Tjamo̧ cjo̧ro̧ji̧ri̧ pio ji̧ri̧ chjiari Ma̧ȩ 2
2
Jochue judi ja̧borëremȩde
6Ado Jochue pio judi chjadüa̧ oa baärëreji̧ri̧dirȩ icharaita judiro̧ pio jibëiäpȩmo̧ yürüa̧ chiri pio ju̧i̧ mitëpea̧ oa, jënȩro̧ cjo̧ro̧pea̧ chiri pio ju̧i̧ mitëpea̧ oa. 7Ado icharaita judiro̧ Jochue pio judi cjo̧ro̧a̧ nö̧ta, jabechji̧ Jeova ja̧ ma̧ȩrä cjo̧ro̧ marëreji̧ri̧dirȩ. Ado judi ja̧boa̧ duri oa ano̧ mire tjamo̧ yo̧ji̧ri̧ pio judiro̧ cjo̧ro̧a̧ nö̧ta, peaja̧di Jeova ja̧ ma̧ȩrä cjo̧ro̧ marëreji̧ri̧dirȩ. Aja̧, tjamo̧ yo̧ji̧ri̧ judiro̧, ütëti̧ pio judiro̧ jabë cjo̧ro̧a̧ nö̧ta, Ütë tjamo̧ judi pio jibë chjiari jauëchja cjiari̧ tuti jape chjaorërea̧ pio ju̧i̧ irä darëreji̧ri̧ ütëti̧ pio judiro̧ jabë cjo̧ro̧a̧ nö̧ta, jabechji̧ Jeova ja̧ ma̧ȩrä cjo̧ro̧rëreji̧ri̧dirȩ icharaita judiro̧.
8Jabo ja̧dëa ji̧ Jeova ja̧ mu̧i̧tjoi̧ üdë, Jochue pio judi, Nu quȩmȩ pio ju̧i̧ ja̧ joja pio judi ja̧borëremȩde. Aja̧, 110 ui goamȩrȩ ja̧borëremȩde. 9Ado na̧ra̧ oa cjiarëremȩde ya̧mi̧ chiamȩ chiriräpȩ, Epjarai̧ quȩmȩ chiriräpȩ. Aja̧, jënȩ mitëa̧ chiriräpȩ ju̧ri̧, Timina Chera quȩmȩräpȩ ju̧ri̧ na̧ra̧ oa cjiarëremȩde Ga quȩmȩ ya̧mi̧ dëbëräpȩ ju̧ri̧. 10Ado Jochue pio ju̧i̧ nö̧ta ëba cjo̧ro̧rëreji̧ri̧ judiro̧ japamitë ana̧ chjätä ëte, peaja̧di ja̧bo marëreji̧ri̧dirȩ. Jabo ja̧dëa ji̧ goëje ano̧ mire cjo̧ro̧ji̧ri̧ pio judiro̧ Jeova pio ju̧i̧ chjadëri̧ jo̧rȩtatärea̧ ji̧, pio jibë chjiari ana̧ri̧ tuti japarëremȩ pio ju̧i̧ chjadëri̧ jo̧rȩtatärea̧ ji̧, cjäri̧ madiro̧jo̧ȩ, jo̧rȩtadërëreji̧ri̧diro̧jo̧ȩ.
Icharaita judiro̧ ji̧dë ma jiadarëreji̧ri̧diro̧jo̧ȩ Jeova ju̧i̧
11Ado icharaita judiro̧ Jeova pio ju̧i̧iäpȩmo̧ chjai̧dëri̧ japarëreji̧ri̧diro̧jo̧ȩ, ma̧i̧ dari̧ japaji̧ri̧rȩ. Jabechji̧ pumȩrȩ jëdano̧a̧ ütë pio ji̧ri̧iäpȩmo̧ chjacjiamȩri̧ jo̧rȩtaji̧ri̧pea̧diro̧jȩrȩ teracaba ütë ji̧ra̧ oa, Baro quȩmȩ ütëmi̧ da ji̧ra̧ oa. 12Jeova pio ju̧i̧mo̧i̧ chjacjiamȩri̧ jo̧rȩtatärea̧ ji̧, jibëa̧ ütëti̧rea̧ pio ji̧ri̧ ja̧ Ütë pio ju̧i̧iäpȩmo̧ ma chjacjiamȩri̧ jo̧rȩtatärea̧ ji̧, cjäri̧ madiro̧jo̧ȩ, chjacjiamȩri̧ jo̧rȩtadëa̧diro̧jo̧ȩ. Tjamo̧ davä. Ejito chiriri pio judiri go̧dü tänȩrërea̧ Ütë pio ju̧i̧iäpȩmo̧ ma chacjiamȩri̧ jo̧rȩtatärea̧ ji̧, a̧dë jo̧rȩtaji̧ri̧pea̧diro̧jo̧ȩ. Ado teracaba ütë pio ju̧i̧ ano̧ mire jo̧rȩtaji̧ri̧pea̧diro̧jo̧ȩ, jibëa̧ yuroro cjo̧ro̧ji̧ri̧ pio ji̧ri̧ ja̧ ütë oa. Aja̧, pio jiro ütë teracaba oa chjacjiamȩri̧ jo̧rȩtaji̧ri̧rȩ, juchatura̧ tjätjäpë china̧däräji̧ri̧pea̧diro̧jo̧ȩ jibëa̧ daito oa daburäpȩ yuro. Ado judiro̧ ja̧di dari̧ japea̧ oaiä, jabechji̧ Jeova judi ërecjia tjamo̧pe bagarëremȩdejȩrȩ. 13Jabechji̧ judiro̧ ma̧i̧ dari̧ japaji̧ri̧rȩ Jeova pio ju̧i̧ putu jura̧ a̧dë jo̧rȩtaji̧ri̧pea̧diro̧jo̧ȩ. Pio ju̧i̧mo̧i̧ chjacjiamȩri̧ jo̧rȩtarërea̧ ji̧, pumȩrȩ jëdano̧a̧ ütë pio ji̧ri̧iäpȩmo̧ ano̧ mire jo̧rȩtaji̧ri̧pea̧diro̧jȩrȩ, Baro quȩmȩ ütëmi̧ da pio ji̧ri̧iäpȩmo̧. Ado Atarate quȩyi̧ ütë pio ji̧bo chjacjiamȩri̧ jo̧rȩtaji̧ri̧pea̧diro̧jȩ ji̧dëri̧. 14Ado pio ju̧i̧iä, dëdë, Jeova pio judi ërecjiape bagarëremȩdejȩrȩ. Ado ërecjiape bagamȩrȩ ana̧ri̧ bape chjaorëremȩdejȩrȩ. Jabechji̧ icharaita ja̧ üdë garüa̧ oa cjiadërërea̧ ji̧, chjadëri̧ jida̧ oa cjiarërea̧ ji̧, jabechji̧ ji̧dë ma garüa̧ oa cjiarëremȩde. Tjamo̧ davä. Garüriä tai̧ji̧ri̧ pio ji̧ri̧ baë mitërea̧ yürürëremȩdejȩrȩ Jeova judi. Aja̧, judiro̧ icharaita pio ji̧ri̧iä babui̧ra̧ baë mitërea̧ yürürëremȩdejȩrȩ. Ado pio ju̧i̧ uëri a̧de japamȩrȩ bape chjaorëremȩdejȩrȩ Jeoba judi. Jabechji̧ acji tai̧rea̧ yürürëremȩdejȩrȩ o ji̧ri̧. Tjamo̧ davä. Icharaita ji̧ri̧ eadëji̧ri̧ pio ji̧ri̧iäpȩmo̧ acji tai̧rea̧ yürürëremȩdejȩrȩ, ji̧ri̧ ja̧ yuroro cjo̧ro̧ji̧ri̧ pumȩ pio ji̧ri̧iäpȩmo̧. Jabechji̧ judiro̧ pio jȩaiäpȩmo̧ jiade ta̧rëa̧ oaiä, jabechji̧ icharaita pio ji̧ri̧ boadärärea̧ yürürëremȩdejȩrȩ jibë eadëji̧ri̧ pio ji̧ri̧iäpȩmo̧. Ado Jeova judi jibëa̧ pumȩ pio ji̧ri̧ chjiari tuti japarërea̧ ji̧, jabechji̧ tuti japadëa̧de. Ado pio ju̧i̧iä icharaita judiro̧ eami̧ oa japarea̧ dadëa̧dirȩ. Jabechji̧ judiro̧ japatärea̧ ji̧, goae tarari̧ dëbëpe chjaotärea̧ ji̧, cjäri̧ madiro̧jȩrȩ, japarea̧ dadëa̧diro̧jȩrȩ. 15Jabechji̧ judiro̧ ba dëbë acji tai̧a̧mi̧ nö̧ta, Jeova judi dëbëpe chjaomi̧ dari̧ japarëremȩdejȩrȩ. Ji̧ri̧ eadëji̧ri̧ pio ji̧ri̧ pearä boadärärea̧ yürürërea̧mi̧ yürüdëa̧dejȩrȩ. Jabechji̧ jibë eadëji̧ri̧ pio ji̧ri̧ ano̧ mire a̧dorërëmȩdejȩrȩ. Peaja̧di ta̧rëri̧ yo̧rëremȩdejȩrȩ, jënȩ pearä yo̧ë cji̧därërea̧ ji̧. “Ca̧ ma̧ȩrä cjo̧ro̧dërä judi, pio dibë dëbëpe chjaomi̧ dari̧ japaparequededibe” yo̧rëremȩdejȩrȩ pearä judi. Pio ju̧i̧iä jabechji̧, jibë eadëji̧ri̧ pio ji̧ri̧ boadärärea̧ dadëa̧diro̧jȩrȩ. Ado boadärärea̧ dadëa̧ oaiä, jabechji̧ ana̧ tjamo̧ri̧ jo̧rȩtarëreji̧ri̧dirȩ.
16Ja̧dëa ji̧ Jeova judi mitërëremȩdejȩrȩ go̧dü tänȩji̧ri̧ pio ji̧ri̧. Aja̧, icharaita pio ji̧ri̧ chjadëri̧ a̧dopea̧ oa, pio ji̧ri̧ ja̧ yaboi̧ ëba baämi̧ dari̧ japapea̧ oa, mitërëremȩdejȩrȩ. Tjamo̧ davä. O judiro̧ pio jibëiä ji̧dë ma baë garüchea oa, o judiro̧ pio jibëiäpȩmo̧ ji̧dë ma acji jana̧chea oa, jabechji̧ mitërëremȩdejȩrȩ icharaita judiro̧ chjadëri̧ go̧dürea̧ dapea̧ oa, judiro̧ chjadëri̧ cjo̧ro̧rea̧ dapea̧ oa. 17Jabo cjäri̧ madiro̧jȩrȩ, icharaita judiro̧ pio jiro pumȩ pio ji̧ri̧ ta̧rë ja̧bodëa̧diro̧jȩrȩ. Judiro̧ jibëa̧ ütëti̧rea̧ pio ji̧ri̧ chjadëri̧ cho̧rë quëna̧tärea̧ ji̧, Ütë tjamo̧ ja̧ ma̧ȩrä cjo̧ro̧rëreji̧ri̧ pio ji̧ri̧ chjadëri̧ cho̧rëdiätärea̧ ji̧, cjäri̧ madiro̧jȩrȩ, cho̧rëdiädëa̧dejȩrȩ jabo teracaba ütë oa quëna̧ji̧ri̧pea̧dirȩ, pio ji̧ri̧iäpȩmo̧ ano̧ mire chjacjiamȩri̧ jo̧rȩtaji̧ri̧rȩ. 18Ado Jeova judi eami̧ go̧dü tänȩmȩ pio ju̧i̧ mitëa̧rä, jabechji̧ chjadëri̧ a̧dorëremȩdejȩ jënȩ cjo̧ro̧a̧ nö̧ta jibëa̧ pumȩ pio ji̧ri̧ chjiari chjadëri̧ tuti japapea̧ oa. Tjamo̧ davä. Jibëa̧ pumȩ pio ji̧ri̧ chjadëri̧ a̧dopea̧ oa, judiro̧ conȩda̧ oa cjiachea oa, pio jibë eadëji̧ri̧ pio ji̧ri̧ ja̧ chja̧oerä cjo̧ro̧chea oa, chjadëri̧ a̧dorëremȩdejȩ go̧dü tänȩmȩ pio ju̧i̧. Jabechji̧ cjäri̧ri̧ cjiamȩrȩ darëremȩdejȩrȩ icharaita ji̧ri̧ Jeova judi. Judiro̧ ji̧dë ma tode tode cjiami̧ dari̧ cjo̧ro̧a̧ oaiä, ji̧dë ma conȩda̧ oa cjia oaiä, jabechji̧ cjäri̧ri̧ cjiamȩrȩ darëremȩdejȩrȩ. Pio ju̧i̧iä a̧dorëremȩdejȩ icharaita pio ji̧ri̧ chjadëri̧ a̧dopea̧ oa. 19Jabo eami̧ go̧dü tänȩmȩ pio judi ja̧boa̧rä, cjäri̧ madirȩ, icharaita judiro̧ coëma cjiari̧ quëna̧tärea̧ ji̧, ado chjereno̧ chjai̧dë pio ju̧i̧ japaji̧ri̧pe bagarëreji̧ri̧dirȩ, jibëa̧ taru judiro̧ japarërea̧ pio ju̧i̧ u̧i̧ chjai̧dë oa jape cjiaji̧ri̧rȩ. Aja̧, teracaba ütë pio ji̧ri̧ ano̧ mire quëna̧ji̧ri̧pea̧diro̧jȩrȩ pio ji̧ri̧ ja̧ dëbëräpȩ ju chatura̧ cjiaji̧ri̧rȩ, pio ji̧ri̧ ja̧ oa ja̧bepaji̧ri̧rȩ. Judiro̧ chjuari̧ jiadadëtärea̧ ji̧, judiro̧ chjai̧dë pio ju̧i̧ putu jura̧ a̧dë chami̧ dari̧ japatärea̧ ji̧, cjäri̧ madirȩ, ji̧dë ma jiade ta̧rëji̧ri̧rȩ cjo̧ro̧rëreji̧ri̧dirȩ, chjai̧dë oa jiadarea̧ decjiari̧.
20Pio ju̧i̧iä ma̧ cjüëtüri̧ jo̧rȩtamȩrȩ ërecjiape bagarëremȩdejȩrȩ Jeova judi. Ado yo̧rëremȩde: “Pio jiro icharaita judiro̧ ta̧rëdiädë madiro̧coe. Cüdë jibëa̧ ütëti̧rea̧ pio ji̧ri̧iäpȩmo̧ yo̧ë cji̧därërea̧ ma̧ȩ pio ju̧i̧ ta̧rëdiätärea̧ ji̧, ta̧rëdiädë madiro̧coe. Chjuari̧ jiadatämi̧ cjiadiro̧coe. 21Pio ju̧i̧iä jabechji̧, go̧dü tänȩdëparequedejȩrȩ pio yoa chirirä pearä cjo̧ro̧rëreji̧ri̧ pio ji̧ri̧. Tjamo̧ davä. Baä tänȩtärea̧ ji̧, Jochue judi ja̧boa̧rä jabë baä tänȩdërërea̧ pumȩ pio ji̧ri̧ baä tänȩtärea̧ ji̧, jabechji̧ baä tänȩdëparequedejȩrȩ. 22Jabechji̧ pio ji̧ri̧iä chjadëri̧ ütararea̧ daparequedejȩrȩ icharaita ji̧ri̧. Pio ji̧ri̧iä chjadëri̧ ütarë daparequedejȩrȩ coa ta̧rëdiäpea̧ pio ju̧i̧ chjiari. 'Aja̧, ¿na̧pai̧rä yuro quëna̧padiro̧coada, yö̧ta dari̧ cjo̧ro̧padiro̧da, jibëa̧ ütëti̧ judiro̧ ta̧rëdiärërea̧mi̧ ta̧rëdiäpai̧ dadiro̧da, jabo peaja̧di jiadapai̧ dadiro̧coada, chjuari̧ jiadaji̧ri̧rȩ jiadapai̧ dadiro̧coada, Jochue judi baä tänȩdërërea̧ pumȩ pio ji̧ri̧ cho̧rëdiäpai̧ dadiro̧ji̧ri̧da, pio judiro̧ jo̧rȩtami̧ jo̧rȩtaji̧ri̧pe bagapai̧ dadiro̧da, jabechji̧ pio jiro pumȩ pio ji̧ri̧iä chjadëri̧ ütarë dapaquiji̧ri̧da' quëna̧ jo̧rȩtarequede" yo̧mȩrȩ yo̧rëremȩde Jeova judi icharaita pio ji̧ri̧ chjiari. 23Pio ju̧i̧iä Jeova judi, jabechji̧ Canaa̧räpȩ ju̧ri̧ cjo̧ro̧rea̧ yürürëremȩdejȩrȩ pio jiro pumȩ ji̧ri̧. Jochue pio ju̧i̧ baä tänȩrea̧ yürütärea̧ ji̧, jabechji̧ baä tänȩrea̧ yürüdërëremȩdejȩ. Ado Jeova judi, Jochuerë ja̧boa̧ duri oa baä tänȩtärea̧ ji̧, peaja̧di baä tänȩdërëremȩdejȩrȩ.
Currently Selected:
Tjamo̧ cjo̧ro̧ji̧ri̧ pio ji̧ri̧ chjiari Ma̧ȩ 2: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
Tjamo̧ cjo̧ro̧ji̧ri̧ pio ji̧ri̧ chjiari Ma̧ȩ 2
2
Jochue judi ja̧borëremȩde
6Ado Jochue pio judi chjadüa̧ oa baärëreji̧ri̧dirȩ icharaita judiro̧ pio jibëiäpȩmo̧ yürüa̧ chiri pio ju̧i̧ mitëpea̧ oa, jënȩro̧ cjo̧ro̧pea̧ chiri pio ju̧i̧ mitëpea̧ oa. 7Ado icharaita judiro̧ Jochue pio judi cjo̧ro̧a̧ nö̧ta, jabechji̧ Jeova ja̧ ma̧ȩrä cjo̧ro̧ marëreji̧ri̧dirȩ. Ado judi ja̧boa̧ duri oa ano̧ mire tjamo̧ yo̧ji̧ri̧ pio judiro̧ cjo̧ro̧a̧ nö̧ta, peaja̧di Jeova ja̧ ma̧ȩrä cjo̧ro̧ marëreji̧ri̧dirȩ. Aja̧, tjamo̧ yo̧ji̧ri̧ judiro̧, ütëti̧ pio judiro̧ jabë cjo̧ro̧a̧ nö̧ta, Ütë tjamo̧ judi pio jibë chjiari jauëchja cjiari̧ tuti jape chjaorërea̧ pio ju̧i̧ irä darëreji̧ri̧ ütëti̧ pio judiro̧ jabë cjo̧ro̧a̧ nö̧ta, jabechji̧ Jeova ja̧ ma̧ȩrä cjo̧ro̧rëreji̧ri̧dirȩ icharaita judiro̧.
8Jabo ja̧dëa ji̧ Jeova ja̧ mu̧i̧tjoi̧ üdë, Jochue pio judi, Nu quȩmȩ pio ju̧i̧ ja̧ joja pio judi ja̧borëremȩde. Aja̧, 110 ui goamȩrȩ ja̧borëremȩde. 9Ado na̧ra̧ oa cjiarëremȩde ya̧mi̧ chiamȩ chiriräpȩ, Epjarai̧ quȩmȩ chiriräpȩ. Aja̧, jënȩ mitëa̧ chiriräpȩ ju̧ri̧, Timina Chera quȩmȩräpȩ ju̧ri̧ na̧ra̧ oa cjiarëremȩde Ga quȩmȩ ya̧mi̧ dëbëräpȩ ju̧ri̧. 10Ado Jochue pio ju̧i̧ nö̧ta ëba cjo̧ro̧rëreji̧ri̧ judiro̧ japamitë ana̧ chjätä ëte, peaja̧di ja̧bo marëreji̧ri̧dirȩ. Jabo ja̧dëa ji̧ goëje ano̧ mire cjo̧ro̧ji̧ri̧ pio judiro̧ Jeova pio ju̧i̧ chjadëri̧ jo̧rȩtatärea̧ ji̧, pio jibë chjiari ana̧ri̧ tuti japarëremȩ pio ju̧i̧ chjadëri̧ jo̧rȩtatärea̧ ji̧, cjäri̧ madiro̧jo̧ȩ, jo̧rȩtadërëreji̧ri̧diro̧jo̧ȩ.
Icharaita judiro̧ ji̧dë ma jiadarëreji̧ri̧diro̧jo̧ȩ Jeova ju̧i̧
11Ado icharaita judiro̧ Jeova pio ju̧i̧iäpȩmo̧ chjai̧dëri̧ japarëreji̧ri̧diro̧jo̧ȩ, ma̧i̧ dari̧ japaji̧ri̧rȩ. Jabechji̧ pumȩrȩ jëdano̧a̧ ütë pio ji̧ri̧iäpȩmo̧ chjacjiamȩri̧ jo̧rȩtaji̧ri̧pea̧diro̧jȩrȩ teracaba ütë ji̧ra̧ oa, Baro quȩmȩ ütëmi̧ da ji̧ra̧ oa. 12Jeova pio ju̧i̧mo̧i̧ chjacjiamȩri̧ jo̧rȩtatärea̧ ji̧, jibëa̧ ütëti̧rea̧ pio ji̧ri̧ ja̧ Ütë pio ju̧i̧iäpȩmo̧ ma chjacjiamȩri̧ jo̧rȩtatärea̧ ji̧, cjäri̧ madiro̧jo̧ȩ, chjacjiamȩri̧ jo̧rȩtadëa̧diro̧jo̧ȩ. Tjamo̧ davä. Ejito chiriri pio judiri go̧dü tänȩrërea̧ Ütë pio ju̧i̧iäpȩmo̧ ma chacjiamȩri̧ jo̧rȩtatärea̧ ji̧, a̧dë jo̧rȩtaji̧ri̧pea̧diro̧jo̧ȩ. Ado teracaba ütë pio ju̧i̧ ano̧ mire jo̧rȩtaji̧ri̧pea̧diro̧jo̧ȩ, jibëa̧ yuroro cjo̧ro̧ji̧ri̧ pio ji̧ri̧ ja̧ ütë oa. Aja̧, pio jiro ütë teracaba oa chjacjiamȩri̧ jo̧rȩtaji̧ri̧rȩ, juchatura̧ tjätjäpë china̧däräji̧ri̧pea̧diro̧jo̧ȩ jibëa̧ daito oa daburäpȩ yuro. Ado judiro̧ ja̧di dari̧ japea̧ oaiä, jabechji̧ Jeova judi ërecjia tjamo̧pe bagarëremȩdejȩrȩ. 13Jabechji̧ judiro̧ ma̧i̧ dari̧ japaji̧ri̧rȩ Jeova pio ju̧i̧ putu jura̧ a̧dë jo̧rȩtaji̧ri̧pea̧diro̧jo̧ȩ. Pio ju̧i̧mo̧i̧ chjacjiamȩri̧ jo̧rȩtarërea̧ ji̧, pumȩrȩ jëdano̧a̧ ütë pio ji̧ri̧iäpȩmo̧ ano̧ mire jo̧rȩtaji̧ri̧pea̧diro̧jȩrȩ, Baro quȩmȩ ütëmi̧ da pio ji̧ri̧iäpȩmo̧. Ado Atarate quȩyi̧ ütë pio ji̧bo chjacjiamȩri̧ jo̧rȩtaji̧ri̧pea̧diro̧jȩ ji̧dëri̧. 14Ado pio ju̧i̧iä, dëdë, Jeova pio judi ërecjiape bagarëremȩdejȩrȩ. Ado ërecjiape bagamȩrȩ ana̧ri̧ bape chjaorëremȩdejȩrȩ. Jabechji̧ icharaita ja̧ üdë garüa̧ oa cjiadërërea̧ ji̧, chjadëri̧ jida̧ oa cjiarërea̧ ji̧, jabechji̧ ji̧dë ma garüa̧ oa cjiarëremȩde. Tjamo̧ davä. Garüriä tai̧ji̧ri̧ pio ji̧ri̧ baë mitërea̧ yürürëremȩdejȩrȩ Jeova judi. Aja̧, judiro̧ icharaita pio ji̧ri̧iä babui̧ra̧ baë mitërea̧ yürürëremȩdejȩrȩ. Ado pio ju̧i̧ uëri a̧de japamȩrȩ bape chjaorëremȩdejȩrȩ Jeoba judi. Jabechji̧ acji tai̧rea̧ yürürëremȩdejȩrȩ o ji̧ri̧. Tjamo̧ davä. Icharaita ji̧ri̧ eadëji̧ri̧ pio ji̧ri̧iäpȩmo̧ acji tai̧rea̧ yürürëremȩdejȩrȩ, ji̧ri̧ ja̧ yuroro cjo̧ro̧ji̧ri̧ pumȩ pio ji̧ri̧iäpȩmo̧. Jabechji̧ judiro̧ pio jȩaiäpȩmo̧ jiade ta̧rëa̧ oaiä, jabechji̧ icharaita pio ji̧ri̧ boadärärea̧ yürürëremȩdejȩrȩ jibë eadëji̧ri̧ pio ji̧ri̧iäpȩmo̧. Ado Jeova judi jibëa̧ pumȩ pio ji̧ri̧ chjiari tuti japarërea̧ ji̧, jabechji̧ tuti japadëa̧de. Ado pio ju̧i̧iä icharaita judiro̧ eami̧ oa japarea̧ dadëa̧dirȩ. Jabechji̧ judiro̧ japatärea̧ ji̧, goae tarari̧ dëbëpe chjaotärea̧ ji̧, cjäri̧ madiro̧jȩrȩ, japarea̧ dadëa̧diro̧jȩrȩ. 15Jabechji̧ judiro̧ ba dëbë acji tai̧a̧mi̧ nö̧ta, Jeova judi dëbëpe chjaomi̧ dari̧ japarëremȩdejȩrȩ. Ji̧ri̧ eadëji̧ri̧ pio ji̧ri̧ pearä boadärärea̧ yürürërea̧mi̧ yürüdëa̧dejȩrȩ. Jabechji̧ jibë eadëji̧ri̧ pio ji̧ri̧ ano̧ mire a̧dorërëmȩdejȩrȩ. Peaja̧di ta̧rëri̧ yo̧rëremȩdejȩrȩ, jënȩ pearä yo̧ë cji̧därërea̧ ji̧. “Ca̧ ma̧ȩrä cjo̧ro̧dërä judi, pio dibë dëbëpe chjaomi̧ dari̧ japaparequededibe” yo̧rëremȩdejȩrȩ pearä judi. Pio ju̧i̧iä jabechji̧, jibë eadëji̧ri̧ pio ji̧ri̧ boadärärea̧ dadëa̧diro̧jȩrȩ. Ado boadärärea̧ dadëa̧ oaiä, jabechji̧ ana̧ tjamo̧ri̧ jo̧rȩtarëreji̧ri̧dirȩ.
16Ja̧dëa ji̧ Jeova judi mitërëremȩdejȩrȩ go̧dü tänȩji̧ri̧ pio ji̧ri̧. Aja̧, icharaita pio ji̧ri̧ chjadëri̧ a̧dopea̧ oa, pio ji̧ri̧ ja̧ yaboi̧ ëba baämi̧ dari̧ japapea̧ oa, mitërëremȩdejȩrȩ. Tjamo̧ davä. O judiro̧ pio jibëiä ji̧dë ma baë garüchea oa, o judiro̧ pio jibëiäpȩmo̧ ji̧dë ma acji jana̧chea oa, jabechji̧ mitërëremȩdejȩrȩ icharaita judiro̧ chjadëri̧ go̧dürea̧ dapea̧ oa, judiro̧ chjadëri̧ cjo̧ro̧rea̧ dapea̧ oa. 17Jabo cjäri̧ madiro̧jȩrȩ, icharaita judiro̧ pio jiro pumȩ pio ji̧ri̧ ta̧rë ja̧bodëa̧diro̧jȩrȩ. Judiro̧ jibëa̧ ütëti̧rea̧ pio ji̧ri̧ chjadëri̧ cho̧rë quëna̧tärea̧ ji̧, Ütë tjamo̧ ja̧ ma̧ȩrä cjo̧ro̧rëreji̧ri̧ pio ji̧ri̧ chjadëri̧ cho̧rëdiätärea̧ ji̧, cjäri̧ madiro̧jȩrȩ, cho̧rëdiädëa̧dejȩrȩ jabo teracaba ütë oa quëna̧ji̧ri̧pea̧dirȩ, pio ji̧ri̧iäpȩmo̧ ano̧ mire chjacjiamȩri̧ jo̧rȩtaji̧ri̧rȩ. 18Ado Jeova judi eami̧ go̧dü tänȩmȩ pio ju̧i̧ mitëa̧rä, jabechji̧ chjadëri̧ a̧dorëremȩdejȩ jënȩ cjo̧ro̧a̧ nö̧ta jibëa̧ pumȩ pio ji̧ri̧ chjiari chjadëri̧ tuti japapea̧ oa. Tjamo̧ davä. Jibëa̧ pumȩ pio ji̧ri̧ chjadëri̧ a̧dopea̧ oa, judiro̧ conȩda̧ oa cjiachea oa, pio jibë eadëji̧ri̧ pio ji̧ri̧ ja̧ chja̧oerä cjo̧ro̧chea oa, chjadëri̧ a̧dorëremȩdejȩ go̧dü tänȩmȩ pio ju̧i̧. Jabechji̧ cjäri̧ri̧ cjiamȩrȩ darëremȩdejȩrȩ icharaita ji̧ri̧ Jeova judi. Judiro̧ ji̧dë ma tode tode cjiami̧ dari̧ cjo̧ro̧a̧ oaiä, ji̧dë ma conȩda̧ oa cjia oaiä, jabechji̧ cjäri̧ri̧ cjiamȩrȩ darëremȩdejȩrȩ. Pio ju̧i̧iä a̧dorëremȩdejȩ icharaita pio ji̧ri̧ chjadëri̧ a̧dopea̧ oa. 19Jabo eami̧ go̧dü tänȩmȩ pio judi ja̧boa̧rä, cjäri̧ madirȩ, icharaita judiro̧ coëma cjiari̧ quëna̧tärea̧ ji̧, ado chjereno̧ chjai̧dë pio ju̧i̧ japaji̧ri̧pe bagarëreji̧ri̧dirȩ, jibëa̧ taru judiro̧ japarërea̧ pio ju̧i̧ u̧i̧ chjai̧dë oa jape cjiaji̧ri̧rȩ. Aja̧, teracaba ütë pio ji̧ri̧ ano̧ mire quëna̧ji̧ri̧pea̧diro̧jȩrȩ pio ji̧ri̧ ja̧ dëbëräpȩ ju chatura̧ cjiaji̧ri̧rȩ, pio ji̧ri̧ ja̧ oa ja̧bepaji̧ri̧rȩ. Judiro̧ chjuari̧ jiadadëtärea̧ ji̧, judiro̧ chjai̧dë pio ju̧i̧ putu jura̧ a̧dë chami̧ dari̧ japatärea̧ ji̧, cjäri̧ madirȩ, ji̧dë ma jiade ta̧rëji̧ri̧rȩ cjo̧ro̧rëreji̧ri̧dirȩ, chjai̧dë oa jiadarea̧ decjiari̧.
20Pio ju̧i̧iä ma̧ cjüëtüri̧ jo̧rȩtamȩrȩ ërecjiape bagarëremȩdejȩrȩ Jeova judi. Ado yo̧rëremȩde: “Pio jiro icharaita judiro̧ ta̧rëdiädë madiro̧coe. Cüdë jibëa̧ ütëti̧rea̧ pio ji̧ri̧iäpȩmo̧ yo̧ë cji̧därërea̧ ma̧ȩ pio ju̧i̧ ta̧rëdiätärea̧ ji̧, ta̧rëdiädë madiro̧coe. Chjuari̧ jiadatämi̧ cjiadiro̧coe. 21Pio ju̧i̧iä jabechji̧, go̧dü tänȩdëparequedejȩrȩ pio yoa chirirä pearä cjo̧ro̧rëreji̧ri̧ pio ji̧ri̧. Tjamo̧ davä. Baä tänȩtärea̧ ji̧, Jochue judi ja̧boa̧rä jabë baä tänȩdërërea̧ pumȩ pio ji̧ri̧ baä tänȩtärea̧ ji̧, jabechji̧ baä tänȩdëparequedejȩrȩ. 22Jabechji̧ pio ji̧ri̧iä chjadëri̧ ütararea̧ daparequedejȩrȩ icharaita ji̧ri̧. Pio ji̧ri̧iä chjadëri̧ ütarë daparequedejȩrȩ coa ta̧rëdiäpea̧ pio ju̧i̧ chjiari. 'Aja̧, ¿na̧pai̧rä yuro quëna̧padiro̧coada, yö̧ta dari̧ cjo̧ro̧padiro̧da, jibëa̧ ütëti̧ judiro̧ ta̧rëdiärërea̧mi̧ ta̧rëdiäpai̧ dadiro̧da, jabo peaja̧di jiadapai̧ dadiro̧coada, chjuari̧ jiadaji̧ri̧rȩ jiadapai̧ dadiro̧coada, Jochue judi baä tänȩdërërea̧ pumȩ pio ji̧ri̧ cho̧rëdiäpai̧ dadiro̧ji̧ri̧da, pio judiro̧ jo̧rȩtami̧ jo̧rȩtaji̧ri̧pe bagapai̧ dadiro̧da, jabechji̧ pio jiro pumȩ pio ji̧ri̧iä chjadëri̧ ütarë dapaquiji̧ri̧da' quëna̧ jo̧rȩtarequede" yo̧mȩrȩ yo̧rëremȩde Jeova judi icharaita pio ji̧ri̧ chjiari. 23Pio ju̧i̧iä Jeova judi, jabechji̧ Canaa̧räpȩ ju̧ri̧ cjo̧ro̧rea̧ yürürëremȩdejȩrȩ pio jiro pumȩ ji̧ri̧. Jochue pio ju̧i̧ baä tänȩrea̧ yürütärea̧ ji̧, jabechji̧ baä tänȩrea̧ yürüdërëremȩdejȩ. Ado Jeova judi, Jochuerë ja̧boa̧ duri oa baä tänȩtärea̧ ji̧, peaja̧di baä tänȩdërëremȩdejȩrȩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved