Ŋúnuyɔ 112
112
Siɛnsinwɛ wi kakpiʔiligele kiyē nɛ́ kpuʔɔrɔ ní
1 Ye- Yewe gbùʔɔrɔ wè !
Siɛn ŋáà wi fìʔɛ́ Yewe nɛ̄ wè,
ŋàa Yewe kajuudiʔɛlɛ 'ke dɛ́ni gèle, wi wuʔu kiī tànʔa#112.1 Wéli baa 111.1 kaliwɛgɛ ki táanmɛ gè..
2Wi siimɛ pi bé ŋɔri taa dàala nɛ̄ lè.
Yewe bé diba taʔa wè siɛnsinminɛ pe kɛ̀nnɛ gboli nɛ̄ lè.
3Wi saʔa gè, lɔri nɛ́ kɔliyɛrɛ nìʔɛrɛ bé puu baa;
wi sínnɛ ni sí de mɔgi lɛ̀lɛ ó lɛ̀lɛ nī.
4Ŋàa fungo ki 'fílige gè,
kpìɛnmɛ piī nɛ càanná wi nɛ̄ yebilige nī gè,
wire ŋáà wī funnyigefɔli nɛ́ ní nyinidaaguugofɔli wè#112.4 wire ŋáà wī funnyigefɔli nɛ́ ní nyinidaaguugofɔli wè: Wéli baa 111.4.,
nɛ́ ní siɛnsinwɛ wè.
5Siɛn ŋáà wi fuʔɔ nii nɛ́ funjɛ̀ngɛ ní gè,
níɛ wi kele kpínʔini gèle nɛ̀ yɛli nɛ́ gàa ní ki sín gè,
ki nyɛ́nì nyuɔ.
6Nɛ́ ki cɛ́n yafiɛn sǐ gbɛ̀ jáa bè kire siɛn cúungo wèʔ;
pe béri sɔ̀ngí de taʔa lɛ̀lɛ ó lɛ̀lɛ nī nɛ́ siɛnsinwɛ ní wè.
7Wi wè nɛ fìʔɛ́ sànviige wáa siɛnrɛ nɛ̄ dèʔ;
wi fungo ki 'sɔ́migɔ nɛ̀ sori, wi sɔ̀ngirɔ tiī Yewe nɛ̄.
8Wi fungo ki 'sori, wiǐ de fìʔɛ́ʔ,
wi nɛ̂ puu yériwe nɛ wi túnvɔlilɔ tuugɛnmɛ wéli bè.
9Wiī nɛ fùrɔgɔfɔlilɔ kanʔa bèle nɛ́ funjɛ̀ngɛ ní;
wi sínmɛ piī nɛ mɔgi lɛ̀lɛ ó lɛ̀lɛ nī#112.9 Wéli baa 111.3; 112.3. Ki siɛnrɛ ti 'juu baa Kor2 9.9 nɛ̀ yɛli nɛ́ girɛki siɛnliɛrɛ ní dè..
Siɛnnɛ pe mìɛni níɛ wi ŋɔri wori kpóri dè.
10Kire siɛn ŋáà wè, siɛnpiiwe wi nɛ̂ wi nyaa, wi fungo ki nɛ̂ yɛ̀,
wi nìɛ gànʔana káa gèle wi wuʔu nɛ̄ gè, níɛ̀ yiʔɛ piɛn gè.
ʔaan, siɛnpiile sɔ̀ngirɔ dè, ti bé cúʔɔ bè láʔa péwu !
Currently Selected:
Ŋúnuyɔ 112: sev
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
