1 Tesalunikawaraita 3
3
Umundu Timuteu aintapiri
1Ape tiyapuderi timaarese yande pesui, asui suuri yaiku Atena upe yande mukuĩ.
2Asui yamundu pepiri yanemu Timuteu, kua upurakiwaa Deus supe arama sese kua nyenga purangawa Kristu rese, uajudari arama penye sese kua nyenga peruyariwaa, umusuuri arama yuiri penye.
3Tiarama awa pesuiwara uxari purarasawa umutawa ae, nyãse pekuawa usenui yande yapurara arama.
4Yaiku kuera peirumu yambeu penye arama yapurara kuri, kuiri pekuawa yapurarana.
5Ape tihapuderi hasaru hamundu pepiri hakuawa arama mayetaa peiku sese kua peruyariwaa, nyãse hasikie yawaite kua gananiwera uganani penye, retentu arama maa kua yapurakiwaa pepiterupi.
6Maa kuiri uyuiri rire usika pesui yanepiri kua Timuteu, ururi yande arama nyenga suuriwaa peresewara, peruyari puranga, peyugustari puranga yuiri; asui umbeu yuiri pemaa yande kuaye yamanduariwaa yawe yamaa penye.
7Ape semuita, puxi pukusawa yasasawa, yapurara pukusawa, suuri yanepia peruyari resewara puranga.
8Maa kuiri yapakate yande peiku rame santa yaneruixawa irumu.
9Nyãse peresewara yamee Deus supe turusu purangawaa, nyãse turusu suuri yande Deus umaa.
10Asui muiri ara muiri pituna yuiri yapurandu Deus irumu, uxari arama yamaa pepiri yawajudari arama penye sese kua watariwaa penye arama, uruyarisawa rese.
Paulu upurandu aintarese
11Kuiri haputari yanepaya Deus, yaneruixawa Jesus yuiri, aintaurasu yande puranga yanerapee upe pepiri.
12Haputari yaneruixawa uxari uyukiriari puranga peyugustari arama turusu peirumu panye penye, yawete yuiri yande peirumu penye.
13Uxari arama pepia uiku santa purangawa rese, tiarama periku puxuwerawa perese yanepaya Deus umaa, uri rame kuri yaneruixawa Jesus, aintairumu panye kuaita uruyariwaita purangawaita.
Currently Selected:
1 Tesalunikawaraita 3: BBp
Highlight
Share
Compare
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
