Kur 23
23
1Otarigamba enkuru z'ebishuba. Otarikwatanisa n'omuntu mubi okajurira ebishuba. 2Otarikuratira abaingi kukora ekibi, nari okujurira noogwera orubaju rw'abaingi, ngu osingisirize orubanja, 3nobu kwakuba okugwera orubaju, ngu omworo asingwe orubanja ru arikutongana.
4Ku oribugana ente y'omuzigu waawe, nari endogoya ye neerara, ogitangye ogimureetere. 5Ku orishanga endogoya y'orikukwanga ebandikirwe omutwaro, otarikiika omushaya okamutsigaho nayo, kureka omuhwere kugibutuura.
6Otariita orubanja rw'omuntu w'abaanyu omworo naatongana. 7Guma oyetantare okutabaaza eby'ebishuba, haza oyerinde kwitisa omuntu ori mwere kandi ohikiriire, ahabw'okuba omuntu omubi tindimwihaho orubanja. 8Otarirya enguzi, ahabw'okuba eita abategyeki amaisho, kandi esingisiririza abataine rubanja. 9Otariita kubi omunyaihanga. Nimumanya omutima gw'omunyamahanga, ahabw'okuba naimwe mukaba muri abanyamahanga omu nsi ya Misiri.
Ekiragiro ky'Omwaka gwa mushanju na Sabato
10Oryamara emyaka mukaaga noohinga emisiri yaawe, kandi nooshaaruura ebyeziremu. 11Kwonka buri mwaka gwa mushanju, ogirekye eraare ebe ekikooreere, abooro b'omu ihanga ryawe babone kuhumbamu ekyokurya, reero ebi baraatsigyemu biriibwe enyamaishwa. Emisiri yaawe y'emizaabibu n'ey'emioliva nayo obe nikwo waagitwaza.
12Oryaguma okore emirimo yaawe omu biro mukaaga, kwonka aha kiro kya mushanju ohuumure, ente yaawe n'endogoya yaawe bibone kuhuumura, mutabani w'omuzaana waawe n'omunyaihanga nabo baruhuukye. 13Mugume mute omutima aha bi naabagambira, kandi mutariterekyerera baaruhanga abandi, nobu kwakuba okuhurirwa nimurabya amaziina gaabo omu kanwa.
Ebiragiro by'amagyenyi makuru
14Oryaguma ongirire obugyenyi, buri mwaka emirundi eshatu. 15Oryaguma ogire obugyenyi bw'emigaati etatumbisiibwe, nk'oku naakuragiire kuguma noorya emigaati etatumbisiibwe, okumara ebiro mushanju, omu bunaku obwatairweho omu kwezi kwa Abibu; ahabw'okuba nikwo waarugiiremu Misiri. Hatarigira owaareebeka omu maisho gangye engaro nsha. 16Oryaguma ogire obugyenyi bw'eigyesha, obw'emiganuro y'ebi waahendekyeire, ebi waahingire omu musiri. Kandi ogire obugyenyi bw'eishaaruura, aha muheru gw'omwaka, waaheza kushaaruura omu misiri ebyezire ebi waayecurengyeire. 17Oyetwa omushaija weena aryaguma aije ayeyorekye omu maisho ga Mukama Ruhanga kashatu omu mwaka.
18Otarintoijera emigati etumbisiibwe hamwe n'eshagama y'ekitambo eki ontambiire, nobu kwakuba okuraazaho ebishaju by'ekitambo ky'Obugyenyi bwangye okuhitsya omu kasheeshe. 19Oryaguma oreete omu nju ya Mukama Ruhanga waawe emiganuro y'ebibandize kwera omu misiri yaawe. Otariteekyesa akaana k'empene amahenahene ga nyinako.
Nyakubaho okuha Abaisiraeli maraika w'okubeebembera
20Reeba naatuma maraika kukwebembera n'okukurinda omu muhanda, akuhitsye omu mwanya gu naakuteekateekyeire. 21Omuteho omutima kandi ohurire ebi arikukugambira. Otarimugomera, ahabw'okuba tarikusaasira bicumuro byawe. Manya niinye arikujwekyera.
22Kwonka ku orihurira ebi arikugamba otaireho omutima, waakora byona ebi ndikukugambira, obwo abazigu baawe ndyababeera omuzigu, n'ababisha baawe mbabeere omubisha.
23Maraika wangye ku arikwebembera yaakuhitsya omu Baamori n'Abahiiti n'Abaperizi n'Abanyakanaani n'Abahiivi n'Abayebusi, ndyamaraho abo bantu. 24Otaritsimbira baaruhanga baabo amaju, nari okubaramya, nobu kwakuba okukora eby'emigyenzo yaabo, kureka oryabacwekyerereza kimwe, oteho n'okusheenyagura enyomyo zaabo z'amabaare. 25Muryaguma mundamye Nyowe Mukama Ruhanga waanyu, haza naanye mpe ebyokurya byanyu n'amaizi gaanyu omugisha, kandi mbabingyemu endwara yoona. 26Omu nsi yaawe tiharibaho orirugwamu enda nari okuba engumba, kandi ndyakuhangaaza. 27Abantu boona abarikukurwanisa, abu oribugabugana nabo, ndyabaitsa obwoba otakabahikire, mbarabanisemu; abazigu baawe boona bakuhungye. 28Reero ndyayohereza enwa, zikwebembere, zibingyemu Abahiivi, Abanyakanaani n'Abahiiti otakabahikire. 29Tindibabingamu mu mwaka gumwe kukuhigiza, ensi etakaaba amatongo, enyamaishwa enshaarizi zikakanya, zikakunyangaraza. 30Ndyababingamu mporampora bakuhigize, okuhitsya obu orikanya okakubuura egyo nsi. 31Haza ndyakuteeraho enyatano, okwiha aha Nyanja Erikutukura okuta aha Nyanja y'Abafilisiti, n'okuruga aha ihamba okuhika ahari Eufuraati. Manya abatuuzi baamwo ndyabakurekurira obabingye. 32Otarikora nabo endagaano nobu kwakuba okugikora na baaruhanga baabo. 33Tibarituura mu nsi yaawe batakaakureetera kuncumuraho. Manya ku oriheereza baaruhanga baabo, buzimazima kiryakubeera ekiina ky'aha muryango.
Ruhanga okuhamya endagaano ye n'Abaisiraeli
Currently Selected:
Kur 23: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 23
23
1Otarigamba enkuru z'ebishuba. Otarikwatanisa n'omuntu mubi okajurira ebishuba. 2Otarikuratira abaingi kukora ekibi, nari okujurira noogwera orubaju rw'abaingi, ngu osingisirize orubanja, 3nobu kwakuba okugwera orubaju, ngu omworo asingwe orubanja ru arikutongana.
4Ku oribugana ente y'omuzigu waawe, nari endogoya ye neerara, ogitangye ogimureetere. 5Ku orishanga endogoya y'orikukwanga ebandikirwe omutwaro, otarikiika omushaya okamutsigaho nayo, kureka omuhwere kugibutuura.
6Otariita orubanja rw'omuntu w'abaanyu omworo naatongana. 7Guma oyetantare okutabaaza eby'ebishuba, haza oyerinde kwitisa omuntu ori mwere kandi ohikiriire, ahabw'okuba omuntu omubi tindimwihaho orubanja. 8Otarirya enguzi, ahabw'okuba eita abategyeki amaisho, kandi esingisiririza abataine rubanja. 9Otariita kubi omunyaihanga. Nimumanya omutima gw'omunyamahanga, ahabw'okuba naimwe mukaba muri abanyamahanga omu nsi ya Misiri.
Ekiragiro ky'Omwaka gwa mushanju na Sabato
10Oryamara emyaka mukaaga noohinga emisiri yaawe, kandi nooshaaruura ebyeziremu. 11Kwonka buri mwaka gwa mushanju, ogirekye eraare ebe ekikooreere, abooro b'omu ihanga ryawe babone kuhumbamu ekyokurya, reero ebi baraatsigyemu biriibwe enyamaishwa. Emisiri yaawe y'emizaabibu n'ey'emioliva nayo obe nikwo waagitwaza.
12Oryaguma okore emirimo yaawe omu biro mukaaga, kwonka aha kiro kya mushanju ohuumure, ente yaawe n'endogoya yaawe bibone kuhuumura, mutabani w'omuzaana waawe n'omunyaihanga nabo baruhuukye. 13Mugume mute omutima aha bi naabagambira, kandi mutariterekyerera baaruhanga abandi, nobu kwakuba okuhurirwa nimurabya amaziina gaabo omu kanwa.
Ebiragiro by'amagyenyi makuru
14Oryaguma ongirire obugyenyi, buri mwaka emirundi eshatu. 15Oryaguma ogire obugyenyi bw'emigaati etatumbisiibwe, nk'oku naakuragiire kuguma noorya emigaati etatumbisiibwe, okumara ebiro mushanju, omu bunaku obwatairweho omu kwezi kwa Abibu; ahabw'okuba nikwo waarugiiremu Misiri. Hatarigira owaareebeka omu maisho gangye engaro nsha. 16Oryaguma ogire obugyenyi bw'eigyesha, obw'emiganuro y'ebi waahendekyeire, ebi waahingire omu musiri. Kandi ogire obugyenyi bw'eishaaruura, aha muheru gw'omwaka, waaheza kushaaruura omu misiri ebyezire ebi waayecurengyeire. 17Oyetwa omushaija weena aryaguma aije ayeyorekye omu maisho ga Mukama Ruhanga kashatu omu mwaka.
18Otarintoijera emigati etumbisiibwe hamwe n'eshagama y'ekitambo eki ontambiire, nobu kwakuba okuraazaho ebishaju by'ekitambo ky'Obugyenyi bwangye okuhitsya omu kasheeshe. 19Oryaguma oreete omu nju ya Mukama Ruhanga waawe emiganuro y'ebibandize kwera omu misiri yaawe. Otariteekyesa akaana k'empene amahenahene ga nyinako.
Nyakubaho okuha Abaisiraeli maraika w'okubeebembera
20Reeba naatuma maraika kukwebembera n'okukurinda omu muhanda, akuhitsye omu mwanya gu naakuteekateekyeire. 21Omuteho omutima kandi ohurire ebi arikukugambira. Otarimugomera, ahabw'okuba tarikusaasira bicumuro byawe. Manya niinye arikujwekyera.
22Kwonka ku orihurira ebi arikugamba otaireho omutima, waakora byona ebi ndikukugambira, obwo abazigu baawe ndyababeera omuzigu, n'ababisha baawe mbabeere omubisha.
23Maraika wangye ku arikwebembera yaakuhitsya omu Baamori n'Abahiiti n'Abaperizi n'Abanyakanaani n'Abahiivi n'Abayebusi, ndyamaraho abo bantu. 24Otaritsimbira baaruhanga baabo amaju, nari okubaramya, nobu kwakuba okukora eby'emigyenzo yaabo, kureka oryabacwekyerereza kimwe, oteho n'okusheenyagura enyomyo zaabo z'amabaare. 25Muryaguma mundamye Nyowe Mukama Ruhanga waanyu, haza naanye mpe ebyokurya byanyu n'amaizi gaanyu omugisha, kandi mbabingyemu endwara yoona. 26Omu nsi yaawe tiharibaho orirugwamu enda nari okuba engumba, kandi ndyakuhangaaza. 27Abantu boona abarikukurwanisa, abu oribugabugana nabo, ndyabaitsa obwoba otakabahikire, mbarabanisemu; abazigu baawe boona bakuhungye. 28Reero ndyayohereza enwa, zikwebembere, zibingyemu Abahiivi, Abanyakanaani n'Abahiiti otakabahikire. 29Tindibabingamu mu mwaka gumwe kukuhigiza, ensi etakaaba amatongo, enyamaishwa enshaarizi zikakanya, zikakunyangaraza. 30Ndyababingamu mporampora bakuhigize, okuhitsya obu orikanya okakubuura egyo nsi. 31Haza ndyakuteeraho enyatano, okwiha aha Nyanja Erikutukura okuta aha Nyanja y'Abafilisiti, n'okuruga aha ihamba okuhika ahari Eufuraati. Manya abatuuzi baamwo ndyabakurekurira obabingye. 32Otarikora nabo endagaano nobu kwakuba okugikora na baaruhanga baabo. 33Tibarituura mu nsi yaawe batakaakureetera kuncumuraho. Manya ku oriheereza baaruhanga baabo, buzimazima kiryakubeera ekiina ky'aha muryango.
Ruhanga okuhamya endagaano ye n'Abaisiraeli
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.