Apukalipisi 19
19
Aintaumee purangawaa iwaka kiti
1Asui yawewaa rire hasendu yepe nyenga tiapu kuaye miraita siyawaita yawe iwaka kiti aintaumbeu:
—Aleluya, yaneDeus yara panye salvasão, panye purangawaa, panye kirimbawasawa yuiri.
2Nyãse supiwa umbeu aintarese satambika, umbeuwana sese kua warixiwaa turusuwaa kua umuaiwasara kuaita mundu puraita iwarixisawa irumu, uxari upurara ixupe arama Deus yaraita ruwi rikuyara umburiwaa.
3Asui mukuĩsawa aintaumbeu:
—Aleluya, tatatinga kua tata usapiwaa ae uyupiri yawewarawate.
4Asui kuaita vinti kuatru serakuenawaita, kuaita kuatru upakawaita yuiri aintauyawika iwi rese asui aintaumee purangawaa Deus supe kua uikuwaa itrunu upe. Aintaumbeu:
—Amem, aleluya.
5Asui yepe nyenga usemu trunu sui, umbeu:
—Pemee purangawaa Deus supe muiri penye ixupe aramawaita, panye penye pesikiewaita isui panye ipuiwaita panye ipuwasuwaita yuiri.
6Asui hasendu amu nyenga kuaye siyawaa miraita yawe, kuaye ii turusuwaa yawe yuiri, kuaye truvão kirimbawa yawe yuiri, umbeu:
—Aleluya, yaneruixawa Deus kirimbawawaa panye sui umundu.
7Kuiri yayumusuuri turusu, yamee ixupe purangawaa, nyãse usikana sangawa ikazamentu kua kurderu, asui kua ximiriku aramawaa uputariwaa uyumukaturuana senunde.
8Nyãse uxari umundeu irupa linyu finuwaa purangawaa murutingawaa werawerawaa ikiaimawaa, irupa purangawaa aete aintaumunyawaita purangawaa kuaita uruyariwaita.
9Asui kua anju umbeu ixe arama:
—Rempinima:
—Suuri kuri kuaita usenuiwaita aintaumbau arama irumu upe ikazamentu kua kurderu; asui umbeu yuiri Deus nyenga ae supiwa.
10Asui hayawika ipi ruaki hamee arama maa ixupe purangawaa, maa umbeu ixe arama:
—Teremunya yawe nyãse ixete ixupe aramawaa kuaye neyawe aintayawe yuiri kuaita nemuita uikuwaita Jesus umbeuwaa rese santa:
—Remunya benditu Deus supe arama. Nyãse kua umbeuwaa Jesus resewara aete kua espiritu uxariwaa aintautitika.
Kristu umuserana kua suu
11Asui hamaa iwaka uyupirari, asui hamaa yepe kavalu murutinga. Asui kua uwapikawaa sese serawaa Retewaa Supiwa yuiri, satambika umbeu aintarese umunya kera yuiri.
12Asui sesa kuaye tata yawe; asui iakanga rese siya kurua, asui uriku sese aintaumpinima sera, tiawa ukuawa sera anyunte aepawate.
13Asui sese irupa aintaumuyapumiwaa tuwi upe, asui sera Deus Nyenga.
14Asui kuaita isuraraita iwaka upewaita aintausu sakakuera aintauwapika kavalu murutingawaa rese, aintaumundeu aintarupa linyu finuwaa purangawaa murutinga ikiaimawaa.
15Asui yepe espada saimbewaa usemu iyuru sui umperewa aramawaa kuaita miraita; asui aepawate aintaruixawa ae umundu kuri ainta kirimbawa ibatuna feru suiwara irumu, asui aepawate upiru kua aintaupiruwaa rendawa uva ipiaiwa turusuwaa kua Deus kirimbawawaa panye sui.
16Asui irupa rese iwera rese yuiri uriku sera: "Aintaruixawa Ruixawa Ae, Tuixawaita Ruixawa Ae."
17Asui hamaa yepe anju upuamu kurasi upe, asui nyenga tiapuwaa irumu usenui panye kuaita wirá uwewewaita ara piterupi, umbeu:
—Peyuiriana, peyumuatiri pembau kua Deus uxariwaa pembau arama.
18Pembau arama tuixawaita rukuera, kumandantita rukuera yuiri, kirimbawawaita rukuera yuiri, kavalu rukuera yuiri, aintarukuera yuiri kuaita uwapikawaa kavalu rese, aintarukuera panye kuaita patrãoimawaita, panye rikuita kurumi yuiri, asui panye kuaita ipuiwaita yuiri ipuwasuwaita yuiri.
19Asui hamaa kua suu, asui panye yuiri tuixawaita kua mundu upe aintauyumuatiri aintasurara aintairumu yuiri aintaumunya arama kera suaxara kua uwapikawaa kavalu rese isuraraita yuiri.
20Asui aintaumprezu kua suu irumute yuiri kua utitikawaa gananiwera kua ugananiwaa ainta sangawa irumu kuaita urikuwaita kua suu rangawa kuaita yuiri kuaita umeewaita purangawaa suu rangawa supe, asui umburi aintaupakasawa upe tata lagu kiti usapiwaa enxufre irumu.
21Asui kuaita amuita aintaukanyemu iespada irumu usemuwaa iyuru sui kua uwapikawaa kavalu rese. Asui kuaita wiraita aintaapu aintarukuera irumu.
Currently Selected:
Apukalipisi 19: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
