2 Yoana 1
1
Nkirorokino
1Kore ana palai naa keing'uaa lochi payian arrarri.
Kairoroki nkitok nageluno o nkera enyena nacham katukul, namara nanu ake apeny oacham, kake kecham abaki lolo pooki ooyielo ndedei, 2nikicham ninche tankaraki ndedei nawuon taatua iyioo, netii tenebo o iyioo ntarasi. 3Metaa munyani o lng'ur o sotua oing'uaa Nkai Papa o Yeso Kristo Nkerai e Nkai, tenebo o iyioo te sipata o te nchaman.
Embung'a ndedei niwuenini taatua nchaman
4Kating'ide oleng payie atum mbata ee nkera inono eirukurukore ndedei, ana apa naitaarriyianaka iyioo Papa. 5#Yoa 13:34, 15:12,17Kore taata naomon iyie nkitok nageluno, matachamata maate. Namara ketuwuana nkitanapata ng'ejuk ana naaigerokita, kake inia apake nikiata ta ng'asunoto. 6Naa inji eikununo nchaman, nchere payie kirukurukore nkitanapat enyena. Ana naa nkitanapata, nchere payie ipoyieyie nchaman ana nitining'o apake ta ng'asunoto.
7Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo. 8Errita ate payie miminienie inia nikitonyuaa aas, kake oi payie elaakini ntae ebore. 9Kore pooki ng'ae olo kue nemewuon taatua nkiteng'ena e Kristo naa meata Nkai. Kake kore pooki owuon taatua inia kiteng'ena naa keata ꞉ninye Papa o Nkerai. 10Kore teneatae ltung'ani olotu nitii nemeyau ana kiteng'ena, emintoomon ninye ta nkaji tanaa irorokiki. 11Amu kore loiroroki ninye naa kechulare tee nenia torrok enyena.
Nkirorokino e siedi
12Kore abaki duo aata mbaa kumo naigeroki ntae, kake mayieu naigeroki ntae ta lkalamu o ta mpalai. Kore naa siligi laata, naa payie airorie ntae kiduaa nkomomi neboreii taa ng'ida ang. 13Keiroroki naa ntae nkera e nkanache ino nageluno.
Currently Selected:
2 Yoana 1: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
2 Yoana 1
1
Nkirorokino
1Kore ana palai naa keing'uaa lochi payian arrarri.
Kairoroki nkitok nageluno o nkera enyena nacham katukul, namara nanu ake apeny oacham, kake kecham abaki lolo pooki ooyielo ndedei, 2nikicham ninche tankaraki ndedei nawuon taatua iyioo, netii tenebo o iyioo ntarasi. 3Metaa munyani o lng'ur o sotua oing'uaa Nkai Papa o Yeso Kristo Nkerai e Nkai, tenebo o iyioo te sipata o te nchaman.
Embung'a ndedei niwuenini taatua nchaman
4Kating'ide oleng payie atum mbata ee nkera inono eirukurukore ndedei, ana apa naitaarriyianaka iyioo Papa. 5#Yoa 13:34, 15:12,17Kore taata naomon iyie nkitok nageluno, matachamata maate. Namara ketuwuana nkitanapata ng'ejuk ana naaigerokita, kake inia apake nikiata ta ng'asunoto. 6Naa inji eikununo nchaman, nchere payie kirukurukore nkitanapat enyena. Ana naa nkitanapata, nchere payie ipoyieyie nchaman ana nitining'o apake ta ng'asunoto.
7Amu ketijing'a lasapak kumo nkop lemeibalunyie aajo kore Yeso Kristo naa keyewuo era ltung'ani katukul oata sesen. Kore ilo naa lasapani nera loiba Kristo. 8Errita ate payie miminienie inia nikitonyuaa aas, kake oi payie elaakini ntae ebore. 9Kore pooki ng'ae olo kue nemewuon taatua nkiteng'ena e Kristo naa meata Nkai. Kake kore pooki owuon taatua inia kiteng'ena naa keata ꞉ninye Papa o Nkerai. 10Kore teneatae ltung'ani olotu nitii nemeyau ana kiteng'ena, emintoomon ninye ta nkaji tanaa irorokiki. 11Amu kore loiroroki ninye naa kechulare tee nenia torrok enyena.
Nkirorokino e siedi
12Kore abaki duo aata mbaa kumo naigeroki ntae, kake mayieu naigeroki ntae ta lkalamu o ta mpalai. Kore naa siligi laata, naa payie airorie ntae kiduaa nkomomi neboreii taa ng'ida ang. 13Keiroroki naa ntae nkera e nkanache ino nageluno.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy