Lev 13
13
1Nyakubaho akagambira Musa na Arooni ati: 2Omuntu ku arigira aha mubiri gwe ekizimba nari ekironda nainga ekiseera, kyarugwamu endwara y'ebibembe aha mubiri gwe, obwo areetwe ahari Arooni omuhongyerezi, nari ahari omwe omu batabani be abahongyerezi. 3Mpaho omuhongyerezi ashwijume omubiri gwe, ah'endwara eri. Reero obwoya bw'abarwaire ku buraabe buhindukire bukeera, kandi egyo ndwara eyogire omu kikoba ky'omubiri gwe, biri n'endwara y'ebibembe. Omuhongyerezi ku araaheze kumushwijuma, amurangye ku asiisikaire. 4Kwonka eibara ry'aha mubiri gwe ku ririba niryera, kandi ritoogire omu kikoba ky'omubiri, n'obwoya bwaho butahindukire bukeera, omuhongyerezi arindire hangahari ogwo muntu orwaire okumara ebiro mushanju. 5Kandi omuhongyerezi amushwijume aha kiro kya mushanju. Haza omu kureeba kwe, ku araashangye endwara eri nk'oku ebaire eri, kandi etatantamukire, ayongyere kumurindira hangahari wenka ebindi biro mushanju. 6Reero aha kiro kya mushanju agarukye amushwijume. Ku araashangye egyo ndwara neegyenda neehwerera, kandi etatantamukire, amurangye ku ari oshemeire. Biri n'ekiseera kusha. Ogwo muntu ayozye ebijwaro bye, abe oshemeire.
7Kwonka ekiseera ku kiraabugye omubiri yaaherize kweyoreka omuhongyerezi ahabw'okwezibwa, agarukye amweyorekye. 8Ogwo muhongyerezi amushwijume. Haza ekyo kiseera ku kiraabe kitantamukire, amurangye ku ari otashemeire. Biri n'ebibembe.
Omubembe osiisikaire n'otasiisikaire
9Omuntu ku arirwara ebibembe, bamutwarire omuhongyerezi. 10Omuhongyerezi amushwijume. Aha mubiri gwe ku hariba hariho ekizimba kirikwera, haza kihindwire obwoya bwaho bukeera, kandi kicwekire ekironda ahonaaho, 11biri aine ebibembe by'enziizi aha mubiri gwe. Omuhongyerezi omurangye ku atashemeire. Atamuta omu ngoonyo, ahabw'okuba asiisikaire.
12Kwonka ebibembe ku biraasheeshe aha mubiri gw'ogwo muntu orwaire byagushweka, okwiha aha mutwe okuta aha bigyere, nk'oku omuhongyerezi araareebe, 13obwo omuhongyerezi amushwijume. Ebibembe ku biraabe bishwekire omubiri gwe gwona, amurangye ku akizire egyo ndwara, ahabw'okuba byona bihindukire ebirikwera. N'ahabw'ekyo abikiruukire. 14Kwonka ku arireebwaho ekironda, biri asiisikaire. 15Omuhongyerezi ashwijume ekyo kironda, amurangye ku asiisikaire. Ekironda kisiisikaire biri n'ebibembe. 16Kandi ku kirihinduka kyayera, obwo aije aha muhongyerezi, 17amushwijume. Egyo ndwara ku eraabe ehindukire ekeera, omuhongyerezi arangye ogwo muntu orwaire ku atasiisikaire. Biri tasiisikaire.
Ebihuute n'ebitumbe
18Reero aha ruhu rw'omubiri gw'omuntu ku harizaho ekihuute, bwanyima kyakira, 19haza omu nkojo yaakyo haazamu ekizimba kirikwera, nari eibara ririkutukura, bakyorekye omuhongyerezi, 20akishwijume. Ku araashangye kyogire omu ruhu, n'obwoya bwakyo buhindukire bukeera, amurangye ku asiisikaire; biri n'endwara y'ebibembe ebarukiire omu kihuute. 21Kwonka omuhongyerezi ku araakishwijume, haza obwoya bwaho yaashanga butarikwera, kandi kitoogire mu ruhu, kureka nikyereruka, obwo amute omu ngoonyo okumara ebiro mushanju. 22Kandi ku kiraabugye oruhu rw'omubiri gwe, omuhongyerezi amurangye ku asiisikaire, biri arwaire. 23Kwonka eibara ku ririguma ahi riri, ritaatantamuka, biri n'enkojo y'ekihuute; omuhongyerezi amurangye ku atasiisikaire.
24Nari omubiri ku gurigiibwaho ekitumbe, ekironda kyakyo kyahinduka eibara ririkutukuratukura nainga ririkwera, 25omuhongyerezi arishwijume. Obwoya bw'ahari eryo ibara ku buriba buhindukire bukeera, kandi riri nk'eryogire omu ruhu; biri n'ebibembe ebibarukiire omu kitumbe. Omuhongyerezi amurangye ku asiisikaire; n'endwara y'ebibembe. 26Kwonka ku araashwijume eryo ibara, yaashanga obwoya bwaho butarikwera, kandi ritoogire mu mubiri, kureka niryereruka, obwo amute omu ngoonyo okumara ebiro mushanju. 27Aha kiro kya mushanju ogwo muhongyerezi agarukye amushwijume. Ku araashangye niribuga oruhu rw'omubiri, amurangye ku asiisikaire; biri n'endwara y'ebibembe. 28Kwonka eibara ku riraagume ahi ribaire riri, ritaatantamuka ha mubiri, kureka ryayereruka, biri n'ekizimba ekifumukiire omu kitumbe. Omuhongyerezi amurangye ku atasiisikaire, ahabw'okuba neeba eri enkojo yaakyo.
Endwara z'omu mutwe n'ez'aha kareju
29Omushaija nari omukazi ku arigira endwara omu mutwe nari aha kareju; 30omuhongyerezi ashwijume egyo ndwara. Ku arishanga eyogire omu ruhu, obwoya bwaho buri kinekye kandi bunyururukire, amurangye ku asiisikaire; biri n'ekiguuna ky'ebibembe by'omu mutwe nari by'aha kareju. 31Omuhongyerezi ku arishwijuma egyo ndwara y'ebiguuna, yaashusha oti teyogire mu ruhu, kandi bitarimu bwoya burikwiragura, ate hangahari ogwo muntu oine endwara y'ebiguuna okumara ebiro mushanju. 32Reero aha kiro kya mushanju ashwijume egyo ndwara. Ekiguuna ku kiraabe kitatantamukire, kitarimu bwoya bwa kinekye, kandi kitoogire mu ruhu, 33obwo ogwo muntu orwaire ayemwe eishokye, kwonka atamwa ah'ebiguuna biri. Reero omuhongyerezi ate hangahari ogwo muntu orwaire endwara y'ebiguuna okumara ebiro mushanju. 34Aha kiro kya mushanju ashwijume ekyo kiguuna. Haza ku araashangye kitabugire mu ruhu, kandi kirikushusha oti tikirwogiremu, amurangye ku atasiisikaire, n'onu ayozye ebijwaro bye abe oshemeire. 35Kwonka ekiguuna ku kiribuga omu ruhu yaaherize kushemezibwa, 36obwo omuhongyerezi amushwijume. Ku araashangye ekiguuna kibugire omubiri, nikiba kitarikumwetengyesa kusherura obwoya bwa kinekye, biri asiisikaire. 37Kwonka ku araashwijume ekiguuna, haza yaareeba kimezirwemu obwoya burikwiragura, biri kikizire, nawe tasiisikaire. Omuhongyerezi amurangye ku ari oshemeire.
Amazomba n'okuhwa eishokye omu mutwe
38Omushaija nari omukazi ku arigira amabara aha ruhu rw'omubiri gwe, gari amabara garikwera, 39omuhongyerezi amushwijume. Reero ago mabara g'aha ruhu rw'omubiri ku gariba nigeereruka, biri n'amazomba agafumukiire omu ruhu, naaba atasiisikaire.
40Omuntu ku arihwa eishokye aha mutwe, aryaba aine oruhara, kwonka atasiisikaire. 41Kandi omuntu eishokye ku ririmuhwa omu bwekorerero, aryaba aine oruhara omu bwekorerero, kwonka atasiisikaire. 42Kwonka omu ruhara rw'omu ihahaara nari orw'omu bwekorerero ku haribamu eibara ry'endwara eririkutukuramu kandi niryera, biri n'ebibembe ebibarukiire omu ihahaara ry'omutwe gwe nari omu bwekorerero. 43Obwo omuhongyerezi amushwijume, haza egyo ndwara y'ekizimba ky'omu ruhara rw'eihahaara ry'omutwe, nari ky'omu bwekorerero, ku kiriba nikitukuratukuramu kandi nikyera, nikishusha nk'ekibembe kiri omu ruhu rw'omubiri, 44biri ogwo muntu n'omubembe; asiisikaire. Omuhongyerezi amurangye ku asiisikaire, manya egyo ndwara emuri omu mutwe.
45Omubembe oine egyo ndwara ajware ebijwaro bitaagukire, azingurure eishokye rye, kandi ayeshembe omunwa gwa ruguru, haza ayamuze ati: Nsiisikaire! Nsiisikaire! 46Aryaguma ari osiisikaire ebiro bi arimara akiine egyo ndwara; n'osiisikaire ow'okuguma atwire wenka omu ngoonyo, aheeru y'orusiisira.
Ebijwaro birimu ebibembe
47Ekijwaro ku kiriba kiine ndwara y'ebibembe, yaaba ky'ebyoya by'entaama nari kya kitaani, 48yaaba mu huuzi za bukiizi nari za bwemi eza kitaani nari ez'ebyoya by'entaama, nainga omu ruhu nari ekintu kyona ekikozirwe omu ruhu, 49ekyo kijwaro ku kirireebwamu erangi ya kijubwe nari erikutukuratukura, yaaba mu huuzi za bukiizi nari za bwemi, nainga omu ruhu nari omu kintu kyona ekikozirwe omu ruhu, biri n'endwara y'ebibembe, kandi kyorekwe omuhongyerezi. 50Mpaho omuhongyerezi ashwijume egyo ndwara, kandi ate hangahari ekyo kintu kirimu endwara okumara ebiro mushanju. 51Reero aha kiro kya mushanju agarukye ashwijume egyo ndwara. Endwara ku eraabe ebugire ekyo kijwaro, omu huuzi zaakyo eza bukiizi nari eza bwemi, nainga omu ruhu rwona orurikukoresibwa, biri egyo ndwara n'ebibembe by'akabi. Ekyo kijwaro kisiisikaire. 52Ekijwaro akyotsye, yaaba kirimu endwara omu huuzi zaakyo eza bukiizi nari eza bwemi; yaaba kya byoya by'entaama nari kya kitaani, nainga ekintu kyona eky'oruhu; ahabw'okuba n'ebibembe birikuturira; bakyotsye omu muriro.
53Mbwenu omuhongyerezi ku arishwijuma, yaashanga endwara etabugire ekijwaro omu huuzi zaakyo eza bukiizi nari eza bwemi, nainga omu kintu kyona eky'oruhu, 54obwo aragiire boozye ekyo kijwaro kirimu endwara, haza ayongyere kukirindira hangahari okumara ebiro ebindi mushanju. 55Bwanyima ashwijume ekyo kijwaro kirimu endwara, baaherize kukyozya. Ku araashangye eibara eririmu endwara ritahindwire rangi, nobu egyo ndwara eraabe etabugire, biri kisiisikaire. Mukyotsye omu muriro, nobu eibara ry'egyo ndwara ryakuba riri enyima nari omunda.
56Kwonka omuhongyerezi ku arishwijuma, haza endwara etaareebwa gye baaherize kukyozya, obwo ataagure eibara ry'omuri ekyo kijwaro, nari omu ruhu; nainga omu huuzi zaakyo eza bukiizi nari eza bwemi. 57Reero eibara ku riraagarukye ryareebwa omuri ekyo kijwaro, omu huuzi zaakyo eza bukiizi nari eza bwemi, nainga omu kintu kyona eky'oruhu, biri egyo ndwara neebuga. Ekyo kintu kirimu endwara, mukyotsye omu muriro. 58Kwonka ekijwaro, ehuuzi zaakyo eza bukiizi nari eza bwemi, nainga ekintu kyona eky'oruhu, eki endwara erugiremu mwaherize kukyozya, bagarukye bakyozye obwa kabiri, kibone kuba ekitasiisikaire.
59Eryo niryo iteeka ry'endwara y'ebibembe by'omu kijwaro ky'ebyoya by'entaama nari kitaani, yaaba mu huuzi za bukiizi nari za bwemi, nainga omu kintu kyona eky'oruhu, kuhamya yaaba kisiisikaire nari kitasiisikaire.
Okushemezibwa kw'ababembe
Currently Selected:
Lev 13: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Lev 13
13
1Nyakubaho akagambira Musa na Arooni ati: 2Omuntu ku arigira aha mubiri gwe ekizimba nari ekironda nainga ekiseera, kyarugwamu endwara y'ebibembe aha mubiri gwe, obwo areetwe ahari Arooni omuhongyerezi, nari ahari omwe omu batabani be abahongyerezi. 3Mpaho omuhongyerezi ashwijume omubiri gwe, ah'endwara eri. Reero obwoya bw'abarwaire ku buraabe buhindukire bukeera, kandi egyo ndwara eyogire omu kikoba ky'omubiri gwe, biri n'endwara y'ebibembe. Omuhongyerezi ku araaheze kumushwijuma, amurangye ku asiisikaire. 4Kwonka eibara ry'aha mubiri gwe ku ririba niryera, kandi ritoogire omu kikoba ky'omubiri, n'obwoya bwaho butahindukire bukeera, omuhongyerezi arindire hangahari ogwo muntu orwaire okumara ebiro mushanju. 5Kandi omuhongyerezi amushwijume aha kiro kya mushanju. Haza omu kureeba kwe, ku araashangye endwara eri nk'oku ebaire eri, kandi etatantamukire, ayongyere kumurindira hangahari wenka ebindi biro mushanju. 6Reero aha kiro kya mushanju agarukye amushwijume. Ku araashangye egyo ndwara neegyenda neehwerera, kandi etatantamukire, amurangye ku ari oshemeire. Biri n'ekiseera kusha. Ogwo muntu ayozye ebijwaro bye, abe oshemeire.
7Kwonka ekiseera ku kiraabugye omubiri yaaherize kweyoreka omuhongyerezi ahabw'okwezibwa, agarukye amweyorekye. 8Ogwo muhongyerezi amushwijume. Haza ekyo kiseera ku kiraabe kitantamukire, amurangye ku ari otashemeire. Biri n'ebibembe.
Omubembe osiisikaire n'otasiisikaire
9Omuntu ku arirwara ebibembe, bamutwarire omuhongyerezi. 10Omuhongyerezi amushwijume. Aha mubiri gwe ku hariba hariho ekizimba kirikwera, haza kihindwire obwoya bwaho bukeera, kandi kicwekire ekironda ahonaaho, 11biri aine ebibembe by'enziizi aha mubiri gwe. Omuhongyerezi omurangye ku atashemeire. Atamuta omu ngoonyo, ahabw'okuba asiisikaire.
12Kwonka ebibembe ku biraasheeshe aha mubiri gw'ogwo muntu orwaire byagushweka, okwiha aha mutwe okuta aha bigyere, nk'oku omuhongyerezi araareebe, 13obwo omuhongyerezi amushwijume. Ebibembe ku biraabe bishwekire omubiri gwe gwona, amurangye ku akizire egyo ndwara, ahabw'okuba byona bihindukire ebirikwera. N'ahabw'ekyo abikiruukire. 14Kwonka ku arireebwaho ekironda, biri asiisikaire. 15Omuhongyerezi ashwijume ekyo kironda, amurangye ku asiisikaire. Ekironda kisiisikaire biri n'ebibembe. 16Kandi ku kirihinduka kyayera, obwo aije aha muhongyerezi, 17amushwijume. Egyo ndwara ku eraabe ehindukire ekeera, omuhongyerezi arangye ogwo muntu orwaire ku atasiisikaire. Biri tasiisikaire.
Ebihuute n'ebitumbe
18Reero aha ruhu rw'omubiri gw'omuntu ku harizaho ekihuute, bwanyima kyakira, 19haza omu nkojo yaakyo haazamu ekizimba kirikwera, nari eibara ririkutukura, bakyorekye omuhongyerezi, 20akishwijume. Ku araashangye kyogire omu ruhu, n'obwoya bwakyo buhindukire bukeera, amurangye ku asiisikaire; biri n'endwara y'ebibembe ebarukiire omu kihuute. 21Kwonka omuhongyerezi ku araakishwijume, haza obwoya bwaho yaashanga butarikwera, kandi kitoogire mu ruhu, kureka nikyereruka, obwo amute omu ngoonyo okumara ebiro mushanju. 22Kandi ku kiraabugye oruhu rw'omubiri gwe, omuhongyerezi amurangye ku asiisikaire, biri arwaire. 23Kwonka eibara ku ririguma ahi riri, ritaatantamuka, biri n'enkojo y'ekihuute; omuhongyerezi amurangye ku atasiisikaire.
24Nari omubiri ku gurigiibwaho ekitumbe, ekironda kyakyo kyahinduka eibara ririkutukuratukura nainga ririkwera, 25omuhongyerezi arishwijume. Obwoya bw'ahari eryo ibara ku buriba buhindukire bukeera, kandi riri nk'eryogire omu ruhu; biri n'ebibembe ebibarukiire omu kitumbe. Omuhongyerezi amurangye ku asiisikaire; n'endwara y'ebibembe. 26Kwonka ku araashwijume eryo ibara, yaashanga obwoya bwaho butarikwera, kandi ritoogire mu mubiri, kureka niryereruka, obwo amute omu ngoonyo okumara ebiro mushanju. 27Aha kiro kya mushanju ogwo muhongyerezi agarukye amushwijume. Ku araashangye niribuga oruhu rw'omubiri, amurangye ku asiisikaire; biri n'endwara y'ebibembe. 28Kwonka eibara ku riraagume ahi ribaire riri, ritaatantamuka ha mubiri, kureka ryayereruka, biri n'ekizimba ekifumukiire omu kitumbe. Omuhongyerezi amurangye ku atasiisikaire, ahabw'okuba neeba eri enkojo yaakyo.
Endwara z'omu mutwe n'ez'aha kareju
29Omushaija nari omukazi ku arigira endwara omu mutwe nari aha kareju; 30omuhongyerezi ashwijume egyo ndwara. Ku arishanga eyogire omu ruhu, obwoya bwaho buri kinekye kandi bunyururukire, amurangye ku asiisikaire; biri n'ekiguuna ky'ebibembe by'omu mutwe nari by'aha kareju. 31Omuhongyerezi ku arishwijuma egyo ndwara y'ebiguuna, yaashusha oti teyogire mu ruhu, kandi bitarimu bwoya burikwiragura, ate hangahari ogwo muntu oine endwara y'ebiguuna okumara ebiro mushanju. 32Reero aha kiro kya mushanju ashwijume egyo ndwara. Ekiguuna ku kiraabe kitatantamukire, kitarimu bwoya bwa kinekye, kandi kitoogire mu ruhu, 33obwo ogwo muntu orwaire ayemwe eishokye, kwonka atamwa ah'ebiguuna biri. Reero omuhongyerezi ate hangahari ogwo muntu orwaire endwara y'ebiguuna okumara ebiro mushanju. 34Aha kiro kya mushanju ashwijume ekyo kiguuna. Haza ku araashangye kitabugire mu ruhu, kandi kirikushusha oti tikirwogiremu, amurangye ku atasiisikaire, n'onu ayozye ebijwaro bye abe oshemeire. 35Kwonka ekiguuna ku kiribuga omu ruhu yaaherize kushemezibwa, 36obwo omuhongyerezi amushwijume. Ku araashangye ekiguuna kibugire omubiri, nikiba kitarikumwetengyesa kusherura obwoya bwa kinekye, biri asiisikaire. 37Kwonka ku araashwijume ekiguuna, haza yaareeba kimezirwemu obwoya burikwiragura, biri kikizire, nawe tasiisikaire. Omuhongyerezi amurangye ku ari oshemeire.
Amazomba n'okuhwa eishokye omu mutwe
38Omushaija nari omukazi ku arigira amabara aha ruhu rw'omubiri gwe, gari amabara garikwera, 39omuhongyerezi amushwijume. Reero ago mabara g'aha ruhu rw'omubiri ku gariba nigeereruka, biri n'amazomba agafumukiire omu ruhu, naaba atasiisikaire.
40Omuntu ku arihwa eishokye aha mutwe, aryaba aine oruhara, kwonka atasiisikaire. 41Kandi omuntu eishokye ku ririmuhwa omu bwekorerero, aryaba aine oruhara omu bwekorerero, kwonka atasiisikaire. 42Kwonka omu ruhara rw'omu ihahaara nari orw'omu bwekorerero ku haribamu eibara ry'endwara eririkutukuramu kandi niryera, biri n'ebibembe ebibarukiire omu ihahaara ry'omutwe gwe nari omu bwekorerero. 43Obwo omuhongyerezi amushwijume, haza egyo ndwara y'ekizimba ky'omu ruhara rw'eihahaara ry'omutwe, nari ky'omu bwekorerero, ku kiriba nikitukuratukuramu kandi nikyera, nikishusha nk'ekibembe kiri omu ruhu rw'omubiri, 44biri ogwo muntu n'omubembe; asiisikaire. Omuhongyerezi amurangye ku asiisikaire, manya egyo ndwara emuri omu mutwe.
45Omubembe oine egyo ndwara ajware ebijwaro bitaagukire, azingurure eishokye rye, kandi ayeshembe omunwa gwa ruguru, haza ayamuze ati: Nsiisikaire! Nsiisikaire! 46Aryaguma ari osiisikaire ebiro bi arimara akiine egyo ndwara; n'osiisikaire ow'okuguma atwire wenka omu ngoonyo, aheeru y'orusiisira.
Ebijwaro birimu ebibembe
47Ekijwaro ku kiriba kiine ndwara y'ebibembe, yaaba ky'ebyoya by'entaama nari kya kitaani, 48yaaba mu huuzi za bukiizi nari za bwemi eza kitaani nari ez'ebyoya by'entaama, nainga omu ruhu nari ekintu kyona ekikozirwe omu ruhu, 49ekyo kijwaro ku kirireebwamu erangi ya kijubwe nari erikutukuratukura, yaaba mu huuzi za bukiizi nari za bwemi, nainga omu ruhu nari omu kintu kyona ekikozirwe omu ruhu, biri n'endwara y'ebibembe, kandi kyorekwe omuhongyerezi. 50Mpaho omuhongyerezi ashwijume egyo ndwara, kandi ate hangahari ekyo kintu kirimu endwara okumara ebiro mushanju. 51Reero aha kiro kya mushanju agarukye ashwijume egyo ndwara. Endwara ku eraabe ebugire ekyo kijwaro, omu huuzi zaakyo eza bukiizi nari eza bwemi, nainga omu ruhu rwona orurikukoresibwa, biri egyo ndwara n'ebibembe by'akabi. Ekyo kijwaro kisiisikaire. 52Ekijwaro akyotsye, yaaba kirimu endwara omu huuzi zaakyo eza bukiizi nari eza bwemi; yaaba kya byoya by'entaama nari kya kitaani, nainga ekintu kyona eky'oruhu; ahabw'okuba n'ebibembe birikuturira; bakyotsye omu muriro.
53Mbwenu omuhongyerezi ku arishwijuma, yaashanga endwara etabugire ekijwaro omu huuzi zaakyo eza bukiizi nari eza bwemi, nainga omu kintu kyona eky'oruhu, 54obwo aragiire boozye ekyo kijwaro kirimu endwara, haza ayongyere kukirindira hangahari okumara ebiro ebindi mushanju. 55Bwanyima ashwijume ekyo kijwaro kirimu endwara, baaherize kukyozya. Ku araashangye eibara eririmu endwara ritahindwire rangi, nobu egyo ndwara eraabe etabugire, biri kisiisikaire. Mukyotsye omu muriro, nobu eibara ry'egyo ndwara ryakuba riri enyima nari omunda.
56Kwonka omuhongyerezi ku arishwijuma, haza endwara etaareebwa gye baaherize kukyozya, obwo ataagure eibara ry'omuri ekyo kijwaro, nari omu ruhu; nainga omu huuzi zaakyo eza bukiizi nari eza bwemi. 57Reero eibara ku riraagarukye ryareebwa omuri ekyo kijwaro, omu huuzi zaakyo eza bukiizi nari eza bwemi, nainga omu kintu kyona eky'oruhu, biri egyo ndwara neebuga. Ekyo kintu kirimu endwara, mukyotsye omu muriro. 58Kwonka ekijwaro, ehuuzi zaakyo eza bukiizi nari eza bwemi, nainga ekintu kyona eky'oruhu, eki endwara erugiremu mwaherize kukyozya, bagarukye bakyozye obwa kabiri, kibone kuba ekitasiisikaire.
59Eryo niryo iteeka ry'endwara y'ebibembe by'omu kijwaro ky'ebyoya by'entaama nari kitaani, yaaba mu huuzi za bukiizi nari za bwemi, nainga omu kintu kyona eky'oruhu, kuhamya yaaba kisiisikaire nari kitasiisikaire.
Okushemezibwa kw'ababembe
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.