Mëvaangë 22
22
1« Beeno baanë baami bë nguli i mëtaatë maami, yuwaano buyifaanu mo yakulukaambë, mu kuyinwaninë cikaangë. » 2Bunë bayuwu ti Poolë wulëbëkaambilë mu mbeembu Ameleyeenë, baawu bisë bweelë kukalë swii. Mu lyaawu, Poolë wutubë : 3« Miinu Zwiifë yikeeli i yibutu ku livulë li Talësë ku libweeti li Siliisi. Kasi miinu yikulilë ku Yelusaleemë i yisinunu fë likumë li Ngamëlyeelë#22.3 5.34., wunë wukun'deesi buboti n'kaakë wu sinkaakë siitu. Miinu yabë buvavambë mu kusalilë Nzaambi dedë mweekë beeno lulë mu kusalilë Nzaambi cibubwayi aci. 4Miinu yivangisi beenë simpasi tee kuvoondë banë bëlëlaandaangë zilë Fumu. Miinu yilë ke kaangaangë i ke tuulaangë mu buloko n'cyeetu yi mbakëlë. 5N'kuluutu wu singangë-Nzaambi i cinguuku ci mëkakëtë kupodi kuvaanë cimbaanji cyaami mu maambu manë yilë mu kutubë cyelikë. Baawu bëkum'paanë mikaandë yinë bëfilë ke baanë bë nguli bi livulë li Damaasë. Mu lyaawu, yisë kweendë kwaawu mu ke bwiilë bitamaanë i kubënatë ku Yelusaleemë, bwiinji bëbëvaanë kastiikë#22.5 8.3; 9.1-2.. »
Poolë wakun'tubilë luvilukulu lwaandi
(Mëv 9.1-19; 26.12-18)
6« Miinu yabë mu nzilë sikwendë i yabë yabelëmë ku Damaasë. Kususukulabu, mu ntaangu-mbatë cyeseesë cinenë cifuminë ku yilu, cisë manikë i cisë kun'zukë. 7Miinu yisë bwa fë n'toto i yikuwu mbeembu yinë yilë kun'kaambaangë : “Sawuulë, Sawuulë, cibilë-mbici njeeyi wulë mu kum'pangisi simpasi?” 8Miinu yisë kufulë : “A Fumu, njeeyi nani?” Mbeembu yisë kum'putililë : “Miinu Yeesu li Nazaleetë yikeeli wunë wulë mu kuvangisyaangë simpasi.” 9Sindiku syaami bisë monë cyeseesë, kasi baawu bësye kuwu ko mbeembu yi wunë wulëtubënaangë yaami. 10Mu lyaawu, miinu yisë kufulë: “A Fumu mbi yifwenikini kuvaangë?” Fumu wusë vutulë : “Telëmë, we yendi ku livulë li Damaasë, kwaawu sya bëkuleesi makë mooso njeeyi wufwenikini kuvaangë.” 11Bunë cyeseesë cisë vangisi miinu kuba mpofo, sindiku syaami si mweendo bisë kun'siimbë mu kooko i bisë kun'natë ku livulë li Damaasë. »
12Kwaawu kwabë libakëlë lin'viipë Ananyaasë, wabë wusulëmë bo bën'kwendilë n'kaakë, Sizwiifë syooso bë livulë bëlën'tubilaangë cimbaanji ciboti. 13Naandi wuyitelëmë fabë miinu i wutubë : « Sawuulë, ndikwaami, biikë ti meeso maaku më bëzibukë! » Mo mu ntaangu beenë, meeso maami kusundilë kuzibukë i yisë kumonë. 14Naandi wusë kun'kaambë : « Nzaambi sinkaakë siitu wukusoolë fanë yi fanë, bwiinji wuzaabë n'vwiilwaandi, ti wumonë wun'viipë wusulëmë i bwiinji wuyuwu mbeembwaandi. 15Cibilë njeeyi wufwenikini kuba mbaanjyaandi fë ntwaalë baatu bakë booso, mu kutendulë manë wamonë i manë wakuwu. 16Buyifanu cikumë mbici, njeeyi ke keminaangë? Manë n'telë, tambulë lubatizyaalu, we lyoomë mu mësumu maaku. »
Poolë wakun'tubilë buni Nzaambi kun'filë mu sisi sin'ka
17Ntaangu yo yivutukënë mu Yelusaleemë i cilumbu cimweekë yilësambilë ku n'zo-Nzaambi i yisë bakë cyeendë-meeso. 18Miinu yamonë Fumu i wakun'kaambë : Vaangë mëlengisi mu kubasikë ku Yelusaleemë! Kasi basë livulë be liili kusë syabëvitikë ko cimbaanji cyaaku mu cibilë cyaami. 19Miinu yisë n'vutulilë : « A Fumu, baawu bëzaabë ti miinu yilëkwendaangë ku bizutununu bi Sizwiifë, bwiinji yibëkaangë i kubulë banë bata maanë mu njeeyi. 20Ntaangu yo bëvondilë Tyeenë, wunë wabë mbaanjyaaku, miinu yabë faanë. Miinu yicikunë maambu manë mëvaangë banë bëlën'voondë i yilësiimbaangë binkutu byaawu#22.20 7.58; 8.1.. » 21Mu lyaawu, Fumu wusë tubë : « Yendë! Cibilë yakufilë cinaanu lweeku lu sisi sin'ka. »
Poolë i kumandë ku mësodaadi më Loomë
22Nkoongë yisë kuwulu Poolë tee fë bikumë byaandi bi siitu. Kasi bakë booso bisë kulosukë : « Lwe zimbisyaanu muutu owo! N'voondyaanu! Naandi wusye fwaanë ko kuziingë fë moongu butoto be buubu! » 23Baawu bisë bëlutilooso kulosukë. Baawu bëvuulë binkutu byaawu i bisë ke mwamunaangë n'kukunvu ku yilu. 24Kumandë ku mësodaadi wusë vaanë n'swa wukukosilë Poolë ko kulëkalilaangë mësodaadi i mu kum'bulë siswaali mu kun'kacikë kutubë, bwiinji bëzaabë ntoondo yinë Sizwiifë sin'losukulilë. 25Ntaangu yo bëlën'kangilë misiingë bwiinji bëm'bulë, Poolë wusë kaambë kumandë ku mësodaadi më Loomë wabë faanë: « Beeno lukeeli ko yi n'swa wukubulë musë Loomë ntetë kun'kesë#22.25 16.37.? » 26Bunë kwayuwu bikumë obyo, n'kuluutu-mësodaadi wusë ke kumini kumandë: « Mbici njeeyi wafitë vaangë? Muutu owo musë Loomë. » 27Kumandë wusë belëmë Poolë i wun'kufulë: « N'kaambyoobo, njeeyi cyelikë musë Loomë wukeelye? » Poolë wusë cikunë : « Ngete, miinu musë Loomë yikeeli. » 28Mu lyaawu, kumandë tubë : « Miinu yifutë m'pooku simboongo mu kuba musë Loomë. » Kasi Poolë wusë n'vutulilë : « Miinu, yike musë Loomë kutoonë fë lubutu lwaami. » 29Mo mu ntaangu beenë, banë bëlëtoombaangë kubulë Poolë bwiinji kutubë bisë kwakënë yaandi, kumandë ku mësodaadi wusë ba yi boomë ntaangu yo kubakulilë ti Poolë wabë musë Loomë, wunë naandi kukaangë simpaangë.
Poolë fë ntwaalë cinzonzi
30Kumandë ku mësodaadi wulëtoombaangë kuzaabë buboti-buboti cibilë-mbici Sizwiifë bëkesilë Poolë. Mu lyaawu, cilumbu cilandëkënë, naandi wuvangisi kun'kutulë simpaangë i wusë telë bëkuluutu bë singangë-Nzaambi i basë cinzonzi cyooso ci Sizwiifë. Fë mbusë, naandi wusë natë Poolë mu kun'fundisi fë ntwalaawu.
Currently Selected:
Mëvaangë 22: NTVIL
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Mëvaangë 22
22
1« Beeno baanë baami bë nguli i mëtaatë maami, yuwaano buyifaanu mo yakulukaambë, mu kuyinwaninë cikaangë. » 2Bunë bayuwu ti Poolë wulëbëkaambilë mu mbeembu Ameleyeenë, baawu bisë bweelë kukalë swii. Mu lyaawu, Poolë wutubë : 3« Miinu Zwiifë yikeeli i yibutu ku livulë li Talësë ku libweeti li Siliisi. Kasi miinu yikulilë ku Yelusaleemë i yisinunu fë likumë li Ngamëlyeelë#22.3 5.34., wunë wukun'deesi buboti n'kaakë wu sinkaakë siitu. Miinu yabë buvavambë mu kusalilë Nzaambi dedë mweekë beeno lulë mu kusalilë Nzaambi cibubwayi aci. 4Miinu yivangisi beenë simpasi tee kuvoondë banë bëlëlaandaangë zilë Fumu. Miinu yilë ke kaangaangë i ke tuulaangë mu buloko n'cyeetu yi mbakëlë. 5N'kuluutu wu singangë-Nzaambi i cinguuku ci mëkakëtë kupodi kuvaanë cimbaanji cyaami mu maambu manë yilë mu kutubë cyelikë. Baawu bëkum'paanë mikaandë yinë bëfilë ke baanë bë nguli bi livulë li Damaasë. Mu lyaawu, yisë kweendë kwaawu mu ke bwiilë bitamaanë i kubënatë ku Yelusaleemë, bwiinji bëbëvaanë kastiikë#22.5 8.3; 9.1-2.. »
Poolë wakun'tubilë luvilukulu lwaandi
(Mëv 9.1-19; 26.12-18)
6« Miinu yabë mu nzilë sikwendë i yabë yabelëmë ku Damaasë. Kususukulabu, mu ntaangu-mbatë cyeseesë cinenë cifuminë ku yilu, cisë manikë i cisë kun'zukë. 7Miinu yisë bwa fë n'toto i yikuwu mbeembu yinë yilë kun'kaambaangë : “Sawuulë, Sawuulë, cibilë-mbici njeeyi wulë mu kum'pangisi simpasi?” 8Miinu yisë kufulë : “A Fumu, njeeyi nani?” Mbeembu yisë kum'putililë : “Miinu Yeesu li Nazaleetë yikeeli wunë wulë mu kuvangisyaangë simpasi.” 9Sindiku syaami bisë monë cyeseesë, kasi baawu bësye kuwu ko mbeembu yi wunë wulëtubënaangë yaami. 10Mu lyaawu, miinu yisë kufulë: “A Fumu mbi yifwenikini kuvaangë?” Fumu wusë vutulë : “Telëmë, we yendi ku livulë li Damaasë, kwaawu sya bëkuleesi makë mooso njeeyi wufwenikini kuvaangë.” 11Bunë cyeseesë cisë vangisi miinu kuba mpofo, sindiku syaami si mweendo bisë kun'siimbë mu kooko i bisë kun'natë ku livulë li Damaasë. »
12Kwaawu kwabë libakëlë lin'viipë Ananyaasë, wabë wusulëmë bo bën'kwendilë n'kaakë, Sizwiifë syooso bë livulë bëlën'tubilaangë cimbaanji ciboti. 13Naandi wuyitelëmë fabë miinu i wutubë : « Sawuulë, ndikwaami, biikë ti meeso maaku më bëzibukë! » Mo mu ntaangu beenë, meeso maami kusundilë kuzibukë i yisë kumonë. 14Naandi wusë kun'kaambë : « Nzaambi sinkaakë siitu wukusoolë fanë yi fanë, bwiinji wuzaabë n'vwiilwaandi, ti wumonë wun'viipë wusulëmë i bwiinji wuyuwu mbeembwaandi. 15Cibilë njeeyi wufwenikini kuba mbaanjyaandi fë ntwaalë baatu bakë booso, mu kutendulë manë wamonë i manë wakuwu. 16Buyifanu cikumë mbici, njeeyi ke keminaangë? Manë n'telë, tambulë lubatizyaalu, we lyoomë mu mësumu maaku. »
Poolë wakun'tubilë buni Nzaambi kun'filë mu sisi sin'ka
17Ntaangu yo yivutukënë mu Yelusaleemë i cilumbu cimweekë yilësambilë ku n'zo-Nzaambi i yisë bakë cyeendë-meeso. 18Miinu yamonë Fumu i wakun'kaambë : Vaangë mëlengisi mu kubasikë ku Yelusaleemë! Kasi basë livulë be liili kusë syabëvitikë ko cimbaanji cyaaku mu cibilë cyaami. 19Miinu yisë n'vutulilë : « A Fumu, baawu bëzaabë ti miinu yilëkwendaangë ku bizutununu bi Sizwiifë, bwiinji yibëkaangë i kubulë banë bata maanë mu njeeyi. 20Ntaangu yo bëvondilë Tyeenë, wunë wabë mbaanjyaaku, miinu yabë faanë. Miinu yicikunë maambu manë mëvaangë banë bëlën'voondë i yilësiimbaangë binkutu byaawu#22.20 7.58; 8.1.. » 21Mu lyaawu, Fumu wusë tubë : « Yendë! Cibilë yakufilë cinaanu lweeku lu sisi sin'ka. »
Poolë i kumandë ku mësodaadi më Loomë
22Nkoongë yisë kuwulu Poolë tee fë bikumë byaandi bi siitu. Kasi bakë booso bisë kulosukë : « Lwe zimbisyaanu muutu owo! N'voondyaanu! Naandi wusye fwaanë ko kuziingë fë moongu butoto be buubu! » 23Baawu bisë bëlutilooso kulosukë. Baawu bëvuulë binkutu byaawu i bisë ke mwamunaangë n'kukunvu ku yilu. 24Kumandë ku mësodaadi wusë vaanë n'swa wukukosilë Poolë ko kulëkalilaangë mësodaadi i mu kum'bulë siswaali mu kun'kacikë kutubë, bwiinji bëzaabë ntoondo yinë Sizwiifë sin'losukulilë. 25Ntaangu yo bëlën'kangilë misiingë bwiinji bëm'bulë, Poolë wusë kaambë kumandë ku mësodaadi më Loomë wabë faanë: « Beeno lukeeli ko yi n'swa wukubulë musë Loomë ntetë kun'kesë#22.25 16.37.? » 26Bunë kwayuwu bikumë obyo, n'kuluutu-mësodaadi wusë ke kumini kumandë: « Mbici njeeyi wafitë vaangë? Muutu owo musë Loomë. » 27Kumandë wusë belëmë Poolë i wun'kufulë: « N'kaambyoobo, njeeyi cyelikë musë Loomë wukeelye? » Poolë wusë cikunë : « Ngete, miinu musë Loomë yikeeli. » 28Mu lyaawu, kumandë tubë : « Miinu yifutë m'pooku simboongo mu kuba musë Loomë. » Kasi Poolë wusë n'vutulilë : « Miinu, yike musë Loomë kutoonë fë lubutu lwaami. » 29Mo mu ntaangu beenë, banë bëlëtoombaangë kubulë Poolë bwiinji kutubë bisë kwakënë yaandi, kumandë ku mësodaadi wusë ba yi boomë ntaangu yo kubakulilë ti Poolë wabë musë Loomë, wunë naandi kukaangë simpaangë.
Poolë fë ntwaalë cinzonzi
30Kumandë ku mësodaadi wulëtoombaangë kuzaabë buboti-buboti cibilë-mbici Sizwiifë bëkesilë Poolë. Mu lyaawu, cilumbu cilandëkënë, naandi wuvangisi kun'kutulë simpaangë i wusë telë bëkuluutu bë singangë-Nzaambi i basë cinzonzi cyooso ci Sizwiifë. Fë mbusë, naandi wusë natë Poolë mu kun'fundisi fë ntwalaawu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.