Chiri Ütë pio ji̧ri̧ chjiari Ma̧ȩ 2 25
25
Babironiariji̧ri̧ judiro̧ acji go̧düdärärëreji̧ri̧dirȩ Jerucharȩräpȩ
1Chedequia quȩmȩ judi ütëmȩrȩ cjo̧ro̧rëremȩde Juda quȩmȩ chiriräpȩ. Ado judi Babironiaräpȩ cjo̧ro̧mȩ ütë pio ju̧i̧ ja̧ chja̧oerä cjo̧ro̧dëri̧ cjia̧ oaiä, jabechji̧ jiadarëremȩdejȩ. Pio ju̧i̧iä Nabucodonocho judi, Babironiaräpȩ cjo̧ro̧mȩ ütë pio judi jibëa̧ guadia pio ji̧ri̧ nö̧ta acji järëremȩde Jerucharȩräpȩ, Chedequia judi cjo̧ro̧mȩ bë ma̧ri̧räpȩ. Aja̧, Chedequia judi 9 ui nö̧ta ütëmȩrȩ cjo̧ro̧rërea̧rä acji järëremȩdejȩ, yabo a̧rȩmȩ gupënȩdërä, jabo 9 gupënȩ chjätä ëte a̧rȩmȩ gupënȩrä, 9 do chjätä ëte dopea̧rä. Jabo Jerucharȩ bë ma̧ri̧ üdë tutia̧rä cjiarërea̧ oaiä, chjaodëri̧ acji yu̧a̧rea̧ dadërëreji̧ri̧dirȩ. Jabechji̧ tutirea̧ itu tjamo̧ra̧ tutia̧ oa cjiarëremȩde, uë tjamo̧ra̧. Pio ju̧i̧iä chjaodëri̧ acji yu̧a̧tärea̧ ji̧, tjoro tänȩrëreji̧ri̧diro̧jo̧ȩ. Aja̧, yuroti̧ oa tjoro tänȩa̧diro̧jo̧ȩ. Jabechji̧ eami̧ pumȩ üdë Jerucharȩräpȩ yu̧a̧chea oa, eami̧ üdë Jerucharȩ bë ma̧ri̧ri pio judiri go̧düchea oa, jabechji̧ tjoro tänȩa̧diro̧jo̧ȩ jibëa̧ jurarea̧ oa goarijä tänȩpea̧ oa. Ado tutirea̧ uë tjamo̧ oa chjadëri̧ buapea̧ oa, taruparëreji̧ri̧dirȩ buarea̧ to ana̧ tjamo̧ oa cji̧däpea̧ ji̧. Aja̧, ji̧ra̧ tjamo̧ oa cji̧däpea̧ ji̧ taruparëreji̧ri̧dirȩ bë mari̧ yuroti̧ oa acji yu̧a̧pea̧ oa. Cja̧rȩmȩrimo̧ acji yu̧a̧dëpea̧ jabo tjaoëribo yu̧a̧pea̧ oa cji̧därëreji̧ri̧diro̧jo̧ȩ buarea̧ to ji̧ra̧ tjamo̧ oa, oëta̧ra̧ribo yu̧a̧rea̧ dapea̧ oa. Ado Jerucharȩ bë ma̧ri̧ oa boadäräpea̧ üdë chjao tjamo̧ oaiä, jabechji̧ Babironiariji̧ri̧ pio judiro̧ jo̧ bori̧ oa cji̧därëreji̧ri̧dirȩ. 2Jabechji̧ yo̧a̧ri̧ ui nö̧ta goë cjiarëreji̧ri̧diro̧jo̧ȩ Jerucharȩ bë ma̧ri̧ oa Chedequia judi 11 ui ütëmȩrȩ goa̧rä yuro. Ado pio ju̧i̧iä bë ma̧ri̧ tjoroji̧ri̧ pio judiro̧ go̧dütärea̧ ji̧, godürea̧ dadëa̧dirȩ. Jabechji̧ go̧dürea̧ yürüdëa̧diro̧jȩrȩ. Ado dairiji̧ri̧ pio judiro̧ bë ma̧ri̧ oa yu̧a̧tärea̧ ji̧, peaja̧di yu̧a̧rea̧ dadëa̧dirȩ. 3Jabechji̧ ja̧di dari̧ cjo̧ro̧rëreji̧ri̧dirȩ japamitë ana̧ tjamo̧ oa bë ma̧ri̧räji̧ri̧ judiro̧. Aja̧, yo̧a̧ri̧ ui nö̧ta ja̧di dari̧ cjo̧ro̧rëreji̧ri̧dirȩ tjarari̧ gupënȩra̧ a̧de, 8 dora̧ a̧de. Aja̧, go̧dürea̧ dadëji̧ri̧rȩ cjo̧ro̧rëreji̧ri̧dirȩ tutia̧rä cjiaji̧ri̧rȩ. Ado pio jiro japamitë üdë chjätä ëte dopea̧rä, jabechji̧ jurarea̧ decjiapea̧de. Jerucharȩräpȩ cjo̧ro̧ji̧ri̧ judiro̧ jurarea̧ goarërea̧ ji̧, goadëji̧ri̧pea̧dirȩ. Jiro decjiapea̧de. 4Ado pio jiro japamitërä Babironiariji̧ri̧ guadia judiro̧ tutirea̧ uë tjamo̧ pio ju̧i̧ iëchärea̧ darëreji̧ri̧diro̧jo̧ȩ cjürë yape bagari̧. Ado pio ju̧i̧iä chjaodëri̧ acji yu̧a̧rëreji̧ri̧dirȩ bë ma̧ri̧ oa. Jibëa̧pe bagapea̧ oa acji yu̧a̧rëreji̧ri̧diro̧jo̧ȩ. Jabo guadia pio ji̧ri̧ chjaodëri̧ mitëtärea̧ ji̧, chiri ütë pio ju̧i̧bo chjaodëri̧ mitëtärea̧ ji̧, mitërea̧ dadëa̧diro̧jȩrȩ. Jabechji̧ chjaodëri̧ goadi baëno̧a̧dirȩ gȩnȩrä. Guadia ütëborë goadi baäa̧dirȩ. Chedequia quȩmȩ ütë pio ju̧i̧ ja̧ tjado tjamo̧i̧ jäji̧ri̧rȩ baäeno̧a̧dirȩ joë yari pio judiri, yo̧a̧ri̧ tutirea̧ cjiamȩräpȩ cjiamȩ joë yari pio judiri goadi go̧düji̧ri̧rȩ. Bea Joroda̧ jätäräpȩmo̧ baämȩ no̧ pio ju̧i̧ mitëji̧ri̧rȩ baäeno̧a̧dirȩ. 5Jabo Babironiariji̧ri̧ guadia judiro̧ goae tarari̧ chjo̧rë järëreji̧ri̧diro̧jo̧ȩ Chedequia ju̧i̧. Ado Jerico bë ma̧ri̧ queri̧räpȩ a̧rȩmȩ chirirämȩ oa mitëa̧diro̧jo̧ȩ. Ado jibëa̧ guadia judiro̧ chjadëri̧ a̧dotärea̧ ji̧, a̧dodëa̧diro̧jo̧ȩ. A̧dë baäeno̧a̧diro̧jo̧ȩ, chiri oera̧ti̧ oa baäji̧ri̧rȩ. 6Ado Chedequia quȩmȩ ütë pio ju̧i̧ ëba järëreji̧ri̧diro̧jo̧ȩ Iriba quȩmȩ bë ma̧ri̧räpȩ, Babironiaräpȩ cjo̧ro̧mȩ ütë pio ju̧i̧iäpȩ. Ado judi Chedequia pio ju̧i̧ ütara ëte, pio chjiari ni̧bärëremȩde bape chjaorea̧ ma̧ȩ pio ju̧i̧. 7Ado Nabucodonocho pio judi chjadüa̧ oa ja̧bo tänȩa̧diro̧jȩrȩ Chedequia ja̧ u̧ri̧ ütëbo oa. Nö̧rimȩ pio ju̧i̧ ja̧ dachoro ja̧bo tänȩa̧diro̧jȩrȩ. Ado ja̧di dari̧ japa ëte pupi gua̧diro̧jo̧ȩ Chedequia ja̧ dacho oa. Bucho ana̧ da cotope bagari̧ japea̧diro̧jo̧ȩ. Ado ja̧dëa ji̧ chatu chiamȩ chjipararira̧ tabüa̧ ëte, ëba baärëreji̧ri̧diro̧jo̧ȩ Babironiaräpȩ.
Ütë tjamo̧ ja̧ bë oa iëchärëreji̧ri̧diro̧jo̧ȩ
8Ado Nabucodonocho judi 18 ui nö̧ta ütëmȩrȩ cjo̧ro̧rëremȩrä, 4 gupënȩ chjätäa̧rä, 6 do chjätäa̧rä, Nabucharada̧ quȩmȩ pio judi go̧düdärärëremȩde Jerucharȩräpȩ. Nabucodonocho pio judi chjadüa̧ oa go̧düdärärëremȩde. Ado Nabucharada̧ judi, ¿chjiade? Chjiadëde, jabechji̧ Babironiaräpȩ cjo̧ro̧ji̧ri̧ guadia pio ji̧ri̧ ja̧ ütë tjamo̧rëremȩde. Ado Nabucodonocho pio judi chjadüa̧ oa go̧düdärärëremȩde Jeruchara̧räpȩ ju̧ri̧ jibëa̧ guadia pio ji̧ri̧ nö̧ta. 9Ado judiro̧ ju̧ri̧pȩ go̧düdäräa̧rä ma̧i̧ dari̧ japarëreji̧ri̧dirȩ. Jabechji̧ guadia ütë tjamo̧ pio judi tänȩa̧ oa Jeova ja̧ bëremȩ pio ju̧i̧ cäarëreji̧ri̧diro̧jo̧ȩ. Ado ja̧dëa ji̧ pumȩ ja̧ bë oa cäarëreji̧ri̧diro̧jo̧ȩ, bë ba chia chjö̧na̧i̧ oa. Aja̧, chiri ütë cjo̧ro̧remȩ pio ju̧i̧ ja̧ bëremȩ oa, tjamo̧ yo̧ji̧ri̧ ja̧ bëremȩ oa cäarëreji̧ri̧diro̧jo̧ȩ. Ado chëre ji̧ra̧ri̧ goareji̧ri̧ ja̧ bëremȩ oa, tjamo̧ cjo̧ro̧ji̧ri̧ ja̧ bëremȩ oa cäa̧ maeadiro̧jo̧ȩ peaja̧di. 10Ado ja̧dëa ji̧ guadia judiro̧ ana̧ tjamo̧ri̧ ja̧bepaji̧ri̧rȩ iëchärëreji̧ri̧diro̧jo̧ȩ tutirea̧ uë tjamo̧ oa, Jerucharȩ bë ma̧ri̧ oa yuroti̧ oa cjiamȩ tutirea̧ ana̧ oa. Tutirea̧mi̧dëpe bagari̧ iëchärëreji̧ri̧diro̧jo̧ȩ. 11Ado ja̧di dari̧ japa ëte, icharaita pio ji̧ri̧ mitërëreji̧ri̧diro̧jȩrȩ Babironiaräpȩ baë ëba baäpea̧ oa. Chjadëri̧ ja̧beparea̧ dabaji̧ri̧ pio ji̧ri̧ mitërëreji̧ri̧diro̧jȩrȩ, Nabucodonocho pio ju̧i̧ ja̧ chja̧oerä ano̧ mire cjo̧ro̧tämi̧ cjiaji̧ri̧ pio ji̧ri̧bo. Ado mitë ëte, Nabucharada̧ judi ëba baärëremȩdejȩrȩ Babironiaräpȩ. 12Jabo icharaita ütëbodärä oa mitëdëa̧diro̧jȩrȩ jabo. Chëre goadëji̧ri̧ pio ji̧ri̧, chiri oa gatëa̧ oa goadëji̧ri̧ pio ji̧ri̧ mitëdëa̧diro̧jȩrȩ. Jabechji̧ cjiadiäa̧mȩ tjado jira̧ oa ja̧bepapea̧ oa, chiri oa cabëpa ëte ponȩpea̧ oa, a̧dë baärëreji̧ri̧diro̧jȩrȩ Judaräpȩ ju̧ri̧.
Currently Selected:
Chiri Ütë pio ji̧ri̧ chjiari Ma̧ȩ 2 25: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
