Kur 18
18
1Yetero omuhongyerezi wa Midiyani, ishezaara wa Musa, akahurira ebi Ruhanga yaakoreire Musa n'Abaisiraeli abantu be; n'oku Nyakubaho yaihire Abaisiraeli Misiri. 2Mbwenu obwo, Yetero ishezaara Musa akaba yaatwaire Zipora muka Musa, ou onu yaabaire ashenzire, 3kandi akaba atwaire ogwo mukazi n'abatabani bombi, omwe orikwetwa Gereshomu (ngu ahabw'okuba Musa akagira ati: Mbaire ndi omushuuhuuki omu nsi etari yaitu); 4ondi naayetwa Eliezeeri (ngu ahabw'okuba Musa akagira ati: Ruhanga wa tata akampwera yankiza rurara ya Faraaho). 5Mpaho Yetero ishezaara wa Musa aija ahu ari amureeteire batabani be n'omukazi we; amushanga omu ihamba aha rushozi rwa Ruhanga, ahi yaabaire asiisiire. 6Reero omuntu ku yaagambiire Musa ati: Naakutona shozaara Yetero, yaija hamwe n'omukazi waawe na batabani baawe bombi kukureeba. 7Musa ashohora kubugana ishezaara, amutangirira kandi amunywegyera; babuuzana oku barikuraara, mpaho bataaha omu ihema. 8Bwanyima Musa ateekyerereza ishezaara byona ebi Nyakubaho yaakozire Faraaho n'Abanyamisiri naabatura Abaisiraeli. Amutebeza n'enaku zi baareebeire omu muhanda, n'oku Nyakubaho yaabakirize. 9Yetero atyo ashemererwa ahabw'ebirungi ebi Nyakubaho yaakoreire Abaisiraeli naabaiha omu mikono y'Abanyamisiri.
10Reero Yetero agira ati: Nyakubaho owaabaihire omu mikono y'Abanyamisiri n'omu mukono gwa Faraaho naakasingye! 11Mbwenu naamanya ku Nyakubaho ari mukuru okukira baaruhanga boona, ahabw'okuba akaiha abo bantu omu mikono y'Abanyamisiri, abaabaire nibabaita kubi, babaineho amaryo. 12Mpaho Yetero, ishezaara wa Musa, atoijera Nyakubaho ebitambo by'okucwetsya n'ebindi bitambo. Reero Arooni n'abakuru b'omu Baisiraeli boona baija kuriira emigaati omu maisho ga Ruhanga, bari hamwe na ishezaara wa Musa.
Yetero okuhabura Musa kutaho abaramuzi
13Ku bwaseesire Musa yaashutama kucwera abantu emanja. Abantu baayemerera bamwehinguririize okwiha omu kasheeshe okuhitsya omu mwabazyo. 14Ishezaara wa Musa ku yaareebire ebi Musa arikukorera abo bantu, yaagira ati: Eki eki orikukorera aba bantu ni ki? Ahabw'enki nooshutama wenka, abantu boona bakeemerera bakwehinguririize okwiha omu kasheeshe okuhitsya omu mwabazyo? 15Musa agarukamu ishezaara ati: N'ahabw'okuba abantu nibaanyijaho kuunyebuuzaho ebya Ruhanga. 16Ku barikuba baine ebi barikufa, baija ahi ndi; naanye nshoboorora omuntu na bagyenzi be, mbamanyisa ebi Ruhanga yaataireho, n'ebi yaaragiire. 17Ishezaara wa Musa nikwo kumugira ati: Eki orikukora ti kirungi. 18Iwe n'abantu bu oine, nimwija kugwa ahaiguru, ahabw'okuba ogu murimo nigukuhenda, torikubaasa kugukora wenka. 19Mbwenu hurira ebi naaza kukugambira. Naaza kukuha obwengye, haza Ruhanga abe hamwe naiwe. Guma ogiire abantu owa Ruhanga, obamuhikizeho ebirikubasaasa. 20Kandi guma obeegyese ebyatairweho n'ebyaragiirwe, obamanyise oburyo bu baraatwazemu, n'ebi bashemereire kukora. 21Ekindi, toorana omu bantu boona, abashaija b'oburyo abarikutiina Ruhanga, abarikwesigwa, kandi abarikwanga enguzi. Abantu nk'abo, obateho babe abakuru b'abantu: abamwe bategyekye enkumi, abandi amagana, abandi amakumi ataano, n'abandi eikumi. 22Haza obarekye bagume nibaramura abantu obunaku bwona. Ebintu ebikuru nibyo bariguma nibakureetera, kwonka ebikye babe nibo baabishoboorora; nibwo oraayanguhirwe, nabo bakakwatanisa naiwe oburemeezi. 23Ku oraakore ekyo, nk'oku Ruhanga araakuragiire, noija kubaasa kwemera ogu murimo, kandi n'aba bantu nibaija kuguma nibagaruka omu maka gaabo n'obusingye.
24Musa nawe asiima ebi ishezaara yaamuhabura, akora byona ebi yaamugambira. 25Musa atyo atoorana abashaija b'oburyo omu Baisiraeli boona, abahindura abakuru omu ihanga: abamwe kutegyeka enkumi z'abantu, abandi amagana, abandi amakumi ataano, n'abandi eikumi. 26Nabo baguma nibaramura abantu obunaku bwona; emanja empango nibazireetera Musa, kwonka ebintu ebikye nibabyeshoboororera. 27Ebyo ku byahwaire, Musa yaikiriza ishezaara kugyenda; n'onu yaimutsya orugyendo yaagarukayo owaabo.
Ruhanga okweyorekyera Abaisiraeli ahari Sinaayi
Currently Selected:
Kur 18: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
Kur 18
18
1Yetero omuhongyerezi wa Midiyani, ishezaara wa Musa, akahurira ebi Ruhanga yaakoreire Musa n'Abaisiraeli abantu be; n'oku Nyakubaho yaihire Abaisiraeli Misiri. 2Mbwenu obwo, Yetero ishezaara Musa akaba yaatwaire Zipora muka Musa, ou onu yaabaire ashenzire, 3kandi akaba atwaire ogwo mukazi n'abatabani bombi, omwe orikwetwa Gereshomu (ngu ahabw'okuba Musa akagira ati: Mbaire ndi omushuuhuuki omu nsi etari yaitu); 4ondi naayetwa Eliezeeri (ngu ahabw'okuba Musa akagira ati: Ruhanga wa tata akampwera yankiza rurara ya Faraaho). 5Mpaho Yetero ishezaara wa Musa aija ahu ari amureeteire batabani be n'omukazi we; amushanga omu ihamba aha rushozi rwa Ruhanga, ahi yaabaire asiisiire. 6Reero omuntu ku yaagambiire Musa ati: Naakutona shozaara Yetero, yaija hamwe n'omukazi waawe na batabani baawe bombi kukureeba. 7Musa ashohora kubugana ishezaara, amutangirira kandi amunywegyera; babuuzana oku barikuraara, mpaho bataaha omu ihema. 8Bwanyima Musa ateekyerereza ishezaara byona ebi Nyakubaho yaakozire Faraaho n'Abanyamisiri naabatura Abaisiraeli. Amutebeza n'enaku zi baareebeire omu muhanda, n'oku Nyakubaho yaabakirize. 9Yetero atyo ashemererwa ahabw'ebirungi ebi Nyakubaho yaakoreire Abaisiraeli naabaiha omu mikono y'Abanyamisiri.
10Reero Yetero agira ati: Nyakubaho owaabaihire omu mikono y'Abanyamisiri n'omu mukono gwa Faraaho naakasingye! 11Mbwenu naamanya ku Nyakubaho ari mukuru okukira baaruhanga boona, ahabw'okuba akaiha abo bantu omu mikono y'Abanyamisiri, abaabaire nibabaita kubi, babaineho amaryo. 12Mpaho Yetero, ishezaara wa Musa, atoijera Nyakubaho ebitambo by'okucwetsya n'ebindi bitambo. Reero Arooni n'abakuru b'omu Baisiraeli boona baija kuriira emigaati omu maisho ga Ruhanga, bari hamwe na ishezaara wa Musa.
Yetero okuhabura Musa kutaho abaramuzi
13Ku bwaseesire Musa yaashutama kucwera abantu emanja. Abantu baayemerera bamwehinguririize okwiha omu kasheeshe okuhitsya omu mwabazyo. 14Ishezaara wa Musa ku yaareebire ebi Musa arikukorera abo bantu, yaagira ati: Eki eki orikukorera aba bantu ni ki? Ahabw'enki nooshutama wenka, abantu boona bakeemerera bakwehinguririize okwiha omu kasheeshe okuhitsya omu mwabazyo? 15Musa agarukamu ishezaara ati: N'ahabw'okuba abantu nibaanyijaho kuunyebuuzaho ebya Ruhanga. 16Ku barikuba baine ebi barikufa, baija ahi ndi; naanye nshoboorora omuntu na bagyenzi be, mbamanyisa ebi Ruhanga yaataireho, n'ebi yaaragiire. 17Ishezaara wa Musa nikwo kumugira ati: Eki orikukora ti kirungi. 18Iwe n'abantu bu oine, nimwija kugwa ahaiguru, ahabw'okuba ogu murimo nigukuhenda, torikubaasa kugukora wenka. 19Mbwenu hurira ebi naaza kukugambira. Naaza kukuha obwengye, haza Ruhanga abe hamwe naiwe. Guma ogiire abantu owa Ruhanga, obamuhikizeho ebirikubasaasa. 20Kandi guma obeegyese ebyatairweho n'ebyaragiirwe, obamanyise oburyo bu baraatwazemu, n'ebi bashemereire kukora. 21Ekindi, toorana omu bantu boona, abashaija b'oburyo abarikutiina Ruhanga, abarikwesigwa, kandi abarikwanga enguzi. Abantu nk'abo, obateho babe abakuru b'abantu: abamwe bategyekye enkumi, abandi amagana, abandi amakumi ataano, n'abandi eikumi. 22Haza obarekye bagume nibaramura abantu obunaku bwona. Ebintu ebikuru nibyo bariguma nibakureetera, kwonka ebikye babe nibo baabishoboorora; nibwo oraayanguhirwe, nabo bakakwatanisa naiwe oburemeezi. 23Ku oraakore ekyo, nk'oku Ruhanga araakuragiire, noija kubaasa kwemera ogu murimo, kandi n'aba bantu nibaija kuguma nibagaruka omu maka gaabo n'obusingye.
24Musa nawe asiima ebi ishezaara yaamuhabura, akora byona ebi yaamugambira. 25Musa atyo atoorana abashaija b'oburyo omu Baisiraeli boona, abahindura abakuru omu ihanga: abamwe kutegyeka enkumi z'abantu, abandi amagana, abandi amakumi ataano, n'abandi eikumi. 26Nabo baguma nibaramura abantu obunaku bwona; emanja empango nibazireetera Musa, kwonka ebintu ebikye nibabyeshoboororera. 27Ebyo ku byahwaire, Musa yaikiriza ishezaara kugyenda; n'onu yaimutsya orugyendo yaagarukayo owaabo.
Ruhanga okweyorekyera Abaisiraeli ahari Sinaayi
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.