1 Timoti 3
3
Larikok le nkanisa
1Keisiligai ele rerei, nchere kore teneyieu ltung'ani neaku larikoni le nkanisa, naa siaai supat eyieu. 2#Tito 1:6–9Keyiere naa, neaku larikoni ltung'ani lemeata nakurrieki, lpayian oyema ntomononi nabo ake, neipidari, netemu mbaa, neata nkanyit, neitoomonicho, neyielo aiteng'enicho, 3namara lamerani, nemericho kake kebor, nemeichankara, nemelubo ropiyiani, 4neyiere payie era ltung'ani oidim ataramata nkang enye, neiteng'en nkera enyena to nkoitiei supat, meyanyita nening ninye katukul. 5Amaa tenemeyielo ltung'ani ataramata nkang enye, kaji eiko tenaramat nkanisa e Nkai? 6Meyiere nera ltung'ani oiruko det, payie meiliepie koon nedung'okini nkiguana torno ana apa Chitani. 7Kake keyiere neata rrepet supat too ltung'ana lamara le nkanisa, payie menya anyit nerriakino rruachet e Chitani.
Laisiaayiak le nkanisa
8Kore sii lkulie aisiaayiak le nkanisa, naa keyiere payie eaku ltung'ana oaayanyitai, nera ltung'ana ooibala rereii, namara lamerak, namara ltung'ana oanya monko. 9Keyiere payie eibung inia dedei naisudoro, naibalunyieki to nkurukoto emusoo aajo meata nakurrieki. 10Neyiere ang'as payie etemi ninche tekue, paa tenemeata nakurrieki, neichori meeisiaaicho. 11Kore sii ntomonok enche, naa keyiere payie era naayanyitai, namara nairo mbaa torrok too lkulie tung'ana, neipidari, neisiligai taatua mbaa pooki. 12Kore laisiaayiani le nkanisa, naa keyiere payie era lpayian oyema ntomononi nabo ake, neramat nkera enyena o nkang enye aitibiraki. 13Kore lolo oaas siaai lenche aaitibiraki, netumoki ate lorika le nkanyit o nkiteunoto kitok to nkurukoto naata taatua Kristo Yeso.
Lng'ope le nkurukoto ang
14Kore aaigerokita iyie ana kitaarriyiana, kaata siligi ajo kalotu nitii kuna naataana. 15Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei. 16Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng:
/keibalunyieki ninye era ltung'ani,
neibalunyie ꞉Ltau Sinyati ajo loosipat,
nedol ꞉lmalaikani.
Nelikori taatua loreren,
neiruki to nkop,
neiliepieki aaya nkitoo e chumata.
Currently Selected:
1 Timoti 3: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Timoti 3
3
Larikok le nkanisa
1Keisiligai ele rerei, nchere kore teneyieu ltung'ani neaku larikoni le nkanisa, naa siaai supat eyieu. 2#Tito 1:6–9Keyiere naa, neaku larikoni ltung'ani lemeata nakurrieki, lpayian oyema ntomononi nabo ake, neipidari, netemu mbaa, neata nkanyit, neitoomonicho, neyielo aiteng'enicho, 3namara lamerani, nemericho kake kebor, nemeichankara, nemelubo ropiyiani, 4neyiere payie era ltung'ani oidim ataramata nkang enye, neiteng'en nkera enyena to nkoitiei supat, meyanyita nening ninye katukul. 5Amaa tenemeyielo ltung'ani ataramata nkang enye, kaji eiko tenaramat nkanisa e Nkai? 6Meyiere nera ltung'ani oiruko det, payie meiliepie koon nedung'okini nkiguana torno ana apa Chitani. 7Kake keyiere neata rrepet supat too ltung'ana lamara le nkanisa, payie menya anyit nerriakino rruachet e Chitani.
Laisiaayiak le nkanisa
8Kore sii lkulie aisiaayiak le nkanisa, naa keyiere payie eaku ltung'ana oaayanyitai, nera ltung'ana ooibala rereii, namara lamerak, namara ltung'ana oanya monko. 9Keyiere payie eibung inia dedei naisudoro, naibalunyieki to nkurukoto emusoo aajo meata nakurrieki. 10Neyiere ang'as payie etemi ninche tekue, paa tenemeata nakurrieki, neichori meeisiaaicho. 11Kore sii ntomonok enche, naa keyiere payie era naayanyitai, namara nairo mbaa torrok too lkulie tung'ana, neipidari, neisiligai taatua mbaa pooki. 12Kore laisiaayiani le nkanisa, naa keyiere payie era lpayian oyema ntomononi nabo ake, neramat nkera enyena o nkang enye aitibiraki. 13Kore lolo oaas siaai lenche aaitibiraki, netumoki ate lorika le nkanyit o nkiteunoto kitok to nkurukoto naata taatua Kristo Yeso.
Lng'ope le nkurukoto ang
14Kore aaigerokita iyie ana kitaarriyiana, kaata siligi ajo kalotu nitii kuna naataana. 15Kake kore tanaimalmala, niyielou te inia kitaarriyiana neiko ltung'ana tenewueni ta nkaji e Nkai. Ninye naa nkanisa e Nkai naichu, lng'ope o nkitamanyunoto e ndedei. 16Keng'amaa pooki ng'ae nchere kore neiko ꞉ltung'ani teneyanyit Nkai naa keisudoro, nera netipat oleng:
/keibalunyieki ninye era ltung'ani,
neibalunyie ꞉Ltau Sinyati ajo loosipat,
nedol ꞉lmalaikani.
Nelikori taatua loreren,
neiruki to nkop,
neiliepieki aaya nkitoo e chumata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy