Ŋúnuyɔ 87
87
Siɛnnɛ pe mìɛni 'kɔ́n Siyɔn kàʔa mɛ́
1Kore jaala#87.1 Kore jaala Wéli baa 42.1 kaliwɛgɛ ki táanmɛ gè. ŋúnugo gī. Ŋúnudanʔa gè gàa pe ŋú nɛ́ yakpuɔnrɔ ní dè.
Yewe wi 'wi kàʔa tɛ́ngɛ gè nyaguruyo wàlidɛngɛyɛ nɛ̄ yè.
2 Siyɔn kàʔa#87.2 Eburu siɛnrɛ ti 'ki juu nɛ́ jo: Siyɔn wìʔile. Keli ke 'puu nɛ kàʔa ki mìɛni tìí. ki 'Yewe dɛ́ni wè nɛ̀ tóri
Yakuba kàaya yi mìɛni nɛ̄.
3Cí, muɔ ŋáà wī Kulocɛliɛ kàʔa gè,
pe 'kpuʔɔrɔ kele nìʔɛgɛlɛ 'juu muɔ wuʔu nɛ̄ gè. Ye‑ ŋɔ́ cɛ̀.
4Kulocɛliɛ 'ki juu nɛ́ jo#87.4 Weli 'tiʔɛ gáà siɛnrɛ taʔa dè baa bè ti lúʔugɛnnɛ cìile lè.:
«Ezipiti kùlo lè#87.4 Eburu siɛnrɛ ti 'ki juu nɛ́ jo: Arakavi, gàa kiī fìɛ nɛ Ezipiti kùlo kɛnmɛ tìí bè., nɛ́ Babilɔni kàʔa gè,
yi kùlo siɛnnɛ piyē pàli sunʔɔmɔ nī, bàli pe 'mi cɛ́n bèle,
nɛ́ míɛni Filisiti kùlo nɛ́ Tiiri kàʔa nɛ́ Kusi kùlo#87.4 Ki kùlo náà ni 'puu Nubi kùlo, nàa ni 'puu Siɛnnɛwuɔlɔ kùlo láà. Ni 'puu Niili cáʔa ki kpàanjali nɛ̄ wè, Ezipiti kùlo lìʔɛlɛ nī lè, kàliige kɔli mɛ́. wuulo ní bèle#87.4 Kùlogolo gàli wuʔu ki 'juu náʔa gè, keli yé puu Isirayɛliyé leguulo. Ke kùlogolo ke 'puu nɛ sìndɛngɛlɛ kɛnmɛ tìí bè.,
mi 'ki juu pe wuʔu nɛ̄ gè nɛ́ jo: ‹Bàli bèle, peli nyɛ́nì sii baa Siyɔn kàʔa nī gè#87.4 Siɛnnɛ pálì nɛ̂ tiʔɛ gáà siɛnrɛ yiʔɛ dè nɛ̀ jo: peli nyɛ́nì sii baa pe kùlo nī..› »
5Siyɔn kàʔa wuʔu nɛ̄ gè, pe bé ki juu bé jo:
«Siɛnnɛ pe mìɛni 'sii baa.
Kulocɛliɛ ŋáà wī Duniya wi Mìɛni Nyùgo nɛ̄ gè,
wire wi 'ki sɔ́migɔ nɛ̀ tɛ́ngɛ.»
6Bà Yewe 'kùlogolo sɛbɛ gèle,
a wi 'ki juu ke mìɛni nigbe nigbewuʔu nɛ̄ gè nɛ́ jo:
«Wàa nyɛ́nì sii Siyɔn kàʔa nī gè.» Ye‑ ŋɔ́ cɛ̀.
7Bà siɛnnɛ pe béri yúu béri ŋú bé jo:
«Mi nìre#87.7 Eburu siɛnrɛ ti 'ki juu nɛ́ jo: lawiʔile. Kire yē nɛ yakaa sélimɛ kɛnmɛ tìí. ti mìɛni 'yiri muɔ nī.»
Currently Selected:
Ŋúnuyɔ 87: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
