le Nkai sina
Kore ake inia parri, neng'asuni aaitam sina kitok lolo tung'ana le nkanisa e Yerusalem. Nesachari ninche pooki aaisigaki Yudea o Samaria, mara ake lkipaareta. 2Kake kore eyia, nenukaa ꞉lewa oourie Nkai Sitepano, neichir oleng tankaraki ninye. 3#Asat 22:4,5, 26:9–11Nejing'aa ꞉Saulo nkajijik enyok aaraa ltung'ana le Nkai, neibung lewa o ntomonok, nepik jila.
Etilikoyieki Lomon Supati ta Samaria
4Kore lolo pooki oiruko Kristo netasachayieki, nemanaa alikoo Lomon Supati. 5Nedoyio Pilipo alo lkerenkent oji Samaria, neliki ltung'ana le inie lomon le Kristo 6Kore payie ening lolo turrurri lomon le Pilipo nedolita mbaa naasita ninye naaitodolu nkitoo e Nkai, neur nkiyiaa tanaboicho aaning nejoito ninye. 7Kore taatua ltung'ana kumo oaata lairiruani, neipung'u ꞉lairiruani ebuakita too ltoilochi kutuaa, neichiunyieki sii lkumo ootigiligilete o lng'ojinia. 8Nejing ilo kerenket ng'ida kitok oleng.
Meinyiang'uni nkichooroto e Nkai
9Kore apa te ilo kerenket naa keatae ltung'ani oji Simon, oirupucho neing'asia ltung'ana le Samaria, nejo apa kera ltung'ani kitok oleng. 10Kore ltung'ana pooki, kutuaa o lkunini neur nkiyiaa nejo, <<Kore ele tung'ani naa inia golon e nkai naipoti aajo <Ngolon Kitok.> >> 11Neur nkiyiaa aainining amu keing'asia nkaisicho enye ninche ta nkata naado.
12Kake kore payie eiruk ꞉ninche Pilipo olikita Lomon Supati ooipirita nkitoria e Nkai o nkarna e Yeso Kristo, neipatisi ninche, lewa o ntomonok. 13Neiruk abaki ꞉Simon ninye neipatisi, neirukurukore Pilipo ng'oji pooki nelo. Naa kore edolita mbaa kutuaa naasita Pilipo, naaitodolu nkitoo e Nkai o mbaa e nking'asia, neing'asia. 14Kore payie ening Lkipaareta otii Yerusalem nchere ketang'amaitie ltung'ana le Samaria rerei le Nkai, nerewaki ninche Petero o Yoana. 15Nebau ninche inie, noomonoki ltung'ana payie etum Ltau Sinyati, 16amu kore apa lolo tung'ana keipatisaki ta nkarna e Laitoriani Yeso metaa lenyena, kake ewuon eitu edoki ꞉Ltau Sinyati. 17Neiteleki ꞉Petero o Yoana ninche nkaik, netum Ltau Sinyati.
18Kore payie edol Simon ajo ketumi Ltau Sinyati teneiteleki ꞉Lkipaaret ltung'ana nkaik, neicho ninche ropiyiani 19nejoki, <<Enchooki abaki nanu ana kitoo, metaa kore pooki laiteleki nkaik ainien netum Ltau Sinyati.>>
20Nejoki ꞉Petero ninye, <<Ndaai o ropiyiani inono! Eji ijo duo iyie indim ainyiang'u nkichooroto e Nkai too ropiyiani? 21Kore iyie naa meata ntoki ning'ar o iyioo tana kitoria, nemeata ntoki nitum, amu kore niparraa ta ltau lino naa mara supat tekue Nkai. 22Mbelekenyaii tung'ai kuna parrunot torrok nikiti ltau, niomon Laitoriani paa tanaa keidimai, nikipaliki. 23Amu kadol ajo iata lom torno, niena too ng'ok.>>
24Nejoki ꞉Simon ninche, <<Entoomonokaaki Laitoriani, payie meata ntoki naatum too kuna pooki nikitiakita.>>
25Kore payie elimu sipata enche aaipidaki, netilikoitie rerei la Laitoriani, nerrinyo Petero o Yoana Yerusalem. Kore epuoito nelikoo Lomon Supati taa nkang'ite kumo e Samaria.
Eipatisa ꞉Pilipo lkitok le nkop e Etopia
26Nejoki ꞉lmalaika la Laitoriani Pilipo, <<Inyuo saai ile e mparkiji todoi chomo inia oitiei e loliyio, nadoyio te Yerusalem alo Gasa.>> 27Neinyuototo ninye alo inie. Kore payie ebaki inie, netum ltung'ani kitok oitacheki parakuoicho pooki e Kandase, nkinkii e Itopia, naa kore ilo tung'ani naa lmong'o. Kechomo apa ninye Yerusalem aomon, 28naa nkang enye echuko aloito inia kata, eisomita mbuku e loiboni le Nkai Isaya to ltoilo sapuk ewuon te nkeper e nkarri enye nayiataa ꞉mbartan. 29Nejoki ꞉Ltau Sinyati Pilipo, <<Chomo tinyikaki inia arri, niriamariyie.>>
30Nekuetiki Pilipo inia arri, nening ilo tung'ani eisomita mbuku e loiboni le Nkai Isaya, nejoki, <<Amaa, ining'uta sa dei inia nisomita?>>
31Nejoki, <<Aji aiko tananing'u maata ltung'ani laaliki?>> Neitoomon Pilipo metidira awuon tenebo o ninye. 32#Isa 53:7,8Kore neisomita ninye too Lkigerot Sinyat naa ene:
<<Etirikoki ana nker inie, neyieng'ichiereki
neitu ebol nkutuk enye,
ana lkuoo leker ogira edung'utoi lpapit.
33Kore eitamitae anyit, neitu etum nkiguana naichiaakino.
Ng'ae oidim aimaki ichoi enye?
Amu ketooruaki ninye nkichui enye tene to nkop.>>
34Neitoki ꞉ilo kitok ajoki Pilipo, <<Tilikaaki ja ajo, ng'ae dei eimakita loiboni le Nkai tana najoito, koon ana likae tung'ani?>> 35Neng'asunyie taa Pilipo ilo rerei oisomita duo, aliki ninye Lomon Supati le Yeso.
36Kore eibung'uta ninche nkoitiei aapuo netum nkare, nejoki ꞉ilo kitok Pilipo, <<Ng'ura, nana nkare! Nyo naaiboyoo payie maaipatisi#8:36 Kore tankaraki nara ele tung'ani lmong'o, keyielo ajo meng'amari to lturrur loo ltung'ana le Nkai ana netiu to lkerreti loo Lyiaudi. Indim aisoma ana te Nkit 23:1.?>> 38Neitanapicho ilo kitok meitacheyieki inia arri, nedoki ninche pukura nkare, neipatis ꞉Pilipo ninye. 39Kore payie eipung'u ninche taatua inia are, neya ꞉Ltau Sinyati la Laitoriani Pilipo, metaa eitu eitoki adol ninye. Neibung ilo tung'ani nkoitiei alo eng'ida. 40Kore Pilipo, nedoli etii lkerenket le Asoto, emanaa too lkerenketi pooki elikoo Lomon Supati ana metabaki lkerenket le Kaisaria.
Currently Selected:
Asat 8: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Asat 8
8
1Netachamayie sii Saulo metari Sitepano.
Eitama ꞉Saulo ltung'ana le Nkai sina
Kore ake inia parri, neng'asuni aaitam sina kitok lolo tung'ana le nkanisa e Yerusalem. Nesachari ninche pooki aaisigaki Yudea o Samaria, mara ake lkipaareta. 2Kake kore eyia, nenukaa ꞉lewa oourie Nkai Sitepano, neichir oleng tankaraki ninye. 3#Asat 22:4,5, 26:9–11Nejing'aa ꞉Saulo nkajijik enyok aaraa ltung'ana le Nkai, neibung lewa o ntomonok, nepik jila.
Etilikoyieki Lomon Supati ta Samaria
4Kore lolo pooki oiruko Kristo netasachayieki, nemanaa alikoo Lomon Supati. 5Nedoyio Pilipo alo lkerenkent oji Samaria, neliki ltung'ana le inie lomon le Kristo 6Kore payie ening lolo turrurri lomon le Pilipo nedolita mbaa naasita ninye naaitodolu nkitoo e Nkai, neur nkiyiaa tanaboicho aaning nejoito ninye. 7Kore taatua ltung'ana kumo oaata lairiruani, neipung'u ꞉lairiruani ebuakita too ltoilochi kutuaa, neichiunyieki sii lkumo ootigiligilete o lng'ojinia. 8Nejing ilo kerenket ng'ida kitok oleng.
Meinyiang'uni nkichooroto e Nkai
9Kore apa te ilo kerenket naa keatae ltung'ani oji Simon, oirupucho neing'asia ltung'ana le Samaria, nejo apa kera ltung'ani kitok oleng. 10Kore ltung'ana pooki, kutuaa o lkunini neur nkiyiaa nejo, <<Kore ele tung'ani naa inia golon e nkai naipoti aajo <Ngolon Kitok.> >> 11Neur nkiyiaa aainining amu keing'asia nkaisicho enye ninche ta nkata naado.
12Kake kore payie eiruk ꞉ninche Pilipo olikita Lomon Supati ooipirita nkitoria e Nkai o nkarna e Yeso Kristo, neipatisi ninche, lewa o ntomonok. 13Neiruk abaki ꞉Simon ninye neipatisi, neirukurukore Pilipo ng'oji pooki nelo. Naa kore edolita mbaa kutuaa naasita Pilipo, naaitodolu nkitoo e Nkai o mbaa e nking'asia, neing'asia. 14Kore payie ening Lkipaareta otii Yerusalem nchere ketang'amaitie ltung'ana le Samaria rerei le Nkai, nerewaki ninche Petero o Yoana. 15Nebau ninche inie, noomonoki ltung'ana payie etum Ltau Sinyati, 16amu kore apa lolo tung'ana keipatisaki ta nkarna e Laitoriani Yeso metaa lenyena, kake ewuon eitu edoki ꞉Ltau Sinyati. 17Neiteleki ꞉Petero o Yoana ninche nkaik, netum Ltau Sinyati.
18Kore payie edol Simon ajo ketumi Ltau Sinyati teneiteleki ꞉Lkipaaret ltung'ana nkaik, neicho ninche ropiyiani 19nejoki, <<Enchooki abaki nanu ana kitoo, metaa kore pooki laiteleki nkaik ainien netum Ltau Sinyati.>>
20Nejoki ꞉Petero ninye, <<Ndaai o ropiyiani inono! Eji ijo duo iyie indim ainyiang'u nkichooroto e Nkai too ropiyiani? 21Kore iyie naa meata ntoki ning'ar o iyioo tana kitoria, nemeata ntoki nitum, amu kore niparraa ta ltau lino naa mara supat tekue Nkai. 22Mbelekenyaii tung'ai kuna parrunot torrok nikiti ltau, niomon Laitoriani paa tanaa keidimai, nikipaliki. 23Amu kadol ajo iata lom torno, niena too ng'ok.>>
24Nejoki ꞉Simon ninche, <<Entoomonokaaki Laitoriani, payie meata ntoki naatum too kuna pooki nikitiakita.>>
25Kore payie elimu sipata enche aaipidaki, netilikoitie rerei la Laitoriani, nerrinyo Petero o Yoana Yerusalem. Kore epuoito nelikoo Lomon Supati taa nkang'ite kumo e Samaria.
Eipatisa ꞉Pilipo lkitok le nkop e Etopia
26Nejoki ꞉lmalaika la Laitoriani Pilipo, <<Inyuo saai ile e mparkiji todoi chomo inia oitiei e loliyio, nadoyio te Yerusalem alo Gasa.>> 27Neinyuototo ninye alo inie. Kore payie ebaki inie, netum ltung'ani kitok oitacheki parakuoicho pooki e Kandase, nkinkii e Itopia, naa kore ilo tung'ani naa lmong'o. Kechomo apa ninye Yerusalem aomon, 28naa nkang enye echuko aloito inia kata, eisomita mbuku e loiboni le Nkai Isaya to ltoilo sapuk ewuon te nkeper e nkarri enye nayiataa ꞉mbartan. 29Nejoki ꞉Ltau Sinyati Pilipo, <<Chomo tinyikaki inia arri, niriamariyie.>>
30Nekuetiki Pilipo inia arri, nening ilo tung'ani eisomita mbuku e loiboni le Nkai Isaya, nejoki, <<Amaa, ining'uta sa dei inia nisomita?>>
31Nejoki, <<Aji aiko tananing'u maata ltung'ani laaliki?>> Neitoomon Pilipo metidira awuon tenebo o ninye. 32#Isa 53:7,8Kore neisomita ninye too Lkigerot Sinyat naa ene:
<<Etirikoki ana nker inie, neyieng'ichiereki
neitu ebol nkutuk enye,
ana lkuoo leker ogira edung'utoi lpapit.
33Kore eitamitae anyit, neitu etum nkiguana naichiaakino.
Ng'ae oidim aimaki ichoi enye?
Amu ketooruaki ninye nkichui enye tene to nkop.>>
34Neitoki ꞉ilo kitok ajoki Pilipo, <<Tilikaaki ja ajo, ng'ae dei eimakita loiboni le Nkai tana najoito, koon ana likae tung'ani?>> 35Neng'asunyie taa Pilipo ilo rerei oisomita duo, aliki ninye Lomon Supati le Yeso.
36Kore eibung'uta ninche nkoitiei aapuo netum nkare, nejoki ꞉ilo kitok Pilipo, <<Ng'ura, nana nkare! Nyo naaiboyoo payie maaipatisi#8:36 Kore tankaraki nara ele tung'ani lmong'o, keyielo ajo meng'amari to lturrur loo ltung'ana le Nkai ana netiu to lkerreti loo Lyiaudi. Indim aisoma ana te Nkit 23:1.?>> 38Neitanapicho ilo kitok meitacheyieki inia arri, nedoki ninche pukura nkare, neipatis ꞉Pilipo ninye. 39Kore payie eipung'u ninche taatua inia are, neya ꞉Ltau Sinyati la Laitoriani Pilipo, metaa eitu eitoki adol ninye. Neibung ilo tung'ani nkoitiei alo eng'ida. 40Kore Pilipo, nedoli etii lkerenket le Asoto, emanaa too lkerenketi pooki elikoo Lomon Supati ana metabaki lkerenket le Kaisaria.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy