Ichaia 52

Jeova judi chjadüpea̧ mu̧i̧tjoi̧ pio judi ana̧ri̧ conȩda̧ oa cjiapea̧ pio ju̧i̧ chjiari jabërä go̧ȩpea̧ oa cjiarëremȩde ma̧ȩ üdë

13Danȩrȩ, ja̧di ta̧rëri̧ yo̧diibe Jeova judi Icharai pio judiri ja̧ji̧ri̧ pio ji̧ri̧iäpȩmo̧: “Aja̧, ca̧ mu̧i̧tjoi̧ pio judi chjadëri̧ ja̧bepapade pio cüdë yo̧a̧mi̧. Ado judi ja̧bepapea̧ üdë jabechji̧ chjadëri̧ cjiadiäpade. Pio ju̧i̧iä a̧dë chjäte ba chia dapadiro̧jo̧ȩ ütëborë. Ado a̧dë chjäte ba chia tjamo̧räpȩ chadärärea̧ dapade. Aja̧, ado cja̧rȩmo̧rȩ nö̧tadärärea̧mi̧dëri̧ ba chia tjamo̧räpȩ ju̧ri̧ cjiadiäpade” yo̧diibe Jeova judi Joja pio ju̧i̧ chjiari.

14Ado ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩde Ütë tjamo̧ judi: “Ado pumȩ no̧i̧dërë ana̧ri̧ jo̧rȩtaji̧ri̧rȩ cjoai̧tä cjoai̧tä dapadiro̧jo̧ȩ ca̧ mu̧i̧tjoi̧ oa, dacho bëremi̧ cjiaji̧ri̧rȩ, ya yabë cjiaji̧ri̧rȩ” yo̧diibe Jeova judi. “Jabechji̧ gito ana̧ri̧ taramȩ oa, ma̧i̧ dari̧ conȩda̧ oa cjiamȩ oa, pumȩmi̧ dadëpea̧mȩ oa dapadiro̧jo̧ȩ. Jabechji̧ jibëa̧ dacho oa to̧bari̧ bide cjaeäa̧ oaiä, jibëa̧ chamacho oa ma̧i̧ dari̧ cjae cjae gua̧ oaiä, jibëa̧ icjara codë oa a̧dë chjäte gitoi̧ dari̧ conȩda̧ oaiä, 'jabechji̧ pumȩmi̧ dadëpea̧dida, ¿chjiacjivadi?’ quëna̧ jo̧rȩtaji̧ri̧rȩ dapadiro̧jo̧ȩ. 15Jabo chiri oëra̧ti̧ oa cjo̧ro̧ji̧ri̧ pumȩ pio judiro̧ ca̧ mu̧i̧tjoi̧ pio ju̧i̧ chjiari goë goë ta̧rëpadiro̧jo̧ȩ judiodë pio judiro̧” yo̧diibe. Ado pio ju̧i̧ chjiari ta̧rëa̧ oaiä, jabechji̧ ya yabë cjiaji̧ri̧rȩ jo̧rȩtapadirȩ ana̧ tjamo̧ri̧ jo̧rȩtaji̧ri̧rȩ. Ado judiro̧mo̧rȩdë jabo tjamo̧ cjo̧ro̧ji̧ri̧ pio judiro̧borë ana̧ri̧ jo̧rȩtapadirȩ pio ju̧i̧ chjiari ta̧rëa̧ oaiä, chiri ütë cjo̧ro̧ji̧ri̧ pio judiro̧borë. Jabechji̧ cjapiri̧ cjia maearë ana̧ri̧ jo̧rȩtapadirȩ, ni̧bärea̧ dadëji̧ri̧rȩ. Jabechji̧ jënȩro̧ cja̧rȩmo̧ co dadërërea̧ ji̧, tjamo̧i̧ cjiari̧ daba darea̧ dapadirȩ. Ado jënȩro̧ cja̧rȩmo̧ co dabadërerea̧ ji̧, jabechji̧ coëma cjiari̧ dabarea̧ dapadirȩ dadiäji̧ri̧mi̧ dape bagari̧” yo̧diibe Jeova judi. #52:15 Domano Ma̧ȩ 15:21

Currently Selected:

Ichaia 52: Pume

Highlight

Copy

Compare