S. Matiu 27
27
1Ba kwie iba dema, mori khungbene anun na mukhune fone birin dumbu sakhi Yisa khun ma, e kha a fakha.
2Anun e a khidikhi, anun e siga a ra, anun e a radangu na gobina Pilati ma.
3Na yanyi Yudasi nakhan a khunfi, a to dema, e a rayalagikhi, a makhatekhi atan na, anun a na wure fikha tongosakhan nakate mori khungbene anun fone ma.
4A nakha: in bata yulubi tongo, katugu in bata yulubirabatare khunfi, kono e nakha, unkhu a fe nanara? itan kha na mato.
5Anun a na wure fikha bira misidina kwi, anun a khate; anun a siga, anun a sa a nyete singan.
6Anun na mori khungbene na wure fikhane tongo, anun e nakha: A mu lan ito kha sa misidi wure mara de ni, katugu wulla sare nan a ra.
7Anun e dumbu sa, anun e fenye rafala bokhona inde sara e ra, a kha findi khonyene malukhun de ni.
8Nanara ha to, na bokhona khilla ne wulla bokhona.
9A liga na yanyi ni onabi Yeremia a nakhan falakhi, a nakha: Anun e na wure fikhe tongosakhan tongo, e nakhan sarakhi a sarena, Israeli a dine inde nakhan molona sa;
10Anun a e ba fenye rafala bokhona sarena, alo na Marigi a yitakhi in na ki nakhai.
11Ba, Yisa tikhi na gobina yetagi: anun na gobina a a makhodinkhi, a nakha: Yudiakanne mange nan i ra? Anun Yisa a fala a kha: Itan nan a fala.
12Anun na mori khungbene anun fone a yakhasere masa dema, a mu yabikhi fefe ra.
13Pilati fa a falakhi a kha na ni, i mu a me, e fe nakhan sere ba i khun ma?
14Anun a mu a yabikhi hali fala keden: mene na gobina khabekhi nyakhira.
15Ba, na sumu ni, na gobina darikhi gelimana mukhu keden yiba na setena kha, e wuga nakhan khon.
16Anun na yanyi gelimana inde yi na nakhan kolonkhi nyakhira, a khilla ne Barabasi.
17Nanara e khunlan dema, Pilati a falakhi e kha: Mundu kholli e ma, in kha a yiba e kha, Barabasi, ba Yisa nakhan khilla ne Masia?
18Katugu a a kolonkhi e a radangukhi hake maranyakhuna.
19Anun a mon to dokhi kitisa dokho de ni, a nyakhalla khera rasiga a ma, a nakha: I na ma fefe liga na kheme tinkhinna ra, katugu in bata toro wiakhi rakhan khie ni to a fera.
20Ba, na mori khungbene nun fone e na setene radin, e kha Barabasi makhilli, anun Yisa kha fakha.
21Kono na gobina e yabikhi, anun a a falakhi e kha, E fidin yei e tinye in kha mundu yiba e kha? Anun e nakha Barabasi.
22Pilati a falakhi e kha: In kha nan se liga Yisa ra, nakhan khilla ne Masia? E dama nakha, a kha fenfen.
23Anun a nakha: Nan fera, a nan se fe nyakhi ligakhi? Kono e sonkhoma sobera e nakha, a kha fenfen.
24Anun Pilati a to dema a mu fefe gasa, kono sonkho gbe nan tun kelima, a yigena tongo, anun a a yina rakha na setena yekhori, a nakha, Kheme tinkhin ito a wulla raminide intan fikha de, etan kha a mato.
25Anun na mukhune dama a yabikhi, e nakha: A wulla kha lu unkhutan nun unkhua dine ma.
26A Barabasi yiba e kha na ni, kono a Yisa bombo, anun a a radangu a kha fenfen.
27Na gobina a soyane e Yisa tongo na ni, e a raso gobina bankhi gbe ni, anun e na galli balakhana malankhi a khun ma.
28Anun e a makoren, anun e doma gbeli ragodo a ma.
29Anun e nyalli nemuna sokhonkhi, anun e a so a khuna, anun khaiena sokhi a yi fanna ma: anun e khimbisinkhi a yera, e gelema a ma, e nakha: Yudiakanne mangena, ikhonye?
30Anun e deyige ramini a ma, anun e na khaiena tongo, anun e a bombo a khunna ma.
31Anun e to bata yelin gelede a ma e na doma rate a ma, anun e a gbe domane ragodo a ma, anun e a rasiga a fenfende.
32Anun a to minikhi, e lan Kurini khemena inde ra, nakhan khilla ne Simoni; e atan nan marasa a kha bira e fokhora, a kha a wudi gindingalankhina khali.
33Anun e yirena inde li dema, nakhan khilla ne Golgota, na nen, khunkhori yirena.
34E bere nyokhume fi a ma a minde, kunankunan sumbukhi a ma, kono a a raserentun dema, a mu tin a minde.
35Anun e yelin a fenfen dema, e nyelle bira a doma takhunde ni.
36Anun e dokhi na a kantande.
37Anun e a yakhaserena sebekhi anun e a fenfen a khunna fugera; YISA NAN ITO RA YUDIAKANNE MANGENA.
38Na yanyi munyatine fidin fenfenkhi a fema, keden a yi fanna ma, bonna a komena ma.
39Anun nakhe na dangu na e a makombima, anun e e khunne imakhama,
40Anun e nakha: Itan nakhan na misidina kalama, anun i a tima sono sogo sakhan na bun, i kha i nyete rakisi. Kha ALLA DI nan i ra godo na wudi gindingalankhina ma.
41Na mori khungbene fan gelema a ma na ki ni, anun kaidisebene nun fone, e nakha:
42A bone rakisi, a ma a nyete rakisi noe. Israeli Mange nan a ra, a kha godo na wudi gindingalankhina ma anun unkhu lamane a ra.
43A la ALLA ra; a kha a ratanga iki, kha a wugama a khon, katugu a nakha: ALLA A DI nan intan na.
44Anun na munyatine fan nakhe fenfenkhi a fema, e a makombi na nyokhon ki.
45Ba, tongo a wakati senindena ma ha a wakati solomananinde li, dimi dokhi bokho dama ma.
46Anun a wakati solomananinde nyokhon Yisa a khwi rate khwi gbe ra, a nakha: Eli, Eli, lama sabaktani? na nen: Inma ALLA, Inma ALLA, I mekhi in na nan fera?
47Anun nakhe tikhi na, e na me dema, inde nakha; Kheme ito a Elia nan khillima.
48Anun nanunnai mukhu keden e yei bara, anun a dukhudukhuna inde tongo, anun a sa a ragodo bere mulukhunkhi ni, anun a a soti khaiena ra, anun a a fi a ma, a minde.
49Anun a donkena nakha, a lu keden; en kha a mato kha Elia fama a rakiside.
50Anun Yisa a khwi rate khwi gbe ra sono, anun a a nina yiba.
51Anun a mato, na misidi tagi sa dugina bhokhi fidin, tongo a fugena ha a san bunna li; anun bokhona khurukhurukhi, anun fanyene ibhokhi.
52Anun bilingane rabikhi; anun ALLA kanuntene nakhe bata yi khi e wiakhi bimbine rakelikhi.
53Anun e minima bilingane kwi, A keli khambina e so na tai serienkhi kwi, anun e siga wiakhi khon.
54Ba, na soya keme keden khunna, anun nakhe yi a fema Yisa kantande, e na bokho khurukhuruna to dema, anun na fe nakhe yi liga, e ghakhukhi nyakhira, e nakha: Nyondi ALLA A DI nan ito ra.
55Anun nyakhalle wiakhi yi na, e a matoma yire makwie, nakhe birakhi Yisa fokhora keli Galili ni, fe rabama a kha.
56Mariama Magdalakanna, anun Mariama Yakuba nun Yosi e nga, anun Sebidi a dine nga, yi e yei.
57Anun nyimbare so dema kheme banakhina inde fakhi keli Arimatia, a khilla ne Yisufu, Yisa a kharandi nan yi a fan na:
58Kheme ito sigakhi Pilati khon, anun a Yisa bimbina makhandi. Pilati yamarikhi na ni, e kha a radangu.
59Anun Yisufu na bimbina tongo, anun a a mafilin dugi fikha fanyina.
60Anun a sa a sa a gbe furunkume nene kwi, a nakhan gekhi fanye ni: anun a geme gbena inde rakutukutu atan furunkumena de ra anun a khate.
61Anun Mariama Magdalakanna yi na, anun na Mariama bona, e dokhi na furunkumena khun ma.
62Ba, na lokho khambi, nakhan maiton lokho khambi ra, na mori khungbene nun Farisine e yi khunlankhi Pilati khon,
63E nakha, fafe, unkhu bata unkhu manyokhon na mukhu mayendena nakha, a mon to yi nyenye, sogo sakhan na dangu, in kelimane sono.
64Nanara i kha yamari ne na furunkume kha kantan ha a sogo sakhandena, alogo a kharandine na ma fa a bimbina munya kode, anun e fa a fala mukhune kha, a kulunyai; anun na donke rakhi tantanna nyakhumane a singe rakhina kha.
65Pilati a falakhi e kha: Kantantine e yi, e siga e kha, e sa a kantan e a kantan noe ki nakhai.
66E siga na ni, anun e na furunkume kantan kifanyi, anun e na gemena khidi, na kantantine e fema.
Currently Selected:
S. Matiu 27: YAL
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1907.
S. Matiu 27
27
1Ba kwie iba dema, mori khungbene anun na mukhune fone birin dumbu sakhi Yisa khun ma, e kha a fakha.
2Anun e a khidikhi, anun e siga a ra, anun e a radangu na gobina Pilati ma.
3Na yanyi Yudasi nakhan a khunfi, a to dema, e a rayalagikhi, a makhatekhi atan na, anun a na wure fikha tongosakhan nakate mori khungbene anun fone ma.
4A nakha: in bata yulubi tongo, katugu in bata yulubirabatare khunfi, kono e nakha, unkhu a fe nanara? itan kha na mato.
5Anun a na wure fikha bira misidina kwi, anun a khate; anun a siga, anun a sa a nyete singan.
6Anun na mori khungbene na wure fikhane tongo, anun e nakha: A mu lan ito kha sa misidi wure mara de ni, katugu wulla sare nan a ra.
7Anun e dumbu sa, anun e fenye rafala bokhona inde sara e ra, a kha findi khonyene malukhun de ni.
8Nanara ha to, na bokhona khilla ne wulla bokhona.
9A liga na yanyi ni onabi Yeremia a nakhan falakhi, a nakha: Anun e na wure fikhe tongosakhan tongo, e nakhan sarakhi a sarena, Israeli a dine inde nakhan molona sa;
10Anun a e ba fenye rafala bokhona sarena, alo na Marigi a yitakhi in na ki nakhai.
11Ba, Yisa tikhi na gobina yetagi: anun na gobina a a makhodinkhi, a nakha: Yudiakanne mange nan i ra? Anun Yisa a fala a kha: Itan nan a fala.
12Anun na mori khungbene anun fone a yakhasere masa dema, a mu yabikhi fefe ra.
13Pilati fa a falakhi a kha na ni, i mu a me, e fe nakhan sere ba i khun ma?
14Anun a mu a yabikhi hali fala keden: mene na gobina khabekhi nyakhira.
15Ba, na sumu ni, na gobina darikhi gelimana mukhu keden yiba na setena kha, e wuga nakhan khon.
16Anun na yanyi gelimana inde yi na nakhan kolonkhi nyakhira, a khilla ne Barabasi.
17Nanara e khunlan dema, Pilati a falakhi e kha: Mundu kholli e ma, in kha a yiba e kha, Barabasi, ba Yisa nakhan khilla ne Masia?
18Katugu a a kolonkhi e a radangukhi hake maranyakhuna.
19Anun a mon to dokhi kitisa dokho de ni, a nyakhalla khera rasiga a ma, a nakha: I na ma fefe liga na kheme tinkhinna ra, katugu in bata toro wiakhi rakhan khie ni to a fera.
20Ba, na mori khungbene nun fone e na setene radin, e kha Barabasi makhilli, anun Yisa kha fakha.
21Kono na gobina e yabikhi, anun a a falakhi e kha, E fidin yei e tinye in kha mundu yiba e kha? Anun e nakha Barabasi.
22Pilati a falakhi e kha: In kha nan se liga Yisa ra, nakhan khilla ne Masia? E dama nakha, a kha fenfen.
23Anun a nakha: Nan fera, a nan se fe nyakhi ligakhi? Kono e sonkhoma sobera e nakha, a kha fenfen.
24Anun Pilati a to dema a mu fefe gasa, kono sonkho gbe nan tun kelima, a yigena tongo, anun a a yina rakha na setena yekhori, a nakha, Kheme tinkhin ito a wulla raminide intan fikha de, etan kha a mato.
25Anun na mukhune dama a yabikhi, e nakha: A wulla kha lu unkhutan nun unkhua dine ma.
26A Barabasi yiba e kha na ni, kono a Yisa bombo, anun a a radangu a kha fenfen.
27Na gobina a soyane e Yisa tongo na ni, e a raso gobina bankhi gbe ni, anun e na galli balakhana malankhi a khun ma.
28Anun e a makoren, anun e doma gbeli ragodo a ma.
29Anun e nyalli nemuna sokhonkhi, anun e a so a khuna, anun khaiena sokhi a yi fanna ma: anun e khimbisinkhi a yera, e gelema a ma, e nakha: Yudiakanne mangena, ikhonye?
30Anun e deyige ramini a ma, anun e na khaiena tongo, anun e a bombo a khunna ma.
31Anun e to bata yelin gelede a ma e na doma rate a ma, anun e a gbe domane ragodo a ma, anun e a rasiga a fenfende.
32Anun a to minikhi, e lan Kurini khemena inde ra, nakhan khilla ne Simoni; e atan nan marasa a kha bira e fokhora, a kha a wudi gindingalankhina khali.
33Anun e yirena inde li dema, nakhan khilla ne Golgota, na nen, khunkhori yirena.
34E bere nyokhume fi a ma a minde, kunankunan sumbukhi a ma, kono a a raserentun dema, a mu tin a minde.
35Anun e yelin a fenfen dema, e nyelle bira a doma takhunde ni.
36Anun e dokhi na a kantande.
37Anun e a yakhaserena sebekhi anun e a fenfen a khunna fugera; YISA NAN ITO RA YUDIAKANNE MANGENA.
38Na yanyi munyatine fidin fenfenkhi a fema, keden a yi fanna ma, bonna a komena ma.
39Anun nakhe na dangu na e a makombima, anun e e khunne imakhama,
40Anun e nakha: Itan nakhan na misidina kalama, anun i a tima sono sogo sakhan na bun, i kha i nyete rakisi. Kha ALLA DI nan i ra godo na wudi gindingalankhina ma.
41Na mori khungbene fan gelema a ma na ki ni, anun kaidisebene nun fone, e nakha:
42A bone rakisi, a ma a nyete rakisi noe. Israeli Mange nan a ra, a kha godo na wudi gindingalankhina ma anun unkhu lamane a ra.
43A la ALLA ra; a kha a ratanga iki, kha a wugama a khon, katugu a nakha: ALLA A DI nan intan na.
44Anun na munyatine fan nakhe fenfenkhi a fema, e a makombi na nyokhon ki.
45Ba, tongo a wakati senindena ma ha a wakati solomananinde li, dimi dokhi bokho dama ma.
46Anun a wakati solomananinde nyokhon Yisa a khwi rate khwi gbe ra, a nakha: Eli, Eli, lama sabaktani? na nen: Inma ALLA, Inma ALLA, I mekhi in na nan fera?
47Anun nakhe tikhi na, e na me dema, inde nakha; Kheme ito a Elia nan khillima.
48Anun nanunnai mukhu keden e yei bara, anun a dukhudukhuna inde tongo, anun a sa a ragodo bere mulukhunkhi ni, anun a a soti khaiena ra, anun a a fi a ma, a minde.
49Anun a donkena nakha, a lu keden; en kha a mato kha Elia fama a rakiside.
50Anun Yisa a khwi rate khwi gbe ra sono, anun a a nina yiba.
51Anun a mato, na misidi tagi sa dugina bhokhi fidin, tongo a fugena ha a san bunna li; anun bokhona khurukhurukhi, anun fanyene ibhokhi.
52Anun bilingane rabikhi; anun ALLA kanuntene nakhe bata yi khi e wiakhi bimbine rakelikhi.
53Anun e minima bilingane kwi, A keli khambina e so na tai serienkhi kwi, anun e siga wiakhi khon.
54Ba, na soya keme keden khunna, anun nakhe yi a fema Yisa kantande, e na bokho khurukhuruna to dema, anun na fe nakhe yi liga, e ghakhukhi nyakhira, e nakha: Nyondi ALLA A DI nan ito ra.
55Anun nyakhalle wiakhi yi na, e a matoma yire makwie, nakhe birakhi Yisa fokhora keli Galili ni, fe rabama a kha.
56Mariama Magdalakanna, anun Mariama Yakuba nun Yosi e nga, anun Sebidi a dine nga, yi e yei.
57Anun nyimbare so dema kheme banakhina inde fakhi keli Arimatia, a khilla ne Yisufu, Yisa a kharandi nan yi a fan na:
58Kheme ito sigakhi Pilati khon, anun a Yisa bimbina makhandi. Pilati yamarikhi na ni, e kha a radangu.
59Anun Yisufu na bimbina tongo, anun a a mafilin dugi fikha fanyina.
60Anun a sa a sa a gbe furunkume nene kwi, a nakhan gekhi fanye ni: anun a geme gbena inde rakutukutu atan furunkumena de ra anun a khate.
61Anun Mariama Magdalakanna yi na, anun na Mariama bona, e dokhi na furunkumena khun ma.
62Ba, na lokho khambi, nakhan maiton lokho khambi ra, na mori khungbene nun Farisine e yi khunlankhi Pilati khon,
63E nakha, fafe, unkhu bata unkhu manyokhon na mukhu mayendena nakha, a mon to yi nyenye, sogo sakhan na dangu, in kelimane sono.
64Nanara i kha yamari ne na furunkume kha kantan ha a sogo sakhandena, alogo a kharandine na ma fa a bimbina munya kode, anun e fa a fala mukhune kha, a kulunyai; anun na donke rakhi tantanna nyakhumane a singe rakhina kha.
65Pilati a falakhi e kha: Kantantine e yi, e siga e kha, e sa a kantan e a kantan noe ki nakhai.
66E siga na ni, anun e na furunkume kantan kifanyi, anun e na gemena khidi, na kantantine e fema.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1907.