Kur 4
4
1Bwanyima Musa agarukamu Ruhanga ati: Kwonka manya tibarikwija kuunyikiriza, nobu kwakuba okuhurira ebi ndikugamba; ahabw'okuba nibaija kugira bati: Nyakubaho tarakubonekyeire. 2Nyakubaho amugira ati: Ekyo eki oine omu ngaro ni ki? Onu ati: N'enkoni. 3Ruhanga ati: Ginagye ahansi. N'onu aginaga aha nsi ehinduka enjoka, haza Musa agihunga. 4Kwonka Nyakubaho agira Musa ati: Tayo omukono ogikwate omukira. N'onu atayo omukono agikwata, egaruka ehindukira omu ngaro ze enkoni. 5Nyakubaho ati: Guma okore otyo babone kwikiriza ku Nyowe Mukama Ruhanga wa baishebo, Ruhanga wa Aburahamu, Ruhanga wa Isaaka, Ruhanga wa Yakobo nkubonekyeire. 6Nyakubaho agaruka amugira ati: Ta omukono gwawe omunda y'ekijwaro kyawe. N'onu agutamu. Reero ku yaagwihireyo yaashanga gubembire, nigwera nk'orubaare. 7Bwanyima amugira ati: Gugarure omunda. Nawe agugaruramu. Ku yaagwihiremu, gwagaruka gwaba nk'omubiri gwe ogundi. 8Ruhanga atyo amugira ati: Ku bariba batakwikiriize, nari okwikirizisibwa akamanyiso k'okubanza, baryaikirizisibwa akarikurataho. 9Kandi ku bariba bataikirizisiibwe obwo bumanyiso bwombi, nari bateetaire ha bi orikugamba, oryataha amaizi g'omugyera, ogashukye aha itaka ryomire. Haza ago maizi gu oriiha omuri ogwo mugyera garyahinduka eshagama aha itaka ryomire.
Ruhanga okutoorana Arooni kuba engambirizi ya Musa
10Reero Musa agira Nyakubaho ati: Nyakusinga, nyowe ka ntari mugambi murungi. Na ira ryona nshangwa ntaba mugambi murungi; nangwa n'ahi waatandikira kugamba naanye omuheereza waawe, ahabw'okuba tindahukirwa kugamba, n'orurimi rwangye runaamuuka. 11Nyakubaho nikwo kumugira ati: Mbwenu shi owaahangire akanwa k'omuntu n'oha? N'oha omuhindura ekiteta, nari ekifa matu, nainga okumuhwezesa nari okumuhumya? Tiinye Nyakubaho? 12Mbwenu irooko, naanye ndyaba nkwine noogamba, nkuhabure ebi origamba.
13Kwonka we agira ati: Nyakusinga, naakweshengyereza, tuma ondiijo muntu. 14Nyakubaho nikwo kugwerwa kubi Musa, akamugira ati: Mukuru waawe Arooni Omuleevi tariyo? Nimmanya ku arikubaasa kugamba gye. Na mbwenu, reeba naija kukubugana. Haza ku araakureebe, naija kushemererwa. 15Oryaguma omugambire ebi araagambe. Naanye ndyakuhwera noogamba, nawe mmuhwere naagamba; kandi ndyakuhabura ebi orikora. 16We aryaguma akugambirire abantu, abe akanwa kaawe; naiwe omubeere nka Ruhanga. 17Mbwenu twara egi nkoni, ogume ogikwate noogikoresa eby'okutangaaza.
Musa okugaruka Misiri
18Musa akagaruka owa Yetero ishezaara, yaamugira ati: Ninkweshengyereza ndeka ngarukye omu baitu Misiri, ndeebe yaaba bakibaho. Yetero agira Musa ati: Gyenda n'obusingye. 19Mpaho Nyakubaho agambirira Musa omuri Midiyani ati: Garuka Misiri; ahabw'okuba boona abaabaire nibenda kukwita, bafiire. 20Musa atyo atwara omukazi we n'abatabani, abata aha ndogoya agarukayo omu nsi ya Misiri, akwaitse enkoni ya Ruhanga. 21Kandi Nyakubaho agira Musa ati: Ku oraagarukye Misiri, otaribura kukorera omu maisho ga Faraaho eby'okutangaaza byona ebi nkuhaireho obushoboorozi. Kwonka niinyija kumugangaaza omutima, ayangye kwikiriza abo bantu kugyenda. 22Haza oryagira Faraaho oti: Nyakubaho naagira ati: Isiraeli n'omwana wangye w'omujigaijo. 23Mbwenu ninkugambira nti: Rekura mutabani wangye ogwo agyende ampeereze. Ku oraayangye kumurekura akagyenda, niinyija kwita mutabani waawe w'omujigaijo.
24Ku baabaire nibakigyenda, baahika omu icumbi, Nyakubaho yaabuganamu Musa, yaayenda kumwita. 25Zipora nikwo kukwata ekishate ky'eibaare ky'obwogi, akakishaza ekikoba ky'aha mubiri gw'omutabani; kandi akakikoza aha bigyere bya Musa. Ahabw'okwo kusharwa Zipora akagira Musa ati: Wambeera ibanye orikujwisa eshagama! 26Mukama atyo areka kwita Musa. 27Bwanyima Mukama agambira Arooni ati: Irooko oze omu ihamba kubugana Musa. Nawe atyo agyenda, amubugana aha rushozi rwa Ruhanga, amunywegyera. 28Musa agambira Arooni ebi Nyakubaho amutumire, n'obumanyiso obu amuragiire kukora. 29Bwanyima Musa na Arooni bagyenda bateerana hamwe abantu bakuru boona ab'omu Baisiraeli. 30Arooni abagambira ebigambo bi Nyakubaho yaagambiire Musa, kandi akorera obumanyiso omu maisho gaabo. 31Abo bantu baikiriza, haza ku bahurira Nyakubaho ataayaayiire Abaisiraeli, kandi areebire okubonabonesibwa kwabo, bajuumara baramya Ruhanga.
Musa na Arooni okureebana na Faraaho
Currently Selected:
Kur 4: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 4
4
1Bwanyima Musa agarukamu Ruhanga ati: Kwonka manya tibarikwija kuunyikiriza, nobu kwakuba okuhurira ebi ndikugamba; ahabw'okuba nibaija kugira bati: Nyakubaho tarakubonekyeire. 2Nyakubaho amugira ati: Ekyo eki oine omu ngaro ni ki? Onu ati: N'enkoni. 3Ruhanga ati: Ginagye ahansi. N'onu aginaga aha nsi ehinduka enjoka, haza Musa agihunga. 4Kwonka Nyakubaho agira Musa ati: Tayo omukono ogikwate omukira. N'onu atayo omukono agikwata, egaruka ehindukira omu ngaro ze enkoni. 5Nyakubaho ati: Guma okore otyo babone kwikiriza ku Nyowe Mukama Ruhanga wa baishebo, Ruhanga wa Aburahamu, Ruhanga wa Isaaka, Ruhanga wa Yakobo nkubonekyeire. 6Nyakubaho agaruka amugira ati: Ta omukono gwawe omunda y'ekijwaro kyawe. N'onu agutamu. Reero ku yaagwihireyo yaashanga gubembire, nigwera nk'orubaare. 7Bwanyima amugira ati: Gugarure omunda. Nawe agugaruramu. Ku yaagwihiremu, gwagaruka gwaba nk'omubiri gwe ogundi. 8Ruhanga atyo amugira ati: Ku bariba batakwikiriize, nari okwikirizisibwa akamanyiso k'okubanza, baryaikirizisibwa akarikurataho. 9Kandi ku bariba bataikirizisiibwe obwo bumanyiso bwombi, nari bateetaire ha bi orikugamba, oryataha amaizi g'omugyera, ogashukye aha itaka ryomire. Haza ago maizi gu oriiha omuri ogwo mugyera garyahinduka eshagama aha itaka ryomire.
Ruhanga okutoorana Arooni kuba engambirizi ya Musa
10Reero Musa agira Nyakubaho ati: Nyakusinga, nyowe ka ntari mugambi murungi. Na ira ryona nshangwa ntaba mugambi murungi; nangwa n'ahi waatandikira kugamba naanye omuheereza waawe, ahabw'okuba tindahukirwa kugamba, n'orurimi rwangye runaamuuka. 11Nyakubaho nikwo kumugira ati: Mbwenu shi owaahangire akanwa k'omuntu n'oha? N'oha omuhindura ekiteta, nari ekifa matu, nainga okumuhwezesa nari okumuhumya? Tiinye Nyakubaho? 12Mbwenu irooko, naanye ndyaba nkwine noogamba, nkuhabure ebi origamba.
13Kwonka we agira ati: Nyakusinga, naakweshengyereza, tuma ondiijo muntu. 14Nyakubaho nikwo kugwerwa kubi Musa, akamugira ati: Mukuru waawe Arooni Omuleevi tariyo? Nimmanya ku arikubaasa kugamba gye. Na mbwenu, reeba naija kukubugana. Haza ku araakureebe, naija kushemererwa. 15Oryaguma omugambire ebi araagambe. Naanye ndyakuhwera noogamba, nawe mmuhwere naagamba; kandi ndyakuhabura ebi orikora. 16We aryaguma akugambirire abantu, abe akanwa kaawe; naiwe omubeere nka Ruhanga. 17Mbwenu twara egi nkoni, ogume ogikwate noogikoresa eby'okutangaaza.
Musa okugaruka Misiri
18Musa akagaruka owa Yetero ishezaara, yaamugira ati: Ninkweshengyereza ndeka ngarukye omu baitu Misiri, ndeebe yaaba bakibaho. Yetero agira Musa ati: Gyenda n'obusingye. 19Mpaho Nyakubaho agambirira Musa omuri Midiyani ati: Garuka Misiri; ahabw'okuba boona abaabaire nibenda kukwita, bafiire. 20Musa atyo atwara omukazi we n'abatabani, abata aha ndogoya agarukayo omu nsi ya Misiri, akwaitse enkoni ya Ruhanga. 21Kandi Nyakubaho agira Musa ati: Ku oraagarukye Misiri, otaribura kukorera omu maisho ga Faraaho eby'okutangaaza byona ebi nkuhaireho obushoboorozi. Kwonka niinyija kumugangaaza omutima, ayangye kwikiriza abo bantu kugyenda. 22Haza oryagira Faraaho oti: Nyakubaho naagira ati: Isiraeli n'omwana wangye w'omujigaijo. 23Mbwenu ninkugambira nti: Rekura mutabani wangye ogwo agyende ampeereze. Ku oraayangye kumurekura akagyenda, niinyija kwita mutabani waawe w'omujigaijo.
24Ku baabaire nibakigyenda, baahika omu icumbi, Nyakubaho yaabuganamu Musa, yaayenda kumwita. 25Zipora nikwo kukwata ekishate ky'eibaare ky'obwogi, akakishaza ekikoba ky'aha mubiri gw'omutabani; kandi akakikoza aha bigyere bya Musa. Ahabw'okwo kusharwa Zipora akagira Musa ati: Wambeera ibanye orikujwisa eshagama! 26Mukama atyo areka kwita Musa. 27Bwanyima Mukama agambira Arooni ati: Irooko oze omu ihamba kubugana Musa. Nawe atyo agyenda, amubugana aha rushozi rwa Ruhanga, amunywegyera. 28Musa agambira Arooni ebi Nyakubaho amutumire, n'obumanyiso obu amuragiire kukora. 29Bwanyima Musa na Arooni bagyenda bateerana hamwe abantu bakuru boona ab'omu Baisiraeli. 30Arooni abagambira ebigambo bi Nyakubaho yaagambiire Musa, kandi akorera obumanyiso omu maisho gaabo. 31Abo bantu baikiriza, haza ku bahurira Nyakubaho ataayaayiire Abaisiraeli, kandi areebire okubonabonesibwa kwabo, bajuumara baramya Ruhanga.
Musa na Arooni okureebana na Faraaho
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.