Ŋúnuyɔ 128
128
Siɛn ŋáà wi fìʔɛ́ Yewe nɛ̄ wè wi wuʔu kiī tànʔa
1 Fundaanra tánʔagbuɔlɔ ŋúnugo gī.
Siɛn ó siɛn ŋàa wi fìʔɛ́ Yewe nɛ̄ wè
níɛ tári wi koligo nī gè, wi wuʔu kiī tànʔa !
2Muɔ kɔli baara dè, muɔ bé ti tɔ̀ni taa wè.
Muɔ bága fundaanra taa, muɔ bé nyuɔ.
3Muɔ cuɔ wi bé puu muɔ saʔa nī gè
bɛ̀ ɛrɛzɛn fétirige tíɛlɛ gàa ki sɛngi gè,
dí muɔ pìile peli sí puu wolivi tiipunyɔ tíɛlɛ;
pe bé tɛ́ni bè muɔ màʔa lìidiʔɛ nī gè.
4Siɛn ŋáà wi fìʔɛ́ Yewe nɛ̄ wè, bɛ̀ sí ki yē wi bé diba taa wè.
5Bè wi yaʔa baa Siyɔn kàʔa nī gè,
Yewe bé diba taʔa wè muɔ nɛ̄,
dí muɔ sí Zerizalɛmi kàʔa ki nyuɔmɔ nyaa bè
muɔ sìi cɛnyɛ yi mìɛni nī.
6Muɔ bé tɔ̀ni muɔ kàduʔumɛ pìile nyaa bèle !
Yanyige ki‑ puu Isirayɛli kùlo nɛ̄ lè !
Currently Selected:
Ŋúnuyɔ 128: sev
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
