Jobo Ma̧ȩ 6
6
Jobo judi goaedëri̧ chjätäa̧ pio ju̧i̧ chjiari ano̧ mire ni̧bä chjaorëremȩdejȩrȩ jibëa̧ jadü ji̧ri̧
1Ado Jobo judi ji̧dë u̧i̧ yo̧mȩrȩ ano̧ mire ni̧bä chjaorëremȩdejȩrȩ pio jȩa goë daera̧pea̧ji̧ri̧ pio ji̧ri̧iäpȩmo̧. Jënȩ gito ana̧ri̧ tara̧ pio ju̧i̧ chjiari ni̧bä chjaorëremȩdejȩrȩ, ja̧di ta̧rëri̧ yo̧mȩrȩ:
2—Aja̧, cüdë gitori̧ jo̧rȩta̧ üdë, jabechji̧ mö̧redarea̧ra̧ pio ju̧ri̧ra̧ mö̧reda̧ oa cjiami̧ dari̧ cjiatäremȩde. Cüdë goae tjamo̧dë oa chjätäa̧ pio judiborë mö̧reda̧ oa cjiami̧ dari̧ cjiatäremȩde. 3Jabechji̧ chacha tjamo̧mi̧ dari̧ cjiatäremȩde. Danȩrȩ, ui ana̧ yuroro cjiamȩ dabu nȩgȩ cho üdë, pio jiro cho chjö̧na̧i̧rȩ, jabechji̧ mö̧redarea̧ darä judi, chacha tjamo̧täremȩde. Jabo pio ju̧i̧ u̧i̧ chachami̧ dari̧ cjiatäremȩde davä cüdë chjai̧dëri̧ chjätäa̧ pio judi. Ado pio ju̧i̧iä ma̧ jo̧rȩdërë ni̧bärequede, chjadëri̧ ütarë jo̧rȩtadëmȩrȩ. 4Danȩrȩ, a̧dë chjäte ju chiamȩ pio judi cjacjarë gua̧ oa cjiami̧ dari̧ cjiarequede ë chiamȩ chjito̧ra̧ pio ju̧ri̧ra̧. Ado ca̧ tjo üdë taradëpe bagami̧ tarari̧ cjiadique ëmi̧ da üdë. Dëbëpe chjaomi̧ dari̧ japadique davä Ütë tjamo̧ judi, uapai̧ dari̧. 8Ado pio ju̧i̧iä cüdë tjamo̧ri̧ ea̧ pio ju̧i̧ chjadëri̧ yürütädique Ütë tjamo̧ judi. Aja̧, cüdë pio ju̧i̧iä cjo̧dëa̧mi̧ yürütäremȩdique chjadëri̧. 9Jabechji̧ quiuto mape bagari̧ japatädique cüdë ja̧borea̧mi̧ dari̧. Pio ju̧i̧ ea tjamo̧requede. Jabechji̧ ja̧boa̧mi̧ ja̧botämi̧ cjiarequede. Jibëa̧ ichira̧ pio ju̧ri̧ra̧ ja̧bo tänȩtädique —yo̧mȩrȩ ni̧bä chjaorëremȩdejȩrȩ jibëa̧ jadü ji̧ri̧ Jobo judi.
Currently Selected:
Jobo Ma̧ȩ 6: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
