Rumawaraita 16
16
Febe
1Kuiri hambeu penye arama puranga sese kua yanerendira Febe kua upurakiwaa ingreja upe Senkreia upe.
2Pesuanti arama ae puranga yaneruixawa rese kuaye uruyariwaita yawe, peajudari ae panye maa rese kuaye uputariwaa yawe kuri peirumu, nyãse uajudariana siya mira ixe yuiri uajudari.
Umundu ainta supe kuekatu
3Kuekatu Prisila supe Akila supe yuiri kuaita uajudariwaita ixe Jesus Kristu rese,
4Yawaite yaneruanyana uyuká ainta seresewara, asui hamee ainta supe purangawaa maa timaa ixenyu maa panye yuiri kuaita ingreja puraita tiwaita judeu.
5Kuekatu ainta supe yuiri kuaita ingreja puraita uyumuatiriwaita aintaruka upe. Kuekatu ixupe yuiri kua hagustariwaa Epenetu kua uyupiruwaa uxari ipia Kristu rese Azia upe.
6Kuekatu ixupe kua Maria kua upurakiwaa turusu penye arama.
7Kuekatu Adruniku supe Junias supe yuiri kuaita seanamaita aintaumprezuwaita ainta seirumu, kuaita Jesus umunduwaita aintaumaa puranga ainta, aintauxariwaita aintapia Kristu rese senundere.
8Kuekatu Ampliatu supe kua hagustariwaa seruixawa rese.
9Kuekatu Urbanu supe kua uajudari yande Kristu rese, kuekatu ixupe yuiri kua Estaki kua hagustariwaa.
10Kuekatu Apele supe kua pekuawawaa sese puranga ae Kristu rese. Kuekatu ainta supe kuaita Aristubulu ruka puraita.
11Kuekatu seanama Erudião supe. Kuekatu ainta supe kuaita Narsizu ruka puraita kuaita uikuwaita yaneruixawa rese.
12Kuekatu ixupe kua Trifena ixupe yuiri kua Trifusa kuaita upurakiwaita yaneruixawa supe. Kuekatu yuiri ixupe kua Perside kua aintaumanduariwaa sese puranga upuraki yuiri turusu yaneruixawa supe.
13Kuekatu Rufu supe kua yaneruixawa uparawakawaa, ixupe yuiri kua imaya semaya yawewaa.
14Kuekatu Asinkritu supe, Flegunte supe yuiri, Ermes supe yuiri, Patruba supe yuiri, Ermas supe yuiri, ainta supe yuiri kuaita uyumuatiriwaita aintairumu.
15Kuekatu Filulugu supe julia supe yuiri, kuekatu Nereu supe sendira supe yuiri kuekatu Ulimpa supe ainta supe yuiri panye kuaita uyumuatiriwaa aintairumu.
16Pesuanti peanamaita, pebejari aintaruwa. Panye kuaita Kristu ingrejaita aintaumundu penye arama kuekatu.
Yamaa yanesui
17Hapurandu penye semuita, pemaa pesui kuaita uxariwaita puxi peyumaa, kuaita umunyawaita puxuwera pepiterupi, aintaumuruanyana kua nyenga peyumbuewaa sese, petirika aintasui.
18Nyãse kuaita yawewaa timaa aintaupuraki Kristu supe kua yaneruixawa, maa aintaupuraki ainta supe aramapawa, asui nyenga suuriwaa irumu aintauganani aintapia upe kuaita tiwaita umaa puranga aintasui.
19Nyãse panye kuaita amuita aintaukuawa perese peruyari puranga, ape suuri ixe sesewara, haputari pekuawa penye sese kua purangawaa, maa haputari tipekuawa sese panye puxuwerawa.
20Asui kua Deus uxariwaa timaarese penye kutara kuri ukamirika peipi wira kiti kua Yurupari. Yaneruixawa Jesus purangasawa uiku peirumu.
Sumuaraita umundu kuekatu
21Timuteu kua uajudariwaa ixe umundu kuekatu penye arama, kuaita yuiri Lusiu, Jazum, Suzipatru aintaumundu yuiri kuekatu penye arama.
22Ixe Tersiu hampinimawaa kua papera hamundu kuekatu penye arama yaneruixawa rese.
23Gaiu umundu penye arama kuekatu, kua usuantiwaa ixe suka upe, usuanti yuiri panye kuaita ingreja supe aramawaa. Erastu kua usaruwaa dinyeru tetama upe umundu penye arama kuekatu, asui ae yuiri yanemu Kuatrusa umundu penye arama kuekatu.
24Yaneruixawa Jesus Kristu purangasawa uiku peirumu panye penye. Amem.
Uabensuari ainta
25Kuiri kua upuderiwaa umukirimbawa penye kuaye umbeuwaa yawe kua nyenga purangawaa hambuewaa kua umbuewaa Jesus Kristu rese, kuaye uxariwaa yawe yakuawa kua aintaumpinimawaa kuximare,
26Maa kuiri uxari yakuawa ae, asui panye kuaita miraita aintaukuawa ae aintaumpinimawaa irumu kuaita utitikawaita kuaye umunduwaa yawe kua Deus tiwa upawa aintaumunya arama kuaye uputariwaa yawe aintauruyari resewara ae panye mundu kiti.
27Ixupe kua Deus yepenyuwaa, kua ukuawawaa panye yamee purangawaa Jesus Kristu rese yawewarawate. Amem.
Currently Selected:
Rumawaraita 16: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
