Ŋúnuyɔ 85
85
Yewe yo, koli ma nyuɔ weli nɛ̄ !
1Ŋúnuŋuminɔ yiɛginiwɛ wuʔu gī. Kore jaala#85.1 Wéli baa 42.1 kaliwɛgɛ ki táanmɛ gè. ŋúnudanʔa gī gàa pe ŋú nɛ́ yakpuɔnrɔ ní dè.
2 Yewe yo, muɔ nyɛ́nì kacɛ̀ngɛ kpíʔile muɔ kùlo nɛ̄ lè
a muɔ 'koli nɛ̀ Yakuba siimɛ kɔ́ri bè nɛ̀ pɛn,
bàli pe 'puu sùkulolo bèle.
3Muɔ nyɛ́nì muɔ siɛnnɛ kolimɔ láʔa bè,
muɔ 'pe kapiʔile ke mìɛni kàsulugo suɔ gè. Ye‑ ŋɔ́ cɛ̀.
4Muɔ nyɛ́nì muɔ fundanʔanigɛ láʔa gè pe nɛ̄;
muɔ fungo ki cé yɛ̀ bɛ̀ kàsun tíɛlɛ, a muɔ 'koli nɛ̀ ki tìrige pe kúrugu.
5Weli suɔfɔli Kulocɛliɛ yo, ‑weli yaʔa weli koli bè pɛn !
Koli ma muɔ funbiɛnrɛ láʔa dè weli nɛ̄ !
6Muɔ bé ní kò lé muɔ fundanʔanigɛ nɛ̄ gè súuri weli kɔli mɛ́ gè ?
Muɔ bé ní muɔ funyɛrigɛ yaʔa gè weli nɛ̄ súuri lé
kɛ̀ngɛlɛ ke mìɛni nī lé ?
7Muɔ sǐ ní koliʔ ŋɔri nyɔ́gɔ weli nī lé,
kire ga buu muɔ siɛnnɛ pe‑ kò fundaanra nɛ̄ muɔ nī ?
8Yewe yo, ‑muɔ bànguɔ dɛ́nigɛ tìɛ gè weli nɛ̄ !
‑Muɔ suɔlɔ kɛn lè weli mɛ́ !
9M'béri ki lúru gàa Kulocɛliɛ bé juu gè#85.9 Wéli baa Yab 2.1.:
Yewe nɛ nyu bè yanyige kpíʔile wi siɛnnɛ mɛ́ bèle,
peli bálì pe 'pìye puɔ wi nɛ̄ wè#85.9 Wéli baa Zaka 9.10. .
Gìi sí gī baa gè, kiì yɛli pe‑ ní koli pe ledomɔ kúrugu bèʔ#85.9 Wéli baa Piɛ2 2.21-22. !
10ʔaan, wi suɔlɔ ni nyɛ́nì kpɔni pe nɛ̄, bàli pe wi fìʔɛ́ bèle,
kire ga buu wi kpuɔmɔ pi‑ kò weli kùlo nī lè.
11Wi bànguɔ dɛ́nigɛ gè nɛ́ kányiʔɛ ní gè, yi 'yìi kpàli,
wi sínmɛ bè nɛ́ wi yanyige ní gè, ti 'tìi wáa nɛ̀ mígi.
12Kányiʔɛ ki nɛ̂ fìin dàala nɛ̄ lè, sínnɛ ni nɛ̂ tìgi nyìʔɛnɛ nī lè.
13ʔaan, Yewe wi bé ki kɛn gàa ki 'nyuɔ gè#85.13 Wéli baa Zak 1.17.;
weli dàala ni bé yaliire kɛn dè.
14Sínnɛ niī nɛ tári wi yiʔɛ mɛ́ gè#85.14 Wéli baa Eza 58.8.,
bè wi yedaʔala tóridiɛyɛ gbòbori yè.
Currently Selected:
Ŋúnuyɔ 85: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
