2 Petero Mbaa naaituruku
Mbaa naaituruku
Kore ana palai naa Lkipaaret oji Petero oigero eng'or ake nkini kata payie eri metua to lkerenket le Rroma ta lari le ntomoni ile o sapa tanaa le ntomoni ile o isiet eidipaki atiuu Yeso. Kore ewuon etii Petero jila, neparraa ajo ketilika apa ꞉Yeso ajoki meye meitoki natama kake keri metua. Indim aisoma ana bae te 1:14 o too Lomon Supati ooigero Yoana 21:18 o 19.
Kore ana palai naa ꞉ltung'ana pooki ooiruko Yeso eigerokaki ejokini meirrita ate taa laiteng'enak le sapare o mbaa e anyit naayau nkiteng'ena enche. Mbae e tipat tenenyok aaibung yielounoto nadede e Nkai o Kristo eirukurukore nkoitiei naitabakinyie ninche Lkipaareta ootii apa tenebo o Yeso. Neany Petero inia kiroroto najo lkulie mechukunyie Yeso, neipidiu alimu nchere kelotu <<Mparri e Laitoriani>>, kake keanyita ake ꞉Nkai amu keng'iri meyieu hoo lobo oidaari. Kore chiaake mparri e Laitoriani naa ne nkiguana o ne nchukunoto e Yeso. Kore naa eata inia parrunoto, nerreten Petero ltung'ana ooisom mpalai enye metowuana meata ngureticho taa ltauja lenche aajo kedung'oki Nkai nkiguana torno, neng'iri sinaitin lenche eisiligu inia parri nachukunyie Yeso.
Currently Selected:
2 Petero Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy