1 Petero 4
4
Nkichui ng'ejuk
1Kore naa amu ketumo Kristo sina te sesen lenye, entanapata sii ntae payie iimaa sina ana apa neikuna ninye. Amu kore ilo otumo sina te sesen lenye tankaraki Kristo, netumuta ajo meas ng'ok, 2payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop. 3Itara apa nkata naado iasias mbaa naayieu loreren lemeyielo Nkai neas. Kore apa inia kata, itowuana iasias mbaa e anyit, ning'uarrichocho, nimerara, nilubobo, nitumomo aamaticho, niasias ntabo aasai nkaitok e sapare. 4Kore naa amu merekure irukokinono inia oitiei apa e nchirkala tenebo o ninche, neing'asia ninche nedekicho. 5Kake keipari kenya ninche, tekue ilo oterretene payie eiguanare looichu o lootuata. 6Tankaraki ana payie etilikoyieki Lomon Supati aaliki sii lolo ootuata, paa kore abaki etudung'okaki apa nkiguana ewuon eichu ana nadung'okini ltung'ana neye, newueni eichu te nkiyeng'et ana naichu Nkai.
Entaa laing'urak supati le munyani e Nkai
7Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon. 8#Rach 10:12Kore nalang pooki, entachamata katukul, amu kejutoo ꞉nchaman ng'ok kumo. 9Entoomonoto miatata long'unyung'unyi. 10Meata ltung'ani leitu eicho Nkai nkichooroto payie etum ataasichere aisiaayie lkulikae ana laing'urani oisiligai le munyani e Nkai, inia natelie too nkoitieii kumo. 11Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.
Sina litumtum tankaraki nirara le Kristo
12Ltung'ana lainien lacham, emintoki aaing'asia tankaraki niimaritata kuna baa naagol naasaanieki ntae, eji atuwuana ntoki neitu aikata ening'i natumuto ntae. 13Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng. 14Imayianana ntae tenedeki ntae tankaraki nirara le Kristo, amu kore ilo Tau le Nkai, oata nkitoo naa ketii tenebo o ntae. 15Enchoo metaa meatae hoo lobo linchi oitami sina tankaraki nara ltung'ani oricho anaa lopurrucho anaa laasani loo ntorrok anaa ltung'ani odoki mbaa nemeata nejo. 16Kake teneatae lobo linchi oitamaki sina tankaraki nara le Kristo, mincho edol anyit, kake nchoo eisis Nkai tankaraki naipotieki inia arna. 17Amu ketabawua nkata nang'asu nkiguana, naa keng'asunyie ltung'ana le Nkai. Naa amaa tanaa iyioo eng'asunyie, nyo naaku too lolo lemeyanyit Lomon Supati le Nkai? 18#Rach 11:31Naa,
<<Kore tanaa pecheu eeim aras e kumojik ltung'ani loosipat,
nyo naaku te ilo lemeurie Nkai, nera loo ng'ok?>>
19Naaku taa, enchoo lolo tung'ana ootum sina te yieuna e Nkai, epuo kue aas supati, nepik nkaik e Nkai nkichoni enche e taata o ne nkata nalotu, inia Ai naisiligai nera Nkai naitayia pooki toki.
Currently Selected:
1 Petero 4: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Petero 4
4
Nkichui ng'ejuk
1Kore naa amu ketumo Kristo sina te sesen lenye, entanapata sii ntae payie iimaa sina ana apa neikuna ninye. Amu kore ilo otumo sina te sesen lenye tankaraki Kristo, netumuta ajo meas ng'ok, 2payie eaku merekure aa ng'uarrat e ltung'ani naaitore, kake inia nayieu Nkai tee mperot naang'or e nkichon enye tana kop. 3Itara apa nkata naado iasias mbaa naayieu loreren lemeyielo Nkai neas. Kore apa inia kata, itowuana iasias mbaa e anyit, ning'uarrichocho, nimerara, nilubobo, nitumomo aamaticho, niasias ntabo aasai nkaitok e sapare. 4Kore naa amu merekure irukokinono inia oitiei apa e nchirkala tenebo o ninche, neing'asia ninche nedekicho. 5Kake keipari kenya ninche, tekue ilo oterretene payie eiguanare looichu o lootuata. 6Tankaraki ana payie etilikoyieki Lomon Supati aaliki sii lolo ootuata, paa kore abaki etudung'okaki apa nkiguana ewuon eichu ana nadung'okini ltung'ana neye, newueni eichu te nkiyeng'et ana naichu Nkai.
Entaa laing'urak supati le munyani e Nkai
7Ketaa keichunye ntokitin pooki, naaku embooi ate, niakuku ltung'ana oaaparicho aaitibiraki payie itumtum aatoomon. 8#Rach 10:12Kore nalang pooki, entachamata katukul, amu kejutoo ꞉nchaman ng'ok kumo. 9Entoomonoto miatata long'unyung'unyi. 10Meata ltung'ani leitu eicho Nkai nkichooroto payie etum ataasichere aisiaayie lkulikae ana laing'urani oisiligai le munyani e Nkai, inia natelie too nkoitieii kumo. 11Kore ilo olikoo rerei le Nkai, naa meata ajo melikoo ake inia najo ꞉Nkai. Kore ilo oisiaaicho naa meata ajo meeisiaaicho to ngolon naichoo ꞉Nkai, payie etumi aaichoo Nkai nkisisa to pooki toki aimu Yeso Kristo! Nenye nkisisa o nkitoo, ntarasi o ntarasi. Aamin.
Sina litumtum tankaraki nirara le Kristo
12Ltung'ana lainien lacham, emintoki aaing'asia tankaraki niimaritata kuna baa naagol naasaanieki ntae, eji atuwuana ntoki neitu aikata ening'i natumuto ntae. 13Kake kore iimaritata sinaitin ootuwuana le Kristo enting'idata, paa kore teneibalunyieki nkitoo enye nitumtum ng'ida kitok oleng. 14Imayianana ntae tenedeki ntae tankaraki nirara le Kristo, amu kore ilo Tau le Nkai, oata nkitoo naa ketii tenebo o ntae. 15Enchoo metaa meatae hoo lobo linchi oitami sina tankaraki nara ltung'ani oricho anaa lopurrucho anaa laasani loo ntorrok anaa ltung'ani odoki mbaa nemeata nejo. 16Kake teneatae lobo linchi oitamaki sina tankaraki nara le Kristo, mincho edol anyit, kake nchoo eisis Nkai tankaraki naipotieki inia arna. 17Amu ketabawua nkata nang'asu nkiguana, naa keng'asunyie ltung'ana le Nkai. Naa amaa tanaa iyioo eng'asunyie, nyo naaku too lolo lemeyanyit Lomon Supati le Nkai? 18#Rach 11:31Naa,
<<Kore tanaa pecheu eeim aras e kumojik ltung'ani loosipat,
nyo naaku te ilo lemeurie Nkai, nera loo ng'ok?>>
19Naaku taa, enchoo lolo tung'ana ootum sina te yieuna e Nkai, epuo kue aas supati, nepik nkaik e Nkai nkichoni enche e taata o ne nkata nalotu, inia Ai naisiligai nera Nkai naitayia pooki toki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy