Asat 20
20
Eisabaka Paulo Makedonia o nkop e Akayia
1Kore payie eichunye inia ng'olng'ol neipotu ꞉Paulo lolo ooiruko Kristo. Nerreten neicho lesere neinyuototo alo nkop e Makedonia. 2Kore eimaa nenia lubot nerreten aitoki lolo ooiruko Kristo oleng, nebaya nkop e Akayia, 3newuon teinie lapatin okuni. Kore etaa keinyuototo alang nkare alo Siria, neyielou ajo keyieita ꞉Lyiaudi neiko tenear ninye metua, nedung arrinyo alo aim Makedonia. 4Neirukurukore ninye ꞉Sopater layieni le Parro oing'uaa Berea, neitoki sii aairukurukore lkulie tung'ana oare ooing'ua Tesalonike ooji Arisitarko o Sekundo, o Gayo oing'uaa Derbe o Timoti o lkulikae ltung'ana oare le Asia ooji Tikiko o Toropimo. 5Neituruk ninche pooki aapuo aanyu iyioo te Tiroa. 6Kore payie eichunye ntasim ee mukateni nemeisiichieki, nikinyuototo te Pilipi aalang mpaso, nikipuo mperot imiet ana matabaki Tiroa netii lolo tung'ana ooituruko tekue iyioo. Nikibik teinie mperot sapa.
Eitipiwua ꞉Paulo Yutiko
7Kore ta mparri e Jumapili, nikitumo tenebo aagil mukate e ndaa e Laitoriani. Neirorie ꞉Paulo ltung'ana, naa kore amu keyieu apa nelo teneikenyu, neitoodor nkiroroto ana metaa kiji kuarie. 8Kore apa inia aji nikitumore naa kebore lkilang'ilang'eta. 9Newuon lbarnoti obo oji Yutiko to long'u le inia aji. Kore eitoodorita ꞉Paulo nkiroroto enye, neyiasai ilo barnoti neilura pii nesulari to nkurupa e uni e inia aji nikitii, nenang nkop. Kore payie errapuni, naaku ketua. 10Nedoyio Paulo nepetaa, nemuatu ta nkaik enyena nejo, <<Emimputukuny, amu keichu ninye.>> 11Neitoki Paulo achuko ailiep, negil mukate e ndaa e Laitoriani, nenya pooki tenebo. Neitoki alo kue airorie ninche oleng ana meikenyu, neinyuototo alo. 12Neyae ilo barnoti nkang eichu, neng'ida ꞉ninche oleng.
Etumore ꞉Paulo lpayiani le nkanisa e Epeso
13Kore iyioo lkulie nikinturuk aapuo aadir meli, nikipuo Asos payie kiya Paulo teinie, amu inia apa etudung'o ninye ayieu payie elotu tee nkejek. 14Kore payie kitumo o ninye ta Asos, nikintoomon metidiru meli nikipuo lkerenket le Mitilene. 15Kore mparri naijipu inia, nikipuo teinie matinyikaki aaing'urare lkuran le Kios. Neikenyu nikilang'aki Samos, kore mparri naijipu inia nikibaki lkerenket le Mileto. 16Naa ketudung'o apa ꞉Paulo payie erepaa te meli Epeso payie meimalmal te Asia. Amu keyieu apa nesioyo alo Yerusalem, paa tanaa keidimai netii inie ta mparri nanyae ntasim e Pentekost.
17Kore etii Mileto, nereu lkilikuai Epeso, meipotuni lpayiani le nkanisa. 18Kore payie ebau nejoki, <<Iyielolo naikuna apa payie awuon tenebo o ntae nkata naado ang'asu inia parri ekue natabawua nkop e Asia. 19Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua. 20Niyielolo sii aajo meatae hoo ntoki naata tipat taa ntae naisudoyie. Kore tekue ltung'ana pooki o taa nkang'itie inchi naa katilikoyie naiteng'eniche Lomon Supati le Nkai, 21aliki Lyiaudi o Lgirriki nchere meata ajo meibelekenyakino Nkai, neiruk Laitoriani lang Yeso. 22Katudung'o taata ta ltau lai ajo kalo Yerusalem, namayielo mbaa naaipung'oki teinie. 23Kake kore too lkerenketi pooki naa kaaitodolita Ltau Sinyati aitisipu ajo kaaeni, natum sina. 24#2Tim 4:7Kake maiken nanu nkichon ai aitaa toki mara ake payie atum aidipa ana lototo ai o ele siaai laatipika ꞉Laitoriani Yeso nkaik ainien matilikoi Lomon Supati oipirita munyani e Nkai.
25<<Naa kore taata, ateyielo ajo kore ntae pooki laimayie natilika nkitoria e Nkai naa mikingilgil aadol. 26Naaku kaliki ntae sipata ana parri, nchere maaipotieki teneimina lobo linchi. 27Amu eitu hooyia aisudoo nanu eitu aliki ntae kipirte pooki natipika ꞉Nkai. 28Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye. 29Kayielo ajo kore payie alo aing'uaa ntae, naa kejing'u suyiani oonyecho atua ntae, lemepal inia boo. 30Amu kore taatua ntae, naa keipung'u ltung'ana ooiro aakord sipata, payie eitopong'oo looiteng'eni meirukurukore ninche. 31Naaku naa entirripicho iparrurru aajo kore taa larin okuni eitu apal maitaarriyian pooki ng'ae linchi kuarie o parkiji aichirita.
32<<Naa kore taata, atung'aka ntae Nkai o rerei le munyani enye ooidim aterretena ntae, neicho ntae inia naitaanyitae ntae metaa ninchi tenebo o lolo oogeluno. 33Neitu apa ang'uar ropiyiani anaa nankan e ltung'ani. 34Iyielolo ntae aajo taa nkaik ainien maate aitaka koon o lboitieii lainien nenia nikiyieu. 35Kore tee nenia pooki nataasa naa kaitodolita ntae ajo meata ajo mikiret loomena aas siaai oleng, kiparru rerei la Laitoriani Yeso payie ejo, <Imayiana tininchoyoo alang tinikinchori.> >>
36Kore payie eidip atiaki ninche nejia, negil kung aomon tenebo o ninche pooki. 37Neichir pooki nemuatu Paulo taa nkaik, negus aaicho lesere. 38Naa kore ntoki naisinanie ninche oleng naa inia natiaaka, nchere meigil aitoki aadol nkomom enye. Neduaaki taa ninye meli.
Currently Selected:
Asat 20: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Asat 20
20
Eisabaka Paulo Makedonia o nkop e Akayia
1Kore payie eichunye inia ng'olng'ol neipotu ꞉Paulo lolo ooiruko Kristo. Nerreten neicho lesere neinyuototo alo nkop e Makedonia. 2Kore eimaa nenia lubot nerreten aitoki lolo ooiruko Kristo oleng, nebaya nkop e Akayia, 3newuon teinie lapatin okuni. Kore etaa keinyuototo alang nkare alo Siria, neyielou ajo keyieita ꞉Lyiaudi neiko tenear ninye metua, nedung arrinyo alo aim Makedonia. 4Neirukurukore ninye ꞉Sopater layieni le Parro oing'uaa Berea, neitoki sii aairukurukore lkulie tung'ana oare ooing'ua Tesalonike ooji Arisitarko o Sekundo, o Gayo oing'uaa Derbe o Timoti o lkulikae ltung'ana oare le Asia ooji Tikiko o Toropimo. 5Neituruk ninche pooki aapuo aanyu iyioo te Tiroa. 6Kore payie eichunye ntasim ee mukateni nemeisiichieki, nikinyuototo te Pilipi aalang mpaso, nikipuo mperot imiet ana matabaki Tiroa netii lolo tung'ana ooituruko tekue iyioo. Nikibik teinie mperot sapa.
Eitipiwua ꞉Paulo Yutiko
7Kore ta mparri e Jumapili, nikitumo tenebo aagil mukate e ndaa e Laitoriani. Neirorie ꞉Paulo ltung'ana, naa kore amu keyieu apa nelo teneikenyu, neitoodor nkiroroto ana metaa kiji kuarie. 8Kore apa inia aji nikitumore naa kebore lkilang'ilang'eta. 9Newuon lbarnoti obo oji Yutiko to long'u le inia aji. Kore eitoodorita ꞉Paulo nkiroroto enye, neyiasai ilo barnoti neilura pii nesulari to nkurupa e uni e inia aji nikitii, nenang nkop. Kore payie errapuni, naaku ketua. 10Nedoyio Paulo nepetaa, nemuatu ta nkaik enyena nejo, <<Emimputukuny, amu keichu ninye.>> 11Neitoki Paulo achuko ailiep, negil mukate e ndaa e Laitoriani, nenya pooki tenebo. Neitoki alo kue airorie ninche oleng ana meikenyu, neinyuototo alo. 12Neyae ilo barnoti nkang eichu, neng'ida ꞉ninche oleng.
Etumore ꞉Paulo lpayiani le nkanisa e Epeso
13Kore iyioo lkulie nikinturuk aapuo aadir meli, nikipuo Asos payie kiya Paulo teinie, amu inia apa etudung'o ninye ayieu payie elotu tee nkejek. 14Kore payie kitumo o ninye ta Asos, nikintoomon metidiru meli nikipuo lkerenket le Mitilene. 15Kore mparri naijipu inia, nikipuo teinie matinyikaki aaing'urare lkuran le Kios. Neikenyu nikilang'aki Samos, kore mparri naijipu inia nikibaki lkerenket le Mileto. 16Naa ketudung'o apa ꞉Paulo payie erepaa te meli Epeso payie meimalmal te Asia. Amu keyieu apa nesioyo alo Yerusalem, paa tanaa keidimai netii inie ta mparri nanyae ntasim e Pentekost.
17Kore etii Mileto, nereu lkilikuai Epeso, meipotuni lpayiani le nkanisa. 18Kore payie ebau nejoki, <<Iyielolo naikuna apa payie awuon tenebo o ntae nkata naado ang'asu inia parri ekue natabawua nkop e Asia. 19Kaisiaayia Laitoriani to mborron pooki o te sina, natumo ntemat kutuaa tankaraki nayieu ꞉Lyiaudi payie aar matua. 20Niyielolo sii aajo meatae hoo ntoki naata tipat taa ntae naisudoyie. Kore tekue ltung'ana pooki o taa nkang'itie inchi naa katilikoyie naiteng'eniche Lomon Supati le Nkai, 21aliki Lyiaudi o Lgirriki nchere meata ajo meibelekenyakino Nkai, neiruk Laitoriani lang Yeso. 22Katudung'o taata ta ltau lai ajo kalo Yerusalem, namayielo mbaa naaipung'oki teinie. 23Kake kore too lkerenketi pooki naa kaaitodolita Ltau Sinyati aitisipu ajo kaaeni, natum sina. 24#2Tim 4:7Kake maiken nanu nkichon ai aitaa toki mara ake payie atum aidipa ana lototo ai o ele siaai laatipika ꞉Laitoriani Yeso nkaik ainien matilikoi Lomon Supati oipirita munyani e Nkai.
25<<Naa kore taata, ateyielo ajo kore ntae pooki laimayie natilika nkitoria e Nkai naa mikingilgil aadol. 26Naaku kaliki ntae sipata ana parri, nchere maaipotieki teneimina lobo linchi. 27Amu eitu hooyia aisudoo nanu eitu aliki ntae kipirte pooki natipika ꞉Nkai. 28Naa entodol naa ate o mboo pooki ee nkerra naatipika ꞉Ltau Sinyati nkaik inchi payie irritata, aaku lchekuti le nkanisa e Nkai nainyieng'ua to lodo le Nkerai enye. 29Kayielo ajo kore payie alo aing'uaa ntae, naa kejing'u suyiani oonyecho atua ntae, lemepal inia boo. 30Amu kore taatua ntae, naa keipung'u ltung'ana ooiro aakord sipata, payie eitopong'oo looiteng'eni meirukurukore ninche. 31Naaku naa entirripicho iparrurru aajo kore taa larin okuni eitu apal maitaarriyian pooki ng'ae linchi kuarie o parkiji aichirita.
32<<Naa kore taata, atung'aka ntae Nkai o rerei le munyani enye ooidim aterretena ntae, neicho ntae inia naitaanyitae ntae metaa ninchi tenebo o lolo oogeluno. 33Neitu apa ang'uar ropiyiani anaa nankan e ltung'ani. 34Iyielolo ntae aajo taa nkaik ainien maate aitaka koon o lboitieii lainien nenia nikiyieu. 35Kore tee nenia pooki nataasa naa kaitodolita ntae ajo meata ajo mikiret loomena aas siaai oleng, kiparru rerei la Laitoriani Yeso payie ejo, <Imayiana tininchoyoo alang tinikinchori.> >>
36Kore payie eidip atiaki ninche nejia, negil kung aomon tenebo o ninche pooki. 37Neichir pooki nemuatu Paulo taa nkaik, negus aaicho lesere. 38Naa kore ntoki naisinanie ninche oleng naa inia natiaaka, nchere meigil aitoki aadol nkomom enye. Neduaaki taa ninye meli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy