Loomë 3
3
1Mu lyaawu, ndaandu mbici mu kuba Zwiifë? Kubukë bubakëlë yike n'ciinzë? 2Ndaandu yike yinenë, mu makë mooso. Lin'tetë, Nzaambi wuvaanë tukanyu kuke Sizwiifë. 3Licyelikë, ningë bën'viipë mu baawu bëkaambu kuta maanë, kasi buni, Nzaambi wusë bëba ko wusulëmë cibilë baawu bëkaambu kuta maanë? 4Yaaku boobo ko! Nzaambi wuke cyelikë, muutu mungë lupuutu, busonëmë :
« Bwiinji wuba wusulëmë mu manë wun'tubë,
i wuba mu nduunji ningë bëbe kufundisi#3.4 Twi 51.6.. »
5Kasi ningë libi linë tun'vangisi lin'leesi lusulumunu lu Nzaambi, mbici tufwenikini kutubë? Buni, Nzaambi weekë yi n'socye bo kwatuseembë? (Miinu yin'tubilë bo bëm'mweenë baatu.) 6Moniko! Mooti naandi wubeeli boobo, buni kufitë fundisilë buloongo?
7Kasi ningë lupuutu lwaami lun'leesi cyeseesë mu bucyelikë bu Nzaambi i lun'vangisi beenë bumpumu bwaandi, mu mbici miinu yifwenikinyooso kufundusu dedë mweekë n'sumuci? 8Mu lyaawu, buni tun'kaambu kutubilë : « Tuvaangaanu libi bwiinji tubakë liboti » ? Bën'ka cyelikë, bën'sisiminë maambu ama mu kun'dyeengë. Baatu be boobo bën'tabu i lifwenikini boobo mu baawu.
Muutu ve wuke wusulëmë
9Kasi mbi bike yiitu? Beeso Sizwiifë, bënenë bëvyokilili bën'ka? Moniko! Miinu yaleesi ti Sizwiifë i basë Ngeleekë, bëke yivaandi fë civikë ci lisumu. 10Busonëmë :
« Muutu wusulëmë voo, wun'viipë wukeeli ko,
11muutu ve wum'bakulë,
muutu ve wun'toombë Nzaambi.
12Bakë booso bakwakënë nzilë yimboti fë cimweekë baawu bavitu.
Muutu ve wun'vaangë liboti, wun'viipë ve.
13Cikongulu cyaawu cyeekë dedë mweekë libuumbë lizibukë,
ndakaawu yibëvangisi kutubë lupuutu,
yaawu mati ndakë yi nyokë yim'basikë mu bilili byaawu,
14miinwaawu yiwaalë yi miloko nduli.
15Baawu bën'dumë ntiinu mu ke voondi,
16Baawu bëm'biikë luvongumunu i cyaali fosuku bën'vyokilë,
17baawu bësye zaabë ko nzilë yi n'sikë.
18Baawu bën'zingilaangë kukaambu boomë bu Nzaambi#3.18 10-18 V. 10-12 Twi 14.1-3; 53.2-4. V. 14Twi 5.10.140.4. V. 14 Twi 10.7. V. 15-17. Ezy 59.7.8. V. 18 Twi 36.2. 3.20. Twi 143.2.. »
19Beeso tuzabisi ti makë mooso mën'tubë n'kaakë, lyaawu lin'tubilë ke bakë booso bën'cinzikë n'kaakë bwiinji muutu ve wun'zibulë munu mu kuyinwaninë cikaangë i buloongo n'viipë bum'monikë fëke Nzaambi baatu bëbi. 20Cibilë muutu ve wun'zabekënë wusulëmë fë meeso më Nzaambi#3.20 Twi 143.2. mu kucikunë n'kaakë wakë wooso. N'kaakë wun'vangisi tokë mu kubakulë lisumu.
Buni Nzaambi wun'vucilë baatu lu moonyi
21Kasi buyifanwabu, Nzaambi watuleesi buni naandi wutuvangisyaangë kuba baatu bësulëmë fë ntwaalaandi i lyaawu yaaku ti mu mëkanë më n'kaakë ko. Mëbuuku më n'kaakë i yi Mibici bisë teetë lyaawu. 22Nzaambi wun'vangisyaangë baatu kuba bësulëmë fë nduuzyaandi mu ciminu cyaawu mu Yeesu Kliistu. Naandi wulivaangë bwiinji bakë booso bën'ta maanë mu Kliistu, cibilë luvyakunu voo mu baveekë: 23bakë booso bësumukë i baawu bakwakënë fë bumpumu bu Nzaambi. 24Kasi Nzaambi, mu buboti bwaandi, wabëvangisi kuba bësulëmë fë nduunzyaandi buunë yi buunë, mu Yeesu Kliistu wubëyobulilë mu lisumu. 25-26Nzaambi wan'kwiindulë mu civakuli bwiinji, mu lufwa lwaandi, Kliistu wum'bakë lobukulu lu mësumu mu cibilë ci banë bata maanë mu naandi. Nzaambi waleesi ti naandi wusulëmë ntaangu syooso: naandi wuyileesi bunë kwabë yin'ciimbë moonyi i kubiikë kuseembë mësumu më baatu. Naandi wukeeli mu sintaangu asi, cibilë wusulëmë i wun'vangisi kusulëmë banë bën'ta maanë mu Yeesu.
27Oboobo, muutu kupodi kwaandi kube yizanjike? Moniko! Wun'viipë ko! Mu mbicye? Cibilë linë like n'ciinzë yaaku ti kucinzikë n'kaakë, kasi kuta lyaanë. 28Licyelikë, tum'balë ti muutu lumoonyi wuke wusulëmë fë nduunzi Nzaambi mu ciminu cyaandi i yaaku ti mu cibilë ti wacinzikë n'kaakë wooso. 29Kaambofo, Nzaambi wulë vwiili Nzaambi Sizwiifë too? Naandi wukeeli yivaandi kwe Nzaambi yi mëkaandë mën'ke? Cibeeni, naandi wukeeli yivaandi Nzaambi yi mëkaandë mën'ka, 30bo Nzaambi ke wo wumweekë vii#3.30 Det 6.4.. Naandi wun'vangisi kusulëmë fë nduunzi Sizwiifë mu ciminu i basë Ngeleekë yivaandi. 31Lyaawu lin'leesi ti mu ciminu beeso tusë be monooso ko n'ciinzë mu n'kaakë? Moniko, beeso tun'cinzikë n'kaakë.
Currently Selected:
Loomë 3: NTVIL
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Loomë 3
3
1Mu lyaawu, ndaandu mbici mu kuba Zwiifë? Kubukë bubakëlë yike n'ciinzë? 2Ndaandu yike yinenë, mu makë mooso. Lin'tetë, Nzaambi wuvaanë tukanyu kuke Sizwiifë. 3Licyelikë, ningë bën'viipë mu baawu bëkaambu kuta maanë, kasi buni, Nzaambi wusë bëba ko wusulëmë cibilë baawu bëkaambu kuta maanë? 4Yaaku boobo ko! Nzaambi wuke cyelikë, muutu mungë lupuutu, busonëmë :
« Bwiinji wuba wusulëmë mu manë wun'tubë,
i wuba mu nduunji ningë bëbe kufundisi#3.4 Twi 51.6.. »
5Kasi ningë libi linë tun'vangisi lin'leesi lusulumunu lu Nzaambi, mbici tufwenikini kutubë? Buni, Nzaambi weekë yi n'socye bo kwatuseembë? (Miinu yin'tubilë bo bëm'mweenë baatu.) 6Moniko! Mooti naandi wubeeli boobo, buni kufitë fundisilë buloongo?
7Kasi ningë lupuutu lwaami lun'leesi cyeseesë mu bucyelikë bu Nzaambi i lun'vangisi beenë bumpumu bwaandi, mu mbici miinu yifwenikinyooso kufundusu dedë mweekë n'sumuci? 8Mu lyaawu, buni tun'kaambu kutubilë : « Tuvaangaanu libi bwiinji tubakë liboti » ? Bën'ka cyelikë, bën'sisiminë maambu ama mu kun'dyeengë. Baatu be boobo bën'tabu i lifwenikini boobo mu baawu.
Muutu ve wuke wusulëmë
9Kasi mbi bike yiitu? Beeso Sizwiifë, bënenë bëvyokilili bën'ka? Moniko! Miinu yaleesi ti Sizwiifë i basë Ngeleekë, bëke yivaandi fë civikë ci lisumu. 10Busonëmë :
« Muutu wusulëmë voo, wun'viipë wukeeli ko,
11muutu ve wum'bakulë,
muutu ve wun'toombë Nzaambi.
12Bakë booso bakwakënë nzilë yimboti fë cimweekë baawu bavitu.
Muutu ve wun'vaangë liboti, wun'viipë ve.
13Cikongulu cyaawu cyeekë dedë mweekë libuumbë lizibukë,
ndakaawu yibëvangisi kutubë lupuutu,
yaawu mati ndakë yi nyokë yim'basikë mu bilili byaawu,
14miinwaawu yiwaalë yi miloko nduli.
15Baawu bën'dumë ntiinu mu ke voondi,
16Baawu bëm'biikë luvongumunu i cyaali fosuku bën'vyokilë,
17baawu bësye zaabë ko nzilë yi n'sikë.
18Baawu bën'zingilaangë kukaambu boomë bu Nzaambi#3.18 10-18 V. 10-12 Twi 14.1-3; 53.2-4. V. 14Twi 5.10.140.4. V. 14 Twi 10.7. V. 15-17. Ezy 59.7.8. V. 18 Twi 36.2. 3.20. Twi 143.2.. »
19Beeso tuzabisi ti makë mooso mën'tubë n'kaakë, lyaawu lin'tubilë ke bakë booso bën'cinzikë n'kaakë bwiinji muutu ve wun'zibulë munu mu kuyinwaninë cikaangë i buloongo n'viipë bum'monikë fëke Nzaambi baatu bëbi. 20Cibilë muutu ve wun'zabekënë wusulëmë fë meeso më Nzaambi#3.20 Twi 143.2. mu kucikunë n'kaakë wakë wooso. N'kaakë wun'vangisi tokë mu kubakulë lisumu.
Buni Nzaambi wun'vucilë baatu lu moonyi
21Kasi buyifanwabu, Nzaambi watuleesi buni naandi wutuvangisyaangë kuba baatu bësulëmë fë ntwaalaandi i lyaawu yaaku ti mu mëkanë më n'kaakë ko. Mëbuuku më n'kaakë i yi Mibici bisë teetë lyaawu. 22Nzaambi wun'vangisyaangë baatu kuba bësulëmë fë nduuzyaandi mu ciminu cyaawu mu Yeesu Kliistu. Naandi wulivaangë bwiinji bakë booso bën'ta maanë mu Kliistu, cibilë luvyakunu voo mu baveekë: 23bakë booso bësumukë i baawu bakwakënë fë bumpumu bu Nzaambi. 24Kasi Nzaambi, mu buboti bwaandi, wabëvangisi kuba bësulëmë fë nduunzyaandi buunë yi buunë, mu Yeesu Kliistu wubëyobulilë mu lisumu. 25-26Nzaambi wan'kwiindulë mu civakuli bwiinji, mu lufwa lwaandi, Kliistu wum'bakë lobukulu lu mësumu mu cibilë ci banë bata maanë mu naandi. Nzaambi waleesi ti naandi wusulëmë ntaangu syooso: naandi wuyileesi bunë kwabë yin'ciimbë moonyi i kubiikë kuseembë mësumu më baatu. Naandi wukeeli mu sintaangu asi, cibilë wusulëmë i wun'vangisi kusulëmë banë bën'ta maanë mu Yeesu.
27Oboobo, muutu kupodi kwaandi kube yizanjike? Moniko! Wun'viipë ko! Mu mbicye? Cibilë linë like n'ciinzë yaaku ti kucinzikë n'kaakë, kasi kuta lyaanë. 28Licyelikë, tum'balë ti muutu lumoonyi wuke wusulëmë fë nduunzi Nzaambi mu ciminu cyaandi i yaaku ti mu cibilë ti wacinzikë n'kaakë wooso. 29Kaambofo, Nzaambi wulë vwiili Nzaambi Sizwiifë too? Naandi wukeeli yivaandi kwe Nzaambi yi mëkaandë mën'ke? Cibeeni, naandi wukeeli yivaandi Nzaambi yi mëkaandë mën'ka, 30bo Nzaambi ke wo wumweekë vii#3.30 Det 6.4.. Naandi wun'vangisi kusulëmë fë nduunzi Sizwiifë mu ciminu i basë Ngeleekë yivaandi. 31Lyaawu lin'leesi ti mu ciminu beeso tusë be monooso ko n'ciinzë mu n'kaakë? Moniko, beeso tun'cinzikë n'kaakë.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.