Domano Ma̧ȩ 10
10
Judio judiro̧ chjadëri̧ dabapatä eadejȩrȩ Pablo judi judiro̧ Ütë tjamo̧ pio ju̧i̧ chjadëri̧ quëna̧rea̧ dapea̧ ji̧
1Danȩrȩ ca̧ oti̧, ana̧ tjamo̧ri̧ jo̧rȩtarequedejȩrȩ ca̧ pumȩ ji̧ri̧, judio pio ji̧ri̧. Chjätärea̧ datä ea tjamo̧requedejȩrȩ. Ado pio ju̧i̧iä ji̧dë ma goë cjo̧dërequede Ütë tjamo̧ ju̧i̧iä pio ji̧ri̧ chjiari. 2Danȩrȩ, järi tjamo̧dirȩ judiro̧ Ütë tjamo̧ pio ju̧i̧ chjiari. Pio ju̧i̧ tjamo̧ri̧ dabarequede. Jabo cjäri̧ madirȩ, coëma cjiari̧ jo̧rȩtarea̧ra̧ järitärea̧ ji̧, oëra̧ jo̧rȩtaji̧ri̧rȩ cjo̧ro̧dirȩ tjamo̧ri̧ dabadëji̧ri̧rȩ. 3Jabechji̧ dabadëdirȩ. Ütë tjamo̧ judi pumȩ ji̧ri̧ jabechji̧parȩpea̧ pio ju̧i̧ chjiari dabadëdirȩ. Ado pio ju̧i̧iä jibëa̧ ma̧na̧ri̧ japë tara cjiatadirȩ jabechji̧parȩpea̧ ji̧. 'Jaeboa̧ro̧da, ibëa̧ ma̧na̧ri̧ japea̧ oaiä jabechji̧parȩa̧ oa cjiapai̧ daa̧ro̧da' quëna̧ jo̧rȩtadirȩ. Ado Ütë tjamo̧ judi pio ji̧ri̧ chjiari tuti yürüa̧ pio ju̧i̧ quëna̧tärea̧ ji̧, pio judi tänȩa̧ oa jabechji̧parȩa̧ oa cjiatärea̧ ji̧, cjäri̧ madiro̧jo̧ȩ, putu jura̧ a̧dë chami̧ dari̧ japadiro̧jo̧ȩ, jiadaji̧ri̧rȩ. 4'Aja̧, Moicherë go̧ȩparërea̧ ma̧ȩ pio ju̧i̧iä jabechji̧parȩa̧ oa cjiapai̧ daa̧ro̧da' quëna̧ jo̧rȩtadirȩ. Jabo cjäri̧ madirȩ ca̧ oti̧, pio jiro ma̧ȩ oaiä jabechji̧parȩa̧ oa cjiarea̧mi̧dëde. Quiricho pio ju̧i̧iämo̧ jabechji̧parȩrea̧mi̧ dade. Pio judimo̧de Moicherë go̧ȩparërea̧ ma̧ȩ oa nö̧tadäräri̧ ta̧rȩdiäa̧mȩ judi. Pio ju̧i̧iä eami̧ pumȩ üdë pio ju̧i̧iäpȩmo̧ quëna̧rä judi, jabechji̧ Ütë tjamo̧ judi jabechji̧parȩpadejȩ.
Chjätärea̧ üdë ütëbodärä ja̧de
5Moiche judi no̧mȩ tjamo̧ri ja̧ go̧ȩparërea̧ ji̧, jabechji̧parȩa̧ oa cjiapea̧ pio ju̧i̧ chjiari go̧ȩparëremȩde ja̧di ta̧rëri̧ go̧ȩpamȩrȩ: “Aja̧, eami̧ pumȩ üdë, cüdë go̧ȩparërea̧ ma̧ȩ pio ju̧i̧iä jabechji̧parȩa̧ oa cjiatämi̧ cjiarä judi, jabechji̧ nö̧tadäräri̧ ta̧rëdiäpea̧ chiadejȩ ma̧ȩ oa jënȩ cjo̧ro̧a̧ nö̧ta. Aja̧, cja̧rȩmȩ co oëra̧diärea̧ decjiari̧, cja̧rȩmȩ co jiadarea̧ decjiari̧ ta̧rëdiäpea̧ chiadejȩ. Aja̧, ja̧di dari̧ japea̧rämo̧ tjamo̧ri̧ cjo̧ro̧rea̧#10:5 Ja̧di dari̧ japea̧rämo̧ jabechji̧parȩrea̧ dapade yo̧rea̧de. dapade pio jiro ma̧ȩ oaiä” go̧ȩparëremȩde Moiche judi. 6Jabo eami̧ pumȩ üdë quëna̧ pio ju̧i̧iä jabechji̧parȩa̧ oa cjiatämi̧ cjiarä judi, jabechji̧ jënȩ quëna̧ pio ju̧i̧iämo̧i̧ jabechji̧parȩa̧ oa cjiapade Ütë tjamo̧ pio judi tänȩa̧ oa. Jabechji̧ quëna̧ pio ju̧i̧iämo̧i̧ jabechji̧parȩa̧ oa cjiarea̧mi̧ dade. Ado ja̧di dari̧ quëna̧mȩ judi oëra̧ jo̧rȩtadëpade. 'Aja̧, cja̧rȩmȩrȩ a̧dëräpȩ buatäremȩdida, Jechu judi tjamo̧ri̧ bira̧ pio ju̧i̧ chjiari irä ta̧rëpea̧ oa buatäremȩdida' quëna̧ jo̧retadëpade. 7'Ado Jechu judi bëdüa̧ pio ju̧i̧ chjiari tjamo̧ri̧ dabapea̧ oa cja̧rȩmȩrȩ birapea̧ chiadida, ja̧boa̧ji̧ri̧ pio judiro̧ cjiamȩbearäpȩ biratäremȩdida' quëna̧ jo̧rȩtadëpade peaja̧di. Jabo quëna̧mȩrȩ cjo̧ro̧de. 8Jabechji̧ irä goarea̧rȩ ma̧ȩ oa. Ado chjadë maeari̧ go̧ȩpea̧ oa cjiade. A̧ro̧rȩ ni̧bärea̧ ma̧ȩra̧ go̧ȩpea̧ oa cjiade bapë ta̧rërea̧mi̧ dari̧. Ado pio jiro ma̧ȩ üdë dibëa̧ chji̧rä chade. Ado pio jiro ma̧ȩ oa a̧ra̧ano̧rea̧ro̧jo̧ȩ, Ütë tjamo̧ ja̧ ma̧ȩ pio ju̧i̧, pumȩrȩ quëna̧pea̧ ma̧ȩ pio ju̧i̧. 9Ado danȩrȩ, mȩnȩro̧ dibëa̧ chji̧ra̧ pio jiro ma̧ȩ oa quëna̧rä judi chjätärea̧ dapanȩrȩ. Tjamo̧ davä. Mȩnȩro̧ Jechu pio ju̧i̧ chjiari quëna̧rä judi, Ütë tjamo̧ judi Jechu pio ju̧i̧, ja̧boa̧remȩ pio ju̧i̧ bëdü tänȩa̧ pio ju̧i̧ chjiari quëna̧rä judi, ado dibëa̧ yara̧ pio ju̧ri̧ra̧ yo̧rä judi, “Aja̧, Jechu judi Ano̧mȩde” yo̧rä judi, jabechji̧ chjätärea̧ dapanȩrȩ. 10Tjamo̧ davä. Jibëa̧ chji̧ra̧ quëna̧ji̧ri̧ pumȩ pio judiro̧, jibëa̧ yara̧ yo̧ji̧ri̧ pio judiro̧, jabechji̧ Ütë tjamo̧ pio judi tänȩa̧ oa jabechji̧parȩa̧ oa cjiadirȩ chjätärea̧mi̧ dari̧. 11Ado ja̧di ta̧rëri̧ go̧ȩpea̧ oa cjiade ma̧ȩ üdë ca̧ oti̧. Jabechji̧ eami̧ pumȩ üdë Jechu pio ju̧i̧iäpȩmo̧ quëna̧mȩ pio judi, jabechji̧ chjätärea̧ dapade idëri̧ cjiarea̧ decjiari̧, ma̧diä cjiarea̧ decjiari̧. 12Jabechji̧ pumȩ ütëbodärä ja̧ tjamo̧de. O ji̧ri̧ ja̧dë maeade jabo ütëbo ja̧de. Ado ju̧i̧iä yo̧requededibe, eami̧ judio üdë, eami̧ judiodë üdë quëna̧rä judi, jabechji̧ chjätärea̧ dapade. Jabechji̧ cja̧rȩmȩ ba chiara̧ da madejȩrȩ pumȩ ütëbodärä oa Ano̧mȩ judi. Aja̧, cja̧rȩmȩde judi. Ütëbodärä ja̧ Ano̧mȩde. Ado pumȩ ütëbodärä oa cja̧rȩmȩ ba chiara̧ da tara, jabechji̧ a̧dë chjäte chjadëri̧ japa madejȩrȩ pio jȩaiäpȩmo̧ quëna̧mȩ pio ju̧i̧. 13Peaja̧di ta̧rëri̧ yo̧diibe ma̧ȩ üdë. Eami̧ pumȩ üdë Ano̧mȩ pio ju̧i̧iä cjo̧dërä judi, jȩa a̧dotä cjo̧dërä judi, jabechji̧ chjadëri̧ a̧dopadejȩ chjätä tänȩrea̧mi̧ dari̧.
14Jabo danȩrȩ, pumȩ judiro̧ pio ju̧i̧ chjiari dabadërä judi, ¿yö̧ta dari̧ cjo̧dëpadiro̧jo̧ȩ? Pio ju̧i̧ iëno̧ë ta̧rërequededibe. Pumȩ judiro̧ orë dabadërä judi, 'Aja̧ Ano̧mȩ Jechu pio judidida' quëna̧ dabadërä judi, ¿yö̧ta dari̧ cjo̧dëpadiro̧jo̧ȩ pio jibëiäpȩmo̧ a̧dopea̧ oa? Aja̧ ca̧ oti̧, judiro̧ cja̧rȩmo̧ co ma̧ȩ oa ta̧rëdëa̧rä judi, ¿yö̧ta dari̧ quëna̧rea̧ dapadirȩ? Judiro̧ eami̧ a̧ra̧ano̧mȩ oa dadërä judi, judiro̧ eami̧ a̧ra̧ano̧mȩ oa ta̧rë charea̧ dadërä judi, ¿yö̧ta dari̧ ta̧rërea̧ dapadirȩ? 15Ado a̧ra̧ano̧ji̧ri̧ pio ji̧ri̧ chjadüa̧ oa cjiadërä judi, Ütë tjamo̧ ja̧ ma̧ȩ pio ju̧i̧ a̧ra̧ano̧pea̧ oa chjadüa̧ oa cjiadërä judi, ¿yö̧ta dari̧ a̧ra̧ano̧a̧ oa cjiapade ma̧ȩ üdë? ¿Yö̧ta dari̧ ta̧rërea̧ dapadirȩ dabadëji̧ri̧ judiro̧? Danȩrȩ, Ütë tjamo̧ ja̧ ma̧ȩ oa a̧ra̧ano̧e jäji̧ri̧ pio ji̧ri̧ chjiari go̧ȩpea̧ oa cjiade ma̧ȩ üdë peadëri ja̧. Ta̧rëchji̧vä:
"Aja̧, ma̧ȩ chjadëi̧ pio ju̧i̧ a̧de jäji̧ri̧ pio judiro̧ eami̧räpȩ go̧düdärärä, goae tjamo̧de. Tjamo̧ davä. Pio jiro ma̧ȩ chjadëi̧ pio ju̧i̧ goa jämȩ pio judi eami̧räpȩ järä, jabechji̧ a̧dë chjäte goae tjamo̧de pumȩ pio ji̧ri̧iä."
Aja̧, ja̧di ta̧rëri̧ go̧ȩpea̧ oa cjiade ma̧ȩ üdë a̧ra̧ano̧e jäji̧ri̧ pio ji̧ri̧ chjiari.
16Jabo pumȩ judiro̧ ütëborë ma̧ȩ chjadëi̧ pio ju̧i̧ ta̧rë ëte quëna̧tärea̧ ji̧, cjäri̧ madirȩ, quëna̧dëdirȩ orë. Peaja̧di dari̧ jiade ta̧rërëreji̧ri̧diro̧jo̧ȩ Ichaia pio judi no̧mȩ a̧ra̧ano̧rërea̧ ji̧. Ado pio ju̧i̧iä ja̧di ta̧rëri̧ yo̧rëremȩdejȩ Ütë tjamo̧ ju̧i̧: “Jabo cjäri̧ madiro̧jo̧ȩ Ano̧mȩ, a̧ro̧rȩ ma̧ȩ chjadëi̧ pio ju̧i̧ a̧ra̧ano̧a̧ ji̧, ji̧ra̧ tjamo̧dëreji̧ri̧dirȩ pio ju̧i̧ ta̧rë ja̧boji̧ri̧ judiro̧.”#10:16 Ichaia 53:1 Aja̧ ja̧di ta̧rëri̧ go̧ȩparëremȩde Ichaia judi. 17Jabo jabechji̧, eami̧ pumȩ üdë Ütë tjamo̧ ja̧ ma̧ȩ oa ta̧rërea̧ dadërä judi, quëna̧rea̧ dadëpade. Jabo chjadëri̧ ta̧rërea̧ darä judi, dëdë, quëna̧rea̧ dapade. Aja̧, Quiricho pio ju̧i̧ chjiari ma̧ȩ chjadëi̧ oa a̧ra̧ano̧mȩ pio ju̧i̧ ta̧rëa̧ oaiä quëna̧rea̧ dapade. Jabechji̧ ta̧rëa̧ pio ju̧i̧iämo̧i̧ cjitëde quëna̧rea̧ üdë.
A̧de yo̧diibe Pablo judi quëna̧dëji̧ri̧ judio pio ji̧ri̧ chjiari
18Jabo danȩrȩ, iëno̧ë ta̧rërequededibe? ¿Tjana̧ ju̧i̧iä ji̧ra̧dëdirȩ quëna̧ji̧ri̧ judio judiro̧? ¿Jabë ta̧rëdëa̧dirȩ? ¿Ma̧ȩ pio ju̧i̧ ja̧bë ta̧rëdëa̧dirȩ? Dëdë, ta̧rëa̧dirȩ. Ta̧rërëreji̧ri̧dirȩ. Ado peaja̧di ta̧rëri̧ yo̧diibe ma̧ȩ üdë. Ta̧rëchji̧vä:
“Aja̧, ma̧ȩ chjadëi̧ pio judi jachipadärärea̧mi̧ dari̧ baärëremȩde chiriräpȩti̧ oa.”
Aja̧, ja̧di ta̧rëri̧ yo̧diibe ma̧ȩ üdë. Ado judio judiro̧, dëdë, ta̧rërëreji̧ri̧dirȩ. 19Jabo danȩrȩ, judiro̧ ta̧rëa̧ ji̧, ¿bapë ta̧rërea̧mi̧ dari̧ tjamo̧ri̧ ta̧rërëreji̧ri̧dirȩ? Icharai pio judiri ja̧ji̧ri̧ judiro̧ ta̧rëa̧ ji̧, ¿dabaparea̧mi̧ dari̧ ta̧rëa̧dirȩ? Dëdë, chjadëri̧ dabaparea̧mi̧ dari̧ ta̧rërëreji̧ri̧dirȩ. Birë jä jo̧rȩtarea̧mi̧ dari̧ ta̧rërëreji̧ri̧dirȩ jabo cjäri̧ madirȩ jabo, jiada̧dirȩ. Ado pio ji̧ri̧ chjiari jabërä go̧ȩparëremȩde Moiche judi, Ütërë judio pio ji̧ri̧iäpȩmo̧ yo̧a̧ pio ju̧i̧ chjiari, judiodë pio ji̧ri̧ ano̧ mire mitëa̧ pio ju̧i̧ chjiari. Ta̧rëchji̧vä:
"Aja̧, ado cja̧rȩmo̧ pumȩ ji̧ri̧ ano̧ mire mitëparequedejȩrȩ, cüdë mitëdërërea̧ pio ji̧ri̧. Tjamo̧ davä. Dabadëji̧ri̧ oa, urëdi oa jo̧rȩtarea̧ chiadëji̧ri̧ oa ano̧ mire cjäri̧ri̧ cjia daparequedejȩrȩ pio coa chjiari chjadëri̧ dabapea̧ oa, pio coaiäpȩmo̧ quëna̧pea̧ oa. Ado cüdë pio ji̧ri̧iäpȩmo̧ ja̧di dari̧ japea̧ pio ju̧i̧iä, jabechji̧ ana̧ri̧ jo̧rȩta tänȩparequededibe judio pio ji̧ri̧, pio coaiäpȩmo̧ jo̧rȩtapea̧ oa."
Aja̧, ja̧di ta̧rëri̧ yo̧rëremȩde Ütë tjamo̧ judi icharaita pio ji̧ri̧.
20Ado danȩrȩ, Ichaia pio judiborë go̧ȩparëremȩde judiodë pio judiro̧ quëna̧ji̧ri̧pe jäpea̧ pio ju̧i̧ chjiari. Ütë tjamo̧ judi Ichaia ja̧ ya oaiä yo̧rërea̧ pio ju̧i̧ yo̧rëremȩde, uapadëmȩrȩ. Ta̧rëchji̧vä:
"Aja̧, pio coaiäpȩmo̧ na̧tami̧ dari̧ cjo̧ro̧dërëreji̧ri̧ pumȩ pio judiro̧ dadärämi̧ dari̧ quëna̧ji̧ri̧pea̧diro̧coe. Pio coaiäpȩmo̧ jo̧rȩtadërëreji̧ri̧ pumȩ pio ji̧ri̧, pio coa chjiari iëno̧ iëno̧ cjiadërëreji̧ri̧ pumȩ pio ji̧ri̧ na̧rȩa̧requedejȩrȩ davä, judiro̧ pio coa chjiari dabarea̧mi̧ dari̧."
Aja̧, ja̧di ta̧rëri̧ yo̧rëremȩde Ütë tjamo̧ judi judiodë pio ji̧ri̧ chjiari. 21Jabo judio pio ji̧ri̧ chjiari ja̧di ta̧rëri̧ yo̧dërëremȩde, jabo tjaoëpai̧ dari̧ yo̧rëremȩde. Ta̧rëchji̧vä:
"Do yoa a̧dotämi̧ cjiamȩrȩ darequedejȩrȩ ca̧ pumȩ ji̧ri̧ jabo cjäri̧ madiro̧coe, ji̧dë ma jiadadiro̧coe. Ca̧ chja̧oerä cjo̧ro̧dëri cjiaji̧ri̧rȩ chjuari̧ jiadadiro̧coe."
Aja̧, ja̧di ta̧rëri̧ yo̧rëremȩde Ütë tjamo̧ judi Ichaia ja̧ ya oaiä judio pio ji̧ri̧ chjiari. Ado pio ju̧i̧iä yo̧requededibe. Judio judiro̧ dabadë ma ja̧didë. Jabechji̧ dabadirȩ. Chjadëri̧ ta̧rërëreji̧ri̧dirȩ. Jabo dabaji̧ri̧borë chjuari̧ jiadadirȩ.
Currently Selected:
Domano Ma̧ȩ 10: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
Domano Ma̧ȩ 10
10
Judio judiro̧ chjadëri̧ dabapatä eadejȩrȩ Pablo judi judiro̧ Ütë tjamo̧ pio ju̧i̧ chjadëri̧ quëna̧rea̧ dapea̧ ji̧
1Danȩrȩ ca̧ oti̧, ana̧ tjamo̧ri̧ jo̧rȩtarequedejȩrȩ ca̧ pumȩ ji̧ri̧, judio pio ji̧ri̧. Chjätärea̧ datä ea tjamo̧requedejȩrȩ. Ado pio ju̧i̧iä ji̧dë ma goë cjo̧dërequede Ütë tjamo̧ ju̧i̧iä pio ji̧ri̧ chjiari. 2Danȩrȩ, järi tjamo̧dirȩ judiro̧ Ütë tjamo̧ pio ju̧i̧ chjiari. Pio ju̧i̧ tjamo̧ri̧ dabarequede. Jabo cjäri̧ madirȩ, coëma cjiari̧ jo̧rȩtarea̧ra̧ järitärea̧ ji̧, oëra̧ jo̧rȩtaji̧ri̧rȩ cjo̧ro̧dirȩ tjamo̧ri̧ dabadëji̧ri̧rȩ. 3Jabechji̧ dabadëdirȩ. Ütë tjamo̧ judi pumȩ ji̧ri̧ jabechji̧parȩpea̧ pio ju̧i̧ chjiari dabadëdirȩ. Ado pio ju̧i̧iä jibëa̧ ma̧na̧ri̧ japë tara cjiatadirȩ jabechji̧parȩpea̧ ji̧. 'Jaeboa̧ro̧da, ibëa̧ ma̧na̧ri̧ japea̧ oaiä jabechji̧parȩa̧ oa cjiapai̧ daa̧ro̧da' quëna̧ jo̧rȩtadirȩ. Ado Ütë tjamo̧ judi pio ji̧ri̧ chjiari tuti yürüa̧ pio ju̧i̧ quëna̧tärea̧ ji̧, pio judi tänȩa̧ oa jabechji̧parȩa̧ oa cjiatärea̧ ji̧, cjäri̧ madiro̧jo̧ȩ, putu jura̧ a̧dë chami̧ dari̧ japadiro̧jo̧ȩ, jiadaji̧ri̧rȩ. 4'Aja̧, Moicherë go̧ȩparërea̧ ma̧ȩ pio ju̧i̧iä jabechji̧parȩa̧ oa cjiapai̧ daa̧ro̧da' quëna̧ jo̧rȩtadirȩ. Jabo cjäri̧ madirȩ ca̧ oti̧, pio jiro ma̧ȩ oaiä jabechji̧parȩa̧ oa cjiarea̧mi̧dëde. Quiricho pio ju̧i̧iämo̧ jabechji̧parȩrea̧mi̧ dade. Pio judimo̧de Moicherë go̧ȩparërea̧ ma̧ȩ oa nö̧tadäräri̧ ta̧rȩdiäa̧mȩ judi. Pio ju̧i̧iä eami̧ pumȩ üdë pio ju̧i̧iäpȩmo̧ quëna̧rä judi, jabechji̧ Ütë tjamo̧ judi jabechji̧parȩpadejȩ.
Chjätärea̧ üdë ütëbodärä ja̧de
5Moiche judi no̧mȩ tjamo̧ri ja̧ go̧ȩparërea̧ ji̧, jabechji̧parȩa̧ oa cjiapea̧ pio ju̧i̧ chjiari go̧ȩparëremȩde ja̧di ta̧rëri̧ go̧ȩpamȩrȩ: “Aja̧, eami̧ pumȩ üdë, cüdë go̧ȩparërea̧ ma̧ȩ pio ju̧i̧iä jabechji̧parȩa̧ oa cjiatämi̧ cjiarä judi, jabechji̧ nö̧tadäräri̧ ta̧rëdiäpea̧ chiadejȩ ma̧ȩ oa jënȩ cjo̧ro̧a̧ nö̧ta. Aja̧, cja̧rȩmȩ co oëra̧diärea̧ decjiari̧, cja̧rȩmȩ co jiadarea̧ decjiari̧ ta̧rëdiäpea̧ chiadejȩ. Aja̧, ja̧di dari̧ japea̧rämo̧ tjamo̧ri̧ cjo̧ro̧rea̧#10:5 Ja̧di dari̧ japea̧rämo̧ jabechji̧parȩrea̧ dapade yo̧rea̧de. dapade pio jiro ma̧ȩ oaiä” go̧ȩparëremȩde Moiche judi. 6Jabo eami̧ pumȩ üdë quëna̧ pio ju̧i̧iä jabechji̧parȩa̧ oa cjiatämi̧ cjiarä judi, jabechji̧ jënȩ quëna̧ pio ju̧i̧iämo̧i̧ jabechji̧parȩa̧ oa cjiapade Ütë tjamo̧ pio judi tänȩa̧ oa. Jabechji̧ quëna̧ pio ju̧i̧iämo̧i̧ jabechji̧parȩa̧ oa cjiarea̧mi̧ dade. Ado ja̧di dari̧ quëna̧mȩ judi oëra̧ jo̧rȩtadëpade. 'Aja̧, cja̧rȩmȩrȩ a̧dëräpȩ buatäremȩdida, Jechu judi tjamo̧ri̧ bira̧ pio ju̧i̧ chjiari irä ta̧rëpea̧ oa buatäremȩdida' quëna̧ jo̧retadëpade. 7'Ado Jechu judi bëdüa̧ pio ju̧i̧ chjiari tjamo̧ri̧ dabapea̧ oa cja̧rȩmȩrȩ birapea̧ chiadida, ja̧boa̧ji̧ri̧ pio judiro̧ cjiamȩbearäpȩ biratäremȩdida' quëna̧ jo̧rȩtadëpade peaja̧di. Jabo quëna̧mȩrȩ cjo̧ro̧de. 8Jabechji̧ irä goarea̧rȩ ma̧ȩ oa. Ado chjadë maeari̧ go̧ȩpea̧ oa cjiade. A̧ro̧rȩ ni̧bärea̧ ma̧ȩra̧ go̧ȩpea̧ oa cjiade bapë ta̧rërea̧mi̧ dari̧. Ado pio jiro ma̧ȩ üdë dibëa̧ chji̧rä chade. Ado pio jiro ma̧ȩ oa a̧ra̧ano̧rea̧ro̧jo̧ȩ, Ütë tjamo̧ ja̧ ma̧ȩ pio ju̧i̧, pumȩrȩ quëna̧pea̧ ma̧ȩ pio ju̧i̧. 9Ado danȩrȩ, mȩnȩro̧ dibëa̧ chji̧ra̧ pio jiro ma̧ȩ oa quëna̧rä judi chjätärea̧ dapanȩrȩ. Tjamo̧ davä. Mȩnȩro̧ Jechu pio ju̧i̧ chjiari quëna̧rä judi, Ütë tjamo̧ judi Jechu pio ju̧i̧, ja̧boa̧remȩ pio ju̧i̧ bëdü tänȩa̧ pio ju̧i̧ chjiari quëna̧rä judi, ado dibëa̧ yara̧ pio ju̧ri̧ra̧ yo̧rä judi, “Aja̧, Jechu judi Ano̧mȩde” yo̧rä judi, jabechji̧ chjätärea̧ dapanȩrȩ. 10Tjamo̧ davä. Jibëa̧ chji̧ra̧ quëna̧ji̧ri̧ pumȩ pio judiro̧, jibëa̧ yara̧ yo̧ji̧ri̧ pio judiro̧, jabechji̧ Ütë tjamo̧ pio judi tänȩa̧ oa jabechji̧parȩa̧ oa cjiadirȩ chjätärea̧mi̧ dari̧. 11Ado ja̧di ta̧rëri̧ go̧ȩpea̧ oa cjiade ma̧ȩ üdë ca̧ oti̧. Jabechji̧ eami̧ pumȩ üdë Jechu pio ju̧i̧iäpȩmo̧ quëna̧mȩ pio judi, jabechji̧ chjätärea̧ dapade idëri̧ cjiarea̧ decjiari̧, ma̧diä cjiarea̧ decjiari̧. 12Jabechji̧ pumȩ ütëbodärä ja̧ tjamo̧de. O ji̧ri̧ ja̧dë maeade jabo ütëbo ja̧de. Ado ju̧i̧iä yo̧requededibe, eami̧ judio üdë, eami̧ judiodë üdë quëna̧rä judi, jabechji̧ chjätärea̧ dapade. Jabechji̧ cja̧rȩmȩ ba chiara̧ da madejȩrȩ pumȩ ütëbodärä oa Ano̧mȩ judi. Aja̧, cja̧rȩmȩde judi. Ütëbodärä ja̧ Ano̧mȩde. Ado pumȩ ütëbodärä oa cja̧rȩmȩ ba chiara̧ da tara, jabechji̧ a̧dë chjäte chjadëri̧ japa madejȩrȩ pio jȩaiäpȩmo̧ quëna̧mȩ pio ju̧i̧. 13Peaja̧di ta̧rëri̧ yo̧diibe ma̧ȩ üdë. Eami̧ pumȩ üdë Ano̧mȩ pio ju̧i̧iä cjo̧dërä judi, jȩa a̧dotä cjo̧dërä judi, jabechji̧ chjadëri̧ a̧dopadejȩ chjätä tänȩrea̧mi̧ dari̧.
14Jabo danȩrȩ, pumȩ judiro̧ pio ju̧i̧ chjiari dabadërä judi, ¿yö̧ta dari̧ cjo̧dëpadiro̧jo̧ȩ? Pio ju̧i̧ iëno̧ë ta̧rërequededibe. Pumȩ judiro̧ orë dabadërä judi, 'Aja̧ Ano̧mȩ Jechu pio judidida' quëna̧ dabadërä judi, ¿yö̧ta dari̧ cjo̧dëpadiro̧jo̧ȩ pio jibëiäpȩmo̧ a̧dopea̧ oa? Aja̧ ca̧ oti̧, judiro̧ cja̧rȩmo̧ co ma̧ȩ oa ta̧rëdëa̧rä judi, ¿yö̧ta dari̧ quëna̧rea̧ dapadirȩ? Judiro̧ eami̧ a̧ra̧ano̧mȩ oa dadërä judi, judiro̧ eami̧ a̧ra̧ano̧mȩ oa ta̧rë charea̧ dadërä judi, ¿yö̧ta dari̧ ta̧rërea̧ dapadirȩ? 15Ado a̧ra̧ano̧ji̧ri̧ pio ji̧ri̧ chjadüa̧ oa cjiadërä judi, Ütë tjamo̧ ja̧ ma̧ȩ pio ju̧i̧ a̧ra̧ano̧pea̧ oa chjadüa̧ oa cjiadërä judi, ¿yö̧ta dari̧ a̧ra̧ano̧a̧ oa cjiapade ma̧ȩ üdë? ¿Yö̧ta dari̧ ta̧rërea̧ dapadirȩ dabadëji̧ri̧ judiro̧? Danȩrȩ, Ütë tjamo̧ ja̧ ma̧ȩ oa a̧ra̧ano̧e jäji̧ri̧ pio ji̧ri̧ chjiari go̧ȩpea̧ oa cjiade ma̧ȩ üdë peadëri ja̧. Ta̧rëchji̧vä:
"Aja̧, ma̧ȩ chjadëi̧ pio ju̧i̧ a̧de jäji̧ri̧ pio judiro̧ eami̧räpȩ go̧düdärärä, goae tjamo̧de. Tjamo̧ davä. Pio jiro ma̧ȩ chjadëi̧ pio ju̧i̧ goa jämȩ pio judi eami̧räpȩ järä, jabechji̧ a̧dë chjäte goae tjamo̧de pumȩ pio ji̧ri̧iä."
Aja̧, ja̧di ta̧rëri̧ go̧ȩpea̧ oa cjiade ma̧ȩ üdë a̧ra̧ano̧e jäji̧ri̧ pio ji̧ri̧ chjiari.
16Jabo pumȩ judiro̧ ütëborë ma̧ȩ chjadëi̧ pio ju̧i̧ ta̧rë ëte quëna̧tärea̧ ji̧, cjäri̧ madirȩ, quëna̧dëdirȩ orë. Peaja̧di dari̧ jiade ta̧rërëreji̧ri̧diro̧jo̧ȩ Ichaia pio judi no̧mȩ a̧ra̧ano̧rërea̧ ji̧. Ado pio ju̧i̧iä ja̧di ta̧rëri̧ yo̧rëremȩdejȩ Ütë tjamo̧ ju̧i̧: “Jabo cjäri̧ madiro̧jo̧ȩ Ano̧mȩ, a̧ro̧rȩ ma̧ȩ chjadëi̧ pio ju̧i̧ a̧ra̧ano̧a̧ ji̧, ji̧ra̧ tjamo̧dëreji̧ri̧dirȩ pio ju̧i̧ ta̧rë ja̧boji̧ri̧ judiro̧.”#10:16 Ichaia 53:1 Aja̧ ja̧di ta̧rëri̧ go̧ȩparëremȩde Ichaia judi. 17Jabo jabechji̧, eami̧ pumȩ üdë Ütë tjamo̧ ja̧ ma̧ȩ oa ta̧rërea̧ dadërä judi, quëna̧rea̧ dadëpade. Jabo chjadëri̧ ta̧rërea̧ darä judi, dëdë, quëna̧rea̧ dapade. Aja̧, Quiricho pio ju̧i̧ chjiari ma̧ȩ chjadëi̧ oa a̧ra̧ano̧mȩ pio ju̧i̧ ta̧rëa̧ oaiä quëna̧rea̧ dapade. Jabechji̧ ta̧rëa̧ pio ju̧i̧iämo̧i̧ cjitëde quëna̧rea̧ üdë.
A̧de yo̧diibe Pablo judi quëna̧dëji̧ri̧ judio pio ji̧ri̧ chjiari
18Jabo danȩrȩ, iëno̧ë ta̧rërequededibe? ¿Tjana̧ ju̧i̧iä ji̧ra̧dëdirȩ quëna̧ji̧ri̧ judio judiro̧? ¿Jabë ta̧rëdëa̧dirȩ? ¿Ma̧ȩ pio ju̧i̧ ja̧bë ta̧rëdëa̧dirȩ? Dëdë, ta̧rëa̧dirȩ. Ta̧rërëreji̧ri̧dirȩ. Ado peaja̧di ta̧rëri̧ yo̧diibe ma̧ȩ üdë. Ta̧rëchji̧vä:
“Aja̧, ma̧ȩ chjadëi̧ pio judi jachipadärärea̧mi̧ dari̧ baärëremȩde chiriräpȩti̧ oa.”
Aja̧, ja̧di ta̧rëri̧ yo̧diibe ma̧ȩ üdë. Ado judio judiro̧, dëdë, ta̧rërëreji̧ri̧dirȩ. 19Jabo danȩrȩ, judiro̧ ta̧rëa̧ ji̧, ¿bapë ta̧rërea̧mi̧ dari̧ tjamo̧ri̧ ta̧rërëreji̧ri̧dirȩ? Icharai pio judiri ja̧ji̧ri̧ judiro̧ ta̧rëa̧ ji̧, ¿dabaparea̧mi̧ dari̧ ta̧rëa̧dirȩ? Dëdë, chjadëri̧ dabaparea̧mi̧ dari̧ ta̧rërëreji̧ri̧dirȩ. Birë jä jo̧rȩtarea̧mi̧ dari̧ ta̧rërëreji̧ri̧dirȩ jabo cjäri̧ madirȩ jabo, jiada̧dirȩ. Ado pio ji̧ri̧ chjiari jabërä go̧ȩparëremȩde Moiche judi, Ütërë judio pio ji̧ri̧iäpȩmo̧ yo̧a̧ pio ju̧i̧ chjiari, judiodë pio ji̧ri̧ ano̧ mire mitëa̧ pio ju̧i̧ chjiari. Ta̧rëchji̧vä:
"Aja̧, ado cja̧rȩmo̧ pumȩ ji̧ri̧ ano̧ mire mitëparequedejȩrȩ, cüdë mitëdërërea̧ pio ji̧ri̧. Tjamo̧ davä. Dabadëji̧ri̧ oa, urëdi oa jo̧rȩtarea̧ chiadëji̧ri̧ oa ano̧ mire cjäri̧ri̧ cjia daparequedejȩrȩ pio coa chjiari chjadëri̧ dabapea̧ oa, pio coaiäpȩmo̧ quëna̧pea̧ oa. Ado cüdë pio ji̧ri̧iäpȩmo̧ ja̧di dari̧ japea̧ pio ju̧i̧iä, jabechji̧ ana̧ri̧ jo̧rȩta tänȩparequededibe judio pio ji̧ri̧, pio coaiäpȩmo̧ jo̧rȩtapea̧ oa."
Aja̧, ja̧di ta̧rëri̧ yo̧rëremȩde Ütë tjamo̧ judi icharaita pio ji̧ri̧.
20Ado danȩrȩ, Ichaia pio judiborë go̧ȩparëremȩde judiodë pio judiro̧ quëna̧ji̧ri̧pe jäpea̧ pio ju̧i̧ chjiari. Ütë tjamo̧ judi Ichaia ja̧ ya oaiä yo̧rërea̧ pio ju̧i̧ yo̧rëremȩde, uapadëmȩrȩ. Ta̧rëchji̧vä:
"Aja̧, pio coaiäpȩmo̧ na̧tami̧ dari̧ cjo̧ro̧dërëreji̧ri̧ pumȩ pio judiro̧ dadärämi̧ dari̧ quëna̧ji̧ri̧pea̧diro̧coe. Pio coaiäpȩmo̧ jo̧rȩtadërëreji̧ri̧ pumȩ pio ji̧ri̧, pio coa chjiari iëno̧ iëno̧ cjiadërëreji̧ri̧ pumȩ pio ji̧ri̧ na̧rȩa̧requedejȩrȩ davä, judiro̧ pio coa chjiari dabarea̧mi̧ dari̧."
Aja̧, ja̧di ta̧rëri̧ yo̧rëremȩde Ütë tjamo̧ judi judiodë pio ji̧ri̧ chjiari. 21Jabo judio pio ji̧ri̧ chjiari ja̧di ta̧rëri̧ yo̧dërëremȩde, jabo tjaoëpai̧ dari̧ yo̧rëremȩde. Ta̧rëchji̧vä:
"Do yoa a̧dotämi̧ cjiamȩrȩ darequedejȩrȩ ca̧ pumȩ ji̧ri̧ jabo cjäri̧ madiro̧coe, ji̧dë ma jiadadiro̧coe. Ca̧ chja̧oerä cjo̧ro̧dëri cjiaji̧ri̧rȩ chjuari̧ jiadadiro̧coe."
Aja̧, ja̧di ta̧rëri̧ yo̧rëremȩde Ütë tjamo̧ judi Ichaia ja̧ ya oaiä judio pio ji̧ri̧ chjiari. Ado pio ju̧i̧iä yo̧requededibe. Judio judiro̧ dabadë ma ja̧didë. Jabechji̧ dabadirȩ. Chjadëri̧ ta̧rërëreji̧ri̧dirȩ. Jabo dabaji̧ri̧borë chjuari̧ jiadadirȩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved