Kur 20
20
1Ruhanga akagamba ebigambo ebi byona naagira ati: 2Niinye Mukama Ruhanga owaakwihire omu nsi ya Misiri, omu nju y'obuhuuku. 3Otarigira baaruhanga abandi abatari nyowe.
4Otaryekorera ekishushani kisharwire, nari ekishushani ky'ekindi kintu kyona ekiri ahaiguru omu iguru, nari ekiri ahansi omu nsi, nainga ekiri omu maizi ahansi okuzimu. 5Otaribiramya, nobu kwakuba okubiheereza, ahabw'okuba Nyowe Mukama Ruhanga waawe mba Ruhanga w'eihato, nfubira abaana ab'oruzaaro rwa kashatu n'ab'orwa kana nimbatura ebibi bya baishenkurubo abaanyanga. 6Kwonka abankunda bakoorobera ebiragiro byangye, baijukuru baabo ab'obusingye n'obusingye mbagirira rukundo etahararuka.
7Otarirahirira busha eiziina rya Mukama Ruhanga waawe, ahabw'okuba taribura kufubira omuntu owaarahirira busha eiziina rye.
8Guma oijukye ekiro kya Sabato, okirinde kiri ekirikwera. 9Oryaguma okore omu biro mukaaga emirimo yaawe yoona, haza ogiheze. 10Kwonka ekiro kya mushanju n'ekiro ky'okuhuumuriraho, ekya Mukama Ruhanga waawe. Otarikikoreraho omurimo gwona, iwe nari mutabani waawe, nari muhara waawe, nari amatungo gaawe, nobu yaakuba omunyamahanga otwire omu ka yaawe. 11Manya omu biro mukaaga nimwo Nyakubaho yaahangiire eiguru n'ensi, enyanja na byona ebibirimu, haza akahuumura aha kiro kya mushanju. N'ahabw'ekyo Nyakubaho akaha omugisha ekyo kiro kya Sabato yaakyeeza.
12Otiine sho na nyoko, ebiro byawe bibone kuba bingi omu nsi ei Mukama Ruhanga waawe yaakuhaire.
13Otariita.
14Otarishambana.
15Otariiba.
16Otaribeiherera mutaahi waawe.
17Otaryetenga enju ya mutaahi waawe. Otaryetenga muka mutaahi waawe nari omuheereza we, nainga omuzaana we; nari ente ye, endogoya ye, nainga ekintu kyona ekya mutaahi waawe.
18Mbwenu abo bantu boona ku baahuriire okugamba kw'enkuba, baareeba okutyankana kw'emirabyo, n'eiraka ry'enzamba, n'okucumbuuka kw'orushozi, abo bantu baatiina munonga, baatetema kandi baayemerera hare munonga. 19Baagira Musa bati: Obe niiwe waagamba naitwe. Nitwija kuhurira, kwonka Ruhanga arekye kuba niwe yaagamba naitwe tutakaafa. 20Musa nawe agira abo bantu ati: Mutatiina, ahabw'okuba Ruhanga yaija kubagyeza ngu mugume nimumutiina, murekye kukora ebibi.
21Batyo abo bantu baayemerera hare munonga. Reero Musa we yairirira ekicu kitimbire omwirima, ahi Ruhanga yaabaire ari.
Ebiragiro ebikwatiraine n'eitambiro
22Na Nyakubaho yaagira Musa ati: Gambira Abaisiraeli oti: Mwayereebera oku naagamba naimwe niinyema omu iguru.
23Mbwenu mutaryekorera baaruhanga b'efeeza kubamparikisa, nobu kwakuba okwekorera baaruhanga b'ezaabu. 24Oryambumbira eitambiro ry'eitaka, orintambirireho ebitambo by'okucwetsya, n'ebyokurya kumwe, noobiiha omu masyo gaawe g'entaama n'ag'ente. Omwanya gwona ogu ndikutooranira kundamizamu, ndyagukushangamu nkuhe omugisha. 25Kandi ku orinkorera eitambiro ry'amabaare, otariryombekyesa amabaare gabaizire, ahabw'okuba ku origacweregyerezesa enshinjo oryaba orihagaize. 26Ekindi otaritemba eitambiro ryangye nooraba aha matembero, enjuuro yaawe etakaareeberwaho.
Ebiragiro ebikwatiraine n'abahuuku
Currently Selected:
Kur 20: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 20
20
1Ruhanga akagamba ebigambo ebi byona naagira ati: 2Niinye Mukama Ruhanga owaakwihire omu nsi ya Misiri, omu nju y'obuhuuku. 3Otarigira baaruhanga abandi abatari nyowe.
4Otaryekorera ekishushani kisharwire, nari ekishushani ky'ekindi kintu kyona ekiri ahaiguru omu iguru, nari ekiri ahansi omu nsi, nainga ekiri omu maizi ahansi okuzimu. 5Otaribiramya, nobu kwakuba okubiheereza, ahabw'okuba Nyowe Mukama Ruhanga waawe mba Ruhanga w'eihato, nfubira abaana ab'oruzaaro rwa kashatu n'ab'orwa kana nimbatura ebibi bya baishenkurubo abaanyanga. 6Kwonka abankunda bakoorobera ebiragiro byangye, baijukuru baabo ab'obusingye n'obusingye mbagirira rukundo etahararuka.
7Otarirahirira busha eiziina rya Mukama Ruhanga waawe, ahabw'okuba taribura kufubira omuntu owaarahirira busha eiziina rye.
8Guma oijukye ekiro kya Sabato, okirinde kiri ekirikwera. 9Oryaguma okore omu biro mukaaga emirimo yaawe yoona, haza ogiheze. 10Kwonka ekiro kya mushanju n'ekiro ky'okuhuumuriraho, ekya Mukama Ruhanga waawe. Otarikikoreraho omurimo gwona, iwe nari mutabani waawe, nari muhara waawe, nari amatungo gaawe, nobu yaakuba omunyamahanga otwire omu ka yaawe. 11Manya omu biro mukaaga nimwo Nyakubaho yaahangiire eiguru n'ensi, enyanja na byona ebibirimu, haza akahuumura aha kiro kya mushanju. N'ahabw'ekyo Nyakubaho akaha omugisha ekyo kiro kya Sabato yaakyeeza.
12Otiine sho na nyoko, ebiro byawe bibone kuba bingi omu nsi ei Mukama Ruhanga waawe yaakuhaire.
13Otariita.
14Otarishambana.
15Otariiba.
16Otaribeiherera mutaahi waawe.
17Otaryetenga enju ya mutaahi waawe. Otaryetenga muka mutaahi waawe nari omuheereza we, nainga omuzaana we; nari ente ye, endogoya ye, nainga ekintu kyona ekya mutaahi waawe.
18Mbwenu abo bantu boona ku baahuriire okugamba kw'enkuba, baareeba okutyankana kw'emirabyo, n'eiraka ry'enzamba, n'okucumbuuka kw'orushozi, abo bantu baatiina munonga, baatetema kandi baayemerera hare munonga. 19Baagira Musa bati: Obe niiwe waagamba naitwe. Nitwija kuhurira, kwonka Ruhanga arekye kuba niwe yaagamba naitwe tutakaafa. 20Musa nawe agira abo bantu ati: Mutatiina, ahabw'okuba Ruhanga yaija kubagyeza ngu mugume nimumutiina, murekye kukora ebibi.
21Batyo abo bantu baayemerera hare munonga. Reero Musa we yairirira ekicu kitimbire omwirima, ahi Ruhanga yaabaire ari.
Ebiragiro ebikwatiraine n'eitambiro
22Na Nyakubaho yaagira Musa ati: Gambira Abaisiraeli oti: Mwayereebera oku naagamba naimwe niinyema omu iguru.
23Mbwenu mutaryekorera baaruhanga b'efeeza kubamparikisa, nobu kwakuba okwekorera baaruhanga b'ezaabu. 24Oryambumbira eitambiro ry'eitaka, orintambirireho ebitambo by'okucwetsya, n'ebyokurya kumwe, noobiiha omu masyo gaawe g'entaama n'ag'ente. Omwanya gwona ogu ndikutooranira kundamizamu, ndyagukushangamu nkuhe omugisha. 25Kandi ku orinkorera eitambiro ry'amabaare, otariryombekyesa amabaare gabaizire, ahabw'okuba ku origacweregyerezesa enshinjo oryaba orihagaize. 26Ekindi otaritemba eitambiro ryangye nooraba aha matembero, enjuuro yaawe etakaareeberwaho.
Ebiragiro ebikwatiraine n'abahuuku
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.