Rumawaraita 6
6
Ipurangasawa irumu uyurawa yande
1Asui maitaa kuri yambeu? Maitaa yaikure yanepuxuwerasawa rese yariku arama turusu ipurangasawa?
2Umbaa. Maitaa maa yaikure yanepuxuwerasawa rese yande umanuwaitana isui?
3Maitaa tipekuawa aintaubatizari yande Kristu Jesus rese aintaubatizari yande manusawa upe?
4Ape batizmu irumu yayumimiwana Kristu irumu manusawa upe, ape kuaye Kristu upuamuwaa yawe manusawa sui yanepaya purangasawa irumu yawete yuiri yawata pisasuwaa upe.
5Nyãse yamanu rame irumu kuaye iyawe yapuamu yuiri kuri irumu maye iyawe.
6Nyãse yakuawana yamanduarisawa kuximawara uyari irumu kurusa rese umukanyemu arama kua yanepira puxuwerawa tiarama yaxari yanepuxuwerasawa supe aramawaita yande.
7Nyãse kua umanuwaa ueskapariana ae ipuxuwerasawa sui.
8Ape yamanu rameana yande Kristu irumu yakuawate yapakate yuiri kuri irumu.
9Nyãse yakuawa Kristu usemuana manusawa sui timaa kuri umanu mukuĩsawa yuiri, tikuri manusawa upuderi upisika ae.
10Ape umanu ae yepe viaji, umanu ae pekadu resewara, asui upakate ae, upaka ae Deus supe arama.
11Yawete yuiri penye pemanduari perese pemanu penye pepuxuwerasawa sui, maa pepakate penye Deus supe irumu kua Jesus Kristu.
12Tepexari pepuxuwerasawa umundu penye pepira ukanyemuwaa upe pemunya arama kuaye uputariwaa yawe.
13Ape tiyuiri pexari pepira rakanga umuaiwa penye pemunya arama puxuwerawa, maa peyuxari penyepawate Deus supe kuaye aintayawe upuamuwaita manusawa sui; asui pexari pepira rakanga Deus supe pemunya arama purangawaa.
14Ape tikuri pepuxuwerasawa umundu penye nyãse timaa peiku Deus nyenga kuximawara rese maa peiku ipurangasawa rese.
Deus nyenga kuximawara ipurangasawa yuiri
15Asui maitaa kuri yaiku? Maitaa kuri yamunya yanepuxuwerasawa nyãse timaa yaiku Deus nyenga kuximawara rese maa yaiku ipurangasawa rese? Umbaa.
16Maitaa tire pekuawa ixupe aramawaita penye kua peputariwaa peruyari, u peruyari pepuxuwerasawa pemanu arama penye, u peruyari Deus puranga arama kuri umaa penye?
17Maa hamee purangawaa Deus supe arama nyãse kuxima pepuxuwerasawa supe aramawaita penye maa kuiri peruyari pepia sui pepia upe kua nyenga yambuewaa penye arama.
18Asui uyurawana penye pepuxuwerasawa sui, kuiri purangawaa supe arama penye.
19Kuiri hapurungita kuaye apigawa yawe nyãse pituare Penye. Nyãse kuaye pexariwaa yawe pepira rakanga puxuwerawa supe arama ainta pemunya arama turusu pepuxuwerasawa, yawete yuiri kuiri pexari pepira rakanga purangawaa supe arama ixupe aramawaita penye.
20Nyãse pepuxuwerasawa supe arama irumu ramere penye timaa purangawaa uputari upisika penye.
21Maataa peganyari aintairumu kuaita pemunyawaita kuera kua pemaawaa puxi kuiri? Anyunte uxari pemanu penye.
22Asui kuiri uyurawa irumu penye pepuxuwerasawa sui Deus supe aramawaitana penye, peganyari pemanduarisawa purangawaa, asui arire periku kuri mundu nunkawaa upawa.
23Manusawa kua yanepuxuwerasawa rikuyara, maa kua prezenti sikuyaraimawaa Deus uxariwaa yande arama aete kua mundu tiwa upawa irumu kua Kristu Jesus yaneruixawa.
Currently Selected:
Rumawaraita 6: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
