Asat 12
12
Eirrachua ꞉Laitoriani Petero aitejeu te jila
1Kore te inia kata, neng'asu Lkinkii Erode aibung lbata loo ltung'ana le nkanisa aar. 2Neichooyo metari lalache le Yoana oji Yakobo ta lalem metua. 3Kore payie edol ajo kecham Lyiaudi inia, neitoki alo kue aibung Petero. Naa ng'amata apa ana e ntasim ee mukateni nemeisiichieki. 4#Nai 12:1–27Kore payie eibung Petero, nepik jila neichooyo meirrita ꞉lturrurri oong'uan loo sikarini maa oong'uan, oong'uan eyieu neya Petero meiguanareki tekue ltung'ana loo Lyiaudi eicha Pasaka. 5Naaku kore eena Petero te jila, neomonoki ꞉nkanisa ninye Nkai oleng.
6Kore kuarie eikienyu payie eaku mparri nayieu Erode neyauni Petero tekue ltung'ana, naa keilura apa Petero terichet sikarini oare eenikino ninche tee senke, neitachoo lkulie sikarini to nkutuk e ltim airritita jila. 7Nejo pang lmalaika la Laitoriani aipung'oki ninye, newong'u ilo gilata le jila. Neoch Petero ntoop neinyuoyie ajoki, <<Tejo dum ntacho.>> Kore nenia senke natii nkaik enyena nelaari. 8Nejoki ꞉lmalaika, <<Inyuo terretenai ninchop namuka inono.>> Neas Petero inia. Neitoki ajoki, <<Nchopo nanka ino e oriong nikinjipu.>> 9Neipung Petero eirukurukore ninye, neitu eyielou ajo kedede ana naitaasita lmalaika, kake ketuwuana ake keidetdetita. 10Kore payie erepaa ꞉ninche lturrur loo sikarini lekue o le oare, nebaki ilo tim le senkei oipung'okinyieki nkoitiei nalo lkerenket. Nebolo ilo tim makoon, payie etum ninche aaima aapuo. Kore payie eipung'u, neim nkoitiei nabo e ilo kerenket, neing'uaa lmalaika ninye nabokata.
11Naa kore payie ejo Petero nkue de nejo, <<Kedede taa ajo Laitoriani oterewua lmalaika lenye payie aalaku nanu taa nkaik e Erode o taa mbaa pooki naayiewuokita ꞉Lyiaudi.>> 12Kore payie eyielou ninye ana, nelo nkaji e Maria ng'otonye Yoana oitokini aajo Marko, inie neotuo ltung'ana kumo aaomon tenebo. 13Neochoch ltim le inia ang, nelotu nkaisiaayiani naji Roda abolu. 14Naa kore payie eyielou ajo ltoilo le Petero ilo, nekuet te ng'ida arrinyo eitu ebol ltim, neliki lolo tung'ana ajoki <<Keitache Petero to nkutuk e ltim.>> 15Nejoki ꞉ninche, <<Itamade dei!>> Nereki ajoki, <<Kedede!>> Nejoki, <<Kebaki naa lmalaika lenye ilo.>> 16Kake neochoch ake Petero ltim, naa kore payie ebol ninche ltim, nedol ninye, neing'asia. 17Neitigir ꞉Petero ninche ta nkaina, neliki neikuna Laitoriani payie eipung'unyie ninye te jila. Nejoki, <<Enterewaki Yakobo o lalachera o nkanachera ele kilikuai.>> Neinyuototo alo nkae ng'oji.
18Kore payie eikienyu neirrana sikarini oleng, eing'asia aajo nyo sa naipung'oka Petero. 19Nejo Erode meteyiari Petero, kake nelau ꞉ninche. Kore payie eidip aiparichiere lolo sikarini ootirripo Petero inia kuarie, neimie metari metuata. Neing'uaa Erode Yudea nedoyio alo awuon ta Kaisaria.
Lkiye le Erode
20Kore apa lkinkii Erode naa keata apa larrabal o ltung'ana le Tiro o Sidon. Nepuo lolo tung'ana tenebo netii ninye. Kore payie eidip aatining'ore laisiaayiani kitok le nkaji enye oji Balisito, neyiaya melet amu kore apa nkop enche naa nkop e ilo kinkii etumie ndaa.
21Kore payie ebau inia parri nategeluaki, neichop Erode nankan enyena e lkinkii, newuon to lorika lenye odung'ie nkiguana, neirorie ninche. 22Nebuak inia siamu ajo, <<Ltoilo le nkai ele mara lo ltung'ani!>> 23Naa kore amu eitu eicho ꞉Erode Nkai nkisisa, neoch ꞉lmalaika la Laitoriani nabokata, nenya ꞉lkuru, neye. 24Kake nelo rerei le Nkai kue, nebulaa.
25Kore payie eidip Barnabas o Saulo aaichooi naduo reto te Yerusalem, nechuko eata Yoana oitokini aajo Marko.
Currently Selected:
Asat 12: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Asat 12
12
Eirrachua ꞉Laitoriani Petero aitejeu te jila
1Kore te inia kata, neng'asu Lkinkii Erode aibung lbata loo ltung'ana le nkanisa aar. 2Neichooyo metari lalache le Yoana oji Yakobo ta lalem metua. 3Kore payie edol ajo kecham Lyiaudi inia, neitoki alo kue aibung Petero. Naa ng'amata apa ana e ntasim ee mukateni nemeisiichieki. 4#Nai 12:1–27Kore payie eibung Petero, nepik jila neichooyo meirrita ꞉lturrurri oong'uan loo sikarini maa oong'uan, oong'uan eyieu neya Petero meiguanareki tekue ltung'ana loo Lyiaudi eicha Pasaka. 5Naaku kore eena Petero te jila, neomonoki ꞉nkanisa ninye Nkai oleng.
6Kore kuarie eikienyu payie eaku mparri nayieu Erode neyauni Petero tekue ltung'ana, naa keilura apa Petero terichet sikarini oare eenikino ninche tee senke, neitachoo lkulie sikarini to nkutuk e ltim airritita jila. 7Nejo pang lmalaika la Laitoriani aipung'oki ninye, newong'u ilo gilata le jila. Neoch Petero ntoop neinyuoyie ajoki, <<Tejo dum ntacho.>> Kore nenia senke natii nkaik enyena nelaari. 8Nejoki ꞉lmalaika, <<Inyuo terretenai ninchop namuka inono.>> Neas Petero inia. Neitoki ajoki, <<Nchopo nanka ino e oriong nikinjipu.>> 9Neipung Petero eirukurukore ninye, neitu eyielou ajo kedede ana naitaasita lmalaika, kake ketuwuana ake keidetdetita. 10Kore payie erepaa ꞉ninche lturrur loo sikarini lekue o le oare, nebaki ilo tim le senkei oipung'okinyieki nkoitiei nalo lkerenket. Nebolo ilo tim makoon, payie etum ninche aaima aapuo. Kore payie eipung'u, neim nkoitiei nabo e ilo kerenket, neing'uaa lmalaika ninye nabokata.
11Naa kore payie ejo Petero nkue de nejo, <<Kedede taa ajo Laitoriani oterewua lmalaika lenye payie aalaku nanu taa nkaik e Erode o taa mbaa pooki naayiewuokita ꞉Lyiaudi.>> 12Kore payie eyielou ninye ana, nelo nkaji e Maria ng'otonye Yoana oitokini aajo Marko, inie neotuo ltung'ana kumo aaomon tenebo. 13Neochoch ltim le inia ang, nelotu nkaisiaayiani naji Roda abolu. 14Naa kore payie eyielou ajo ltoilo le Petero ilo, nekuet te ng'ida arrinyo eitu ebol ltim, neliki lolo tung'ana ajoki <<Keitache Petero to nkutuk e ltim.>> 15Nejoki ꞉ninche, <<Itamade dei!>> Nereki ajoki, <<Kedede!>> Nejoki, <<Kebaki naa lmalaika lenye ilo.>> 16Kake neochoch ake Petero ltim, naa kore payie ebol ninche ltim, nedol ninye, neing'asia. 17Neitigir ꞉Petero ninche ta nkaina, neliki neikuna Laitoriani payie eipung'unyie ninye te jila. Nejoki, <<Enterewaki Yakobo o lalachera o nkanachera ele kilikuai.>> Neinyuototo alo nkae ng'oji.
18Kore payie eikienyu neirrana sikarini oleng, eing'asia aajo nyo sa naipung'oka Petero. 19Nejo Erode meteyiari Petero, kake nelau ꞉ninche. Kore payie eidip aiparichiere lolo sikarini ootirripo Petero inia kuarie, neimie metari metuata. Neing'uaa Erode Yudea nedoyio alo awuon ta Kaisaria.
Lkiye le Erode
20Kore apa lkinkii Erode naa keata apa larrabal o ltung'ana le Tiro o Sidon. Nepuo lolo tung'ana tenebo netii ninye. Kore payie eidip aatining'ore laisiaayiani kitok le nkaji enye oji Balisito, neyiaya melet amu kore apa nkop enche naa nkop e ilo kinkii etumie ndaa.
21Kore payie ebau inia parri nategeluaki, neichop Erode nankan enyena e lkinkii, newuon to lorika lenye odung'ie nkiguana, neirorie ninche. 22Nebuak inia siamu ajo, <<Ltoilo le nkai ele mara lo ltung'ani!>> 23Naa kore amu eitu eicho ꞉Erode Nkai nkisisa, neoch ꞉lmalaika la Laitoriani nabokata, nenya ꞉lkuru, neye. 24Kake nelo rerei le Nkai kue, nebulaa.
25Kore payie eidip Barnabas o Saulo aaichooi naduo reto te Yerusalem, nechuko eata Yoana oitokini aajo Marko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy