Leviiyé 19
19
Fànʔa kajuʔulo gálì ke nyu sínnɛ wori nɛ̄ dè
1A Yewe 'ki juu Misa mɛ́ nɛ́ jo:
2«Ma siɛnrɛ dáà juu dè Isirayɛliyé mɛ́ bèle:
«Yeli sí yɛli bè puu tiɛlɛ fùn, nɛ́ ki cɛ́n mi Yewe, yeli Kulocɛliɛ wè, mi yē tiɛlɛ fùn#19.2 Wéli baa 11.44-45. Ki siɛnrɛ ti 'juu baa Piɛ1 1.16..
3«Siɛn ó siɛn 'yɛli bèri wi yàa nɛ́ wi tuu kpóri wè#19.3 Wéli baa Yir 20.12; 21.17; Lev 20.9; Fàn 5.16; Ezek 22.7; Mat 15.4; Efɛ 6.2., siɛn ó siɛn 'yɛli bè mi cɛndɛniyɛ cò yè cɛ̀ngɛ#19.3 Wéli baa Yir 20.8-11; Lev 19.30; 23.3; 26.2; Fàn 5.12-15; Ezek 22.8; Mat 12.1-8 .. Mi yē Yewe, yeli Kulocɛliɛ wè.
4«Ye fǎga taʔa kulocɛlɛlɛ bálì nɛ̄ pe wè yafiɛn wèʔ#19.4 Wéli baa Yir 20.3; 34.14; Lev 26.1; Ŋún 81.10; Mat 4.10 ., ye fǎga timɔri yasungo káà fáala kpíʔileʔ#19.4 Nɛ́ míɛni yasungo gáà pe 'kpíʔile nɛ́ tiige ní gè, tiì yɛliʔ. Wéli baa Yir 20.4-5; 32.1-8; 34.17; Fàn 27.15; Kùlo1 12.28-30 .. Mi yē Yewe, yeli Kulocɛliɛ wè.
5«A yeli nɛ yanyige yakɔnrɔ kaara kɔ̀ngí dè Yewe mɛ́ wè, ye- ki kpíʔile kɛnmɛ bíì nɛ̄ wi bé fɔ̀li ki nɛ̄ gè. 6Kire kaara ti 'yɛli ye- ti káa cɛnnugo gè, kire ga laa ki kpìɛnduu gè. Dàa ti bé kò bè cɛnyɛ taanri kúɔ yè, ki 'yɛli pe- tire sórigo. 7A siɛn 'yanyige yakɔnrɔ kaara káa dè cɛnyɛ taanriwuʔu nɛ̄ gè, ti nyɛ́nì kò yanuʔɔrɔ Yewe yiʔɛ mɛ́; wiǐ fɔ̀li ti nɛ̄ʔ. 8Siɛn ŋáà wi 'ti káa dè, wi kolimɔ pi bé tuu wi nɛ̄, nɛ́ ki cɛ́n yakɔnrɔ kaara dáà dī wàlidɛngɛrɛ Yewe mɛ́ wè, wi nyɛ́nì ti faʔa. Pe bé kire siɛn yige péwu wi siɛnnɛ sunʔɔmɔ nī bè.
9«A yeli kɛ́nì yeli siiye yaliire líɛ dè, muɔ 'yɛli bè yaliire táà yaʔa siʔi kanyuɔyɔ nɛ̄ yè; muɔ sì yɛli bè yaliikɛniyɛ líɛ yèʔ nyàa nɛ̄ muɔ 'fìʔɛ yèʔ#19.9 Koliyo 9-10 tiʔɛ nī gè, wéli baa 23.22; Fàn 24.19-22.. 10Bɛ̀ ki bé puu míɛni a muɔ kɛ́ni ɛrɛzɛn yasɛnrɛ cuu dè muɔ siʔi nī gè. Muɔ sì yɛli bè koli bè siʔi fùgu gè tɔliyɔ siinʔ bè yasɛnrɛ cuɔ dè dàa nɛ̄ muɔ 'tóri dèʔ, muɔ sì yɛli bè yasɛnrɛ jó dè dàa ti 'wo dàala nɛ̄ lèʔ. Muɔ 'yɛli bè ti yaʔa fuunmɔfɔlilɔ nɛ́ nabɔnminɔ mɛ́ bèle. Mi yē Yewe, yeli Kulocɛliɛ wè.
11«Ye fǎga kàyuugo kpíʔileʔ#19.11 Wéli baa Yir 20.15; Fàn 5.19.. Ye fǎga finɛ daʔa yeli siɛnnyɛni wáà nɛ̄ʔ, kire ga laa bè wi fáanniʔ#19.11 Wéli baa Yir 20.16; Lev 5.21-22; Fàn 5.20; Efɛ 4.25.. 12Ye fǎga finɛ bè kàli mi míʔɛ nɛ̄ gèʔ; a yeli 'kire kpíʔile gè, yeli bé yeli Kulocɛliɛ míʔɛ faʔa gè. Mi yē Yewe#19.12 Wéli baa Yir 20.7,16; Zer 5.2. Ki siɛnrɛ ti 'juu baa Mat 5.33..
13«Ma fǎga fùrɔgɔ niʔɛ gè muɔ siɛnnyɛni nɛ̄ wèʔ, ma fǎga yakaa yùu wi mɛ́ʔ. Muɔ baakuɔwɔ wi cɛngɛ sàri wiì yɛli bè kpìɛnmɛ tuu bè muɔ mɛ́ʔ#19.13 Wéli baa Yir 22.20; Lev 5.21-23; Fàn 24.14-15; Ezek 22.12.. 14Ma fǎga dɛ́ngɛ wáa wè dùnɔ nɛ̄ wèʔ, ma fǎga yakaa tɛ́ngɛ fúɔn wi yiʔɛ mɛ́ gè wi- kúrugo ki nɛ̄ʔ. Muɔ 'yɛli bèri muɔ Kulocɛliɛ fìʔɛ́ wè. Mi yē Yewe#19.14 Wéli baa Fàn 27.18..
15«Ye fǎga kàyuʔu juu nɛ́ sìnzinmɛ níʔ. Fǎga tànʔa kɛn siɛnciɛwɛ mɛ́ wè wi cíɛmɛ kɛnmɛ nɛ̄ bèʔ, fǎga tànʔa kɛn míɛni siɛnkpuɔwɔ mɛ́ wè wi kpuɔmɔ kɛnmɛ nɛ̄ bèʔ. Muɔ 'yɛli bè muɔ siɛnnyɛni kàyuʔu juu gè nɛ́ sínmɛ ní#19.15 Wéli baa Yir 23.3,6-8; Fàn 1.17; 16.19..
16«Ma fǎga de nyaari de mári bè siɛn wáà míʔɛ cúʔɔ yeli siɛnnɛ sunʔɔmɔ nī bèʔ. Fǎga kaala láà juu daʔa muɔ siɛnnyɛni nɛ̄ wèʔ pe- wi kpúuʔ. Mi yē Yewe.
17«Fǎga muɔ siinyɛni yaʔa wi 'muɔ biɛn muɔ fungo nī gèʔ a wi 'kaala láà kpíʔile nàa niì nyuɔ lèʔ. Muɔ 'yɛli bè juu nɛ́ muɔ siɛnnyɛni ní wè, kire ga buu muɔ fǎga kolimɔ taa wire kɛnmɛ nɛ̄ kire kaala nɛ̄ lèʔ#19.17 Ki siɛnrɛ ti 'juu baa Mat 18.15.. 18Muɔ fǎga de caa bè muɔ fuʔɔ tɔ́n gèʔ, fǎga míɛni kaala cò siɛn kúrugu muɔ siɛnnɛ sunʔɔmɔ nī bèʔ. Nɛ̀ ki yaʔa muɔ 'yɛli bè muɔ siɛnnyɛni woli yaʔa lè ni- muɔ dɛ́ni kɛnmɛ bíì nɛ̄ muɔ mìɛ dɛ́ni wè. Mi yē Yewe#19.18 Wéli baa 19.34. Ki siɛnrɛ ti 'juu baa Mat 5.43; 19.19; 22.39; Mar 12.31; Luk 10.27; Wurɔ 13.9; Gal 5.14..
19«Mi fànʔa kele gèle, yeli 'yɛli bè ke cò. Muɔ yajuuro nī dè, dàa ti wè felinugo gèʔ, fǎga ti yaʔa ti- sii tìi nɛ̄ʔ. Muɔ siʔi nī gè, yaliifeliye siin nyáà yi wè nuyɔ yèʔ, fǎga ti pínɛ bè tánʔaʔ. Ma fǎga burugo káà le gàa pe 'tìin nɛ́ jèsii feliye siin ní yèʔ#19.19 A pe cé yɛrɛ dáà nyaʔami dè tìi nī dè, peli mɛ́ bèle ti nɛ̂ kò wàlidɛngɛrɛ Yewe mɛ́. Pe 'Kòridiʔɛ Kpátaʔa gunbɔli fɛ̀ni nɛ́ kacuɔnrilɔ kàfɔli burudo kpíʔile dè nɛ́ jèsii feliye siin ní yè (wéli baa Yir 26.31; 28.5-6,15; Fàn 22.9-11)..
20«A nàguɔ wáà 'sùkulocuɔ cɛ́n cɛliwɛ wè, nɛ̀ ki yaʔa kire sùkulocuɔ wè, pe yé wi tìɛ nɛ̀ kúɔ nàguɔ wáà nɛ̄ wè, a kire nàguɔ wiì fìɛ wi fùgu nɛ̀ suɔ wèʔ nɛ́ míɛni wi kàfɔli wiì cé fìɛ wi yaʔa wi sùkulomɔ nɛ̄ bèʔ, ŋàa wi 'wi cɛ́n cɛliwɛ wè wi 'yɛli bè wali nyuɔ káà sàri. Bɛ̀ piyè cé fìɛ cɛliwɛ yaʔa wè sùkulomɔ nɛ̄ bèʔ, kire nɛ̄ piyě pe kpúuʔ. 21Kire nàguɔ wi bé pɛn nɛ́ sìnbapɔli ní Kpàlidiʔɛ Kpátaʔa wìile mɛ́ lè, bè pa wi kɛn Yewe mɛ́ wè, kolimɔ kakuɔrɔ. 22Kacuɔnriwɔ wi bé kàsulugosuɔ baara kúɔ dè wi mɛ́ Yewe yiʔɛ mɛ́ gè nɛ́ kolimɔ kakuɔrɔ sìnbapɔli ní wè, bà wi kapiʔile kàsulugo ki bé suɔ kapiile náà wi 'kpíʔile lè.
23«A yeli kɛ́nì jíin kùlo nī lè, a yeli 'tiire cɔ́ri dàa ti béri sɛngi dè, a ti kɛ́ni sɛngi dè, yeli 'yɛli bè ti tɔ́ri majo dàa ti wè cìilide dèʔ Yewe yiʔɛ mɛ́ gèʔ yiʔɛlɛ taanri sunʔɔmɔ nī bè; yeli sì yɛli bè tàa káa ti nīʔ. 24Yiʔɛlɛ sicɛriwoli nɛ̄ lè, yeli 'yɛli bè ti yasɛnrɛ ti mìɛni kɛn Yewe mɛ́, ti bé kò wàlidɛngɛrɛ wi gbùʔɔrilɔ wuʔu nɛ̄ gè. 25Yiʔɛlɛ kogunɔwoli nɛ̄ lè, yeli bé gbɛ̀ ti yasɛnrɛ káa dè. Bà ki bé kpíʔile dí yeli tiire yasɛnrɛ ti de niʔɛgi yeli mɛ́. Mi yē Yewe yeli Kulocɛliɛ wè.
26«Yeli sǐ ga tíi kaara káaʔ dàa nī sìsiɛn ki yē gèʔ. Siɛn sì yɛli bè nyaa yeli sunʔɔmɔ nī ŋàa wi dìɛlɛ baara kúu dèʔ kire ga laa ŋàa wi dàrimiʔɛ cáanri gèʔ#19.26 Wéli baa Fàn 18.10-11; Kùlo2 17.17; 21.6; Kaj2 33.6.. 27Yeli fǎga de yeli gbandeliye síire kùnú dèʔ, ye fǎga de báʔajuɔ lìʔɛgɛlɛ kùnú gèleʔ. 28Yeli sì yɛli bè jérigele kpúɔn yeli céri nɛ̄ dè kùugo kɛnmɛ nɛ̄ʔ. Yeli sì yɛli bè yeli céri súu dè nɛ́ yakaa níʔ#19.28 Ezipiti kùlo siɛnnɛ nɛ́ siɛnfeliye yáà nī nyàa yi 'puu Isirayɛli kùlo táanni lè, kele gálì ke yé puu kakuʔɔlɔ pe mɛ́. Wéli baa 21.5; Fàn 14.1; Zer 41.5.. Mi yē Yewe.
29«Muɔ sì yɛli bè muɔ póri kpíʔile wè nàjaacuɔ bè wi faʔaʔ, kire ga buu kùlo ni fǎga nyì nàjaara nɛ̄ dèʔ nɛ́ kapiigbuʔɔ nɛ̄ gèʔ#19.29 Wéli baa Fàn 23.18..
30«Yeli 'yɛli bè mi cɛndɛniyɛ cò yè cɛ̀ngɛ, béri tɔ́ri nɛ́ mi saawalidɛngɛgɛ ní gè. Mi yē Yewe#19.30 Wéli baa 19.3; 26.2..
31«Ye fǎga kɛ́ wàa mɛ́ ŋàa wi luʔɔ ŋu kúbilo mɛ́ bèleʔ á kire bɛ̀ʔ ŋàa wī goriyiliwe wèʔ. Ye fǎga cɛ́li pe mɛ́ bè yìye núʔɔ nɛ́ pe níʔ. Mi yē Yewe yeli Kulocɛliɛ wè#19.31 Wéli baa 20.6,27; Fàn 18.10-11; Sam1 28.3; Kùlo2 23.24..
32«Muɔ bé yɛ̀ siɛnliɛwɛ nzìifiirefɔli yiʔɛ mɛ́ gè, ma kpuʔɔrɔ taʔa liɛwɛ nɛ̄ wè. Muɔ béri fìʔɛ́ muɔ Kulocɛliɛ nɛ̄ wè. Mi yē Yewe.
33«A nabɔnwɔ wáà pɛ́nì tɛ́ni nɛ́ yeli ní kùlo nī lè, ye fǎga de wi wuʔɔʔ#19.33 Koliyo 33-34 tiʔɛ nī gè, wéli baa Yir 22.20; Fàn 24.17-18; 27.19.. 34Kire nabɔnwɔ ŋáà wī tɛ́niwɛ yeli sunʔɔmɔ nī bè, yeli béri wi tɔ́ri kùlo ni wuu; muɔ bé wi woli yaʔa lè ni- muɔ dɛ́ni kɛnmɛ bíì nɛ̄ muɔ mìɛ dɛ́ni wè. Nɛ́ ki cɛ́n yeli tíimɛ kíni nɛ̀ puu nabɔnminɔ Ezipiti kùlo nī lè. Mi yē Yewe, yeli Kulocɛliɛ wè.
35«Yeli sì yɛli bèri kolimɔ kpínʔiniʔ a yeli nɛ yɛrɛ tɔ́nminɔ dè nɛ ti pári dè, ti tɔnigɛnnɛ yo, ti lúbugogɛnnɛ yo, ti kpúʔɔgɛnnɛ yo#19.35 Koliyo 35-36 tiʔɛ nī gè, wéli baa Fàn 25.13-16; Kàs 11.1; 20.10; Ezek 45.10-12; Am 8.5; Mis 6.11.. 36Yɛrɛ tɔ́nminɔ culolo pe 'yɛli bè sìɛn bè sín, yeli culo timɔnyigele ke 'yɛli bè sìɛn bè sín, gbɔngbonyiɛyɛ yi 'yɛli bè sìɛn bè sín, yakuunyiʔɛnɛ ke 'yɛli bè sìɛn bè sín. Mi yē Yewe yeli Kulocɛliɛ; mi wī mi 'yeli yige Ezipiti kùlo nī lè.
37«Yeli bé mi fànʔa kele ke mìɛni cò, nɛ́ mi kàyuʔujuuro ní dè, bèri ti kpínʔini. Mi yē Yewe.»
Currently Selected:
Leviiyé 19: sev
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Leviiyé 19
19
Fànʔa kajuʔulo gálì ke nyu sínnɛ wori nɛ̄ dè
1A Yewe 'ki juu Misa mɛ́ nɛ́ jo:
2«Ma siɛnrɛ dáà juu dè Isirayɛliyé mɛ́ bèle:
«Yeli sí yɛli bè puu tiɛlɛ fùn, nɛ́ ki cɛ́n mi Yewe, yeli Kulocɛliɛ wè, mi yē tiɛlɛ fùn#19.2 Wéli baa 11.44-45. Ki siɛnrɛ ti 'juu baa Piɛ1 1.16..
3«Siɛn ó siɛn 'yɛli bèri wi yàa nɛ́ wi tuu kpóri wè#19.3 Wéli baa Yir 20.12; 21.17; Lev 20.9; Fàn 5.16; Ezek 22.7; Mat 15.4; Efɛ 6.2., siɛn ó siɛn 'yɛli bè mi cɛndɛniyɛ cò yè cɛ̀ngɛ#19.3 Wéli baa Yir 20.8-11; Lev 19.30; 23.3; 26.2; Fàn 5.12-15; Ezek 22.8; Mat 12.1-8 .. Mi yē Yewe, yeli Kulocɛliɛ wè.
4«Ye fǎga taʔa kulocɛlɛlɛ bálì nɛ̄ pe wè yafiɛn wèʔ#19.4 Wéli baa Yir 20.3; 34.14; Lev 26.1; Ŋún 81.10; Mat 4.10 ., ye fǎga timɔri yasungo káà fáala kpíʔileʔ#19.4 Nɛ́ míɛni yasungo gáà pe 'kpíʔile nɛ́ tiige ní gè, tiì yɛliʔ. Wéli baa Yir 20.4-5; 32.1-8; 34.17; Fàn 27.15; Kùlo1 12.28-30 .. Mi yē Yewe, yeli Kulocɛliɛ wè.
5«A yeli nɛ yanyige yakɔnrɔ kaara kɔ̀ngí dè Yewe mɛ́ wè, ye- ki kpíʔile kɛnmɛ bíì nɛ̄ wi bé fɔ̀li ki nɛ̄ gè. 6Kire kaara ti 'yɛli ye- ti káa cɛnnugo gè, kire ga laa ki kpìɛnduu gè. Dàa ti bé kò bè cɛnyɛ taanri kúɔ yè, ki 'yɛli pe- tire sórigo. 7A siɛn 'yanyige yakɔnrɔ kaara káa dè cɛnyɛ taanriwuʔu nɛ̄ gè, ti nyɛ́nì kò yanuʔɔrɔ Yewe yiʔɛ mɛ́; wiǐ fɔ̀li ti nɛ̄ʔ. 8Siɛn ŋáà wi 'ti káa dè, wi kolimɔ pi bé tuu wi nɛ̄, nɛ́ ki cɛ́n yakɔnrɔ kaara dáà dī wàlidɛngɛrɛ Yewe mɛ́ wè, wi nyɛ́nì ti faʔa. Pe bé kire siɛn yige péwu wi siɛnnɛ sunʔɔmɔ nī bè.
9«A yeli kɛ́nì yeli siiye yaliire líɛ dè, muɔ 'yɛli bè yaliire táà yaʔa siʔi kanyuɔyɔ nɛ̄ yè; muɔ sì yɛli bè yaliikɛniyɛ líɛ yèʔ nyàa nɛ̄ muɔ 'fìʔɛ yèʔ#19.9 Koliyo 9-10 tiʔɛ nī gè, wéli baa 23.22; Fàn 24.19-22.. 10Bɛ̀ ki bé puu míɛni a muɔ kɛ́ni ɛrɛzɛn yasɛnrɛ cuu dè muɔ siʔi nī gè. Muɔ sì yɛli bè koli bè siʔi fùgu gè tɔliyɔ siinʔ bè yasɛnrɛ cuɔ dè dàa nɛ̄ muɔ 'tóri dèʔ, muɔ sì yɛli bè yasɛnrɛ jó dè dàa ti 'wo dàala nɛ̄ lèʔ. Muɔ 'yɛli bè ti yaʔa fuunmɔfɔlilɔ nɛ́ nabɔnminɔ mɛ́ bèle. Mi yē Yewe, yeli Kulocɛliɛ wè.
11«Ye fǎga kàyuugo kpíʔileʔ#19.11 Wéli baa Yir 20.15; Fàn 5.19.. Ye fǎga finɛ daʔa yeli siɛnnyɛni wáà nɛ̄ʔ, kire ga laa bè wi fáanniʔ#19.11 Wéli baa Yir 20.16; Lev 5.21-22; Fàn 5.20; Efɛ 4.25.. 12Ye fǎga finɛ bè kàli mi míʔɛ nɛ̄ gèʔ; a yeli 'kire kpíʔile gè, yeli bé yeli Kulocɛliɛ míʔɛ faʔa gè. Mi yē Yewe#19.12 Wéli baa Yir 20.7,16; Zer 5.2. Ki siɛnrɛ ti 'juu baa Mat 5.33..
13«Ma fǎga fùrɔgɔ niʔɛ gè muɔ siɛnnyɛni nɛ̄ wèʔ, ma fǎga yakaa yùu wi mɛ́ʔ. Muɔ baakuɔwɔ wi cɛngɛ sàri wiì yɛli bè kpìɛnmɛ tuu bè muɔ mɛ́ʔ#19.13 Wéli baa Yir 22.20; Lev 5.21-23; Fàn 24.14-15; Ezek 22.12.. 14Ma fǎga dɛ́ngɛ wáa wè dùnɔ nɛ̄ wèʔ, ma fǎga yakaa tɛ́ngɛ fúɔn wi yiʔɛ mɛ́ gè wi- kúrugo ki nɛ̄ʔ. Muɔ 'yɛli bèri muɔ Kulocɛliɛ fìʔɛ́ wè. Mi yē Yewe#19.14 Wéli baa Fàn 27.18..
15«Ye fǎga kàyuʔu juu nɛ́ sìnzinmɛ níʔ. Fǎga tànʔa kɛn siɛnciɛwɛ mɛ́ wè wi cíɛmɛ kɛnmɛ nɛ̄ bèʔ, fǎga tànʔa kɛn míɛni siɛnkpuɔwɔ mɛ́ wè wi kpuɔmɔ kɛnmɛ nɛ̄ bèʔ. Muɔ 'yɛli bè muɔ siɛnnyɛni kàyuʔu juu gè nɛ́ sínmɛ ní#19.15 Wéli baa Yir 23.3,6-8; Fàn 1.17; 16.19..
16«Ma fǎga de nyaari de mári bè siɛn wáà míʔɛ cúʔɔ yeli siɛnnɛ sunʔɔmɔ nī bèʔ. Fǎga kaala láà juu daʔa muɔ siɛnnyɛni nɛ̄ wèʔ pe- wi kpúuʔ. Mi yē Yewe.
17«Fǎga muɔ siinyɛni yaʔa wi 'muɔ biɛn muɔ fungo nī gèʔ a wi 'kaala láà kpíʔile nàa niì nyuɔ lèʔ. Muɔ 'yɛli bè juu nɛ́ muɔ siɛnnyɛni ní wè, kire ga buu muɔ fǎga kolimɔ taa wire kɛnmɛ nɛ̄ kire kaala nɛ̄ lèʔ#19.17 Ki siɛnrɛ ti 'juu baa Mat 18.15.. 18Muɔ fǎga de caa bè muɔ fuʔɔ tɔ́n gèʔ, fǎga míɛni kaala cò siɛn kúrugu muɔ siɛnnɛ sunʔɔmɔ nī bèʔ. Nɛ̀ ki yaʔa muɔ 'yɛli bè muɔ siɛnnyɛni woli yaʔa lè ni- muɔ dɛ́ni kɛnmɛ bíì nɛ̄ muɔ mìɛ dɛ́ni wè. Mi yē Yewe#19.18 Wéli baa 19.34. Ki siɛnrɛ ti 'juu baa Mat 5.43; 19.19; 22.39; Mar 12.31; Luk 10.27; Wurɔ 13.9; Gal 5.14..
19«Mi fànʔa kele gèle, yeli 'yɛli bè ke cò. Muɔ yajuuro nī dè, dàa ti wè felinugo gèʔ, fǎga ti yaʔa ti- sii tìi nɛ̄ʔ. Muɔ siʔi nī gè, yaliifeliye siin nyáà yi wè nuyɔ yèʔ, fǎga ti pínɛ bè tánʔaʔ. Ma fǎga burugo káà le gàa pe 'tìin nɛ́ jèsii feliye siin ní yèʔ#19.19 A pe cé yɛrɛ dáà nyaʔami dè tìi nī dè, peli mɛ́ bèle ti nɛ̂ kò wàlidɛngɛrɛ Yewe mɛ́. Pe 'Kòridiʔɛ Kpátaʔa gunbɔli fɛ̀ni nɛ́ kacuɔnrilɔ kàfɔli burudo kpíʔile dè nɛ́ jèsii feliye siin ní yè (wéli baa Yir 26.31; 28.5-6,15; Fàn 22.9-11)..
20«A nàguɔ wáà 'sùkulocuɔ cɛ́n cɛliwɛ wè, nɛ̀ ki yaʔa kire sùkulocuɔ wè, pe yé wi tìɛ nɛ̀ kúɔ nàguɔ wáà nɛ̄ wè, a kire nàguɔ wiì fìɛ wi fùgu nɛ̀ suɔ wèʔ nɛ́ míɛni wi kàfɔli wiì cé fìɛ wi yaʔa wi sùkulomɔ nɛ̄ bèʔ, ŋàa wi 'wi cɛ́n cɛliwɛ wè wi 'yɛli bè wali nyuɔ káà sàri. Bɛ̀ piyè cé fìɛ cɛliwɛ yaʔa wè sùkulomɔ nɛ̄ bèʔ, kire nɛ̄ piyě pe kpúuʔ. 21Kire nàguɔ wi bé pɛn nɛ́ sìnbapɔli ní Kpàlidiʔɛ Kpátaʔa wìile mɛ́ lè, bè pa wi kɛn Yewe mɛ́ wè, kolimɔ kakuɔrɔ. 22Kacuɔnriwɔ wi bé kàsulugosuɔ baara kúɔ dè wi mɛ́ Yewe yiʔɛ mɛ́ gè nɛ́ kolimɔ kakuɔrɔ sìnbapɔli ní wè, bà wi kapiʔile kàsulugo ki bé suɔ kapiile náà wi 'kpíʔile lè.
23«A yeli kɛ́nì jíin kùlo nī lè, a yeli 'tiire cɔ́ri dàa ti béri sɛngi dè, a ti kɛ́ni sɛngi dè, yeli 'yɛli bè ti tɔ́ri majo dàa ti wè cìilide dèʔ Yewe yiʔɛ mɛ́ gèʔ yiʔɛlɛ taanri sunʔɔmɔ nī bè; yeli sì yɛli bè tàa káa ti nīʔ. 24Yiʔɛlɛ sicɛriwoli nɛ̄ lè, yeli 'yɛli bè ti yasɛnrɛ ti mìɛni kɛn Yewe mɛ́, ti bé kò wàlidɛngɛrɛ wi gbùʔɔrilɔ wuʔu nɛ̄ gè. 25Yiʔɛlɛ kogunɔwoli nɛ̄ lè, yeli bé gbɛ̀ ti yasɛnrɛ káa dè. Bà ki bé kpíʔile dí yeli tiire yasɛnrɛ ti de niʔɛgi yeli mɛ́. Mi yē Yewe yeli Kulocɛliɛ wè.
26«Yeli sǐ ga tíi kaara káaʔ dàa nī sìsiɛn ki yē gèʔ. Siɛn sì yɛli bè nyaa yeli sunʔɔmɔ nī ŋàa wi dìɛlɛ baara kúu dèʔ kire ga laa ŋàa wi dàrimiʔɛ cáanri gèʔ#19.26 Wéli baa Fàn 18.10-11; Kùlo2 17.17; 21.6; Kaj2 33.6.. 27Yeli fǎga de yeli gbandeliye síire kùnú dèʔ, ye fǎga de báʔajuɔ lìʔɛgɛlɛ kùnú gèleʔ. 28Yeli sì yɛli bè jérigele kpúɔn yeli céri nɛ̄ dè kùugo kɛnmɛ nɛ̄ʔ. Yeli sì yɛli bè yeli céri súu dè nɛ́ yakaa níʔ#19.28 Ezipiti kùlo siɛnnɛ nɛ́ siɛnfeliye yáà nī nyàa yi 'puu Isirayɛli kùlo táanni lè, kele gálì ke yé puu kakuʔɔlɔ pe mɛ́. Wéli baa 21.5; Fàn 14.1; Zer 41.5.. Mi yē Yewe.
29«Muɔ sì yɛli bè muɔ póri kpíʔile wè nàjaacuɔ bè wi faʔaʔ, kire ga buu kùlo ni fǎga nyì nàjaara nɛ̄ dèʔ nɛ́ kapiigbuʔɔ nɛ̄ gèʔ#19.29 Wéli baa Fàn 23.18..
30«Yeli 'yɛli bè mi cɛndɛniyɛ cò yè cɛ̀ngɛ, béri tɔ́ri nɛ́ mi saawalidɛngɛgɛ ní gè. Mi yē Yewe#19.30 Wéli baa 19.3; 26.2..
31«Ye fǎga kɛ́ wàa mɛ́ ŋàa wi luʔɔ ŋu kúbilo mɛ́ bèleʔ á kire bɛ̀ʔ ŋàa wī goriyiliwe wèʔ. Ye fǎga cɛ́li pe mɛ́ bè yìye núʔɔ nɛ́ pe níʔ. Mi yē Yewe yeli Kulocɛliɛ wè#19.31 Wéli baa 20.6,27; Fàn 18.10-11; Sam1 28.3; Kùlo2 23.24..
32«Muɔ bé yɛ̀ siɛnliɛwɛ nzìifiirefɔli yiʔɛ mɛ́ gè, ma kpuʔɔrɔ taʔa liɛwɛ nɛ̄ wè. Muɔ béri fìʔɛ́ muɔ Kulocɛliɛ nɛ̄ wè. Mi yē Yewe.
33«A nabɔnwɔ wáà pɛ́nì tɛ́ni nɛ́ yeli ní kùlo nī lè, ye fǎga de wi wuʔɔʔ#19.33 Koliyo 33-34 tiʔɛ nī gè, wéli baa Yir 22.20; Fàn 24.17-18; 27.19.. 34Kire nabɔnwɔ ŋáà wī tɛ́niwɛ yeli sunʔɔmɔ nī bè, yeli béri wi tɔ́ri kùlo ni wuu; muɔ bé wi woli yaʔa lè ni- muɔ dɛ́ni kɛnmɛ bíì nɛ̄ muɔ mìɛ dɛ́ni wè. Nɛ́ ki cɛ́n yeli tíimɛ kíni nɛ̀ puu nabɔnminɔ Ezipiti kùlo nī lè. Mi yē Yewe, yeli Kulocɛliɛ wè.
35«Yeli sì yɛli bèri kolimɔ kpínʔiniʔ a yeli nɛ yɛrɛ tɔ́nminɔ dè nɛ ti pári dè, ti tɔnigɛnnɛ yo, ti lúbugogɛnnɛ yo, ti kpúʔɔgɛnnɛ yo#19.35 Koliyo 35-36 tiʔɛ nī gè, wéli baa Fàn 25.13-16; Kàs 11.1; 20.10; Ezek 45.10-12; Am 8.5; Mis 6.11.. 36Yɛrɛ tɔ́nminɔ culolo pe 'yɛli bè sìɛn bè sín, yeli culo timɔnyigele ke 'yɛli bè sìɛn bè sín, gbɔngbonyiɛyɛ yi 'yɛli bè sìɛn bè sín, yakuunyiʔɛnɛ ke 'yɛli bè sìɛn bè sín. Mi yē Yewe yeli Kulocɛliɛ; mi wī mi 'yeli yige Ezipiti kùlo nī lè.
37«Yeli bé mi fànʔa kele ke mìɛni cò, nɛ́ mi kàyuʔujuuro ní dè, bèri ti kpínʔini. Mi yē Yewe.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.