Jobo Ma̧ȩ 3
3
Arayi̧ jini̧ pio jȩa ararërea̧ do pio ju̧i̧ chjiari ni̧bärëremȩdejȩ Ütë tjamo̧ ju̧i̧iäpȩmo̧ Jobo judi
1Japamitë ana̧ chjätä ëte, 7 do nö̧ta cjapi maeari̧ cjia ëte, Jobo pio judi ni̧bärëremȩdejȩ Ütë tjamo̧ pio ju̧i̧iäpȩmo̧, jënȩ chjai̧dëri̧ chjätäa̧ pio ju̧i̧ chjiari, jȩa ararërea̧ do pio ju̧i̧ chjiari. 2Ja̧di ta̧rëri̧ yo̧mȩrȩ yo̧rëremȩdejȩ:
3—Danȩ ca̧ Ütë, na̧ ërecjia̧ üdë acji cjatämi̧ dari̧ yuropatädejȩ coa ararërea̧ do pio ju̧i̧ —yo̧a̧dejȩ—. Jabechji̧ cüdë nö̧ria̧ oa cjiarërea̧ do pio ju̧i̧iäpȩmo̧ acji cjatämi̧ dari̧ japatädejȩ. 4Jabechji̧ pio jiro doremȩ üdë cjitëdëa̧täremȩde. Bagönȩ maearë cjiadiäa̧täremȩde. Jabechji̧ pio mȩnȩ ca̧ Ütë, bucho ana̧ a̧dë jo̧rȩtatäremȩrenȩjo̧ȩ pio jiro do oa —yo̧a̧dejȩ—. 5Uapai̧ dari̧ cjiamȩ bagönȩ üdë acji cjatämi̧ dari̧ ina̧tädejȩ pio jiro doremȩ pio ju̧i̧. Go̧a̧ra̧ ca̧ra̧ tjamo̧ oaiä tutia̧mi̧ dari̧ cjiatädejȩ coa ararërea̧ do oa, da mirerea̧mi̧dëri̧ —yo̧a̧dejȩ—. 6Aja̧ ca̧ Ütë, jabechji̧ pio coa ararërea̧ do pio ju̧i̧ duridëparȩmi̧ dari̧ japatä earequedemȩ ütararea̧mi̧dëri̧ cjiapea̧ oa bucho ana̧. Jabechji̧ mai̧ da bagönȩrea̧ üdë, bagönȩrea̧ itumi̧ da üdë acji mitëmi̧ dari̧ japatädejȩ cjiadiärea̧mi̧dëri̧. 7Jabechji̧ pio jiro gȩnȩrä, ara̧ oa cjiadë matäremȩde boi̧chji̧ üdë. Boi̧chji̧rȩ ara̧ oa cjia̧ oaiä ma̧ chiadëri̧ cjiape bagarea̧ decjiatäremȩde —yo̧a̧dejȩ—. 10Aja̧, gȩnȩrä ara̧ oa cjiarëremȩrequede jabo pio jiro gȩnȩ üdë, jabechji̧ aeno̧a̧ oa cjiami̧ dari̧ cjiatäde. Jabechji̧ cüdë pio jiro doro ararërea̧ oaiä, a̧dë chjäte chjai̧dëri̧ chjätärequede yaba̧. 11Tjamo̧ davä ca̧ Ütë, u̧i̧ ja̧ macö jo̧ërä ja̧boa̧täremȩrequede. Ado ja̧di dari̧ ja̧bodëa̧rä judi, jabechji̧ ara duri oa chjaodëri̧ ja̧boa̧täremȩrequede —yo̧a̧dejȩ—. 12Danȩ, ¿tjana̧ ju̧i̧iä idarëreyi̧ni̧que coa arayi̧ jini̧? ¿Tjana̧ ju̧i̧iä chuchu yürürëreyi̧ni̧que? 13Chja ja̧di daburo aeno̧a̧täreyi̧ni̧que cüdë ja̧bopea̧ oa. Ado ja̧boa̧rä judi, jabechji̧ chjadëtäremȩde yaba̧ —yo̧a̧dejȩ—. Gito tjamo̧ri̧ taradëtäremȩrequede cüdë ja̧boa̧rä judi. 24Jabo jabërequede. Jabë cjo̧ro̧requede. Ado cüdë a a ma cjiari̧ ejaro cjiarea̧ üdë, cüdë ëna̧die ëna̧dië ejaro cjiarea̧ üdë, jabechji̧ ca̧ jurarea̧mi̧ dade. Tjamo̧ davä. Ji̧dë ma tode tode cjiari̧ cjiarequede a a ma cjiamȩrȩ. 25Cüdë uaparërea̧ üdë acji jana̧mi̧ dari̧ jana̧dique. 26Ado pio ju̧i̧iä ma̧ chjupi̧ cjiari̧ jo̧rȩtarea̧ dadërequede. Järätä chjapami̧ dari̧ cjiarea̧ dadërequede. Jabechji̧ ma̧i̧ da chjai̧dë pio judimo̧rȩ jana̧diä jana̧diä cjiami̧ dari̧ acji jana̧dique chjadëpe järea̧mi̧dëri̧ —yo̧mȩrȩ yo̧rëremȩdejȩ Ütë tjamo̧ ju̧i̧iäpȩmo̧ Jobo judi, jënȩ ararërea̧ do pio ju̧i̧ chjiari.
Currently Selected:
Jobo Ma̧ȩ 3: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
Jobo Ma̧ȩ 3
3
Arayi̧ jini̧ pio jȩa ararërea̧ do pio ju̧i̧ chjiari ni̧bärëremȩdejȩ Ütë tjamo̧ ju̧i̧iäpȩmo̧ Jobo judi
1Japamitë ana̧ chjätä ëte, 7 do nö̧ta cjapi maeari̧ cjia ëte, Jobo pio judi ni̧bärëremȩdejȩ Ütë tjamo̧ pio ju̧i̧iäpȩmo̧, jënȩ chjai̧dëri̧ chjätäa̧ pio ju̧i̧ chjiari, jȩa ararërea̧ do pio ju̧i̧ chjiari. 2Ja̧di ta̧rëri̧ yo̧mȩrȩ yo̧rëremȩdejȩ:
3—Danȩ ca̧ Ütë, na̧ ërecjia̧ üdë acji cjatämi̧ dari̧ yuropatädejȩ coa ararërea̧ do pio ju̧i̧ —yo̧a̧dejȩ—. Jabechji̧ cüdë nö̧ria̧ oa cjiarërea̧ do pio ju̧i̧iäpȩmo̧ acji cjatämi̧ dari̧ japatädejȩ. 4Jabechji̧ pio jiro doremȩ üdë cjitëdëa̧täremȩde. Bagönȩ maearë cjiadiäa̧täremȩde. Jabechji̧ pio mȩnȩ ca̧ Ütë, bucho ana̧ a̧dë jo̧rȩtatäremȩrenȩjo̧ȩ pio jiro do oa —yo̧a̧dejȩ—. 5Uapai̧ dari̧ cjiamȩ bagönȩ üdë acji cjatämi̧ dari̧ ina̧tädejȩ pio jiro doremȩ pio ju̧i̧. Go̧a̧ra̧ ca̧ra̧ tjamo̧ oaiä tutia̧mi̧ dari̧ cjiatädejȩ coa ararërea̧ do oa, da mirerea̧mi̧dëri̧ —yo̧a̧dejȩ—. 6Aja̧ ca̧ Ütë, jabechji̧ pio coa ararërea̧ do pio ju̧i̧ duridëparȩmi̧ dari̧ japatä earequedemȩ ütararea̧mi̧dëri̧ cjiapea̧ oa bucho ana̧. Jabechji̧ mai̧ da bagönȩrea̧ üdë, bagönȩrea̧ itumi̧ da üdë acji mitëmi̧ dari̧ japatädejȩ cjiadiärea̧mi̧dëri̧. 7Jabechji̧ pio jiro gȩnȩrä, ara̧ oa cjiadë matäremȩde boi̧chji̧ üdë. Boi̧chji̧rȩ ara̧ oa cjia̧ oaiä ma̧ chiadëri̧ cjiape bagarea̧ decjiatäremȩde —yo̧a̧dejȩ—. 10Aja̧, gȩnȩrä ara̧ oa cjiarëremȩrequede jabo pio jiro gȩnȩ üdë, jabechji̧ aeno̧a̧ oa cjiami̧ dari̧ cjiatäde. Jabechji̧ cüdë pio jiro doro ararërea̧ oaiä, a̧dë chjäte chjai̧dëri̧ chjätärequede yaba̧. 11Tjamo̧ davä ca̧ Ütë, u̧i̧ ja̧ macö jo̧ërä ja̧boa̧täremȩrequede. Ado ja̧di dari̧ ja̧bodëa̧rä judi, jabechji̧ ara duri oa chjaodëri̧ ja̧boa̧täremȩrequede —yo̧a̧dejȩ—. 12Danȩ, ¿tjana̧ ju̧i̧iä idarëreyi̧ni̧que coa arayi̧ jini̧? ¿Tjana̧ ju̧i̧iä chuchu yürürëreyi̧ni̧que? 13Chja ja̧di daburo aeno̧a̧täreyi̧ni̧que cüdë ja̧bopea̧ oa. Ado ja̧boa̧rä judi, jabechji̧ chjadëtäremȩde yaba̧ —yo̧a̧dejȩ—. Gito tjamo̧ri̧ taradëtäremȩrequede cüdë ja̧boa̧rä judi. 24Jabo jabërequede. Jabë cjo̧ro̧requede. Ado cüdë a a ma cjiari̧ ejaro cjiarea̧ üdë, cüdë ëna̧die ëna̧dië ejaro cjiarea̧ üdë, jabechji̧ ca̧ jurarea̧mi̧ dade. Tjamo̧ davä. Ji̧dë ma tode tode cjiari̧ cjiarequede a a ma cjiamȩrȩ. 25Cüdë uaparërea̧ üdë acji jana̧mi̧ dari̧ jana̧dique. 26Ado pio ju̧i̧iä ma̧ chjupi̧ cjiari̧ jo̧rȩtarea̧ dadërequede. Järätä chjapami̧ dari̧ cjiarea̧ dadërequede. Jabechji̧ ma̧i̧ da chjai̧dë pio judimo̧rȩ jana̧diä jana̧diä cjiami̧ dari̧ acji jana̧dique chjadëpe järea̧mi̧dëri̧ —yo̧mȩrȩ yo̧rëremȩdejȩ Ütë tjamo̧ ju̧i̧iäpȩmo̧ Jobo judi, jënȩ ararërea̧ do pio ju̧i̧ chjiari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved