1 Kurintuwaraita 4
4
Umbuewaita Deus nyenga
1Yarikute yaxari panye kuaita apigawaita aintaukuawa arama kuri yande upurakiwaita yande Kristu supe, umbuesarawaita yande Deus nyenga sese kua tiwa yamaa.
2Asui kuaita umbuesarawaita aintaurikute aintaumbue puranga, satambika.
3Maa timaa arama ixe arama pembeu rame seresewara, timaa arama ixe arama aintaumanduarisawa kuaita mundu puraita panye. Timaa yuiri hambeu seresepawate.
4Tihakuawa puxi serese, maa timaa semuraki uxari puranga ixe Deus umaa. Aete yaneruixawa ukuawa serese.
5Ape tepembeu amu resewara senundere yaneruixawa uri. Aete umukame kuri yamaa panye aintauyumimiwaa yaneresa sui. Uxari kuri yakuawa marantaa aintaumunyawaa kuaye aintaumunyawaa yawe, asui Deus kuri umbeu purangawaa ainta supe kuaita upurakiwaita aintayaweyawe.
Umbeu ainta supe arama kirimbawa
6Semuita, yawe hanyee serese Apulu rese yuiri peresewara pekuawa arama peiku arama yuiri sese kua yampinimawaa, tiarama yepe pesuiwara umanduari puranga piri yepe amu sui.
7Awataa umunya inde puranga piri amuita sui? Deus umunyawaita panye maa inde arama uxari inde arama panye maa; marantaa remanduari rewasemu ae pekuawasawa irumu?
8Teresemuana penye, rikuwaita penye, tuixawaitana penye kuiri yanesui. Haputari maa tuixawaita penye yawajudari arama penye.
9Hamanduari Deus uxari yande pirasuawaita piri panye sui yande umunduwaita, uxari yande kuaye prezuwaita yawe aintauyukáwaita. Uxari aintaumaa mayetaa yapurara panye kuaita mundu puraita, anjuita yuiri, apigawaita yuiri.
10Kristu resewara aintaumanduari tiyakuawa ara, maa ukuawaita penye Kristu rese, yande pituawaita, maa kirimbawawaita penye. Aintaurespetari penye, maa tiaintaurespetari yande.
11Kuirire yapurara yumãsi, iisi yande, yawentu yande, aintaunupa yande, tiyariku yaiku arama.
12Asui yapuraki turusu yaneipu irumu. Aintaumbeu irumu yanerese puxuwerawa yaaguentari.
13Aintauganani irumu yanerese yambeu yaneresewara tiarama ipiaiwa ainta. Kuirire aintaumaa yande kuaita mundu puraita kuaye tenyuntuwara yawe. Aintaumburi yande aintasui kuaye inemawaa yawe.
Umbeu ainta supe aintapaya yawe
14Timaa hampinima penye arama hamutiĩ arama penye, maa hampinima penye arama pekuawa arama puranga, nyãse setainaita penye, haputariwaita penye.
15Perikute siya umbuewaita Kristu rese pepiterupi, maa tisiya pepayaita Kristu rese. Pepaya ixe Jesus Kristu rese irumu kua nyenga purangawaa.
16Ape hambeu penye arama:
—Pemunya kuaye hamunyawaa yawe.
17Sesewara hamundu pepiri Timuteu, seraira hagustariwaa yaneruixawa rese, kua uikuwaa santa yaneruixawa irumu, hamundu ae uxari arama pekuawa maye haiku Kristu rese, maye yuiri hambue aintayaweyawe panye ingreja.
18Kuiri aintaumanduari purangawaita ainta kuaita yepeyepe, aintaumanduari yuiri tihasu pepiri.
19Maa Deus uputari rame kutara kuri hasu pepiri, asui tihakuawa kuri maye aintaumbeu aintayuru irumu maa hakuawa kuri maitaa aintaumanduari kuaita umanduariwaita purangawaita ainta.
20Nyãse kua yaneruixawa Deus umunduwaa upe timaa nyenga ae, maa aete kirimbawasawa.
21Maitaa peputari? Maitaa peputari hasu pepiri mirai irumu, u peputari hasu hamaa penye puranga hagustariwaita yawe?
Currently Selected:
1 Kurintuwaraita 4: BBp
Highlight
Copy
Compare
Share
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
