Rumawaraita 10
10
Judewita tiaintausuanti Deus purangasawa
1Semuita, sepia sui haputari ainta, hapurandu Deus irumu aintarese umukaturu arama ainta.
2Nyãse hapuderi hambeu aintarese aintauputari Deus kirimbawa maa timaa aintaukuawa mayetaa.
3Tiaintaukuawa mayetaa puranga ainta Deus umaa, asui aintauputari puranga ainta aintaukuawasawa irumu, asui timaa aintauxari aintapia Deus purangasawa rese.
4Upawasawa Deus nyenga kuximawara aete Kristu, asui puranga arama umaa panye kuaita uruyariwaita ae.
5Muize umpinima kuera, awa umunya panye purangasawa kua Deus nyenga kuximawara umbeuwaa upakate kuri ae sesewara.
6Maa kua yaruyarisawa purangasawa umbeu:
—Terepurandu nepia upe, awataa kuri usu iwaka kiti umuye arama Kristu?
7U awataa kuri uwiye tiipi kiti usupiri arama Kristu umanuwaita sui?
8Nyãse unyee:
—Kuayentu nesui kua nyenga, apete ae neyuru upe, nepia upe yuiri kua uruyarisawa nyenga yambuewaa penye.
9Rembeu rame neyuru irumu neruixawa Jesus, asui reruyari rame nepia upe Deus usupiri ae manusawa sui umukaturu kuri inde.
10Nyãse yanepia irumu yaruyari puranga arama umaa yande; asui yaneyuru irumu yambeu sese kua salvasão.
11Nyãse aintaumpinima: "Mayewaa uruyari ae tikuri utiĩ ae."
12Nyãse umbaa uparawaka judewita greguita sui, nyãse aintaruixawa ae panye ainta, nyãse uxari turusu purangawaa ainta supe panye kuaita upuranduwaita irumu.
13Nyãse panye kuaita upuranduwaita yaneruixawa irumu umukaturu kuri ainta.
14Maitaa maa aintaupuderi aintaupurandu irumu kua tiwa aintauruyari? Asui maitaa maa aintaupuderi aintauruyari kua tiwa aintausendu sese? Asui maitaa maa aintausendu ae tirame awa umbue ainta?
15Maitaa maa aintaumbue ainta tirame awa umundu ainta? Yawe aintaumpinima: "Purangawaita aintaipi kuaita umbuewaita nyenga purangawaa."
Israelitaita usendu kuera Deus nyenga
16Maa timaa panye aintauruyari kua nyenga purangawaa nyãse Izaia umbeu kuera: "Seruixawa, awataa uruyari kua yambuewaa?"
17Ape, aintauruyari sesewara kua umbuewaa, asui kua umbuewaa Kristu nyenga ae.
18Maa hapurandu:
—Maitaa tiserá aintausendu? Ẽẽ aintausenduana, aintausendu aintanyenga panye mundu kiti, aintanyenga usikana panye kua mundu kiti.
19Hapurandu xinga:
—Maitaa timaa kuaita israelitaita ukuawa sese? Nyãse Muize umbeuana: "Haxari kuri pemuasi amu mira, haxari kuri kuaita miraita tiwaita ukuawa umpiaiwa penye."
20Asui Izaia tiusikie umbeu: "Aintauwasemuana ixe kuaita tiwaita kuera uputari ixe, hambeuwana aintaukuawa serese kuaita tiwaita kuera uputari ukuawa serese."
21Maa umbeu aintarese kuaita israelitaita:
—Muiri ara hamukame ainta supe seipu kuaita miraita tiwaita uputari uruyari kuaita umuruanyanawerawaita.
Currently Selected:
Rumawaraita 10: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
