1 Yoana 5
5
Nkurukoto taatua Nkerai e Nkai
1Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye. 2Naa ana kiyielounyie aajo ikicham nkera e Nkai: tinikicham Nkai nikimbung nkitanapat enyena. 3#Yoa 14:15Amu tinikicham Nkai, naa ikimbung nenia kitanapat, nemeirochi ninche. 4Kore ntoki pooki naino ta Nkai naa kemir mbaa e nkop. Naa kore ntoki namir nkop, naa nkurukoto ang. 5Ng'ae dei ilo omir nkop, mara ake ilo oiruk ajo kera Yeso Nkerai e Nkai?
6Ninye ilo oyewuo ta nkare o to lodo, Yeso Kristo. Naa eitu elotu ta nkare apeny, kake ta nkare o to lodo. 7Naa Ltau Sinyati olimu sipat, amu kore ilo Ltau naa ndedei. 8Keatae lasipak okuni oolimu sipata aa Ltau o nkare o lodo, naa kening'o ninche pukura uni. 9Iking'amaa limunot ee ltung'ana, kake kore limunoto e Nkai naa ninye nkitok. Ketilimua Nkai sipata naipirita Nkerai enye, naa inia limunoto enye. 10Kore loiruk Nkerai e Nkai naa keata sipata naipirita inia limunoto ta ltau lenye. Naa kore ilo lemeiruk Nkai naa keitasapicho ninye, amu eitu eiruk inia sipata natilimua Nkai, naipirita Nkerai enye. 11#Yoa 3:36Naa ana inia sipata nchere keichoo iyioo Nkai nkichon nemeiting naa kore ana kichon naa atua Nkerai enye etii. 12Kore loata Nkerai neata nkichon, naa kore lemeata inia Kerai e Nkai nemeata inia kichon. 13Kaigeroka ntae kuna baa, ntae taa ooiruk nkarna e Nkerai e Nkai, payie iyielouu aajo iatata nkichon ee ntarasi.
Nkomono ana nayieu Nkai
14Naa ana nkiteunoto nikiata ta Nkai, nchere kore tinikiomonu ntoki te nkiririkinoto e yieunoto enye, naa kening iyioo. 15Naa kore tankaraki nikiyielo aajo kening iyioo to pooki nikiomonu, naaku ikiyielo aajo ikitumo te ninye nenia pooki nikitoomonutua. 16Tenedol ꞉ltung'ani lalache lenye eas ng'oki nemeorie ninye Nkai ntarasi, keyiere neomonoki, naa keicho ꞉Nkai lolo oas nenia ng'ok nkichon nemeiting. Keatae ng'oki naor ltung'ani o Nkai ntarasi, namajo metoomonokini inia. 17Kore mbae pooki torno naasi naa ng'oki, kake mara ng'oki pooki naorie ltung'ani Nkai.#5:17 Kore tinimpidaki rereii ooigero Yoana to lkereri le tomon o ile o tomon o sapa, naa nchi etiu: Kore tinidol lalache lino eas ng'oki namara no lkiye, keyiere neomonoki. Naa keicho ꞉Nkai lolo oas inia ng'oki namara no lkiye nkichon. Keatae ng'oki e lkiye, namajo metoomonokini inia. Kore bae pooki torno naa ng'oki, kake mara ng'oki pooki nara no lkiye.
Mbaa e siedi e ana palai
18Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye. 19Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno. 20Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi. 21Nakera ainien, errita ate taa nkaitok e sapare.
Currently Selected:
1 Yoana 5: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Yoana 5
5
Nkurukoto taatua Nkerai e Nkai
1Kore pooki oiruk ajo kore Yeso naa Kristo, ilo Aitejeunoni oaanyutae apa, naa inoti le Nkai. Naa kore ilo oacham Papa naa kecham sii inia Kerai enye. 2Naa ana kiyielounyie aajo ikicham nkera e Nkai: tinikicham Nkai nikimbung nkitanapat enyena. 3#Yoa 14:15Amu tinikicham Nkai, naa ikimbung nenia kitanapat, nemeirochi ninche. 4Kore ntoki pooki naino ta Nkai naa kemir mbaa e nkop. Naa kore ntoki namir nkop, naa nkurukoto ang. 5Ng'ae dei ilo omir nkop, mara ake ilo oiruk ajo kera Yeso Nkerai e Nkai?
6Ninye ilo oyewuo ta nkare o to lodo, Yeso Kristo. Naa eitu elotu ta nkare apeny, kake ta nkare o to lodo. 7Naa Ltau Sinyati olimu sipat, amu kore ilo Ltau naa ndedei. 8Keatae lasipak okuni oolimu sipata aa Ltau o nkare o lodo, naa kening'o ninche pukura uni. 9Iking'amaa limunot ee ltung'ana, kake kore limunoto e Nkai naa ninye nkitok. Ketilimua Nkai sipata naipirita Nkerai enye, naa inia limunoto enye. 10Kore loiruk Nkerai e Nkai naa keata sipata naipirita inia limunoto ta ltau lenye. Naa kore ilo lemeiruk Nkai naa keitasapicho ninye, amu eitu eiruk inia sipata natilimua Nkai, naipirita Nkerai enye. 11#Yoa 3:36Naa ana inia sipata nchere keichoo iyioo Nkai nkichon nemeiting naa kore ana kichon naa atua Nkerai enye etii. 12Kore loata Nkerai neata nkichon, naa kore lemeata inia Kerai e Nkai nemeata inia kichon. 13Kaigeroka ntae kuna baa, ntae taa ooiruk nkarna e Nkerai e Nkai, payie iyielouu aajo iatata nkichon ee ntarasi.
Nkomono ana nayieu Nkai
14Naa ana nkiteunoto nikiata ta Nkai, nchere kore tinikiomonu ntoki te nkiririkinoto e yieunoto enye, naa kening iyioo. 15Naa kore tankaraki nikiyielo aajo kening iyioo to pooki nikiomonu, naaku ikiyielo aajo ikitumo te ninye nenia pooki nikitoomonutua. 16Tenedol ꞉ltung'ani lalache lenye eas ng'oki nemeorie ninye Nkai ntarasi, keyiere neomonoki, naa keicho ꞉Nkai lolo oas nenia ng'ok nkichon nemeiting. Keatae ng'oki naor ltung'ani o Nkai ntarasi, namajo metoomonokini inia. 17Kore mbae pooki torno naasi naa ng'oki, kake mara ng'oki pooki naorie ltung'ani Nkai.#5:17 Kore tinimpidaki rereii ooigero Yoana to lkereri le tomon o ile o tomon o sapa, naa nchi etiu: Kore tinidol lalache lino eas ng'oki namara no lkiye, keyiere neomonoki. Naa keicho ꞉Nkai lolo oas inia ng'oki namara no lkiye nkichon. Keatae ng'oki e lkiye, namajo metoomonokini inia. Kore bae pooki torno naa ng'oki, kake mara ng'oki pooki nara no lkiye.
Mbaa e siedi e ana palai
18Ikiyielo aajo, kore pooki oino ta Nkai naa mechekino aas ng'oki, kake keirrita ꞉ilo inoti le Nkai metaa meiseyie ilo mang'antita ninye. 19Nikiyielo aajo ikira le Nkai, naa kore nkop pooki naa keti taabori nkitoria e ilo mang'antita torno. 20Nikintoki aayielo aajo keyewuo Nkerai e Nkai, neichoo iyioo ning'unoto payie kindim aateyielo ninye oara odede. Naa ikitii atua ilo odede, atua Nkerai enye Yeso Kristo. Ninye naa Nkai nadede nera nkichon ee ntarasi. 21Nakera ainien, errita ate taa nkaitok e sapare.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy