Galasiwaraita 6
6
Yayuajudari
1Semuita, amu uyawi rame umunya puxi perikute peajudari ae pepia timaa ipiaiwasawa irumu penye peikuwaa santa. Asui pemaa pesui yawaite Yurupari umuruanyana inde remunya arama puxi.
2Peyuajudari perasu kua ipusewaa perasuwaa ape kuri pemunya kuaye Kristu uputari yawe.
3Uyuganani aepawate kua umanduari ukuawawaa ae tipukusawa ukuawa ae.
4Ape pemaa maitaa kuaita pemunyawaita, ape pepuderi pembeu peresewara timaa peyuajudari penye.
5Asui peyaweyawe perikute perasu kua peipusewaa.
Yapuu kuri kua yayutimawaita
6Asui kua uyumbue nyenga rese urikute uajudari kua umbuewaa ae.
7Tepeyuganani nyãse timaa Deus uxari yakasuari ae, nyãse maa rame uyutima kua apigawa aete kuri upuu ae.
8Nyãse kua uyutimawaa kuaye ipira uputariwaa yawe upuu kuri kua uxariwaa ukanyemu ipira, maa kua uyutima Espiritu rese upuu kuri kua mundu tiwa upawa Espiritu irumu.
9Ape tiyanekuere yamunya purangawaa nyãse sangawa upe kuri yapuu tirame yayuxari.
10Ape yamunya purangawaa mairame yapuderi ainta supe panye kuaita apigawaita, maa kirimbawa piri yamunya purangawaa ainta supe kuaita Deus ruka puraita uruyariwaita.
Suuri umaa Kristu kurusa
11Pemaa maye hampinima penye arama papera letra puwasuwaa, hampinima seipu irumu.
12Yawe kuaita uputariwaita uikuwaa puranga pemaa ainta aintapira upe, aintauputari aintaumundu pesirkunsidari, kuaye aintaumunya tiarama amuita umuruanyana ainta Kristu kurusa resewara.
13Asui kuaita uxariwaita aintausirkunsidariwaita ainta timaa aintaumunya panye Deus nyenga kuximawara umbeuwaa, anyunte aintaumbeu puranga aintaresewara pexari resewara aintausirkunsidari penye.
14Maa timaa kuaira hapuderi hambeu puranga seresewara anyunte hambeu puranga sese kua ikurusa kua yaneruixawa Jesus Kristu, irumu umanu sesui kua mundu, asui irumu yuiri hamanu ixe kua mundu sui.
15Timaa arama kua sirkunsizão, timaa arama yuiri kua tiwa sirkunsizão, anyunte uputari pisasuana yande.
16Uxari timaarese ainta pirasua umaa ainta supe arama panye kuaita uruyariwaita inyenga panye kuaita israelitaita supiwa Deus yaraita.
17Kuiri kuri terexari puxi aintaumaa ixe nyãse hariku sepira rupi perewa rangawa hapurara resewara Jesus resewara.
18Kuiri yaneruixawa Jesus Kristu purangasawa uiku pepia upe penye serumuaraita, amem.
Currently Selected:
Galasiwaraita 6: BBp
Highlight
Share
Compare
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
