Galasiwaraita 1
1
Kuekatu
1Ixe Paulu Jesus umunduwaa ixe, timaa apigawa umunduwaa ixe, maa umunduwaa ixe kua Jesus Kristu yanepaya Deus yuiri kua usupiriwaa ae manusawa sui.
2Ainta kuaita panye uruyariwaita seirumute, ainta supe kuaita ingreja Galasia upe.
3Uxari penye arama ipurangasawa panye penye kua yanepaya Deus ae yuiri yaneruixawa Jesus Kristu, uxari yuiri timaarese penye.
4Kua uyuxariwaa simutara yanepekadu resewara uyurawa arama yande isui kua mundu puxuwerawa kuaye uputari yawe kua yanepaya Deus.
5Yamee ixupe arama purangawaa yawewarawate, amem.
Pitua kuaita Galasiawaraita
6Hasikie hamaa nyãse kutara pexari kua usenuiwaa penye Kristu purangasawa irumu, peyereu arama amu nyenga rese.
7Tiyamaa amu isui nyenga purangawaa maa, maa aikue kuaita uputariwaita utiari penye, aintauputari aintautrukari kua nyenga purangawaa Kristu rese.
8Yande rame u yepe anju uriwaa iwaka sui umbue rame yepe nyenga isui kua yambuewaa kuera penye, anyunte puxuwerawa ae.
9Kuaye hambeu penye arama:
—Hambeu yuiri penye arama, awa rame umbue penye amu nyenga rese isui kua pesenduwaa yaneirumu, anyunte puxuwerawa ae.
Deus suiwara kua nyenga
10Maitaa haputari puranga aintaumaa ixe kuaita apigawaita u Deus? Maitaa haputari hamusuuri apigawaita? Haputari rame maa hamusuuri apigawaita timaa Kristu supe arama ixe.
11Nyãse haputari pekuawa penye semuita, timaa apigawaita nyenga kua nyenga purangawaa hambuewaa penye sese.
12Nyãse timaa apigawa uxari ixe arama, timaa yuiri apigawaita umbue ixe sese, maa Jesus Kristu uxari hakuawa ae.
13Nyãse pesenduana mayetaa hamunyawaa haiku ramere kua judeu nyenga rese, mayetaa kirimbawa hamuruanyana kua Deus ingreja haputari hamukanyemu ae.
14Asui kirimbawa xinga haiku judewita nyenga rese aintasui kuaita seyawewaita serumuaraita ipitera rupi, nyãse kirimbawa haputari hamunya seramunyaita nyenga.
15Maa Deus uparawaka ixe hanaseri rundere, asui usenui ixe ipurangasawa irumu.
16Asui uputari umukame hamaa Taira hambue arama sese aintapiterupi kuaita tiwaita judewita, asui tihayumbue kuaita mundu puraita irumu.
17Timaa hasu Jeruzalẽ kiti aintapiri kuaita Kristu umunduwaita serundere maa hasu Arabia kiti, asui hayuiri yuiri Damasku kiti.
Paulu usu Jeruzalẽ kiti
18Asui musapiri akayu rire hasu Jeruzalẽ kiti hamaa arama kua Sefa, asui haiku irumu kinzi ara.
19Asui timaa hamaa amuita aintasuiwaraita kuaita Jesus umunduwaita anyunte hamaa Tiagu kua yaneruixawa tainasawa.
20Deus ukuawa sese kua hampinimawaa penye arama, timaa haganani.
21Asui arire hasu Siria kiti, Silisia kiti yuiri.
22Tire aintaukuawa hamaawana kuaita Kristu ingreja supe aramawaita Judeya kiti,
23Anyunte aintausendu aintaumbeu:
—Kua umuruanyana kuera yande kuiri umbue kua yaruyariwaa kua uputariwaa umukanyemu kuera.
24Asui aintaumee purangawaa Deus supe arama serese.
Currently Selected:
Galasiwaraita 1: BBp
Highlight
Share
Compare
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
