Rooma 4
4
Biraayim gaarenta ɗayaŋ unti Mellayi ma amanno
1Iccine ƴa masal ma gaartee kaakatine kee Biraayim. Ay ini me maa ga gasseero mileŋ ga ay gimu? 2Gata, ga Mella gaariya ɗayaŋ unti. Mella pa gaariya ɗa ɗayaŋ unti ma gaartee maa ga leelo. Gaa Mella garawɗiya ɗayaŋ unti ma gaartee maa ga leelo, ga gederra ga koolipiɗo. A unti Mellayi soopa, ga gederra ɗa ga koolipiɗo. 3A gita pa Kitamniti Mellayi beneyye gee: «Biraayim duwca galbanti oko Mellayi, ay ɗakko appe ga Mella leeɗiki gimu ka ɗayaŋ unti#4.3 Elloŋ Diilo ta Lawwi Paracco 15.6..» 4Gimu ma lubbeero, gasakka haggane ta lubbiti maa ga leelo. Maa ga gasakka kaaka pa ay malan̰ ɗa, innasoopa ga ay tirta ki biriyyeega asan ga ay kanti. 5Gaa gimu dowwica ɗa galbanti oko gaartee maa ga leewa ku maa ga deeɗo ɗayaŋ unti Mellayi, gaa soo dowɗica galbanti oko Mellayi, gata ma garay ɗayaŋ unti giimi ma bakammikiki ɗa kanti, ga lewki ɗayaŋ unti saanane ka amanniti taata. 6Ay goŋŋakite pe ga sultan Dawud beneyɗiy gaarti barkanti gimu maa ga Mella garaa ɗayaŋ unti bala ello ta gaartee maa ga leelo gaa:
7«Baarikenta ay giimi maa ga Mella saamiyyoogu gaarco ku miɗɗa
o ga sawwiyoogu maaƴi zunubgeeco.
8Baarikenta ay gimu maa ga Miltine bakammeegu ɗa zunubgeetee.»
9Beneyyi kee ka baarikiti keeke pa ay oko Yawudigeyyo ka soo, guta ma taharre e? E ga oko giimi kulla ma ay Yawudigee ɗa, guta ma taharrenta ɗa? A gata pa ke beneyya kee: «Biraayim duwca galbanti oko Mellayi, ay ɗakko appe ga Mella leeɗiki ɗayaŋ unti.» 10Ay wikinne ŋawwa ga keeke deeɗe? Ay maa ga taharɗe appe e, e ga maa ga alɗe taharra ɗa missa? Ay wikinne maa ga alɗe taharra ɗa missa. 11A gata pa omma gu taharriyee ga Biraayim gaarenta paaɗe ɗayaŋ asan ga duwca galbanti oko Mellayi. Ay sulay ka pe gu taharriyee. Taharro pa ay latta ma ay aleŋ tampo ma garaa kadar ga Mella leeki Biraayim ɗayaŋ unti oko amanniti. Ay ma goŋŋakite pe ga Biraayim deeɗe tacco giimi paracco ma dowwiy galbigeeco oko Mellayi, ya ma taharre ɗa gu dowɗiy. Paracco ga Mella leekoo ɗayaŋ unti ma amannico. 12Biraayim pa deero kulla tacco giimi ma taharre. Gata ay tacco ɗa oko kotti ka ma taharra, innasoopa ga ay tacco oko ma jobokkiya kulla butultí amanniti. Tattine kee Biraayim pa, dowwica galbanti oko Mellayi omma min maa ga alɗe taharra ɗa.
13Mella pa beneyyiyee oko gata o oko giimi ku balti gaa gi dunuune parattí akka dee tanco. Ay ma saanane ka jobbico hukumnigeyyo ɗa ga Mella beneyyiyyeega keeke oko Biraayim, innasoo ga ay asan ga Mella leeki ɗayaŋ unti saanantí amanniti. 14A gata soo, gaa ay ma jobbico hukumnigeyyo gu giimi gasakka maa ga Mella beneyye gaa ga beraa, gi amanno pa gaaye ɗa maatiki o ga maa ga Mella beneyye gaa ga beraa lekekka ɗa balti. 15Hukumnigee pa guta asawki bogorti Mellayi oko giimo. Were soopa maa gu alɗo lekka ɗa, ga lekka ɗa kulla ta kaw ma beneyya ma kee ka kaawico. 16Ay ma goŋŋakite appe gi alɗo ma amanno ke gasaɗɗiya maa ga Mella beneyye gaa ga beraa. Gita pa ay maa gi deeɗo biraw tee ta gidaanuwti Mellayi. Ma goŋŋakite pa, ga beneyti Mellayi maa ga beneyɗe ma ka biraawi ay ma tirta ga ay oko giimi paracco ma okomma min balti Biraayim. Giimi ku balti Biraayim pa, ay giimi ɗa ma gassiy hukumnigeetee Mellayi ka, innasoo, gu ay giimi kulla ma dowwiy galbigeeco oko Mellayi aleŋ tanti maa ga dowɗica. Gata pa ay tattine parattine. 17Aleŋ maa gi Kitamniti Mellayi beneyye maa gee: «Na leyyum kiita tacco oko ballee maani ta kaw#4.17 Elloŋ Diilo ta Lawwi Paracco 17.5..» Biraayim pa ay tattine unti Mella maa ga duwca galbanti oko gata. Mella pa beraayooca hayaatane oko giimi ku mattenta, o ma beneyti ga kelgeyyay lawwi ma aaye ɗa missa gu deeɗo.
18A gata pa, Mella beneyyiyee oko Biraayim gaa: «Giimi ma akka ooma min balcum akka dee maani ta kaw#4.18 Elloŋ Diilo ta Lawwi Paracco 15.5..» A innasoo gi ucawti beneyti Mellayi keeke, deyyee oko Biraayim aleŋ kuu ga asaa ɗa butulti. Gaa ma kaaka aɗe soopa, ga nowoɗɗe ga ocoɗɗo. Gata amanne oko beneyti Mellayi. Ay ma goŋŋakite pe ga deeɗe tacco oko ballee maani ta kaw. 19Biraayim leelo kabarre kadar ga deero paaɗe gimu tatta, gudirane ga lekka ɗa payya maa ga gassiɗo miica asan gu ƴilaakeetee deero katta miyati. A daati Sarra kulla ay doola, aattí oole paaɗe. Ma kaaka aɗe soopa gi amanniti oko Mellayi koyee ɗa ya paalta. 20Gata pa lekka ɗa ya bammiti seera seera ya kaƴi galbanti, oko beneyti Mellayi maa ga beneyyiyee gaa ga leewa. Innasoo gi amanniti deero ta ƴiila talta, gaa logiyya Mella. 21Biraayim pa lekka ta tirta teete kabarre kadar ga Mella gederra ga leeɗiya maa ga beneyye gaa ga leewaa. 22Ay ma amanniti teete appe ga Mella leeɗiki gimu ɗayaŋ.
23A gata pa, beneyyi keeke maa gaa: «Mella leeɗiki gimu ɗayaŋ» kitipiyenta ɗa oko Biraayim kayti ka. 24A innasoo ga ay oko kee kulla. Saanantí amannitine pa, ga Mella leekinee ɗayaŋ unti. Ay tirta saa pe ke duwiy galbigeetine oko gata ma naɗiya Miltine kee Iisa min aacco giimi ku mattenta. 25Iisa pa ga Mella birya picco giimo ku maa gu deeɗiya saananco nigaakitine, o ga naɗiya min muuti ku maa ga ma gata, ke deeɗo gaarenta ɗayaŋ unti Mellayi.
Currently Selected:
Rooma 4: mmy
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Rooma 4
4
Biraayim gaarenta ɗayaŋ unti Mellayi ma amanno
1Iccine ƴa masal ma gaartee kaakatine kee Biraayim. Ay ini me maa ga gasseero mileŋ ga ay gimu? 2Gata, ga Mella gaariya ɗayaŋ unti. Mella pa gaariya ɗa ɗayaŋ unti ma gaartee maa ga leelo. Gaa Mella garawɗiya ɗayaŋ unti ma gaartee maa ga leelo, ga gederra ga koolipiɗo. A unti Mellayi soopa, ga gederra ɗa ga koolipiɗo. 3A gita pa Kitamniti Mellayi beneyye gee: «Biraayim duwca galbanti oko Mellayi, ay ɗakko appe ga Mella leeɗiki gimu ka ɗayaŋ unti#4.3 Elloŋ Diilo ta Lawwi Paracco 15.6..» 4Gimu ma lubbeero, gasakka haggane ta lubbiti maa ga leelo. Maa ga gasakka kaaka pa ay malan̰ ɗa, innasoopa ga ay tirta ki biriyyeega asan ga ay kanti. 5Gaa gimu dowwica ɗa galbanti oko gaartee maa ga leewa ku maa ga deeɗo ɗayaŋ unti Mellayi, gaa soo dowɗica galbanti oko Mellayi, gata ma garay ɗayaŋ unti giimi ma bakammikiki ɗa kanti, ga lewki ɗayaŋ unti saanane ka amanniti taata. 6Ay goŋŋakite pe ga sultan Dawud beneyɗiy gaarti barkanti gimu maa ga Mella garaa ɗayaŋ unti bala ello ta gaartee maa ga leelo gaa:
7«Baarikenta ay giimi maa ga Mella saamiyyoogu gaarco ku miɗɗa
o ga sawwiyoogu maaƴi zunubgeeco.
8Baarikenta ay gimu maa ga Miltine bakammeegu ɗa zunubgeetee.»
9Beneyyi kee ka baarikiti keeke pa ay oko Yawudigeyyo ka soo, guta ma taharre e? E ga oko giimi kulla ma ay Yawudigee ɗa, guta ma taharrenta ɗa? A gata pa ke beneyya kee: «Biraayim duwca galbanti oko Mellayi, ay ɗakko appe ga Mella leeɗiki ɗayaŋ unti.» 10Ay wikinne ŋawwa ga keeke deeɗe? Ay maa ga taharɗe appe e, e ga maa ga alɗe taharra ɗa missa? Ay wikinne maa ga alɗe taharra ɗa missa. 11A gata pa omma gu taharriyee ga Biraayim gaarenta paaɗe ɗayaŋ asan ga duwca galbanti oko Mellayi. Ay sulay ka pe gu taharriyee. Taharro pa ay latta ma ay aleŋ tampo ma garaa kadar ga Mella leeki Biraayim ɗayaŋ unti oko amanniti. Ay ma goŋŋakite pe ga Biraayim deeɗe tacco giimi paracco ma dowwiy galbigeeco oko Mellayi, ya ma taharre ɗa gu dowɗiy. Paracco ga Mella leekoo ɗayaŋ unti ma amannico. 12Biraayim pa deero kulla tacco giimi ma taharre. Gata ay tacco ɗa oko kotti ka ma taharra, innasoopa ga ay tacco oko ma jobokkiya kulla butultí amanniti. Tattine kee Biraayim pa, dowwica galbanti oko Mellayi omma min maa ga alɗe taharra ɗa.
13Mella pa beneyyiyee oko gata o oko giimi ku balti gaa gi dunuune parattí akka dee tanco. Ay ma saanane ka jobbico hukumnigeyyo ɗa ga Mella beneyyiyyeega keeke oko Biraayim, innasoo ga ay asan ga Mella leeki ɗayaŋ unti saanantí amanniti. 14A gata soo, gaa ay ma jobbico hukumnigeyyo gu giimi gasakka maa ga Mella beneyye gaa ga beraa, gi amanno pa gaaye ɗa maatiki o ga maa ga Mella beneyye gaa ga beraa lekekka ɗa balti. 15Hukumnigee pa guta asawki bogorti Mellayi oko giimo. Were soopa maa gu alɗo lekka ɗa, ga lekka ɗa kulla ta kaw ma beneyya ma kee ka kaawico. 16Ay ma goŋŋakite appe gi alɗo ma amanno ke gasaɗɗiya maa ga Mella beneyye gaa ga beraa. Gita pa ay maa gi deeɗo biraw tee ta gidaanuwti Mellayi. Ma goŋŋakite pa, ga beneyti Mellayi maa ga beneyɗe ma ka biraawi ay ma tirta ga ay oko giimi paracco ma okomma min balti Biraayim. Giimi ku balti Biraayim pa, ay giimi ɗa ma gassiy hukumnigeetee Mellayi ka, innasoo, gu ay giimi kulla ma dowwiy galbigeeco oko Mellayi aleŋ tanti maa ga dowɗica. Gata pa ay tattine parattine. 17Aleŋ maa gi Kitamniti Mellayi beneyye maa gee: «Na leyyum kiita tacco oko ballee maani ta kaw#4.17 Elloŋ Diilo ta Lawwi Paracco 17.5..» Biraayim pa ay tattine unti Mella maa ga duwca galbanti oko gata. Mella pa beraayooca hayaatane oko giimi ku mattenta, o ma beneyti ga kelgeyyay lawwi ma aaye ɗa missa gu deeɗo.
18A gata pa, Mella beneyyiyee oko Biraayim gaa: «Giimi ma akka ooma min balcum akka dee maani ta kaw#4.18 Elloŋ Diilo ta Lawwi Paracco 15.5..» A innasoo gi ucawti beneyti Mellayi keeke, deyyee oko Biraayim aleŋ kuu ga asaa ɗa butulti. Gaa ma kaaka aɗe soopa, ga nowoɗɗe ga ocoɗɗo. Gata amanne oko beneyti Mellayi. Ay ma goŋŋakite pe ga deeɗe tacco oko ballee maani ta kaw. 19Biraayim leelo kabarre kadar ga deero paaɗe gimu tatta, gudirane ga lekka ɗa payya maa ga gassiɗo miica asan gu ƴilaakeetee deero katta miyati. A daati Sarra kulla ay doola, aattí oole paaɗe. Ma kaaka aɗe soopa gi amanniti oko Mellayi koyee ɗa ya paalta. 20Gata pa lekka ɗa ya bammiti seera seera ya kaƴi galbanti, oko beneyti Mellayi maa ga beneyyiyee gaa ga leewa. Innasoo gi amanniti deero ta ƴiila talta, gaa logiyya Mella. 21Biraayim pa lekka ta tirta teete kabarre kadar ga Mella gederra ga leeɗiya maa ga beneyye gaa ga leewaa. 22Ay ma amanniti teete appe ga Mella leeɗiki gimu ɗayaŋ.
23A gata pa, beneyyi keeke maa gaa: «Mella leeɗiki gimu ɗayaŋ» kitipiyenta ɗa oko Biraayim kayti ka. 24A innasoo ga ay oko kee kulla. Saanantí amannitine pa, ga Mella leekinee ɗayaŋ unti. Ay tirta saa pe ke duwiy galbigeetine oko gata ma naɗiya Miltine kee Iisa min aacco giimi ku mattenta. 25Iisa pa ga Mella birya picco giimo ku maa gu deeɗiya saananco nigaakitine, o ga naɗiya min muuti ku maa ga ma gata, ke deeɗo gaarenta ɗayaŋ unti Mellayi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.