ሕዝቅኤል 45
45
ርስቲ እግዚኣብሄር
1እምበኣርከስ ነታ ምድሪ ርስቲ ኽትኮነኩም፥ ብዕፃ ኽትማቐልዋ እንተለኹም፥ ካብታ ምድሪ እተቐደሰ ኽፍሊ፥ ንእግዚኣብሄር መባእ ክተቕርቡ ኢኹም፤ ምንዋሓ ዕስራን ሓሙሽተን ሽሕ እመት፥ ወርዳ ኸዓ ዓሰርተ ሽሕ እመት ክኸውን፥ ኣብ ዙርያኣ ብዅሉ ወሰናውን ቅድስቲ ኽትከውን እያ። 2ካብዙይ ድማ ኣርባዕተ መኣዝና ማዕረ ማዕረ ዝኾነ፥ ሓሙሽተ ሚእቲ ዝምንዋሓ፥ ሓሙሽተ ሚእቲ ዝወርዳ፥ ንመቕደስ ክኸውን እዩ፤ ሓምሳ እመትውን ኣብ ዙርያኣ፥ ጥራሑ ኻብ ዝነብር ቦታ ኽውሰኻ እዩ። 3ካብዝ ልኩዕ ዕስራን ሓሙሽተን ሽሕ ዝምንዋሓ፥ ዓሰርተ ሽሕ እመት ዝወርዳ ኣምት፤ ኣብኣ እታ መቕደስ ቅድስተ ቅዱሳን ትኹን። 4እዛ ቕድስቲ ግደ እታ ምድሪ፥ ነቶም ኣገልገልቲ መቕደስ ኮይኖም፥ ንእግዚኣብሄር ከገልግሉ ዝቐርቡ ኻህናት ክትከውን እያ፤ ነባይቶም ስፍራ፥ ንመቕደስውን ቅዱስ ቦታ ኽትከውን እያ። 5ዕስራን ሓሙሽተን ሽሕ ዝምንዋሓ፥ ዓሰርተ ሽሕ ዝወርዳ፥ ነቶም ኣብታ ቤት ዘገልግሉ ሌዋውያን ዕስራ ኽፍሊ ቤት፥ ንርስቶም ክትከውን እያ።
6ንርስቲ እታ ኸተማ ኸዓ ኣብ ኣንፃር እታ ዝወፈኹምዋ መባእ፥ እታ ቅድስቲ ኽፍሊ፥ ሓሙሽተ ሽሕ ዝወርዳ፥ ዕስራን ሓሙሽተን ሽሕ ዝምንዋሓ መድቡ፤ እዚኣ ንብዘሎ ቤት እስራኤል ትኹን።
ርስቲ ሓለቓ
7ነቲ ሓለቓ ድማ፥ በዙይን በቱይን እታ ቅዱስ መባእ ኮይና እተወፈየት ምድርን፥ ርስቲ እታ ኸተማን፥ ኣብ መንፅር እታ እተቐደሰት መባእን፥ ኣብ መንፅር ርስቲ እታ ኸተማን፥ ምዕራባ ናብ ወገን ምዕራብ፥ ምብራቓ ድማ ናብ ወገን ምብራቕ ክኸውን እዩ፤ ምንዋሓ ኸዓ ኻብ ወሰን ምዕራብ ሒዙ፥ ክሳዕ ወሰን ምብራቕ ክንዲ ሓደ ኽፍሊ ክኸውን እዩ። 8እቶም ኣሕሉቕ ከዓ፥ እታ ምድሪ ንቤት እስራኤል ከከም ነገዶም ክህብዎም እዮም እምበር፥ ድሕሪዙይ ንህዝበይ ኣይገፍዕዎምን፤ እዚኣስ ምድሩ፥ ኣብ እስራኤል ድማ ርስቱ ኽትከውን እያ።
ንኣሕሉቕ ዝተውሃበ ሕግታት
9እግዚኣብሄር ኣምላኽ ከምዙይ ይብል ኣሎ፦ “ኣቱም ኣሕሉቕ እስራኤል፥ ደጊም ይእኸልኩም፤ ዓመፃን ብዝበዛን ሕደጉ፤ ቅንዕናን ፅድቅን ግበሩ፤ ግፍዕኹም ካብ ህዝበይ ኣርሕቑ” ይብል እግዚኣብሄር ኣምላኽ።
10“ሓቀኛ ሚዛን፥ ሓቀኛ ኢፍ፥ #45፡10 ሓደ መስፈሪ ኢፍ፦ “40 ኪሎ” ኣቢሉ ይኸውን። ሓቀኛ ናይ ባዶስ #45፡10 ሓደ መስፈሪ ባዶስ፦ “40 ኪሎ” ኣቢሉ ይኸውን። መስፈሪ ይሃሉኹም።
11“ናይ ኢፍን ናይ ባዶስን ልክዑ ማዕረ ይኹን፤ እቲ ናይ ባዶስ መስፈሪ ዓስራይ ኣፍ ቆሮስ፥ #45፡11 ሓደ መስፈሪ ቆሮስ፦ “400 ኪሎ” ኣቢሉ ይኸውን። እቲ ኢፍ ከዓ ዓስራይ ኣፍ ቆሮስ ይኹን፤ እቲ ቆሮስውን እተለክዐ ይኹን።
12“ሓደ ሰቕሊ #45፡12 ሓደ ሰቕሊ፦ “12 ግራም” ኣቢሉ ይኸውን። ዕስራ ጌራ #45፡12 ሓደ ጌራ፦ “0.6 ግራም” ኣቢሉ ይኸውን። ዝሕዝ ይኹን፤ እቲ ምናን #45፡12 ሓደ ምናን፦ “700 ግራም” ኣቢሉ ይኸውን። ከዓ፥ ዕስራ ሰቕሊ ዕስራን ሓሙሽተን ሰቕሊ ዓሰርተ ሓሙሽተ ሰቕሊ፥ ምናን ይኹነልኩም።
13“እቲ ንስኻትኩም እተቕርብዎ መባእ እዙይ እዩ፤ ካብ ሓደ መስፈሪ ቆሮስ ስርናይ ሻድሻይ ኣፍ ናይ ኢፍ፥ ካብ ሓደ ቆሮስ መስፈሪ ስገም ድማ፥ ሻድሻይ ኣፍ ናይ ኢፍ ወፍዩ።
14“ናይ ዘይቲ ሕጊ፥ ናይቲ ባዶስ ዘይቲ ኸዓ እዙይ እዩ፤ ዓሰርተ ባዶስ፥ ሓደ ቆሮስ እዩ እሞ፥ ካብ ሓደ ቆሮስ ዓስራይ ኣፍ ባዶስ ይወፈ፤ እቲ ቆሮስ ድማ፥ ዓሰርተ ባዶስ ዝሕዝ ቆሮስ እዩ።
15“ንኣኣቶም ዝኸውን መቤዘዊ ንምግባር፥ ንመስዋእቲ ብልዕን ንዝቃፀል መስዋእትን፥ ንመስዋእቲ ምስጋናን፥ ካብቲ ማይ ዘለዎ መውፈሪ እስራኤል፥ ካብ መጓሰ ኻብ ክልተ ሚእቲ፥ ሓንቲ በጊዕ ክትውፈ እያ፤ ይብል እግዚኣብሄር ኣምላኽ።
16“ብዅሎም ህዝቢ እታ ምድሪ፥ ነዝ መባእ እዙይ፥ ነቲ ሓለቓ እስራኤል ክህብዎ ይግብኦም እዩ። 17ሓላፍነት እቲ ሓለቓ፥ ብበዓላትን ብሰርቂ ወርሕን ብሰናብትን፥ ብዅሉ በዓላት ዓመት ቤት እስራኤልን፥ ዝቃፀል መስዋእትን፥ መስዋእቲ ብልዕን፥ መስዋእቲ መስተን ክውፊ እዩ። ንሱ ንቤት እስራኤል መቤዘዊ ምእንቲ ኽገብረሎም፥ መስዋእቲ ሓጢኣትን፥ መስዋእቲ ብልዕን፥ ዝቃፀል መስዋእትን፥ መስዋእቲ ምስጋናን ከቕርብ እዩ።”
በዓላት
18እግዚኣብሄር ኣምላኽ ከምዙይ ይብል ኣሎ፦ “በታ ቐዳመይቲ መዓልቲ፥ ካብታ ወርሒውን በታ ቐዳመይቲ መዓልቲ፥ ንስኻ ጐደሎ ዘይብሉ ዝራብዕ ክትወስድ ኢኻ እሞ፥ ነታ መቕደስ ክተንፅሃ ኢኻ። 19እቲ ኻህን ድማ፥ ካብ ደም እቲ መስዋእቲ ሓጢኣት ክወስድ፥ ኣብ ልዳት እታ ቤትን፥ ኣብ ኣርባዕቲኡ መኣዝን ሕዳጋት መሰውእን፥ ኣብ ልዳት ደገ እታ ውሽጣዊት ዓፀድን ክነፅግ እዩ። 20ብሻውዐይቲ መዓልቲ እታ ወርሒ ድማ፥ ስለ እቲ ዝበደለን፥ ስለ እቲ ብገርሁ ዝሰሓተን፥ ከምኡ ኽትገብር ኢኻ፤ ነታ ቤትውን ከምኡ ኽትቢዘውዋ ኢኹም።
21“በታ መጀመርታ ወርሒ ኻብታ ወርሒ፥ ከዓ ኣብ መበል ዓሰርተ ኣርባዕተ መዓልቲ፥ ፋሲካ ሸውዓተ መዓልቲ በዓል ይኹነልኩም፤ ቅጫውን ክትበልዑ ኢኹም። 22በታ መዓልቲ እቲኣ እቲ ሓለቓ፥ ብናይ ርእሱን ብናይ ኵሉ ህዝቢ እታ ምድርን፥ ሓደ ዝራብዕ ንመስዋእቲ ሓጢኣት ከቕርብ እዩ። 23በዘን ሸውዓተ መዓልቲ በዓል ድማ፥ ጕድለት ዘይብሎም ሸውዓተ ዝራብዓትን ሸውዓተ ማጓሉን፥ ኣብ ፀፅባሕ እዘን ሸውዓተ መዓልቲ፥ ንእግዚኣብሄር ዝቃፀል መስዋእቲ፥ ኣብ ፀፅባሕ ከዓ ንመስዋእቲ ሓጢኣት ሓደ ዲበላ ኸቕርብ እዩ። 24ንሱ ድማ መስዋእቲ ብልዒ፥ ንነፍሲ ወከፍ ዝራብዕ ሓደ ኢፍ፥ ንነፍሲ ወከፍ ማጕላ ከዓ ሓደ ኢፍ፥ ንነፍሲ ወከፍ ኢፍውን ሓደ ኢን ዘይቲ ኸቕርብ እዩ።
25“ኣብታ ሻውዐይቲ ወርሒ፥ ካብታ ወርሒውን ኣብ መበል ዓሰርተ ሓሙሽተ መዓልቲ፥ በዝ በዓል እዙይ ሸውዓተ መዓልቲ ኸምቲ መስዋእቲ ሓጢኣት፥ ናይ ሓጢኣት መስዋእቲ፥ ዝቃፀል መስዋእቲ፥ ናይ እኽሊ ቝርባን ምስ ዘይቲ ኸምኡ የቕርብ።”
Currently Selected:
ሕዝቅኤል 45: ትመ15
Highlight
Share
Copy
Want to have your highlights saved across all your devices? Sign up or sign in
