Asat 28
28
Paulo to lkuran le Malta
1Kore payie kilang pooki kinchu, nikiyielou ajo kore ilo kuran likitalang'akita naa keji Malta. 2Neitodol iyioo lolo tung'ana le inia kop, nchaman kitok, amu keinuaa nkima, neitoomon iyioo pooki tankaraki natang'asua acha, neirobi. 3Nebosu ꞉Paulo suen nepik nkima. Neony lasurai oata sayiet oipung'unyie nkirewuaj nkaina, neililikino. 4Kore payie edol lolo tung'ana le inia kop eililikino ilo asurai nkaina, nejokino, <<Kore ele tung'ani naa meata ajo mara ketarichie! Amu kore abaki eitu eye taatua mpaso, naa eitu epal nkai e sipata ninye metopuaa.>> 5Neipiripiroki ꞉Paulo ilo asurai atua nkima, nemeata hoo neikuna ninye aroyie. 6Neanyu ltung'ana tanaa kejei ninye tanaa sii enang nkop aye. Kore payie eanyu nkata naado, nedol aajo meata ntoki nataase te ninye, neibelekeny lomon nejo, kera ꞉ninye nkae ai nabo.
7Ketaaniki inie ng'oji nikitabakita, lchampai lo lkitok le ilo lkuran oji nkarna enye Pabilio. Neitoomon iyioo te nchaman nkang enye, nikiaku lomon lenyena tee mperot uni. 8Kore apa papa lenye, naa keperito emuai eata nkirewua o nkirriata torno. Nejing Paulo nkaji asaaya ninye, neomonoki, neiteleki nkaik, neichiunyie. 9Kore payie easai ana, nepuonu lkulie pooki le inia kop oomoyiaa neichiunyieki. 10Naa kore tankaraki ana, neicho iyioo nkanyit kitok oleng, naaku kore payie eaku kinyuototo kenya aapuo ta nkae meli, neitanap iyioo ntoki pooki nikiyieu te inia oitiei.
Etabayie Paulo Rrom
11Kore payie kiwueni lapatin okuni te inia kop, nikidir meli natowuana teinie inia ng'amata e nkirobi, naing'uaa Alekisandiria, natii nkomom enye nkitanyanyukoto ee nkaitok are naaji Kasita o Polos. 12Nikibau lkerenket le Sirakus, nikiwueni mperot uni teinie. 13Kore payie kinyuototo teinie nikibaki lkerenket le Regiam, nikibik nabo. Kore mparri naijipu inia, nekutunye siwuo oing'uaa kopikop nikimpung te Regiam, neikenyu nikibaki lkerenket otii nkutuk e mpaso oji Puteoli. 14Nikirrachu teinie lalachera o nkanachera neitoomon iyioo, nikiboitiare ninche mperot sapa. Nikinyuototo teinie nikipuo tee nkejek Rrom. 15Kore eitu kibaki Rrom nening ltung'ana ooiruko Kristo ootii inie lomon lang, nepuonu aang'amaa iyioo te sokoni e lkerenket le Apio o nkae naji noo Lojing'i Okuni. Kore payie edol ꞉Paulo ninche, nerrinyoki Nkai nache, nening ajo etogolo. 16Kore payie kibau Rrom, neichori Paulo metowuana ta nkaji apeny, neata ꞉sikarii orrip ninye.
Etilikoyie Paulo to Rrom erripitoi
17Kore payie kibik mperot uni teinie, neipotu ꞉Paulo lkutuaa loo Lyiaudi. Kore payie epuonu nejoki ꞉Paulo, <<Lalachera lainien, kore te Yerusalem naa kaaibung'aki naapiki nkaik ee Rroman abaki meata hoo ntoki torno naaitaasa ltung'ana lang tanaa kerreti la lmakui lang, naayauni ene ayena. 18Kore payie aaiparichiere, neyieu payie aapalaa, amu meatae apa mbae naatipikaki nairirikino naarieki matua. 19#Asat 25:11Kake kore payie eany larikok loo Lyiaudi naimie ꞉nkiguana, naaku meatae nkae mara tanaamonu maaiguanareki tekue Kaisari, abaki maata mbae naipotie ltung'ana lang. 20Naa inia payie atoomonua matodua ntae nairorie. Amu kaena tana senkei tankaraki kairuko ajo kore ilo Aitejeunoni oisiliguta ꞉Isirael naa keyewuo.>> 21Nejoki, <<Meata mpala naing'uaa Yudea nikimpirita nikitumo, nemeatae loyeuo ene taa lalachera lang, otilimua tanaa oiroro, mbae ntorno nikimpirita. 22Kake ikiyieu nikining nijo iyie too kuna baa, amu ikiyielo aajo keiroritae oleng to ng'oji pooki mbaa naarieki ele turrur lena kurukoto.>>
23Negelu mparri natumore Paulo, naa kore inia parri, nepuonu inia aji natii ninye era kumo alang idia mparri naatuo apa. Kore ang'asu tasiran ana memuto, neliki lomon le nkitoria e Nkai, eliki sipata ee mbaa e nkitoria e Nkai. Kore easichere mbukuii ee nkitanapat e Musa o mbukuii ee loibonok le Nkai, nenyok aliki metining'u neiruk ninche aajo kore lomon ooipirita Yeso naa kedede. 24Neiruk ꞉lbata tankaraki rerei lenye, kake neany ꞉lkulie eiruk. 25Nejo Paulo mbae nabo e siedi, neinyuototo ninche aapuo teinie, amu ketalakinete aatining'oto maate. Kore natejo Paulo naa ana: <<Kedede natiaka ꞉Ltau Sinyati lmakui linchi to loiboni le Nkai Isaya payie ejo,
26 #
Isa 6:9,10 <Chomo tiaaki ltung'ana lainien,
<<Ining'ining kake nimining'ung'u aikata,
ing'orng'or ake, nimidoldol aikata.>>
27Amu kore nkuechi ee kulo tung'ana naa keitogoloki,
nemening'icho aaitibiraki tee nkiyiaa enche,
neikeno nkonyek enche,
payie medol too nkonyek enche,
nening tee nkiyiaa enche,
neyielou taa ltauja lenche,
naachukokino, payie aichiunyie ninche.>
28<<Naa kayieu niyielouu aajo kore lkilikuai le njeunoto e Nkai, naa eterewakaki taata lkulie oreren, naa kening ninche.>> #28:28 Kore nkuti pala neponiki, 29 Kore payie eidip Paulo atejo kulo omon, neinyuototo lolo Yiaudi aapuo teinie etalakinete aatining'oto maate.
30Kore taa larin oare, newuon Paulo te inia aji nalaki, neitoomon lolo pooki ootuo netii. 31Nelikoo ninye lomon le nkitoria e Nkai, neiteng'en mbaa naaipirita Laitoriani Yeso Kristo meata hoo ngureticho, nemeata ltung'ani oibooyie ninye.
Currently Selected:
Asat 28: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Asat 28
28
Paulo to lkuran le Malta
1Kore payie kilang pooki kinchu, nikiyielou ajo kore ilo kuran likitalang'akita naa keji Malta. 2Neitodol iyioo lolo tung'ana le inia kop, nchaman kitok, amu keinuaa nkima, neitoomon iyioo pooki tankaraki natang'asua acha, neirobi. 3Nebosu ꞉Paulo suen nepik nkima. Neony lasurai oata sayiet oipung'unyie nkirewuaj nkaina, neililikino. 4Kore payie edol lolo tung'ana le inia kop eililikino ilo asurai nkaina, nejokino, <<Kore ele tung'ani naa meata ajo mara ketarichie! Amu kore abaki eitu eye taatua mpaso, naa eitu epal nkai e sipata ninye metopuaa.>> 5Neipiripiroki ꞉Paulo ilo asurai atua nkima, nemeata hoo neikuna ninye aroyie. 6Neanyu ltung'ana tanaa kejei ninye tanaa sii enang nkop aye. Kore payie eanyu nkata naado, nedol aajo meata ntoki nataase te ninye, neibelekeny lomon nejo, kera ꞉ninye nkae ai nabo.
7Ketaaniki inie ng'oji nikitabakita, lchampai lo lkitok le ilo lkuran oji nkarna enye Pabilio. Neitoomon iyioo te nchaman nkang enye, nikiaku lomon lenyena tee mperot uni. 8Kore apa papa lenye, naa keperito emuai eata nkirewua o nkirriata torno. Nejing Paulo nkaji asaaya ninye, neomonoki, neiteleki nkaik, neichiunyie. 9Kore payie easai ana, nepuonu lkulie pooki le inia kop oomoyiaa neichiunyieki. 10Naa kore tankaraki ana, neicho iyioo nkanyit kitok oleng, naaku kore payie eaku kinyuototo kenya aapuo ta nkae meli, neitanap iyioo ntoki pooki nikiyieu te inia oitiei.
Etabayie Paulo Rrom
11Kore payie kiwueni lapatin okuni te inia kop, nikidir meli natowuana teinie inia ng'amata e nkirobi, naing'uaa Alekisandiria, natii nkomom enye nkitanyanyukoto ee nkaitok are naaji Kasita o Polos. 12Nikibau lkerenket le Sirakus, nikiwueni mperot uni teinie. 13Kore payie kinyuototo teinie nikibaki lkerenket le Regiam, nikibik nabo. Kore mparri naijipu inia, nekutunye siwuo oing'uaa kopikop nikimpung te Regiam, neikenyu nikibaki lkerenket otii nkutuk e mpaso oji Puteoli. 14Nikirrachu teinie lalachera o nkanachera neitoomon iyioo, nikiboitiare ninche mperot sapa. Nikinyuototo teinie nikipuo tee nkejek Rrom. 15Kore eitu kibaki Rrom nening ltung'ana ooiruko Kristo ootii inie lomon lang, nepuonu aang'amaa iyioo te sokoni e lkerenket le Apio o nkae naji noo Lojing'i Okuni. Kore payie edol ꞉Paulo ninche, nerrinyoki Nkai nache, nening ajo etogolo. 16Kore payie kibau Rrom, neichori Paulo metowuana ta nkaji apeny, neata ꞉sikarii orrip ninye.
Etilikoyie Paulo to Rrom erripitoi
17Kore payie kibik mperot uni teinie, neipotu ꞉Paulo lkutuaa loo Lyiaudi. Kore payie epuonu nejoki ꞉Paulo, <<Lalachera lainien, kore te Yerusalem naa kaaibung'aki naapiki nkaik ee Rroman abaki meata hoo ntoki torno naaitaasa ltung'ana lang tanaa kerreti la lmakui lang, naayauni ene ayena. 18Kore payie aaiparichiere, neyieu payie aapalaa, amu meatae apa mbae naatipikaki nairirikino naarieki matua. 19#Asat 25:11Kake kore payie eany larikok loo Lyiaudi naimie ꞉nkiguana, naaku meatae nkae mara tanaamonu maaiguanareki tekue Kaisari, abaki maata mbae naipotie ltung'ana lang. 20Naa inia payie atoomonua matodua ntae nairorie. Amu kaena tana senkei tankaraki kairuko ajo kore ilo Aitejeunoni oisiliguta ꞉Isirael naa keyewuo.>> 21Nejoki, <<Meata mpala naing'uaa Yudea nikimpirita nikitumo, nemeatae loyeuo ene taa lalachera lang, otilimua tanaa oiroro, mbae ntorno nikimpirita. 22Kake ikiyieu nikining nijo iyie too kuna baa, amu ikiyielo aajo keiroritae oleng to ng'oji pooki mbaa naarieki ele turrur lena kurukoto.>>
23Negelu mparri natumore Paulo, naa kore inia parri, nepuonu inia aji natii ninye era kumo alang idia mparri naatuo apa. Kore ang'asu tasiran ana memuto, neliki lomon le nkitoria e Nkai, eliki sipata ee mbaa e nkitoria e Nkai. Kore easichere mbukuii ee nkitanapat e Musa o mbukuii ee loibonok le Nkai, nenyok aliki metining'u neiruk ninche aajo kore lomon ooipirita Yeso naa kedede. 24Neiruk ꞉lbata tankaraki rerei lenye, kake neany ꞉lkulie eiruk. 25Nejo Paulo mbae nabo e siedi, neinyuototo ninche aapuo teinie, amu ketalakinete aatining'oto maate. Kore natejo Paulo naa ana: <<Kedede natiaka ꞉Ltau Sinyati lmakui linchi to loiboni le Nkai Isaya payie ejo,
26 #
Isa 6:9,10 <Chomo tiaaki ltung'ana lainien,
<<Ining'ining kake nimining'ung'u aikata,
ing'orng'or ake, nimidoldol aikata.>>
27Amu kore nkuechi ee kulo tung'ana naa keitogoloki,
nemening'icho aaitibiraki tee nkiyiaa enche,
neikeno nkonyek enche,
payie medol too nkonyek enche,
nening tee nkiyiaa enche,
neyielou taa ltauja lenche,
naachukokino, payie aichiunyie ninche.>
28<<Naa kayieu niyielouu aajo kore lkilikuai le njeunoto e Nkai, naa eterewakaki taata lkulie oreren, naa kening ninche.>> #28:28 Kore nkuti pala neponiki, 29 Kore payie eidip Paulo atejo kulo omon, neinyuototo lolo Yiaudi aapuo teinie etalakinete aatining'oto maate.
30Kore taa larin oare, newuon Paulo te inia aji nalaki, neitoomon lolo pooki ootuo netii. 31Nelikoo ninye lomon le nkitoria e Nkai, neiteng'en mbaa naaipirita Laitoriani Yeso Kristo meata hoo ngureticho, nemeata ltung'ani oibooyie ninye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy