1 Yoana 3
3
Nkera e Nkai
1 #
Yoa 1:12
Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye. 2Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu. 3Naa kore pooki oata ilo siligi te ninye naa keitisiny koon ana payie era ninye sinyati.
4Kore pooki oas ng'ok naa lagilani loo nkitanapat, amu kore ng'ok naa ngilata ee nkitanapat e Nkai. 5#Yoa 1:29Naa iyielolo ntae aajo keibalunyieki apa Yeso payie eoru iyioo ng'ok ang, nemeata ꞉ninye ng'oki. 6Kore pooki owuon taatua ninye naa meche aas ng'oki, amu kore ilo pooki oche ake aas ng'oki, naa eitu edol neitu eyielou ninye.
7Nakera ainien, emincho ltung'ani eitopong'oo ntae! Kore loche aas nadede naa loosipat, ana payie era ninye loosipat. 8Kore pooki oche aas ng'ok naa le Chitani, amu kore Chitani naa keasita ng'ok apake pee eji ninye ilo. Kore payie /eibalunyieki Nkerai e Nkai naa payie eitarruoo siaai e Chitani. 9Meatae hoo loino ta Nkai oas ng'oki, amu keti lantararai le Nkai atua ninye, nemeas ninye ng'oki amu keino ninye ta Nkai. 10Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.
Entachamata
11 #
Yoa 13:34
Ele naa lkilikuai litining'o apake ta ng'asunoto, nchere payie kichama iyioo, 12#Ng'as 4:8nimikiaku ana Kain oara le Chitani near lalache lenye metua. Naa amaa, aanyo payie etara ninye metua? Tankaraki kore asat enyena naa keitorrok, kake kore asat e lalache lenye naa neesipat. 13Eming'asia lalachera lainien tanaa keiba ntae nkop. 14#Yoa 5:24Kore naa amu ikicham iyioo lalachera lang, naaku ikiyielo aajo ikitung'aitie iyioo lkiye nikijing atua nkichon. Amu kore ilo lemecham lalache lenye naa atua lkiye etii. 15Kore pooki oiba lalache lenye naa loar metua, naa iyielolo sii ntae aajo kore loar metua naa meti nkichui ee ntarasi atua ninye. 16Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.
17Amaa, tanaa keata ltung'ani ntokitin e ana kop naaichiwue, nemeing'urrie aicho lalache lenye oata sina, kaji eiko nchaman e Nkai tenetii atua ninye? 18Nakera ainien, mikiaku loaacham to nkutuk o te rerei ake, kake matacham taa asat o te ndedei! 19Kore tinikicham lkulie, nikiyielou aajo ikira le ndedei. Tana oitiei kincho ltauja lang metaa meata ngureticho tekue Nkai, 20nchere kore tenedung'oki iyioo ltauja lang nkiguana ta mbae ake naje, ikiyielo aajo keikitok Nkai alang ltauja lang neyielo sii ntokitin pooki. 21Lacham lainien, kore tanaa medung'oki iyioo ltauja lang nkiguana, naa ikiata nkiteunoto nikintacheyie tekue Nkai, 22nikitum pooki nikiomon Nkai amu ikimbung nkitanapat enyena nikias naiting'id ninye. 23#Yoa 13:34, 15:12,17Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo. 24Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.
Currently Selected:
1 Yoana 3: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
1 Yoana 3
3
Nkera e Nkai
1 #
Yoa 1:12
Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye. 2Lacham lainien, kore taata naa ikira nkera e Nkai, naa ewuon eitu eibalunyieki nikitiuu kenya. Ikiyielo aajo kore tenelioi Yeso, naa ikitiuu ana ninye amu ikidol ninye ana netiu. 3Naa kore pooki oata ilo siligi te ninye naa keitisiny koon ana payie era ninye sinyati.
4Kore pooki oas ng'ok naa lagilani loo nkitanapat, amu kore ng'ok naa ngilata ee nkitanapat e Nkai. 5#Yoa 1:29Naa iyielolo ntae aajo keibalunyieki apa Yeso payie eoru iyioo ng'ok ang, nemeata ꞉ninye ng'oki. 6Kore pooki owuon taatua ninye naa meche aas ng'oki, amu kore ilo pooki oche ake aas ng'oki, naa eitu edol neitu eyielou ninye.
7Nakera ainien, emincho ltung'ani eitopong'oo ntae! Kore loche aas nadede naa loosipat, ana payie era ninye loosipat. 8Kore pooki oche aas ng'ok naa le Chitani, amu kore Chitani naa keasita ng'ok apake pee eji ninye ilo. Kore payie /eibalunyieki Nkerai e Nkai naa payie eitarruoo siaai e Chitani. 9Meatae hoo loino ta Nkai oas ng'oki, amu keti lantararai le Nkai atua ninye, nemeas ninye ng'oki amu keino ninye ta Nkai. 10Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.
Entachamata
11 #
Yoa 13:34
Ele naa lkilikuai litining'o apake ta ng'asunoto, nchere payie kichama iyioo, 12#Ng'as 4:8nimikiaku ana Kain oara le Chitani near lalache lenye metua. Naa amaa, aanyo payie etara ninye metua? Tankaraki kore asat enyena naa keitorrok, kake kore asat e lalache lenye naa neesipat. 13Eming'asia lalachera lainien tanaa keiba ntae nkop. 14#Yoa 5:24Kore naa amu ikicham iyioo lalachera lang, naaku ikiyielo aajo ikitung'aitie iyioo lkiye nikijing atua nkichon. Amu kore ilo lemecham lalache lenye naa atua lkiye etii. 15Kore pooki oiba lalache lenye naa loar metua, naa iyielolo sii ntae aajo kore loar metua naa meti nkichui ee ntarasi atua ninye. 16Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.
17Amaa, tanaa keata ltung'ani ntokitin e ana kop naaichiwue, nemeing'urrie aicho lalache lenye oata sina, kaji eiko nchaman e Nkai tenetii atua ninye? 18Nakera ainien, mikiaku loaacham to nkutuk o te rerei ake, kake matacham taa asat o te ndedei! 19Kore tinikicham lkulie, nikiyielou aajo ikira le ndedei. Tana oitiei kincho ltauja lang metaa meata ngureticho tekue Nkai, 20nchere kore tenedung'oki iyioo ltauja lang nkiguana ta mbae ake naje, ikiyielo aajo keikitok Nkai alang ltauja lang neyielo sii ntokitin pooki. 21Lacham lainien, kore tanaa medung'oki iyioo ltauja lang nkiguana, naa ikiata nkiteunoto nikintacheyie tekue Nkai, 22nikitum pooki nikiomon Nkai amu ikimbung nkitanapat enyena nikias naiting'id ninye. 23#Yoa 13:34, 15:12,17Naa ana nkitanapata enye, nchere payie kiruk nkarna e Nkerai enye Yeso Kristo nikichama likae o likae ana naitanapa ninye iyioo. 24Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy