Rumawaraita 12
12
Yamanduarisawa pisasua
1Ape semuita hapurandu penye, nyãse pirasua Deus umaa penye, pexari Deus supe pepira kuaye upakawaa yawe, purangawaa yawe suuri arama Deus umaa, yawe perikute pemanduari ae.
2Tepemunya aintayawe kuaita mundu puraita, maa petrukari pemanduarisawa pisasua yawe pekuawa arama maye uputari peirumu puranga suuriwaa kua Deus.
Siya yanepira rakangaita
3Ape hambeu penye arama irumu kua ipurangasawa uxariwaa ixe arama tiarama pemanduari peresepawa turusu isui kua purangawaa, maa pemanduari satambika perese kuaye Deus uxariwaa yawe peruyari peyaweyawe.
4Nyãse kuaye yanepira urikuwaa yawe sakanga, maa tiyepewasu aintamuraki aintayaweyawe,
5Yawete yuiri yande, siya yande maa yepenyute Kristu ipira yande, asui sakangaita yande panye amuita irumu.
6Ape yariku kua Espiritu uxariwaa irumu kuaye uxariwaa yawe yande arama ipurangasawa, uxari rame yatitika yarikute yatitika kuaye yaruyariwaa yawe.
7Uxari rame yapuraki yarikute yapuraki ixupe, uxari rame yambue yarikute yambue puranga,
8Uxari rame yambeu aintapekadu yarikute yambeu puranga, uxari rame yamee pirasuawaita supe yanemaa yarikute yaxari turusu, uxari rame yamundu amuita yarikute yamundu aintaukuawasawa irumu, asui uxari rame pirasua yamaa amuita yarikute yamunya ae suuri.
Yarikute yamunya puranga
9Pegustari amuita supiwa, puxi pemaa panye puxuwerawa, peiku santa purangawaa rese.
10Pegustari amuita kuaye peyugustariwaa yawe penyepawate. Pesikie peyumaa amuita irumu.
11Tepeyatima pepuraki, pexari Espiritu umuaku penye pepia upe, pepuraki yaneruixawa supe.
12Peyumusuuri sesewara kua pesaruwaa pemaa, pemuturusu pepia pepurara irumu, tepekuere pepurandu irumu.
13Peajudari kuaita uruyariwaita watari rame ainta supe maantu, suuri pesuanti mira.
14Pepurandu aintarese puranga kuaita umuruanyanawaita penye, pepurandu aintarese puranga maa tepembeu aintarese puxuwera.
15Peyumusuuri aintairumu kuaita suuriwaita, peyaxiu aintairumu kuaita uyaxiuwaita.
16Pexari yepewasu pemanduariwaa peyaweyawe, tepemanduari purangawaita penye amuita sui, maa pirasua peyumaa, tepemanduari ukuawaita penye amuita sui.
17Tepemunya puxi sikuyara ixupe kua umunyawaa penye arama puxi, pesikari kirimbawa pemunya puranga aintaumaa panye kuaita miraita.
18Pepuderi rame perikute tiarama maa rese peiku aintairumu kuaita miraita panye.
19Penye hagustariwaita, tepesikari pemunya ainta supe puxi sikuyara kua aintaumunyawaa penye arama puxi, maa pexari Deus ipiaiwa umaa ainta supe nyãse yawe aintaumpinima: "Ixete kuri hapagari ainta supe sikuyara, yawe umbeu yaneruixawa."
20Maa neruanyana upurara rame yumãsi remee umbau arama, iisi rame remee uu arama, nyãse remunya rame yawe yawesawa remuatiri kuri tatapunya sendiwaa iakanga rese.
21Terexari puxuwera umuserana inde, maa remuserana puxuwerawa purangawaa irumu.
Currently Selected:
Rumawaraita 12: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
