Mëvaangë 2
2
Lwisulu lu Ciluunzi ci Saantu
1Bunë cilumbu ci n'saangu wu Pantekootë#2.1 Lev 23.15-21; Det 16.9-11. cyatuuci, bitamaanë byooso bëyidukënë fë cimweekë. 2Kuzimbukulabu, ncyeembi yifuminë ku yilu, dedë mweekë mpeemu-ngudi yilëpukumukë i kuwaasi n'zo yakë yooso fanë baawu bëyabë bëkalë. 3Mu lyaawu, baawu bisë monë sindakë sifwanëkënë yi milaku-mbaasu. Maawu misë ke kabukaangë i ke tetëmaangë fë yilu n'tu wu kadë muutu mu banë bëyabë faawu. 4Babooso bisë kuwaalë Ciluunzi ci Saantu i bisë toonë kutubë simbeembu sin'ka mu kumonë bunë Ciluunzi cilë mu kubëvangisi kutubë.
5Ku Yelusaleemë kulëkalilaangë Sizwiifë babë sisu mu Nzaambi, bëfuminë mu sisi syooso si buloongo. 6Ntaangu yo ncyeembi beenë yisë kuwukunu, bakë booso bisë kudukënë faawu mu lukoongu. Baawu bisë siminë kubookë, cibilë kadë muutu mu baawu wulëbëyuwulwaangë mu mbeembwaandi bwaalë. 7Baawu bisë ke siminaangë i ke bookaangë i bisë kutubë : « Baatu obo bëlë mu kutubë, bëkeeli ko bakë booso basë libweeti li Ngalilee#2.7 1.11.? 8Bwa kwisilë buni ti, wosuku muutu mu beeso kubëyuwulwaangë mu mbeembyaandi bwaalë? 9Fë meeyiitu beeso ke bën'viipë bafuminë ku Paleetë, Medi i Elaamë. Ke yivaandi bo bafuminë ku Mezopotami, ku Zudee, ku Kapadoosë, ku Poontë, ku libweeti li Aziiya, 10ku Filizi, ku Panfili, ku Zipiitë i libweeti li Sileenë ku Libi. Yivaandi bo bafuminë ku Loomë, 11ku Keleetë i ku Alabi. Bëmesë Sizwiifë i bën'ka bakotë mu libuundu li Sizwiifë. Yivaandi beeso tulë mu kubëkuwu kutubë mu simbeembu siitu si bwaalë mëvaangë mënjiinji më Nzaambi! » 12Bakë booso bëtulumukë, mpaapë yivaandi bësye zaabë kuve linë li kutubë. Baawu yivaandi bisë tubënaangë baveekë i baveekë : « Maambu be maamë, mbici mën'tubë? » 13Kasi baatu bën'ka ke bëdyeengaangë i bisë tubë : « Baawu bakolu mëlafu. »
Bunzonzi bu Pyeelë
14Pyeelë kwatelëmi yimunë likuumi wumweekë li mimbunzi, wusë tubë mu mbeembu nkamu kuke nkoongë baatu : « Beeno Sizwiifë i beeno booso lun'kalaangë ku Yelusaleemë, lwe yuwaano buboti mëbuungu maami i lwe bakulaanu manë mëlë mu kuvangënë. 15Baatu oboobo bësye kolu mëlafu ko bunë beeno lulë mu kubalilë, cibilë yicini tokë vwa li zoolë yimenë. 16Akasi ntaangu be yiiyi, maambu mo mëtubë Zoweelë m'bici mavangënë :
17Nzaambi wutubë :
Mu bilumbu bi siitu,
miinu yin'vaanë Ciluunzi cyaami mu baatu bakë booso.
Baanë biinu bëbakëlë i bëcyeetu bëm'bikulë.
Miinu yin'tubilë mu byeendë-meeso ke bilesi biinu,
i ke binunu biinu mu sindoosi.
18Licyelikë, mu bilumbu be binë biina, miinu yin'vaanë Ciluunzi cyaami mu bëbakëlë i mu bëcyeetu banë bëkeeli biseelu byaami,
i baawu bëm'bikulë.
19Miinu yin'vaangë bimaaku ku yilu.
Biliimbu bi kwaatë-yekë fë moongu butoto:
“fëm'ba meengë, mbaasu i mëduungë më mwiisi.
20Muunyi wun'citukë citoombi,
i ngoondi kubeengë buke meengë. Maambu makë mooso omo mën'vangënë
ntetë cilumbu ci Fumu kutuukë, cilumbu be cyooci cinenë i ci bumpumu
21Mu lyaawu, wosuku muutu wun'sambilë mu lizinë li Fumu, naandi wun'vuukë#2.21 Zow 3.1-5..” »
22« Baatu bë Islayeelë, lwe yuwaano maambu yakulukaambë: Yeesu li Nazaleetë#2.22 Mat 2.23; Lik 18.37. wabë muutu wunë Nzaambi kuluzabikini lutumu lwaandi i ke vaangaangë mu naandi mpaapë mpilë bimaaku i biliimbu bi kwaatë-yekë fë meeyiinu beeno, buni benuveekë lulizabili. 23Beeno lukulë Yeesu be woowo i beeno lun'voondë i lum'baandë fë kuluusu yimunë bo bëkaambu kuzaabë Nzaambi, bunë Nzaambi kufwikilë ntamë#2.23 Mat 27.35; Mak 15.24; Lik 23.33; Za 19.18.. 24Kasi Nzaambi wun'vulumunë, cibilë lufwa sye ba yi likanë ko mu kun'simbililë mu lutumu#2.24 Mat 28.5-6; Mak 16.6; Lik 24.5. lwaandi. 25Licyelikë, Daviidë wutubilë mu cibilë cyaandi :
“Ntaangu syooso yilëmonaangë Fumu fë ntwaalaami.
Naandi ke ku lweeku lwaami lu mëbakëlë, mu kumaangë miinu kutekë bitu mu boomë.
26Mu lyaawu, n'timaami weekë mu liyaanji, ndakaami yilë mu kuyolë yi sinyeenzi syooso.
Nyitwaami yin'kalilë mu civuufu,
27cibilë ti, njeeyi wusë kum'biikë ko ku buloongo bu baatu bëfwa,
njeeyi wusë m'biikë ko, cisasi cyaaku cike yi lufyaatu mu njeeyi, kubolilë mu buumbë.
28Njeeyi wakun'leesi sinzilë sin'nataangë ku luziingu,
wakun'waasi liyaanji fë ntwaalaaku#2.28 Twi 16.8-11..” »
29« A baanë yaami bë nguli, miinu yikeeli yi n'swa ko wukulukaambilë fë ciyalëlë n'zisi wu nkaakiitu Daviidë: naandi wufwa, bën'ziikë i tee bubwayi libuumbë lyaandi licini fanë tukeeli#2.29 Bëlëtelaangë mëkakëtë, sinkaakë si Sizwiifë syabë ndumu buke: Abalaamë, Isaakë i Zakoobë mu banë Nzaambi kuzitikë n'kangulwaandi. 1 Ntn 2.10.. 30Kasi naandi wabë m'bici, tee naandi wuzaabë ti Nzaambi wun'kanyi mu kulefë-mpesë naandi wum'byaasi wum'mweekë fë meeyi bëtekulu baandi fë ntaanzyaandi#2.30 Twi 132.11.. 31Daviidë wumonë ntetë maambu mën'talë luvulumuku lu Kliistu mu lufwa ntaangu yo kutubilë :
“Nzaambi wusye m'biikë ko ku buloongo bë baatu bëfwa i wusye biikë ko nyitwaandi
kubolë mu buumbë.”
32Licyelikë, Nzaambi wuvulumunë Yeesu mu bëfwa, wo miinu yike mu kulukaambë i beeso booso simbaanji tukeeli. 33Nzaambi wun'zanjikë#2.33 Wuzanjiku ku mëbakëlë më Nzaambi. i wun'vwandisi ku lweeku lwaandi lu mëbakëlë i kun'vaanë Ciluunzi cyaandi Cisemi cyo kukanyi. Naandi wanyambë cyaawu mu beeso buni luke mu kumweenë i buni luke mu kuwu tee mu bubwayi aci. 34Licyelikë, Daviidë wusye makë naveekë ko ku yilu, kasi naandi wutubë :
“Fumu Nzaambi wukaambë Fumwaami:
yisë vwaandë ku mëbakëlë maami,
35tee yi fanë yin'tulilë simbeenyi syaaku
kusi maalu maaku#2.35 Twi 110.1.”
36Mu lyaawu, baatu bakë booso bë bwaalë bu Islayeelë bëfwenikini kuzaabë ti licyelikë, Yeesu wunë beeno lubaandë fë kuluusu, naandi na Nzaambi kwatuunvi Fumu i Kliistu. »
37Banë bëyabë kuunë, bisë kubwa libobo mu mitimaawu bunë bayuwu maambu bë moomo. Baawu bisë kufulë Pyeelë i mimbunzi yin'ka : « A baanë baami bë nguli, buni beeso tufwenikini kusiile? » 38Pyeelë wusë bëvutulilë : « Lwe balulyaanu mëvaangë miinu#2.38 kubalulë mëvaangë, kaambofo kubalulë simbalulu. i wosuku muutu we batizyaalu mu lizinë li Yeesu Kliistu bwiinji bën'lenvukilë mësumu maandi i beeno lun'taambulë likabu li Ciluunzi ci Saantu. 39Licyelikë, Nzaambi wuvaanë lukanyu alu mu beeno i mu baanë biinu, yivaandi mu bo bën'zingilë cinaanu: mu bakë booso banë Fumu Nzaambiitu kun'telë. »
40Pyeelë wusë be bëkaambooso mpaapë mëbuungu mën'ka mu kubëvangisi kucikunë i kubëvaanë n'viingu. Naandi wulëtubaangë : « Lwe vuucyaanu mu kumaangë beeno kubakë kastikë yinë yim'bakë liloongu li baatu bën'vangaangë mëbi. » 41Banë bëvitike mëbuungu mo Pyeelë kutubë, bëbatizyaalu. Munë cilumbu beenë, kwaasu ku biveefi bi tatu bi baatu bisë bundënë mu nkoongë bitamaanë.
Luziingu lu bitamaanë
42Bakë booso, bisë tuulë n'timë mu kuwu ntaangu syakë syooso ndongulu yilëvaanaangë mimbunzi i kuzingilë mu lubundunu lu baanë bë nguli mu kwambulë#2.42 Kwambulë podi kuba ndiiwu Fumu. i kusambilë fë cimweekë. 43Baatu bakë booso bëlëmonaangë boomë mu cibilë ci bimaaku i biliimbu bimpaapë bi kwaatë-yekë, bilëvaangaangë mimbunzi. 44Bitamaanë byooso, babë bëdukënë mu cindiku i bëlëbundaangë fë cimweekë biimë byaawu#2.44 4.32-35.. 45Baawu bëlësumbisyaangë tupaangu i biimë byaawu. Baawu bëlëkabësënaangë simboongo bunë bwabilë n'ciinzë wu kadë muutu. 46Bilumbu byakë byooso, baawu bëlë dukunaangë mu n'zo-Nzaambi. Baawu bëlëkabësënaangë i bëlëkwambulaangë ndiiwu mu sinzo syaawu mu liyaanji lyooso i mu n'timë wutukukë. 47Baawu bisë ke dumisyaangë Nzaambi i baatu bakë booso bëlë ke bëzolaangë. Kadë cilumbu, naveekë Fumu wulë ke bweelaangë mu nkoongë bitamaanë, banë naandi kuluvuuci.
Currently Selected:
Mëvaangë 2: NTVIL
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Mëvaangë 2
2
Lwisulu lu Ciluunzi ci Saantu
1Bunë cilumbu ci n'saangu wu Pantekootë#2.1 Lev 23.15-21; Det 16.9-11. cyatuuci, bitamaanë byooso bëyidukënë fë cimweekë. 2Kuzimbukulabu, ncyeembi yifuminë ku yilu, dedë mweekë mpeemu-ngudi yilëpukumukë i kuwaasi n'zo yakë yooso fanë baawu bëyabë bëkalë. 3Mu lyaawu, baawu bisë monë sindakë sifwanëkënë yi milaku-mbaasu. Maawu misë ke kabukaangë i ke tetëmaangë fë yilu n'tu wu kadë muutu mu banë bëyabë faawu. 4Babooso bisë kuwaalë Ciluunzi ci Saantu i bisë toonë kutubë simbeembu sin'ka mu kumonë bunë Ciluunzi cilë mu kubëvangisi kutubë.
5Ku Yelusaleemë kulëkalilaangë Sizwiifë babë sisu mu Nzaambi, bëfuminë mu sisi syooso si buloongo. 6Ntaangu yo ncyeembi beenë yisë kuwukunu, bakë booso bisë kudukënë faawu mu lukoongu. Baawu bisë siminë kubookë, cibilë kadë muutu mu baawu wulëbëyuwulwaangë mu mbeembwaandi bwaalë. 7Baawu bisë ke siminaangë i ke bookaangë i bisë kutubë : « Baatu obo bëlë mu kutubë, bëkeeli ko bakë booso basë libweeti li Ngalilee#2.7 1.11.? 8Bwa kwisilë buni ti, wosuku muutu mu beeso kubëyuwulwaangë mu mbeembyaandi bwaalë? 9Fë meeyiitu beeso ke bën'viipë bafuminë ku Paleetë, Medi i Elaamë. Ke yivaandi bo bafuminë ku Mezopotami, ku Zudee, ku Kapadoosë, ku Poontë, ku libweeti li Aziiya, 10ku Filizi, ku Panfili, ku Zipiitë i libweeti li Sileenë ku Libi. Yivaandi bo bafuminë ku Loomë, 11ku Keleetë i ku Alabi. Bëmesë Sizwiifë i bën'ka bakotë mu libuundu li Sizwiifë. Yivaandi beeso tulë mu kubëkuwu kutubë mu simbeembu siitu si bwaalë mëvaangë mënjiinji më Nzaambi! » 12Bakë booso bëtulumukë, mpaapë yivaandi bësye zaabë kuve linë li kutubë. Baawu yivaandi bisë tubënaangë baveekë i baveekë : « Maambu be maamë, mbici mën'tubë? » 13Kasi baatu bën'ka ke bëdyeengaangë i bisë tubë : « Baawu bakolu mëlafu. »
Bunzonzi bu Pyeelë
14Pyeelë kwatelëmi yimunë likuumi wumweekë li mimbunzi, wusë tubë mu mbeembu nkamu kuke nkoongë baatu : « Beeno Sizwiifë i beeno booso lun'kalaangë ku Yelusaleemë, lwe yuwaano buboti mëbuungu maami i lwe bakulaanu manë mëlë mu kuvangënë. 15Baatu oboobo bësye kolu mëlafu ko bunë beeno lulë mu kubalilë, cibilë yicini tokë vwa li zoolë yimenë. 16Akasi ntaangu be yiiyi, maambu mo mëtubë Zoweelë m'bici mavangënë :
17Nzaambi wutubë :
Mu bilumbu bi siitu,
miinu yin'vaanë Ciluunzi cyaami mu baatu bakë booso.
Baanë biinu bëbakëlë i bëcyeetu bëm'bikulë.
Miinu yin'tubilë mu byeendë-meeso ke bilesi biinu,
i ke binunu biinu mu sindoosi.
18Licyelikë, mu bilumbu be binë biina, miinu yin'vaanë Ciluunzi cyaami mu bëbakëlë i mu bëcyeetu banë bëkeeli biseelu byaami,
i baawu bëm'bikulë.
19Miinu yin'vaangë bimaaku ku yilu.
Biliimbu bi kwaatë-yekë fë moongu butoto:
“fëm'ba meengë, mbaasu i mëduungë më mwiisi.
20Muunyi wun'citukë citoombi,
i ngoondi kubeengë buke meengë. Maambu makë mooso omo mën'vangënë
ntetë cilumbu ci Fumu kutuukë, cilumbu be cyooci cinenë i ci bumpumu
21Mu lyaawu, wosuku muutu wun'sambilë mu lizinë li Fumu, naandi wun'vuukë#2.21 Zow 3.1-5..” »
22« Baatu bë Islayeelë, lwe yuwaano maambu yakulukaambë: Yeesu li Nazaleetë#2.22 Mat 2.23; Lik 18.37. wabë muutu wunë Nzaambi kuluzabikini lutumu lwaandi i ke vaangaangë mu naandi mpaapë mpilë bimaaku i biliimbu bi kwaatë-yekë fë meeyiinu beeno, buni benuveekë lulizabili. 23Beeno lukulë Yeesu be woowo i beeno lun'voondë i lum'baandë fë kuluusu yimunë bo bëkaambu kuzaabë Nzaambi, bunë Nzaambi kufwikilë ntamë#2.23 Mat 27.35; Mak 15.24; Lik 23.33; Za 19.18.. 24Kasi Nzaambi wun'vulumunë, cibilë lufwa sye ba yi likanë ko mu kun'simbililë mu lutumu#2.24 Mat 28.5-6; Mak 16.6; Lik 24.5. lwaandi. 25Licyelikë, Daviidë wutubilë mu cibilë cyaandi :
“Ntaangu syooso yilëmonaangë Fumu fë ntwaalaami.
Naandi ke ku lweeku lwaami lu mëbakëlë, mu kumaangë miinu kutekë bitu mu boomë.
26Mu lyaawu, n'timaami weekë mu liyaanji, ndakaami yilë mu kuyolë yi sinyeenzi syooso.
Nyitwaami yin'kalilë mu civuufu,
27cibilë ti, njeeyi wusë kum'biikë ko ku buloongo bu baatu bëfwa,
njeeyi wusë m'biikë ko, cisasi cyaaku cike yi lufyaatu mu njeeyi, kubolilë mu buumbë.
28Njeeyi wakun'leesi sinzilë sin'nataangë ku luziingu,
wakun'waasi liyaanji fë ntwaalaaku#2.28 Twi 16.8-11..” »
29« A baanë yaami bë nguli, miinu yikeeli yi n'swa ko wukulukaambilë fë ciyalëlë n'zisi wu nkaakiitu Daviidë: naandi wufwa, bën'ziikë i tee bubwayi libuumbë lyaandi licini fanë tukeeli#2.29 Bëlëtelaangë mëkakëtë, sinkaakë si Sizwiifë syabë ndumu buke: Abalaamë, Isaakë i Zakoobë mu banë Nzaambi kuzitikë n'kangulwaandi. 1 Ntn 2.10.. 30Kasi naandi wabë m'bici, tee naandi wuzaabë ti Nzaambi wun'kanyi mu kulefë-mpesë naandi wum'byaasi wum'mweekë fë meeyi bëtekulu baandi fë ntaanzyaandi#2.30 Twi 132.11.. 31Daviidë wumonë ntetë maambu mën'talë luvulumuku lu Kliistu mu lufwa ntaangu yo kutubilë :
“Nzaambi wusye m'biikë ko ku buloongo bë baatu bëfwa i wusye biikë ko nyitwaandi
kubolë mu buumbë.”
32Licyelikë, Nzaambi wuvulumunë Yeesu mu bëfwa, wo miinu yike mu kulukaambë i beeso booso simbaanji tukeeli. 33Nzaambi wun'zanjikë#2.33 Wuzanjiku ku mëbakëlë më Nzaambi. i wun'vwandisi ku lweeku lwaandi lu mëbakëlë i kun'vaanë Ciluunzi cyaandi Cisemi cyo kukanyi. Naandi wanyambë cyaawu mu beeso buni luke mu kumweenë i buni luke mu kuwu tee mu bubwayi aci. 34Licyelikë, Daviidë wusye makë naveekë ko ku yilu, kasi naandi wutubë :
“Fumu Nzaambi wukaambë Fumwaami:
yisë vwaandë ku mëbakëlë maami,
35tee yi fanë yin'tulilë simbeenyi syaaku
kusi maalu maaku#2.35 Twi 110.1.”
36Mu lyaawu, baatu bakë booso bë bwaalë bu Islayeelë bëfwenikini kuzaabë ti licyelikë, Yeesu wunë beeno lubaandë fë kuluusu, naandi na Nzaambi kwatuunvi Fumu i Kliistu. »
37Banë bëyabë kuunë, bisë kubwa libobo mu mitimaawu bunë bayuwu maambu bë moomo. Baawu bisë kufulë Pyeelë i mimbunzi yin'ka : « A baanë baami bë nguli, buni beeso tufwenikini kusiile? » 38Pyeelë wusë bëvutulilë : « Lwe balulyaanu mëvaangë miinu#2.38 kubalulë mëvaangë, kaambofo kubalulë simbalulu. i wosuku muutu we batizyaalu mu lizinë li Yeesu Kliistu bwiinji bën'lenvukilë mësumu maandi i beeno lun'taambulë likabu li Ciluunzi ci Saantu. 39Licyelikë, Nzaambi wuvaanë lukanyu alu mu beeno i mu baanë biinu, yivaandi mu bo bën'zingilë cinaanu: mu bakë booso banë Fumu Nzaambiitu kun'telë. »
40Pyeelë wusë be bëkaambooso mpaapë mëbuungu mën'ka mu kubëvangisi kucikunë i kubëvaanë n'viingu. Naandi wulëtubaangë : « Lwe vuucyaanu mu kumaangë beeno kubakë kastikë yinë yim'bakë liloongu li baatu bën'vangaangë mëbi. » 41Banë bëvitike mëbuungu mo Pyeelë kutubë, bëbatizyaalu. Munë cilumbu beenë, kwaasu ku biveefi bi tatu bi baatu bisë bundënë mu nkoongë bitamaanë.
Luziingu lu bitamaanë
42Bakë booso, bisë tuulë n'timë mu kuwu ntaangu syakë syooso ndongulu yilëvaanaangë mimbunzi i kuzingilë mu lubundunu lu baanë bë nguli mu kwambulë#2.42 Kwambulë podi kuba ndiiwu Fumu. i kusambilë fë cimweekë. 43Baatu bakë booso bëlëmonaangë boomë mu cibilë ci bimaaku i biliimbu bimpaapë bi kwaatë-yekë, bilëvaangaangë mimbunzi. 44Bitamaanë byooso, babë bëdukënë mu cindiku i bëlëbundaangë fë cimweekë biimë byaawu#2.44 4.32-35.. 45Baawu bëlësumbisyaangë tupaangu i biimë byaawu. Baawu bëlëkabësënaangë simboongo bunë bwabilë n'ciinzë wu kadë muutu. 46Bilumbu byakë byooso, baawu bëlë dukunaangë mu n'zo-Nzaambi. Baawu bëlëkabësënaangë i bëlëkwambulaangë ndiiwu mu sinzo syaawu mu liyaanji lyooso i mu n'timë wutukukë. 47Baawu bisë ke dumisyaangë Nzaambi i baatu bakë booso bëlë ke bëzolaangë. Kadë cilumbu, naveekë Fumu wulë ke bweelaangë mu nkoongë bitamaanë, banë naandi kuluvuuci.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.