Go̧a̧rea̧ 1

Ja̧di dari̧ cjo̧ro̧mȩ judi chjadëri̧ cjo̧ro̧rea̧ dapade

1Eami̧ pumȩ üdë chjai̧dëri̧ japaji̧ri̧ pio judiro̧ chi̧dëea̧ chja̧oerä cjo̧ro̧dëmȩ pio judi, jabechji̧ ma̧ chiadëri̧ cjiamȩrȩ cjo̧ro̧de. Tjamo̧ davä. Eami̧ pumȩ üdë chjai̧dëri̧ japaji̧ri̧ ja̧ no̧mi̧ darä cjo̧ro̧dëmȩ pio judi, Ütë tjamo̧ pio ju̧i̧iäpȩmo̧ airi cjia airi cjia ya̧ji̧ri̧ pio ji̧ri̧iäpȩmo̧ cho̧rëdiädëmȩ pio judi, jabechji̧ ma̧ chiadëri̧ cjiamȩrȩ cjo̧ro̧de. 2Jabechji̧ Jeova pio ju̧i̧ ja̧ ma̧ȩrä goaeri̧ jo̧rȩtariä cjo̧ro̧de. Ji̧dë ma jo̧rȩtadejȩ. Carupë jo̧rȩtami̧ dari̧ jo̧rȩtadejȩ do yoa, gȩnȩ yoa. 3Danȩrȩ, dürü yuroro cjiamȩ tomi̧ dade. Ado dürü yuroro cjiamȩ to üdë, jabechji̧ ütara̧rä jurarea̧ chiade. To pjö̧da gägäari̧ cjiade, gaüpe bagarea̧ decjiari̧. Peaja̧dimi̧ dari̧ cjiade pumȩ judi. Jabechji̧ chjadëri̧ cjo̧ro̧rea̧ dade dae jämi̧ dari̧. Ütë tjamo̧ pio ju̧i̧ ja̧ ma̧ȩ oa jo̧rȩtariä dopea̧ oaiä ja̧dimi̧ dari̧ cjiade.

4Jabo chjai̧dëri̧ japaji̧ri̧ pio judiro̧ ja̧dimi̧ dari̧ cjo̧ro̧dëdirȩ. Pjaeparë pjäë eremȩ pio ju̧i̧ aeno̧mi̧ dari̧ cjiapadirȩ. 5Ado pio ju̧i̧iä judiro̧ Ütë tjamo̧ ja̧ dëbëräpȩ cjiarä, pio ji̧ri̧ ütarapea̧ oa cjiarä, jabechji̧ aeno̧a̧ oa cjiapadirȩ coëma cjiari̧ cjo̧ro̧ji̧ri̧ pio ji̧ri̧ nö̧ta ëba cjiarea̧mi̧dëri̧.

6Pio ju̧i̧iä yo̧requede, pumȩ judiro̧ yo̧a̧ri̧ no̧ro tai̧mi̧ dari̧ cjo̧ro̧dirȩ. Ütë tjamo̧ pio ju̧i̧ cho̧rëdiämi̧ dari̧ cjo̧ro̧ji̧ri̧ pio judiro̧ no̧ chjadërä tai̧mi̧ dari̧ cjo̧ro̧dirȩ. Ado Ütë tjamo̧ judi chjadëri̧ jidadejȩrȩ. Jabo chjai̧dëri̧ japaji̧ri̧ pio judiro̧ ado cja̧rȩmo̧ no̧mi̧ darä cjo̧ro̧dirȩ. Ado jiro no̧mi̧ da üdë aeno̧rea̧räpȩ baämȩ no̧mi̧ dade.

Currently Selected:

Go̧a̧rea̧ 1: Pume

Highlight

Copy

Compare