Mëvaangë 9
9
Luvilukulu lu Sawuulë
(Mëv 22.6-16; 26.12-18)
1Sawuulë wusye leembu ko mu kukanë kuvoondë bilaanzi bi Fumu. Naandi wuyendë mu ke monë n'kuluutu singangë-Nzaambi, 2i wusë loombë ke naandi mikaandë yikun'vaanë n'swa wukukotilë mu bizutununu ku Damaasë, bwiinji mooti naandi wun'zakënë baatu kuunë, bëbakëlë kaambofo bëcyeetu, banë bëke laandaangë nzilë Fumu#9.2 Ezy 30.21; Twi 27.11., naandi wusë bëkaangë i wusë bënatë ku Yelusaleemë. 3Naandi wabë mu nzilë yikwendë ku Damaasë, i abu kwatuuci belë-belë yi livulë beenë. Kuzimbukulabu, cyeseesë cifuminë ku yilu ciyin'zukë. 4Naandi wusë bwa fë n'toto i wusë kuwu mbeembu yilën'kaambaangë : « A Sawuulë, a Sawuulë, mu cibilë-mbici njeeyi wulë mu kwamisi? » 5Sawuulë wusë kufulë : « A Fumu, nje nani wukeeli? » I mbeembu yisë vutulë : « Miinu Yeesu wunë wulë mu kuvaangë simpasi. 6Kasi telëmë i wukotë ku daalë i kuunë bë kukaambë linë njeeyi wufwenikini kuvaangë. » 7Bayaandi bëlëkwendë yaandi mu mweendo, bisë sikëmë foofo i cikumë cikutubë voo, baawu bëlëkuwaangë mbeembu, kasi bësye monë muutu ko. 8Sawuulë wusë telëmë i wusë zibulë meeso, kasi naandi wusye be monaangë cin'velë ko. Bën'siimbë mu kooko mu kun'natë ku Damaasë. 9Fë bilumbu bi tatu, meeso maandi mabë mëfwa. Naandi wabë kulya ve i kunwa ve.
10Kunë Damaasë, kwabë cilaanzi cimweekë, mu lizinë li Ananyaasë. Fumu wusë m'monikinë mu cyeendë-meeso i wusë n'kaambë : « Ananyaasë! » Ananyaasë wusë cikunë : « A Fumu, miinwaawu! » 11Fumu wusë n'kaambë : « Yeendë buyifanwabu mu balë-balë yo bën'telaangë Mëbakëlë. We koti yi zwaalu ku n'zo Zuda i kufulë libakëlë li Talësë mu lizinë li Sawuulë. Naandi wulë mu kusambilë mu ntaangu be yiiyi, 12i mu cyeendë-meeso, naandi wusë monë libakëlë bën'telë Ananyaasë wulëkotë i wun'tendikë myooko bwiinji wube monë. » 13Ananyaasë wusë vutulë : « A Fumu, mpaapë baatu bën'kambilë mu muutu be woowo i baawu bisë kun'zabisi simbi syooso sinë naandi kuvangisi kuke sisaantu syaaku ku Yelusaleemë. 14Naandi wuyisë afa yimunë lutumu lunë bëvaanë bëkuluutu bë singangë-Nzaambi bwiinji kukaangë bakë booso bën'kuundë lizinë lyaaku. » 15Kasi Fumu wun'kaambë : « Yendë cibilë ocyo miinu yasoolë muutu be woowo! Miinu yin'salilë mu kuzabikini lizinë lyaami ke mëkaandë mën'ka i ke sifumu syaawu, i ke mboongu Islayeelë. 16Miinu yikun'leesi miveekë, simpasi syooso kufwenikini kum'monë mu miinu. » 17Mu lyaawu, Ananyaasë wusë ke yendaangë. Naandi wusë kotë ku n'zo, kutendikë Sawuulë myooko i wusë n'kaambë : « A Sawuulë mwanaami nguli, Fumu Yeesu wunë wakumonikënë mu nzilë yinë njeeyi wulëkwisilaangë, wakun'filë bwiinji njeeyi wubweelooso kubëmonë i njeeyi wuwaalë mu cimpukë ci Ciluunzi ci Saantu. » 18Kususukulabu, biimë bifwanëkënë bukë mëkwa më mbisi bisë kubotukë mu meeso më Sawuulë i naandi wusë kube monooso. Naandi wumanë n'telë i wusë kubatizyaalu. 19Fë mbusë, naandyooso wusë kulya i kubakooso mëngolo.
Sawuulë wulë mu kuloongë ku Damaasë
Sawuulë wusë kuvyoosi mwa mpooko bilumbu cintwaali yimunë bilaanzi byabë ku Damaasë. 20Mo mu ntaangu beenë, naandi wusë toonë kuloongë Libuungu li Nzaambi mu bizutununu mu kubëtendulë ti Yeesu mati Mwaanë Nzaambi. 21Bakë booso banë bëlën'kuwaangë bisë tulumukë i bisë tubë : « Naandi kwee, muutu owo wulëvangisi baatu simpasi sinenë banë bëlësambilaangë mu lizinë li Yeesu ku Yelusaleemë? Naandi sye kwisilë kuve aku bwiinji kukaangë i kunatë bitamaanë kuke bëkuluutu bë singangë-Nzaambi? » 22Kasi ndongulu Sawuulë yilutilë ngolo bunë naandi kulëloongilë ti, Yeesu wuli Kliistu. Mu lyaawu, Sizwiifë si livulë li Damaasë bësye be bakooso ko lyaambu li kutubë.
23Mpaapë bilumbu bisë vyookë. Fë mbusë Sizwiifë bisë kuwusënë mu kuboongë lukanyu bwiinji bëvoondë Sawuulë, 24kasi naandi wusë bakulë mpaangulwaawu. Baawu bëlë ke sungaangë sinkotulë si livulë bwiilu i muunyi, bwiinji bën'voondë. 25Mu lyaawu bilaanzi bi Sawuulë bisë n'tinisi mu bwiilu ku lweeku lumesi lu cibakë ci livulë i bisë n'kululilë mu n'kutë#9.25 23-25; 2 Ko 11.32-33. .
Sawuulë ku livulë li Yelusaleemë
26Bunë kwatuuci ku Yelusaleemë, naandi wukwelikë kubundënë yimunë bilaanzi. Kasi bakë booso bëlën'tiinë boomë, cibilë, baawu bisye cikunë ko ti navaandi weekë cilaanzi. 27Balënabaasë wusë kum'boongë i wusë ke n'nataangë kuke mimbunzi. Naandi wusë bëzabisi buni Sawuulë wumonënë yimunë Fumu Yeesu mu nzilë Damaasë i buni Fumu wun'kambilë. Naandi wusë bëkaambooso yivaandi yimunë civuufu cyooso cinë Sawuulë wubëlongilë mu lizinë li Yeesu kunë livulë li Damaasë. 28Kutatikilë ntaangu be yiinë, Sawuulë wuba yaawu, naandi wulëkwendaangë i wulëkwisaangë ku Yelusaleemë i ke loongaangë yimunë civuufu cyooso lizinë li Fumu. 29Naandi wulëkaambaangë yivaandi bitamaanë bëlëtubaangë cingeleekë i bëlëfindënë mpakë yimunë baawu. Kasi baawu aba bëlëtoombaangë kun'voondë. 30Bunë baanë yaandi bë nguli bisë kuzaabë lyaawu, baawu bisë natë Sawuulë kuke Sezalee kwa kunë kunaani kwaawu bën'filë ku Talësë.
31Oboobo, Cingangë cyooso cilëzingilaangë mu n'sikë ku Zudee yakë yooso, ku Ngalilee i ku Samali. Cyaawu cilëciindaangë mu ciminu i cilëzingilaangë mu lutumu lu Fumu, cyaawu cilëkulilaangë mu mëkanë më Ciluunzi ci Saantu.
Pyeelë wabelusi Enee
32Cilumbu cin'viipë, Pyeelë wulë ke taabaangë bwendi si yooso, wuyendë mu ke monë sisaantu silëzingilaangë ku Liidë. 33Naandi wuye zakënë libakëlë limweekë mu lizinë li Enee wabë wunonukë fë nkwaalë kutatikilë naanë li n'vu, cibilë wabë binamë bitolëkënë. 34Pyeelë wusë n'kaambë : « Enee, Yeesu Kliistu wakubelusi. Telëmë i wufutikë nkwaalaaku. » Mëlengë-lengë Enee wusë telëmë. 35Baatu booso bë Liidë i basë ntaandu Saloonë bamoni katyoobo i bisë kuvilukë mu kulaandë Fumu.
Pyeelë wavulumunë Dolëkaasë
36Kwabë ku Zafee cita maanë cimweekë ci n'cyeetu mu lizinë li Tabita. – Mu mbeembu cingeleekë, nkuumbu be yooyo yin'tubë ti, « Dolëkaasë », dedë ti, « sesë ». – Naandi wulëvaangaangë maambu mëboti, i wulë zudyaangë biyeembi. 37Mu ntaangu beenë, naandi wusë bwa kubeelë i wusë fwa. Fë mbusë, baawu bisë kungulë vuumbyaandi i bisë tuulë yaawu ku kati ku civingë ci cibaangë#9.37 Kwalëtu kaambofo n'zo.. 38Bilaanzi bi livulë li Zafee bëyuwu saangu ti Pyeelë wabë ku Liidë, linë lyabë belë-belë yi Zafee#9.38 Kwaasu mëkumwaali më mitakë kubotukë ku Liidë yi Ku Zafee.. Baawu bisë n'filë baatu bwaali mu ke n'kaambë : « Mënaanë maaku, lengë kwiisë ke beeso. » 39Mëlengë-lengë, Pyeelë wusë ke yendaangë ke baawu. Ntaangu bëyetukilë, baawu kun'natë ku civingë ci cibaangë. Bëfwiili bakë booso bë bëcyeetu bëlëlilaangë belë-belë yaandi. Baawu kun'leesi binkutu i biyuungë binë Dolëkaasë wulëtuungaangë fanë kwabë ntetë moonyi. 40Pyeelë wubaasi baatu bakë booso. Naandi kufukumë i wusë kusambilë. Fë mbusë na kubalukë fo fabë vuumbi i kutubë : « Tabita, manë n'telë! » Tabita wusë kuzibulooso meeso. Naandi wutalë Pyeelë i kukalë. 41Pyeelë wusë n'siimbë mu kooko i kun'telikë. Fë mbusë Pyeelë wusë kutelë sisaantu i bëfwiili bë bëcyeetu. Naandi wusë kubëleesi Tabita wu moonyi. 42Saangu beenë yisë nyambë bwendi livulë li Zafee i mpaapë baatu bisë ta maanë mu Fumu. 43Pyeelë wusë vyoosyooso mpaapë bilumbu ku Zafee ku n'zo yi Simu wunë wulëlulikaangë mikaandë yi bibulu.
Currently Selected:
Mëvaangë 9: NTVIL
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Mëvaangë 9
9
Luvilukulu lu Sawuulë
(Mëv 22.6-16; 26.12-18)
1Sawuulë wusye leembu ko mu kukanë kuvoondë bilaanzi bi Fumu. Naandi wuyendë mu ke monë n'kuluutu singangë-Nzaambi, 2i wusë loombë ke naandi mikaandë yikun'vaanë n'swa wukukotilë mu bizutununu ku Damaasë, bwiinji mooti naandi wun'zakënë baatu kuunë, bëbakëlë kaambofo bëcyeetu, banë bëke laandaangë nzilë Fumu#9.2 Ezy 30.21; Twi 27.11., naandi wusë bëkaangë i wusë bënatë ku Yelusaleemë. 3Naandi wabë mu nzilë yikwendë ku Damaasë, i abu kwatuuci belë-belë yi livulë beenë. Kuzimbukulabu, cyeseesë cifuminë ku yilu ciyin'zukë. 4Naandi wusë bwa fë n'toto i wusë kuwu mbeembu yilën'kaambaangë : « A Sawuulë, a Sawuulë, mu cibilë-mbici njeeyi wulë mu kwamisi? » 5Sawuulë wusë kufulë : « A Fumu, nje nani wukeeli? » I mbeembu yisë vutulë : « Miinu Yeesu wunë wulë mu kuvaangë simpasi. 6Kasi telëmë i wukotë ku daalë i kuunë bë kukaambë linë njeeyi wufwenikini kuvaangë. » 7Bayaandi bëlëkwendë yaandi mu mweendo, bisë sikëmë foofo i cikumë cikutubë voo, baawu bëlëkuwaangë mbeembu, kasi bësye monë muutu ko. 8Sawuulë wusë telëmë i wusë zibulë meeso, kasi naandi wusye be monaangë cin'velë ko. Bën'siimbë mu kooko mu kun'natë ku Damaasë. 9Fë bilumbu bi tatu, meeso maandi mabë mëfwa. Naandi wabë kulya ve i kunwa ve.
10Kunë Damaasë, kwabë cilaanzi cimweekë, mu lizinë li Ananyaasë. Fumu wusë m'monikinë mu cyeendë-meeso i wusë n'kaambë : « Ananyaasë! » Ananyaasë wusë cikunë : « A Fumu, miinwaawu! » 11Fumu wusë n'kaambë : « Yeendë buyifanwabu mu balë-balë yo bën'telaangë Mëbakëlë. We koti yi zwaalu ku n'zo Zuda i kufulë libakëlë li Talësë mu lizinë li Sawuulë. Naandi wulë mu kusambilë mu ntaangu be yiiyi, 12i mu cyeendë-meeso, naandi wusë monë libakëlë bën'telë Ananyaasë wulëkotë i wun'tendikë myooko bwiinji wube monë. » 13Ananyaasë wusë vutulë : « A Fumu, mpaapë baatu bën'kambilë mu muutu be woowo i baawu bisë kun'zabisi simbi syooso sinë naandi kuvangisi kuke sisaantu syaaku ku Yelusaleemë. 14Naandi wuyisë afa yimunë lutumu lunë bëvaanë bëkuluutu bë singangë-Nzaambi bwiinji kukaangë bakë booso bën'kuundë lizinë lyaaku. » 15Kasi Fumu wun'kaambë : « Yendë cibilë ocyo miinu yasoolë muutu be woowo! Miinu yin'salilë mu kuzabikini lizinë lyaami ke mëkaandë mën'ka i ke sifumu syaawu, i ke mboongu Islayeelë. 16Miinu yikun'leesi miveekë, simpasi syooso kufwenikini kum'monë mu miinu. » 17Mu lyaawu, Ananyaasë wusë ke yendaangë. Naandi wusë kotë ku n'zo, kutendikë Sawuulë myooko i wusë n'kaambë : « A Sawuulë mwanaami nguli, Fumu Yeesu wunë wakumonikënë mu nzilë yinë njeeyi wulëkwisilaangë, wakun'filë bwiinji njeeyi wubweelooso kubëmonë i njeeyi wuwaalë mu cimpukë ci Ciluunzi ci Saantu. » 18Kususukulabu, biimë bifwanëkënë bukë mëkwa më mbisi bisë kubotukë mu meeso më Sawuulë i naandi wusë kube monooso. Naandi wumanë n'telë i wusë kubatizyaalu. 19Fë mbusë, naandyooso wusë kulya i kubakooso mëngolo.
Sawuulë wulë mu kuloongë ku Damaasë
Sawuulë wusë kuvyoosi mwa mpooko bilumbu cintwaali yimunë bilaanzi byabë ku Damaasë. 20Mo mu ntaangu beenë, naandi wusë toonë kuloongë Libuungu li Nzaambi mu bizutununu mu kubëtendulë ti Yeesu mati Mwaanë Nzaambi. 21Bakë booso banë bëlën'kuwaangë bisë tulumukë i bisë tubë : « Naandi kwee, muutu owo wulëvangisi baatu simpasi sinenë banë bëlësambilaangë mu lizinë li Yeesu ku Yelusaleemë? Naandi sye kwisilë kuve aku bwiinji kukaangë i kunatë bitamaanë kuke bëkuluutu bë singangë-Nzaambi? » 22Kasi ndongulu Sawuulë yilutilë ngolo bunë naandi kulëloongilë ti, Yeesu wuli Kliistu. Mu lyaawu, Sizwiifë si livulë li Damaasë bësye be bakooso ko lyaambu li kutubë.
23Mpaapë bilumbu bisë vyookë. Fë mbusë Sizwiifë bisë kuwusënë mu kuboongë lukanyu bwiinji bëvoondë Sawuulë, 24kasi naandi wusë bakulë mpaangulwaawu. Baawu bëlë ke sungaangë sinkotulë si livulë bwiilu i muunyi, bwiinji bën'voondë. 25Mu lyaawu bilaanzi bi Sawuulë bisë n'tinisi mu bwiilu ku lweeku lumesi lu cibakë ci livulë i bisë n'kululilë mu n'kutë#9.25 23-25; 2 Ko 11.32-33. .
Sawuulë ku livulë li Yelusaleemë
26Bunë kwatuuci ku Yelusaleemë, naandi wukwelikë kubundënë yimunë bilaanzi. Kasi bakë booso bëlën'tiinë boomë, cibilë, baawu bisye cikunë ko ti navaandi weekë cilaanzi. 27Balënabaasë wusë kum'boongë i wusë ke n'nataangë kuke mimbunzi. Naandi wusë bëzabisi buni Sawuulë wumonënë yimunë Fumu Yeesu mu nzilë Damaasë i buni Fumu wun'kambilë. Naandi wusë bëkaambooso yivaandi yimunë civuufu cyooso cinë Sawuulë wubëlongilë mu lizinë li Yeesu kunë livulë li Damaasë. 28Kutatikilë ntaangu be yiinë, Sawuulë wuba yaawu, naandi wulëkwendaangë i wulëkwisaangë ku Yelusaleemë i ke loongaangë yimunë civuufu cyooso lizinë li Fumu. 29Naandi wulëkaambaangë yivaandi bitamaanë bëlëtubaangë cingeleekë i bëlëfindënë mpakë yimunë baawu. Kasi baawu aba bëlëtoombaangë kun'voondë. 30Bunë baanë yaandi bë nguli bisë kuzaabë lyaawu, baawu bisë natë Sawuulë kuke Sezalee kwa kunë kunaani kwaawu bën'filë ku Talësë.
31Oboobo, Cingangë cyooso cilëzingilaangë mu n'sikë ku Zudee yakë yooso, ku Ngalilee i ku Samali. Cyaawu cilëciindaangë mu ciminu i cilëzingilaangë mu lutumu lu Fumu, cyaawu cilëkulilaangë mu mëkanë më Ciluunzi ci Saantu.
Pyeelë wabelusi Enee
32Cilumbu cin'viipë, Pyeelë wulë ke taabaangë bwendi si yooso, wuyendë mu ke monë sisaantu silëzingilaangë ku Liidë. 33Naandi wuye zakënë libakëlë limweekë mu lizinë li Enee wabë wunonukë fë nkwaalë kutatikilë naanë li n'vu, cibilë wabë binamë bitolëkënë. 34Pyeelë wusë n'kaambë : « Enee, Yeesu Kliistu wakubelusi. Telëmë i wufutikë nkwaalaaku. » Mëlengë-lengë Enee wusë telëmë. 35Baatu booso bë Liidë i basë ntaandu Saloonë bamoni katyoobo i bisë kuvilukë mu kulaandë Fumu.
Pyeelë wavulumunë Dolëkaasë
36Kwabë ku Zafee cita maanë cimweekë ci n'cyeetu mu lizinë li Tabita. – Mu mbeembu cingeleekë, nkuumbu be yooyo yin'tubë ti, « Dolëkaasë », dedë ti, « sesë ». – Naandi wulëvaangaangë maambu mëboti, i wulë zudyaangë biyeembi. 37Mu ntaangu beenë, naandi wusë bwa kubeelë i wusë fwa. Fë mbusë, baawu bisë kungulë vuumbyaandi i bisë tuulë yaawu ku kati ku civingë ci cibaangë#9.37 Kwalëtu kaambofo n'zo.. 38Bilaanzi bi livulë li Zafee bëyuwu saangu ti Pyeelë wabë ku Liidë, linë lyabë belë-belë yi Zafee#9.38 Kwaasu mëkumwaali më mitakë kubotukë ku Liidë yi Ku Zafee.. Baawu bisë n'filë baatu bwaali mu ke n'kaambë : « Mënaanë maaku, lengë kwiisë ke beeso. » 39Mëlengë-lengë, Pyeelë wusë ke yendaangë ke baawu. Ntaangu bëyetukilë, baawu kun'natë ku civingë ci cibaangë. Bëfwiili bakë booso bë bëcyeetu bëlëlilaangë belë-belë yaandi. Baawu kun'leesi binkutu i biyuungë binë Dolëkaasë wulëtuungaangë fanë kwabë ntetë moonyi. 40Pyeelë wubaasi baatu bakë booso. Naandi kufukumë i wusë kusambilë. Fë mbusë na kubalukë fo fabë vuumbi i kutubë : « Tabita, manë n'telë! » Tabita wusë kuzibulooso meeso. Naandi wutalë Pyeelë i kukalë. 41Pyeelë wusë n'siimbë mu kooko i kun'telikë. Fë mbusë Pyeelë wusë kutelë sisaantu i bëfwiili bë bëcyeetu. Naandi wusë kubëleesi Tabita wu moonyi. 42Saangu beenë yisë nyambë bwendi livulë li Zafee i mpaapë baatu bisë ta maanë mu Fumu. 43Pyeelë wusë vyoosyooso mpaapë bilumbu ku Zafee ku n'zo yi Simu wunë wulëlulikaangë mikaandë yi bibulu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.