Jobo Ma̧ȩ 40
40
Ji̧dë u̧i̧ iëno̧ë ta̧rërëremȩdejȩ Jobo ju̧i̧ Ütë tjamo̧ judi
1Ado Jeova judi ji̧dë u̧i̧ yo̧mȩrȩ yo̧a̧dejȩ Jobo ju̧i̧:
2—Danȩ Jobo, a̧dë chjäte ju Chiamȩ pio ju̧i̧ ütarami̧ dari̧ japarenȩque. ¿Jabo tjana̧ ju̧i̧iä ütarami̧ dari̧ japatämi̧ cjiarenȩque? 'Jabechji̧ oëra̧ japea̧dida, Ütë tjamo̧ judi chjadëri̧ japadëa̧dicoada' quëna̧mȩrȩ jo̧rȩtarenȩque. Ado pio ju̧i̧iä pio coa nö̧ta dëbë ni̧bätami̧ dari̧ japea̧renȩque. Ado mȩnȩ ja̧di dari̧ japea̧ oaiä, jabechji̧ chjadëri̧ dëbë yo̧tä earequedemȩ yaba̧. Jabechji̧, cüdë mȩa iëno̧ë ta̧rëa̧ pio ju̧i̧ chjadëri̧ dëbë yo̧tä earequedemȩ —yo̧a̧dejȩ Jobo ju̧i̧ Jeova judi.
3Jabo Jobo judi ana̧ tjamo̧ri̧ jo̧rȩtamȩrȩ dëbë yo̧a̧dejȩ Jeova ju̧i̧iäpȩmo̧:
4—Jabo cjäri̧ marequede Jeova. Oëra̧ yo̧a̧requede. Jo̧rȩtarea̧ chiadëmȩmi̧ darë yo̧a̧requedemȩ japëtaramȩmi̧ darë. Pio ju̧i̧iä jabechji̧, cjiadiäa̧requede. Mȩnȩ coa iëno̧ iëno̧ cjia̧ pio ju̧i̧ dëbë yo̧rea̧mi̧dërequedemȩ. 5Jabechji̧ a̧dë chjäte ni̧bäa̧requede cjapiri̧ cjiatärea̧ ji̧. Pio ju̧i̧iä jabechji̧, cjiadiäa̧requede ado judiri yo̧rea̧ decjiari̧.
Ado Ütë tjamo̧ judi cjiadiädëmȩrȩ ado chjereno̧ iëno̧ iëno̧ cjiarëremȩdejȩ Jobo ju̧i̧
6Ja̧dëa ji̧ Jeova judi, mai̧ dari̧ purpuripamȩ ja̧ tjori pio judiri ni̧bämȩrȩ ado yo̧a̧dejȩ Jobo pio ju̧i̧iäpȩmo̧. Ja̧di ta̧rëri̧ yo̧mȩrȩ yo̧a̧dejȩ:
7—Danȩ, chjadëri̧ jëdano̧vä pio coaiäpȩmo̧ dëbë yo̧pea̧ oa. Coëma cjiari̧ cjitëno̧vä. Chjadëri̧ dëbëpe chjaomi̧ dari̧ japapea̧ oa cjiavä. Jabechji̧ cüdë pio mȩaiäpȩmo̧ iëno̧ iëno̧ cjia̧ pio ju̧i̧ chjadëri̧ dëbë yo̧tä earequedemȩ cuchu chiadëri̧. 8Danȩ, ¿yö̧ta jo̧rȩtarenȩ mȩnȩ? 'Aja̧, Ütë tjamo̧ judi oëra̧ japamȩdida, coëma cjiari̧ japadëmȩdida' ¿quëna̧ jo̧rȩtadënȩ? 'Aja̧, Ütë tjamo̧ judi oëra̧ japamȩdida, jabo cüdë, jabechji̧ tjamo̧i̧ cjiari̧ japamȩquëda ¿quëna̧ jo̧rȩtadënȩ? 9¿Pio cüdëmi̧ dari̧ cjiadënȩ? Pio cüdëmi̧ dari̧ a̧dë chjäte ju chiamȩ ¿pio judidënȩ? Ado pio cüdëmi̧ dari̧ dörö eami̧ ta̧rëri̧ ¿ni̧bärea̧ chiadënȩ? 10Danȩ, mȩnȩ pio cüdëmi̧ dari̧ cjiarä judi, jabechji̧ a̧dë chjäte ütëmȩrȩ cjiavä. Pumȩ ütëbodärärë pio mȩaiäpȩmo̧ ba chia jo̧rȩtarea̧mi̧ dari̧ cjiavä. Mȩnȩ pio cüdëmi̧ dari̧ cjiarä judi, jabechji̧ a̧dë chjäte tatarea̧ra̧ pio ju̧ri̧ra̧ ina̧ oa cjiavä chjacjiamȩ tjamo̧pe järea̧mi̧ dari̧. 11Danȩ, mȩnȩ pio cüdëmi̧ dari̧ cjiarä judi, jabechji̧ bape chjaojȩrȩ o ji̧ri̧iäpȩmo̧ ba chiadëri̧ cjiaji̧ri̧ pio ji̧ri̧iäpȩmo̧. Aja̧, jibëa̧ chji̧rämo̧ jo̧rȩtataji̧ri̧ pio ji̧ri̧iäpȩmo̧ acji cjatä tänȩjȩrȩ na̧ ërecjia̧ pio ju̧i̧, judiro̧ coëma cjiari̧ jo̧rȩtapea̧ oa, judiro̧ ji̧dë ma 'ba chiaquëda' quëna̧dëpe järea̧mi̧ dari̧.
Aja̧, ja̧di ta̧rëri̧ iëno̧ iëno̧ cjiamȩrȩ ni̧bärëremȩdejȩ Jobo pio ju̧i̧iäpȩmo̧ Jeova judi ana̧ tjamo̧ri̧ jo̧rȩta tänȩpea̧ oa.
Currently Selected:
Jobo Ma̧ȩ 40: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
Jobo Ma̧ȩ 40
40
Ji̧dë u̧i̧ iëno̧ë ta̧rërëremȩdejȩ Jobo ju̧i̧ Ütë tjamo̧ judi
1Ado Jeova judi ji̧dë u̧i̧ yo̧mȩrȩ yo̧a̧dejȩ Jobo ju̧i̧:
2—Danȩ Jobo, a̧dë chjäte ju Chiamȩ pio ju̧i̧ ütarami̧ dari̧ japarenȩque. ¿Jabo tjana̧ ju̧i̧iä ütarami̧ dari̧ japatämi̧ cjiarenȩque? 'Jabechji̧ oëra̧ japea̧dida, Ütë tjamo̧ judi chjadëri̧ japadëa̧dicoada' quëna̧mȩrȩ jo̧rȩtarenȩque. Ado pio ju̧i̧iä pio coa nö̧ta dëbë ni̧bätami̧ dari̧ japea̧renȩque. Ado mȩnȩ ja̧di dari̧ japea̧ oaiä, jabechji̧ chjadëri̧ dëbë yo̧tä earequedemȩ yaba̧. Jabechji̧, cüdë mȩa iëno̧ë ta̧rëa̧ pio ju̧i̧ chjadëri̧ dëbë yo̧tä earequedemȩ —yo̧a̧dejȩ Jobo ju̧i̧ Jeova judi.
3Jabo Jobo judi ana̧ tjamo̧ri̧ jo̧rȩtamȩrȩ dëbë yo̧a̧dejȩ Jeova ju̧i̧iäpȩmo̧:
4—Jabo cjäri̧ marequede Jeova. Oëra̧ yo̧a̧requede. Jo̧rȩtarea̧ chiadëmȩmi̧ darë yo̧a̧requedemȩ japëtaramȩmi̧ darë. Pio ju̧i̧iä jabechji̧, cjiadiäa̧requede. Mȩnȩ coa iëno̧ iëno̧ cjia̧ pio ju̧i̧ dëbë yo̧rea̧mi̧dërequedemȩ. 5Jabechji̧ a̧dë chjäte ni̧bäa̧requede cjapiri̧ cjiatärea̧ ji̧. Pio ju̧i̧iä jabechji̧, cjiadiäa̧requede ado judiri yo̧rea̧ decjiari̧.
Ado Ütë tjamo̧ judi cjiadiädëmȩrȩ ado chjereno̧ iëno̧ iëno̧ cjiarëremȩdejȩ Jobo ju̧i̧
6Ja̧dëa ji̧ Jeova judi, mai̧ dari̧ purpuripamȩ ja̧ tjori pio judiri ni̧bämȩrȩ ado yo̧a̧dejȩ Jobo pio ju̧i̧iäpȩmo̧. Ja̧di ta̧rëri̧ yo̧mȩrȩ yo̧a̧dejȩ:
7—Danȩ, chjadëri̧ jëdano̧vä pio coaiäpȩmo̧ dëbë yo̧pea̧ oa. Coëma cjiari̧ cjitëno̧vä. Chjadëri̧ dëbëpe chjaomi̧ dari̧ japapea̧ oa cjiavä. Jabechji̧ cüdë pio mȩaiäpȩmo̧ iëno̧ iëno̧ cjia̧ pio ju̧i̧ chjadëri̧ dëbë yo̧tä earequedemȩ cuchu chiadëri̧. 8Danȩ, ¿yö̧ta jo̧rȩtarenȩ mȩnȩ? 'Aja̧, Ütë tjamo̧ judi oëra̧ japamȩdida, coëma cjiari̧ japadëmȩdida' ¿quëna̧ jo̧rȩtadënȩ? 'Aja̧, Ütë tjamo̧ judi oëra̧ japamȩdida, jabo cüdë, jabechji̧ tjamo̧i̧ cjiari̧ japamȩquëda ¿quëna̧ jo̧rȩtadënȩ? 9¿Pio cüdëmi̧ dari̧ cjiadënȩ? Pio cüdëmi̧ dari̧ a̧dë chjäte ju chiamȩ ¿pio judidënȩ? Ado pio cüdëmi̧ dari̧ dörö eami̧ ta̧rëri̧ ¿ni̧bärea̧ chiadënȩ? 10Danȩ, mȩnȩ pio cüdëmi̧ dari̧ cjiarä judi, jabechji̧ a̧dë chjäte ütëmȩrȩ cjiavä. Pumȩ ütëbodärärë pio mȩaiäpȩmo̧ ba chia jo̧rȩtarea̧mi̧ dari̧ cjiavä. Mȩnȩ pio cüdëmi̧ dari̧ cjiarä judi, jabechji̧ a̧dë chjäte tatarea̧ra̧ pio ju̧ri̧ra̧ ina̧ oa cjiavä chjacjiamȩ tjamo̧pe järea̧mi̧ dari̧. 11Danȩ, mȩnȩ pio cüdëmi̧ dari̧ cjiarä judi, jabechji̧ bape chjaojȩrȩ o ji̧ri̧iäpȩmo̧ ba chiadëri̧ cjiaji̧ri̧ pio ji̧ri̧iäpȩmo̧. Aja̧, jibëa̧ chji̧rämo̧ jo̧rȩtataji̧ri̧ pio ji̧ri̧iäpȩmo̧ acji cjatä tänȩjȩrȩ na̧ ërecjia̧ pio ju̧i̧, judiro̧ coëma cjiari̧ jo̧rȩtapea̧ oa, judiro̧ ji̧dë ma 'ba chiaquëda' quëna̧dëpe järea̧mi̧ dari̧.
Aja̧, ja̧di ta̧rëri̧ iëno̧ iëno̧ cjiamȩrȩ ni̧bärëremȩdejȩ Jobo pio ju̧i̧iäpȩmo̧ Jeova judi ana̧ tjamo̧ri̧ jo̧rȩta tänȩpea̧ oa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved