1 Petero 2
2
1Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje. 2Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto, 3#SNk 34:8amu itoduaa aajo keisupat Nkai.
Soit oichu o ltung'ana oogeluno
4Naaku kore ipuonunu netii Kristo, ilo soit oichu oaatanya ꞉ltung'ana, kake netegeluaki nera le tipat too nkonyek e Nkai, 5nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo. 6#Isa 28:16Ana naigero too Lkigerot Sinyat ajo:
<<Enteyielo aajo, kaun soit oirichiu nkaji te Sion,
ogeluno naa le tipat.
Kore pooki ng'ae oiruk ninye,
nemenya aikata anyit.>>
7 #
SNk 118:22
Naaku itumtum kenya ntae ooiruk rrepeta, kake kore too lolo lemeiruk nchi ejo lkigerot,
<<Etaa ilo soit oaatanya ꞉lachetak
soit oirichiu nkaji
8 #
Isa 8:14,15 o soit orrorricho
o ndadapoi narrekicho.>>
Nerror ninche amu eitu eibung ilo rerei, ana nategelakaki apa ninche.
9 #
Nai 19:5,6; Isa 43:20,
Nai 19:5; Nkit 4:20, 7:6, 14:2; Tito 2:14,
Isa 43:21,
Isa 9:2
Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena. 10#Osea 2:23Kore apa naa mirara ltung'ana le Nkai, kake kore taata irara ltung'ana lenyena, neitu apa eing'urrieki ntae, kake eing'urrie taata ntae Nkai.
11Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya. 12Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.
Entodoi ate taabori larikok o nkitoria
13Kore tankaraki Laitoriani, entodoi ate taabori rikore pooki nategeluaki to nkop, pee era lkinkii oitore nkop, 14tanaa laitoriak kutuaa ooreu ꞉ninye metipika ng'udi lolo oaas ntorrok, neicho rrepeta lolo oaas sipat. 15Amu keyieu Nkai payie intigirgir ltung'ana oamada ooiro mbaa nemedede, iasias sipat. 16Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi. 17Eyanyita ltung'ana pooki. Entacham lalachera o nkanachera inchi naairuko Yeso, niurieii Nkai, ninchocho lkinkii nkanyit.
18Kore ntae laisiaayiak, entodoi ate katukul too lkutuaa linchi, namara ake too lolo supati anaa lolo ooduaya ntae, kake abaki to lolo lemeas sipat. 19Amu kechamaa Nkai teneng'iri ltung'ani sina lemechiaakino neitami, eyielo ajo keti Nkai tenebo o ninye. 20Kaa rrepet etum ltung'ani, ong'iri teneidong'i tankaraki nataasa ntorrok? Kake kore teneidong'i ntae iasitata sipat ning'iriri, naa kechamaa Nkai inia. 21Keipoto ntae Nkai payie ing'iriri kulo sinaitin, amu keimayie sii Kristo sina anang ntae, neitodol ntae ninkoko tininjipaa rriata lenye. 22#Isa 53:9Eitu eas ninye ng'oki, neitu eimu nkutuk enye sapare.
23 #
Isa 53:7
Kore payie edeki ninye, eitu echukoki ninche toki, neitu eing'ode aituria ninche payie eitami sina, kake etung'aka ilo odung'oki nkiguana ee sipat mbaa enyena. 24#Isa 53:5,6Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae. 25Amu ipuoitoto apa kitala ana nkerra, kake kore taata naa imbelekenyakinete Lchekut linchi, ilo Airritani oirrita ntae.
Currently Selected:
1 Petero 2: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Petero 2
2
1Naaku naa enturrai mbaa pooki torrok, nipalpal saparia pooki, nipalpal lom, nimintaakinono, niminyanya meteteel hoo ta mbae naje. 2Kore ana nayieu nkera kunini naatiwuaki kule, entaa loaata yieuna e rerei osipa le Nkai, paa kore imatmat nibululu payie ing'amaa inia jeunoto, 3#SNk 34:8amu itoduaa aajo keisupat Nkai.
Soit oichu o ltung'ana oogeluno
4Naaku kore ipuonunu netii Kristo, ilo soit oichu oaatanya ꞉ltung'ana, kake netegeluaki nera le tipat too nkonyek e Nkai, 5nirara sii ntae soito ooichu, nechetuni ntae payie iakuku nkaji e Nkai naitibira ꞉Ltau lenye. Nitumtum aataa lturrur laa laitainok sinyat la lasar, ooitai lasarri ooicharu ꞉Ltau Sinyati, oaang'amaroii ta Nkai tankaraki inia nataasa Yeso Kristo. 6#Isa 28:16Ana naigero too Lkigerot Sinyat ajo:
<<Enteyielo aajo, kaun soit oirichiu nkaji te Sion,
ogeluno naa le tipat.
Kore pooki ng'ae oiruk ninye,
nemenya aikata anyit.>>
7 #
SNk 118:22
Naaku itumtum kenya ntae ooiruk rrepeta, kake kore too lolo lemeiruk nchi ejo lkigerot,
<<Etaa ilo soit oaatanya ꞉lachetak
soit oirichiu nkaji
8 #
Isa 8:14,15 o soit orrorricho
o ndadapoi narrekicho.>>
Nerror ninche amu eitu eibung ilo rerei, ana nategelakaki apa ninche.
9 #
Nai 19:5,6; Isa 43:20,
Nai 19:5; Nkit 4:20, 7:6, 14:2; Tito 2:14,
Isa 43:21,
Isa 9:2
Kake kore ntae naa irara ltung'ana oogeluno, lturrur loo laitainok la lasar ooisiaaita Lkinkii, nirara lorere sinyati, ltung'ana le tipat le Nkai, ooipuotua ta naimin apik atua inia wong'an enye e nking'asia, payie itumtum aatilikoi rrepeta enyena. 10#Osea 2:23Kore apa naa mirara ltung'ana le Nkai, kake kore taata irara ltung'ana lenyena, neitu apa eing'urrieki ntae, kake eing'urrie taata ntae Nkai.
11Ltung'ana lainien lacham oaamanya ana kop eiching'a, nirara lapuayak, kaitarrap ntae payie iyanyany ng'uarrat ee seseni linchi naarere ltauja linchi neiminie ntae kenya. 12Entewueni to nkoitiei supat taatua lolo tung'ana lemeyielo Nkai, paa kore tenedek ntae aajo irara laitarruok, neisis kenya Nkai tankaraki nenia asat inchi supati, ta nkata e nkisabakinoto.
Entodoi ate taabori larikok o nkitoria
13Kore tankaraki Laitoriani, entodoi ate taabori rikore pooki nategeluaki to nkop, pee era lkinkii oitore nkop, 14tanaa laitoriak kutuaa ooreu ꞉ninye metipika ng'udi lolo oaas ntorrok, neicho rrepeta lolo oaas sipat. 15Amu keyieu Nkai payie intigirgir ltung'ana oamada ooiro mbaa nemedede, iasias sipat. 16Indimdim aataas inia eitu eisimakini ntae, kake emincho inia lakunoto inchi eaku nkoitiei niasiesie ntorrok, esiaayia Nkai ana Laitoriani linchi. 17Eyanyita ltung'ana pooki. Entacham lalachera o nkanachera inchi naairuko Yeso, niurieii Nkai, ninchocho lkinkii nkanyit.
18Kore ntae laisiaayiak, entodoi ate katukul too lkutuaa linchi, namara ake too lolo supati anaa lolo ooduaya ntae, kake abaki to lolo lemeas sipat. 19Amu kechamaa Nkai teneng'iri ltung'ani sina lemechiaakino neitami, eyielo ajo keti Nkai tenebo o ninye. 20Kaa rrepet etum ltung'ani, ong'iri teneidong'i tankaraki nataasa ntorrok? Kake kore teneidong'i ntae iasitata sipat ning'iriri, naa kechamaa Nkai inia. 21Keipoto ntae Nkai payie ing'iriri kulo sinaitin, amu keimayie sii Kristo sina anang ntae, neitodol ntae ninkoko tininjipaa rriata lenye. 22#Isa 53:9Eitu eas ninye ng'oki, neitu eimu nkutuk enye sapare.
23 #
Isa 53:7
Kore payie edeki ninye, eitu echukoki ninche toki, neitu eing'ode aituria ninche payie eitami sina, kake etung'aka ilo odung'oki nkiguana ee sipat mbaa enyena. 24#Isa 53:5,6Ketanapa ninye ng'ok ang te sesen lenye to lmusalaba payie meitoki aikata ng'oki aata nkitoria tee iyioo. Netanapa payie kiwueni taatua sotua oipida o Nkai. Naa kore taa lbaa ootumo ninye, /neichiunyieki ntae. 25Amu ipuoitoto apa kitala ana nkerra, kake kore taata naa imbelekenyakinete Lchekut linchi, ilo Airritani oirrita ntae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy