Jobo Ma̧ȩ 7
7
Goae tjamo̧dëri̧ cjo̧ro̧rëremȩde Jobo judi
4Jobo judi ji̧dë u̧i̧ yo̧mȩrȩ a̧de ni̧bä chjaorëremȩde Jeova pio ju̧i̧iäpȩmo̧. Ja̧di ta̧rëri̧ yo̧mȩrȩ ni̧bä chjaoa̧dejȩ:
—Danȩ ca̧ Ütë, gȩnȩpea̧rä a̧rȩrequede jo̧rȩtamȩrȩ. 'Aja̧, ¿na̧pai̧ japamitë chjätä ëte bëdürea̧ dapaquëda, a̧rȩ üdë goae tjamo̧dëdicoada, chjao tjamo̧dicoada, ji̧dë ma ano̧ mire a̧rȩdiä a̧rȩdiä cjiaquëda, do üdë dopadäräri̧ a̧rȩdiä a̧rȩdiä cjiaquëda' quëna̧ jo̧rȩtamȩrȩ a̧rȩrequede, mo̧a̧rea̧ dadëmȩrȩ. 5Ca̧ icjara üdë mai̧ da tjamo̧de. Pö̧rö̧ra̧ pio ju̧ri̧ra̧ ina̧ oa cjiami̧ dari̧ cjiarequede dabu pjo̧no̧ pio ju̧ri̧ra̧ a̧de. Mai̧ da co chiarequede ca̧ icjara nö̧tai̧ oa. Ji̧dë ma gu̧rode jere üdë. Ca̧ i üdë imi̧ dadëri̧ cjiadique ma̧i̧ da coremȩ oaiä. 7Ado pio ju̧i̧iä yo̧requedemȩ ca̧ Ütë. Cjäri̧ri̧ cjia jo̧rȩtacoe pio coaiäpȩmo̧. Chjaodëri̧ ja̧bopai̧ dari̧ cjiarequede. Jabechji̧ ma̧ chiadëri̧ cjiari̧ jo̧rȩtarea̧ decjiapea̧dique bucho ana̧. 8Jabo jabërequede jabo. Chjadë maeari̧ darenȩque cjo̧ro̧mȩ oa. Jabo ji̧dë duri oa japamitë chjätä ëte, dadëparenȩque. Mȩnȩ na̧räbo dadëparenȩque. 9Go̧a̧ra̧ ë üdë chjaodëri̧ decjiape bagami̧ dari̧ baäparequede. Tjamo̧ davä. Daburäpȩ na̧ra̧ oa cjiamȩ judi, ado judiri dadëpea̧de. 10Jibëa̧ bëräpȩ cjiarërea̧ ji̧, jabechji̧ jibëa̧ bëräpȩ go̧düdäräa̧mȩ oa dadëpea̧de. 11Ado cüdë jabë pumȩbo tara, jabechji̧ cjapi maeari̧ cjiarea̧mi̧dërequede. Jabechji̧ ca̧ tjora̧ gitori̧ jo̧rȩtamȩrȩ ma̧ȩ goaedë oa ni̧bäparequede, ca̧ chji̧rä ëcarami̧ dari̧ jo̧rȩtamȩrȩ. 13Danȩ, ca̧ mo̧a̧rea̧räpȩ ju̧ri̧ cjatäcjie jo̧rȩtarea̧ datärea̧ ji̧, mo̧a̧ üdë chichipami̧ dari̧ japatärea̧ ji̧, 14uapai̧ da tjamo̧ri̧ canȩjä mo̧a̧ tänȩrenȩquȩ. 15Ado pio ju̧i̧iä jo̧ȩra̧pe ja̧botämi̧ cjiamȩrȩ cjo̧ro̧requede. Tjamo̧ davä, ja̧borea̧ tararequede. Cüdë pio yoa icjararä japamitë ana̧ri̧ cjo̧ro̧tärea̧ ji̧, cjäri̧ marequede, jo̧ȩra̧pȩ ja̧botämi̧ cjiarequede. Pumȩrȩ cära̧ cäpë ja̧bo tänȩrä judi jabechji̧täremȩde coaiä. 16Danȩ, cüdë cjo̧ro̧a̧ üdë goae tjamo̧dëdique. Badë dareconȩ cüdë cjo̧ro̧rea̧ pio ju̧i̧. Ado pio ju̧i̧iä ji̧dë ma cjo̧ro̧dëri̧ cjiarequede. Ado pio ju̧i̧iämȩrȩ yo̧requedemȩ ca̧ Ütë. Jabechji̧ cjäri̧ri̧ cjiamȩrȩ jabo cjiacoe. Ji̧dë ma tja̧reparȩmi̧ dari̧ japadëcoe. Danȩ, cüdë cjo̧ro̧pea̧ do üdë ji̧ra̧dëdique. Pio ju̧i̧iä jabechji̧, jabo cjiatäremȩrenȩque. 17¿Tjana̧ ju̧i̧iä ji̧dë ma jo̧rȩtarenȩ pumȩ pio ju̧i̧iäpȩmo̧? ¿Tjana̧ ju̧i̧iä ba chia darenȩjo̧ȩ? 18Peadai̧rä ütarë darenȩjo̧ȩ do nö̧tai̧ra̧. Ji̧dë ma mö̧redami̧ dari̧ ütararenȩjo̧ȩ. 19Chja ja̧di ji̧dë ma dadëtäremȩrenȩque. Jabechji̧ a̧dë jo̧rȩtatäremȩrenȩque. Ca̧ ya ui oa are cö̧a̧mȩbo dae chjaorenȩque goadirea̧ decjiari̧. 20Danȩ ca̧ Ütë, ¿tjana̧ chjai̧dë oa japea̧requedemȩ? Cüdë mȩaiäpȩmo̧ chjai̧dëri̧ japea̧rä judi, yo̧coe. Pumȩ ji̧ri̧ ji̧dë ma dae chjaomȩ pio ju̧i̧ iëno̧ë ta̧rërequedemȩ. ¿Tjana̧ ju̧i̧iä pio coaiäpȩmo̧ tjamo̧i̧ ami̧ dari̧ japarenȩ? Cüdë pio mȩaiä ¿goaedëpe bagarequedemȩ? 21¿Tjana̧ ju̧i̧iä dae ano̧mi̧ dari̧ japadërenȩ cüdë chjai̧dëri̧ japea̧ pio ju̧i̧? ¿Tjana̧ ju̧i̧iä a̧dë jo̧rȩtadërenȩjo̧ȩ? Japamitë boi̧chji̧ chjätä ëte, na̧ra̧ oa cjiaemȩrequede. Ado judirä mȩnȩ na̧räbo, cjäri̧ marenȩque, dadärädëparenȩque.
Aja̧, ja̧di ta̧rëri̧ yo̧mȩrȩ ni̧bärëremȩde Jobo judi chjadëri̧ jo̧rȩtadëmȩrȩ gito ana̧ tjamo̧ri̧ tara oaiä.
Currently Selected:
Jobo Ma̧ȩ 7: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
Jobo Ma̧ȩ 7
7
Goae tjamo̧dëri̧ cjo̧ro̧rëremȩde Jobo judi
4Jobo judi ji̧dë u̧i̧ yo̧mȩrȩ a̧de ni̧bä chjaorëremȩde Jeova pio ju̧i̧iäpȩmo̧. Ja̧di ta̧rëri̧ yo̧mȩrȩ ni̧bä chjaoa̧dejȩ:
—Danȩ ca̧ Ütë, gȩnȩpea̧rä a̧rȩrequede jo̧rȩtamȩrȩ. 'Aja̧, ¿na̧pai̧ japamitë chjätä ëte bëdürea̧ dapaquëda, a̧rȩ üdë goae tjamo̧dëdicoada, chjao tjamo̧dicoada, ji̧dë ma ano̧ mire a̧rȩdiä a̧rȩdiä cjiaquëda, do üdë dopadäräri̧ a̧rȩdiä a̧rȩdiä cjiaquëda' quëna̧ jo̧rȩtamȩrȩ a̧rȩrequede, mo̧a̧rea̧ dadëmȩrȩ. 5Ca̧ icjara üdë mai̧ da tjamo̧de. Pö̧rö̧ra̧ pio ju̧ri̧ra̧ ina̧ oa cjiami̧ dari̧ cjiarequede dabu pjo̧no̧ pio ju̧ri̧ra̧ a̧de. Mai̧ da co chiarequede ca̧ icjara nö̧tai̧ oa. Ji̧dë ma gu̧rode jere üdë. Ca̧ i üdë imi̧ dadëri̧ cjiadique ma̧i̧ da coremȩ oaiä. 7Ado pio ju̧i̧iä yo̧requedemȩ ca̧ Ütë. Cjäri̧ri̧ cjia jo̧rȩtacoe pio coaiäpȩmo̧. Chjaodëri̧ ja̧bopai̧ dari̧ cjiarequede. Jabechji̧ ma̧ chiadëri̧ cjiari̧ jo̧rȩtarea̧ decjiapea̧dique bucho ana̧. 8Jabo jabërequede jabo. Chjadë maeari̧ darenȩque cjo̧ro̧mȩ oa. Jabo ji̧dë duri oa japamitë chjätä ëte, dadëparenȩque. Mȩnȩ na̧räbo dadëparenȩque. 9Go̧a̧ra̧ ë üdë chjaodëri̧ decjiape bagami̧ dari̧ baäparequede. Tjamo̧ davä. Daburäpȩ na̧ra̧ oa cjiamȩ judi, ado judiri dadëpea̧de. 10Jibëa̧ bëräpȩ cjiarërea̧ ji̧, jabechji̧ jibëa̧ bëräpȩ go̧düdäräa̧mȩ oa dadëpea̧de. 11Ado cüdë jabë pumȩbo tara, jabechji̧ cjapi maeari̧ cjiarea̧mi̧dërequede. Jabechji̧ ca̧ tjora̧ gitori̧ jo̧rȩtamȩrȩ ma̧ȩ goaedë oa ni̧bäparequede, ca̧ chji̧rä ëcarami̧ dari̧ jo̧rȩtamȩrȩ. 13Danȩ, ca̧ mo̧a̧rea̧räpȩ ju̧ri̧ cjatäcjie jo̧rȩtarea̧ datärea̧ ji̧, mo̧a̧ üdë chichipami̧ dari̧ japatärea̧ ji̧, 14uapai̧ da tjamo̧ri̧ canȩjä mo̧a̧ tänȩrenȩquȩ. 15Ado pio ju̧i̧iä jo̧ȩra̧pe ja̧botämi̧ cjiamȩrȩ cjo̧ro̧requede. Tjamo̧ davä, ja̧borea̧ tararequede. Cüdë pio yoa icjararä japamitë ana̧ri̧ cjo̧ro̧tärea̧ ji̧, cjäri̧ marequede, jo̧ȩra̧pȩ ja̧botämi̧ cjiarequede. Pumȩrȩ cära̧ cäpë ja̧bo tänȩrä judi jabechji̧täremȩde coaiä. 16Danȩ, cüdë cjo̧ro̧a̧ üdë goae tjamo̧dëdique. Badë dareconȩ cüdë cjo̧ro̧rea̧ pio ju̧i̧. Ado pio ju̧i̧iä ji̧dë ma cjo̧ro̧dëri̧ cjiarequede. Ado pio ju̧i̧iämȩrȩ yo̧requedemȩ ca̧ Ütë. Jabechji̧ cjäri̧ri̧ cjiamȩrȩ jabo cjiacoe. Ji̧dë ma tja̧reparȩmi̧ dari̧ japadëcoe. Danȩ, cüdë cjo̧ro̧pea̧ do üdë ji̧ra̧dëdique. Pio ju̧i̧iä jabechji̧, jabo cjiatäremȩrenȩque. 17¿Tjana̧ ju̧i̧iä ji̧dë ma jo̧rȩtarenȩ pumȩ pio ju̧i̧iäpȩmo̧? ¿Tjana̧ ju̧i̧iä ba chia darenȩjo̧ȩ? 18Peadai̧rä ütarë darenȩjo̧ȩ do nö̧tai̧ra̧. Ji̧dë ma mö̧redami̧ dari̧ ütararenȩjo̧ȩ. 19Chja ja̧di ji̧dë ma dadëtäremȩrenȩque. Jabechji̧ a̧dë jo̧rȩtatäremȩrenȩque. Ca̧ ya ui oa are cö̧a̧mȩbo dae chjaorenȩque goadirea̧ decjiari̧. 20Danȩ ca̧ Ütë, ¿tjana̧ chjai̧dë oa japea̧requedemȩ? Cüdë mȩaiäpȩmo̧ chjai̧dëri̧ japea̧rä judi, yo̧coe. Pumȩ ji̧ri̧ ji̧dë ma dae chjaomȩ pio ju̧i̧ iëno̧ë ta̧rërequedemȩ. ¿Tjana̧ ju̧i̧iä pio coaiäpȩmo̧ tjamo̧i̧ ami̧ dari̧ japarenȩ? Cüdë pio mȩaiä ¿goaedëpe bagarequedemȩ? 21¿Tjana̧ ju̧i̧iä dae ano̧mi̧ dari̧ japadërenȩ cüdë chjai̧dëri̧ japea̧ pio ju̧i̧? ¿Tjana̧ ju̧i̧iä a̧dë jo̧rȩtadërenȩjo̧ȩ? Japamitë boi̧chji̧ chjätä ëte, na̧ra̧ oa cjiaemȩrequede. Ado judirä mȩnȩ na̧räbo, cjäri̧ marenȩque, dadärädëparenȩque.
Aja̧, ja̧di ta̧rëri̧ yo̧mȩrȩ ni̧bärëremȩde Jobo judi chjadëri̧ jo̧rȩtadëmȩrȩ gito ana̧ tjamo̧ri̧ tara oaiä.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved