Chiri Ütë pio ji̧ri̧ chjiari Ma̧ȩ 2 17
17
Ochea quȩmȩ judi Icharai ja̧ ütëmȩrȩ cjo̧ro̧rëremȩde
1Ado Ochea judi chiri ütëdërërea̧ ji̧, Era quȩmȩ joja pio judi Icharai quȩmȩ chiriräpȩ cjo̧ro̧ji̧ri̧ pio ji̧ri̧ ja̧ ütëdërërea̧ ji̧, jabechji̧ pio ji̧ri̧ ja̧ ütëpe bagarëremȩde. Juda quȩmȩ chiriräpȩ cjo̧ro̧mȩ ütë üdë 11 ui nö̧ta ütëmȩrȩ cjo̧ro̧rërea̧rä, Acha quȩmȩ pio judi 11 ui nö̧ta ütëmȩrȩ cjo̧ro̧rërea̧rä, Ochea pio judi ütëpea̧de Icharai chiriräpȩ ju̧ri̧. Ado Chamaria quȩmȩ bë ma̧ri̧räpȩ ju̧ri̧ cjo̧ro̧mȩpe bagarëremȩde. Ado judi ütëmȩrȩ cjo̧ro̧rërea̧ ji̧, 9 ui nö̧ta ütëmȩrȩ cjo̧ro̧rëremȩde. 2Ado Ochea judi chjadëri̧ cjo̧ro̧tärea̧ ji̧, cjäri̧ made, Jeova pio ju̧i̧iäpȩmo̧ chjai̧dëri̧ jape chjaomȩrȩ cjo̧ro̧rëremȩde. Jabo ju̧i̧ ja̧ yaboi̧ cjo̧ro̧rëreji̧ri̧ ütëti̧ pio judiro̧ japarërea̧mi̧ japadërëremȩde. Jabechji̧ Ochea pio ju̧i̧ u̧i̧ chjai̧dëri̧ jape chjaorëreji̧ri̧dirȩ judiro̧. Tjamo̧ davä. No̧mȩ tjamo̧ri ja̧ cjo̧ro̧rëreji̧ri̧ ütëti̧ pio judiro̧ a̧dë chjäte ma̧i̧ dari̧ jape chjaorëreji̧ri̧dirȩ.
3Ado cja̧rȩmo̧ ütë üdë, Achiria quȩmȩ chiriräpȩ cjo̧ro̧mȩ ütë pio judi Chamanacha quȩmȩrëremȩde. Ado pio judi chjadüa̧ oa acji järëreji̧ri̧dirȩ jibëa̧ guadia judiro̧ Icharairäpȩ cjo̧ro̧ji̧ri̧ pio ji̧ri̧iäpȩmo̧, Ochea quȩmȩ ütë pio ju̧i̧iäpȩmo̧.#17:3 Ui ji̧ra̧ tjamo̧ chjätä ëte, icharaita judiro̧ chjadëri̧ cjo̧ro̧dëji̧ri̧pea̧dirȩ. Jabechji̧ cja̧rȩmȩ pumȩ marëreji̧ri̧dirȩ. Abaraa̧ pio judiri ja̧ maearë cjo̧ro̧rëreji̧ri̧dirȩ, jabo yo̧a̧ri̧ pumȩmi̧ dari̧ cjo̧ro̧ji̧ri̧pe bagarëreji̧ri̧dirȩ. Jabechji̧ judiro̧ cja̧rȩmȩ pumȩ marërea̧ ji̧, cja̧rȩmȩ chji̧ chiami̧ dari̧ jo̧rȩtaji̧ri̧rȩ cjo̧ro̧rërea̧ ji̧, chjara chiami̧ dari̧ jo̧rȩtaji̧ri̧pea̧dirȩ. Pio ju̧i̧iä yo̧a̧ri̧ bubarë cjo̧ro̧ji̧ri̧pea̧dirȩ. Cja̧rȩmȩ chji̧ chiami̧ dari̧ cjo̧ro̧tärea̧ ji̧, jibëa̧ dëbëti̧ra̧ chia eadëji̧ri̧pea̧dirȩ. Judiro̧ ütëborë cja̧rȩmȩ chiri codë oa cjo̧ro̧tärea̧ ji̧, tutimi̧ dari̧ japarëreji̧ri̧diro̧jo̧ȩ. Yo̧a̧ri̧ bubarë cjo̧ro̧ji̧ri̧pea̧dirȩ. Ado cja̧rȩmȩ buba üdë Juda quȩmȩde. Jerucharȩ quȩmȩ bë ma̧ri̧ üdë Juda quȩmȩ chirirärëremȩde. Ado cja̧rȩmo̧ buba üdë, Icharai quȩmȩde. Ado Chamaria quȩmȩ bë ma̧ri̧ oa ba chia darëreji̧ri̧diro̧jo̧ȩ. Aja̧, ja̧di dari̧ cjo̧ro̧ji̧ri̧pea̧dirȩ Abaraa̧ pio judiri ja̧ji̧ri̧ judiro̧, judio pio judiro̧. Ji̧mo̧ cjo̧ro̧tärea̧ ji̧, chjadëri̧ ëba cjo̧ro̧tärea̧ ji̧, yo̧a̧ri̧ bubape bagami̧ dari̧ ano̧ mire cjo̧ro̧rëreji̧ri̧dirȩ, ji̧mo̧ cjo̧ro̧dëpe bagari̧. Dai oa cjo̧ro̧mȩ ütë cja̧rȩmȩ oa goatärea̧ ji̧, jabechji̧ yo̧a̧ri̧ chiri ütë oa goaji̧ri̧pea̧dirȩ. Ado Icharai quȩmȩ chiriräpȩ cjo̧ro̧ji̧ri̧ pio judiro̧ chjuari̧ jiadarëreji̧ri̧diro̧jo̧ȩ Ütë tjamo̧ ju̧i̧. Ta̧rë ja̧bodërëreji̧ri̧diro̧jo̧ȩ. Ütë tjamo̧ ja̧ ma̧ȩ üdë goae tjamo̧dëpe bagarëremȩdejȩrȩ. Jabechji̧ jibëa̧ maea oa jo̧rȩtaji̧ri̧pea̧dirȩ, Ütë tjamo̧ pio ju̧i̧ ja̧ oa jo̧rȩtatärea̧ ji̧. Ado pio ju̧i̧iä Ütë tjamo̧ judi bape chjaorëremȩdejȩrȩ. Jabechji̧ ado cja̧rȩmo̧ chiriräpȩ cjo̧ro̧ji̧ri̧ pio ji̧ri̧ acji järea̧ yürürëremȩdejȩrȩ. Tjamo̧ davä. Icharairäpȩ cjo̧ro̧ji̧ri̧ pio ji̧ri̧iäpȩmo̧ acji jäpea̧ oa, acji tai̧rea̧ yürürëremȩdejȩrȩ Achiria quȩmȩräpȩ cjo̧ro̧ji̧ri̧ pio ji̧ri̧. Ado Ochea judi pio ji̧ri̧ daea̧rä, 'Jabo cjäri̧ maa̧ro̧da, dëbëpe chjaorea̧mi̧dëa̧ro̧ji̧ri̧da, chja ja̧di ji̧ri̧ ja̧ mu̧i̧tjoi̧mi̧ dari̧ cjiadiätäreji̧ri̧a̧ro̧da' quëna̧ jo̧rȩtamȩrȩ ma̧ȩ yürü chjadürëremȩdejȩrȩ guadia ji̧ri̧, pio jibë acji jana̧na̧ra̧ji̧ri̧ pio ji̧ri̧. “Cjäri̧ ma, ja̧bo tänȩdëchji̧ibe” yo̧ chjadüa̧dejȩrȩ. “Jabechji̧ ju chia tjamo̧nȩrȩ. Nö̧tadë marea̧ro̧dibe. 'Jabechji̧ boadäräa̧ oa cjiaa̧ro̧da, japarea̧ decjiadida' quëna̧ jo̧rȩtaji̧ri̧pea̧rea̧rȩ. Jabechji̧ ja̧bo tänȩdëchji̧ibe.” Aja̧, ja̧di ta̧rëri̧ yo̧mȩrȩ yo̧ chjadürëremȩdejȩrȩ Ochea quȩmȩ ütë judi. Ado pio ju̧i̧iä acji jana̧ji̧ri̧ judiro̧ ja̧bo tänȩdëa̧diro̧jȩrȩ, jabo chëre oa ba ano̧ tänȩrëreji̧ri̧diro̧jȩrȩ jibëa̧ ütë pio ju̧i̧iäpȩmo̧. Aja̧, Ochea pio ju̧i̧, jibëa̧ pumȩbo oa ui nö̧ta ba ano̧ tänȩa̧diro̧jȩrȩ chëre ji̧ra̧ tjamo̧ oa. Tjamo̧ davä. Chamanacha quȩmȩ ütë ja̧ guadia pio judiro̧ acji go̧düdäräa̧ pio judiri yurori ba ano̧riärëreji̧ri̧diro̧jo̧ȩ Achiria ja̧ ütë pio ju̧i̧iäpȩmo̧. Jabechji̧ boadäräa̧ oa cjia̧ oaiä, Chamanacha pio ju̧i̧ ja̧ chja̧oerä ano̧ mire cjo̧ro̧ji̧ri̧pea̧ oaiä, pio ju̧i̧ ja̧ mu̧i̧tjoi̧mi̧ dari̧ cjo̧ro̧ji̧ri̧pea̧ oaiä, jabechji̧ ui nö̧ta chëre ji̧ra̧ tjamo̧ oa ba ano̧ chjaoriärëreji̧ri̧diro̧jo̧ȩ, jabëtari̧mi̧dë oa. 4Jabo ja̧di dari̧ cjo̧ro̧pea̧ üdë goae tjamo̧dërëremȩdejȩ Ochea ju̧i̧, Icharai ja̧ ütë pio ju̧i̧. Pio ju̧i̧iä japamitë chjätä ëte, goadi ma̧ȩ chjadürëremȩdejȩ Cho quȩmȩ ütë pio ju̧i̧iäpȩmo̧, Ejitoräpȩ cjo̧ro̧mȩ ütë pio ju̧i̧iäpȩmo̧. Aja̧, Achiriaräpȩ cjo̧ro̧mȩ ütë pio ju̧i̧ ja̧ chja̧oerä cjo̧ro̧dëri̧ cjia̧ oaiä, ui nö̧ta ba ano̧dëri̧ cjia̧ oaiä, jabechji̧ ma̧ȩ chjadürëremȩdejȩ pio jȩaiäpȩmo̧ a̧doera̧tä, jibëa̧ guadia pio ji̧ri̧ chjadütä, Achiriaräpȩ cjo̧ro̧ji̧ri̧ pio ji̧ri̧ ba dëbë boadärätä. Ado ja̧di dari̧ japa ëte, jabechji̧ Ochea judi Achiriaräpȩ cjo̧ro̧mȩ ütë pio ju̧i̧ chjadëri̧ ba ano̧rërea̧ ji̧, ui nö̧ta chjadëri̧ ba ano̧rërea̧ ji̧, ba ano̧dëmȩpea̧dejȩ. Jabo Achiriaräpȩ cjo̧ro̧mȩ ütë üdë pio ju̧i̧ chjiari goë ta̧rëa̧ oaiä, chjaodëri̧ chjadürëremȩdejȩrȩ jibëa̧ guadia oa Ochea pio ju̧i̧ mitëpea̧ oa. Ado pio ju̧i̧ mitë ëte chaärea̧ bëräpȩ chaärëreji̧ri̧diro̧jo̧ȩ.
Achiriariji̧ri̧ guadia judiro̧ acji järëreji̧ri̧diro̧jo̧ȩ Chamaria bë ma̧ri̧räpȩ
5Ado Icharai ja̧ ütë pio ju̧i̧ chaä tänȩa̧ duri oa, Chamanacha judi jibëa̧ guadia pio ji̧ri̧ nö̧ta acji järëremȩde Icharai quȩmȩ chiriräpȩ. Ado ju̧ri̧pȩ go̧düdäräa̧rä, icharaita pio ji̧ri̧ ja̧bo tänȩriä acji tai̧rëreji̧ri̧dirȩ. Jachi oa jäji̧ri̧rȩ acji tai̧rëreji̧ri̧dirȩ Chamaria quȩmȩ bë ma̧ri̧räpȩ yuro. Jabo Chamaria bë ma̧ri̧ oa chjaodëri̧ acji yu̧a̧tärea̧ ji̧, chjaodëri̧ acji yu̧a̧rea̧ dadëa̧dirȩ. Tutia̧rä cjia̧ oaiä, jabechji̧ yu̧a̧rea̧ dadëa̧dirȩ. Tjamo̧ davä. Chamaria bë ma̧ri̧ üdë tutia̧rä cjiarëremȩde. Tutirea̧ ana̧ra̧, uë tjamo̧ra̧ tutia̧ oa cjiarëremȩde, itu tjamo̧ra̧. Pio ju̧i̧iä guadia judiro̧ chjaodëri̧ acji yu̧a̧tärea̧ ji̧, yu̧a̧rea̧ dadëa̧dirȩ, jabomo̧ tjoro tänȩrëreji̧ri̧diro̧jo̧ȩ. Aja̧, guadia judiro̧ bë yuroti̧ oa tjoro tänȩa̧diro̧jo̧ȩ. Jabechji̧ bë ma̧ri̧ oa chjadëri̧ jidapea̧ oa, bë mari̧ri pio judiri goadi go̧dürea̧ dachea oa, jurarea̧ gatë tänȩmȩ pio judi bë ma̧ri̧räpȩ yu̧a̧rea̧ dachea oa, jabechji̧ jidataji̧ri̧rȩ goë cjo̧ro̧rëreji̧ri̧diro̧jȩrȩ tjarari̧ ui nö̧ta. Ado bë ma̧ri̧rä jurarea̧ üdë chjaodëri̧ goarijädëa̧ oaiä, jabechji̧ chjao tjamo̧pe bagarëremȩdejȩrȩ. 6Jabo tjarari̧ ui üdë chjätäa̧rä, Achiria chiririji̧ri̧ guadia pio judiro̧ acji yu̧a̧rea̧ darëreji̧ri̧dirȩ. Ochea judi 9 ui ütëmȩrȩ goarërea̧rä acji yu̧a̧rea̧ darëreji̧ri̧dirȩ Chamariaräpȩ. Ado chjaodëri̧ boadäräa̧diro̧jȩrȩ. Ado boadäräa̧ ëte, yura̧ oa cjiaji̧ri̧ oa ëba baärëreji̧ri̧diro̧jȩrȩ Achiria quȩmȩ chiriräpȩ. Ado ju̧ri̧pȩ go̧düdärä ëte, o ji̧ri̧ bëpa tänȩrëreji̧ri̧diro̧jȩrȩ Ara quȩmȩräpȩ. Ado o ji̧ri̧ bëpa tänȩa̧diro̧jȩrȩ Abo quȩmȩ bea queri̧räpȩ, Gocha quȩmȩräpȩ. Ado o ji̧ri̧ bëpa tänȩa̧diro̧jȩrȩ ado cja̧rȩmo̧ pumȩ ja̧ chjarerä cjo̧ro̧pea̧ oa, jibëa̧ bë ma̧ri̧räpȩ ju̧ri̧. Aja̧, medo quȩji̧ri̧ pumȩ ja̧ chjarerä cjo̧ro̧ tänȩa̧diro̧jȩrȩ o ji̧ri̧. Ado icharaita judiro̧ jibëa̧ chiriräpȩ cjo̧ro̧rërea̧ ji̧, jabechji̧ Achiria quȩmȩ chiriräpȩ ano̧ mire cjo̧ro̧ji̧ri̧pe bagarëreji̧ri̧dirȩ, boadäräa̧ oa cjiaji̧ri̧rȩ.
7¿Jabo tjana̧ ju̧i̧iä jibëa̧ chiridëräpȩ cjo̧ro̧ji̧ri̧pe bagarëreji̧ri̧dirȩ icharaita judiro̧? ¿Tjana̧ ju̧i̧iä Achiria chiriräpȩ ano̧ mire cjo̧ro̧ji̧ri̧pea̧dirȩ? Tjana̧ ju̧i̧iädë, jabechji̧ judiro̧ Jeova pio ju̧i̧iäpȩmo̧ ji̧dë ma chjai̧dëri̧ jape chjaorërea̧ oaiä, Ütë tjamo̧ pio ju̧i̧ ji̧dë ma jiade chjaorërea̧ oaiä, jabechji̧ jibëa̧ chiridëräpȩ ano̧ mire cjo̧ro̧ji̧ri̧pea̧dirȩ. Aja̧, judiro̧ pjarao̧ pio ju̧i̧ ja̧ chja̧oeri pio judiri Go̧dü Tänȩmȩ pio ju̧i̧ jiadarërea̧ oaiä, pio jibë Ejito chiriri pio judiri Go̧dü Tänȩmȩ pio ju̧i̧ ta̧rëdiädëa̧ oaiä, jabechji̧ ja̧di dari̧ cjo̧ro̧ji̧ri̧pea̧dirȩ ado cja̧rȩmo̧ chiriräpȩ, judiro̧ teracaba ütë ji̧ra̧ oa chjacjiamȩri̧ jo̧rȩtarërea̧ oaiä. 8Tjamo̧ davä. Judiro̧ Canaa̧ quȩmȩ chiriräpȩ cjo̧ro̧rëreji̧ri̧ pumȩ pio ji̧ri̧ cho̧rë japarërea̧ oaiä, Jeovarë baä tänȩrërea̧ pumȩ pio ji̧ri̧ cho̧rë jo̧rȩtarërea̧ oaiä, dëdë, jibëa̧ chiridëräpȩ ano̧ mire cjo̧ro̧ji̧ri̧pe bagarëreji̧ri̧dirȩ. Ado pio ju̧i̧ uëri Icharai chiriräpȩ cjo̧ro̧ji̧ri̧ ütë pio judiro̧ mai̧ da tjamo̧ri̧ japarërea̧ pio ju̧i̧bo japariä cjo̧ro̧ji̧ri̧pe bagarëreji̧ri̧dirȩ icharaita judiro̧, ja̧di dari̧ japadërërea̧ ji̧. Ado pio ju̧i̧iäbo jibëa̧ chiridëräpȩ ano̧ mire cjo̧ro̧ji̧ri̧pea̧dirȩ Ütërë tänȩa̧ oaiä.
Currently Selected:
Chiri Ütë pio ji̧ri̧ chjiari Ma̧ȩ 2 17: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
Chiri Ütë pio ji̧ri̧ chjiari Ma̧ȩ 2 17
17
Ochea quȩmȩ judi Icharai ja̧ ütëmȩrȩ cjo̧ro̧rëremȩde
1Ado Ochea judi chiri ütëdërërea̧ ji̧, Era quȩmȩ joja pio judi Icharai quȩmȩ chiriräpȩ cjo̧ro̧ji̧ri̧ pio ji̧ri̧ ja̧ ütëdërërea̧ ji̧, jabechji̧ pio ji̧ri̧ ja̧ ütëpe bagarëremȩde. Juda quȩmȩ chiriräpȩ cjo̧ro̧mȩ ütë üdë 11 ui nö̧ta ütëmȩrȩ cjo̧ro̧rërea̧rä, Acha quȩmȩ pio judi 11 ui nö̧ta ütëmȩrȩ cjo̧ro̧rërea̧rä, Ochea pio judi ütëpea̧de Icharai chiriräpȩ ju̧ri̧. Ado Chamaria quȩmȩ bë ma̧ri̧räpȩ ju̧ri̧ cjo̧ro̧mȩpe bagarëremȩde. Ado judi ütëmȩrȩ cjo̧ro̧rërea̧ ji̧, 9 ui nö̧ta ütëmȩrȩ cjo̧ro̧rëremȩde. 2Ado Ochea judi chjadëri̧ cjo̧ro̧tärea̧ ji̧, cjäri̧ made, Jeova pio ju̧i̧iäpȩmo̧ chjai̧dëri̧ jape chjaomȩrȩ cjo̧ro̧rëremȩde. Jabo ju̧i̧ ja̧ yaboi̧ cjo̧ro̧rëreji̧ri̧ ütëti̧ pio judiro̧ japarërea̧mi̧ japadërëremȩde. Jabechji̧ Ochea pio ju̧i̧ u̧i̧ chjai̧dëri̧ jape chjaorëreji̧ri̧dirȩ judiro̧. Tjamo̧ davä. No̧mȩ tjamo̧ri ja̧ cjo̧ro̧rëreji̧ri̧ ütëti̧ pio judiro̧ a̧dë chjäte ma̧i̧ dari̧ jape chjaorëreji̧ri̧dirȩ.
3Ado cja̧rȩmo̧ ütë üdë, Achiria quȩmȩ chiriräpȩ cjo̧ro̧mȩ ütë pio judi Chamanacha quȩmȩrëremȩde. Ado pio judi chjadüa̧ oa acji järëreji̧ri̧dirȩ jibëa̧ guadia judiro̧ Icharairäpȩ cjo̧ro̧ji̧ri̧ pio ji̧ri̧iäpȩmo̧, Ochea quȩmȩ ütë pio ju̧i̧iäpȩmo̧.#17:3 Ui ji̧ra̧ tjamo̧ chjätä ëte, icharaita judiro̧ chjadëri̧ cjo̧ro̧dëji̧ri̧pea̧dirȩ. Jabechji̧ cja̧rȩmȩ pumȩ marëreji̧ri̧dirȩ. Abaraa̧ pio judiri ja̧ maearë cjo̧ro̧rëreji̧ri̧dirȩ, jabo yo̧a̧ri̧ pumȩmi̧ dari̧ cjo̧ro̧ji̧ri̧pe bagarëreji̧ri̧dirȩ. Jabechji̧ judiro̧ cja̧rȩmȩ pumȩ marërea̧ ji̧, cja̧rȩmȩ chji̧ chiami̧ dari̧ jo̧rȩtaji̧ri̧rȩ cjo̧ro̧rërea̧ ji̧, chjara chiami̧ dari̧ jo̧rȩtaji̧ri̧pea̧dirȩ. Pio ju̧i̧iä yo̧a̧ri̧ bubarë cjo̧ro̧ji̧ri̧pea̧dirȩ. Cja̧rȩmȩ chji̧ chiami̧ dari̧ cjo̧ro̧tärea̧ ji̧, jibëa̧ dëbëti̧ra̧ chia eadëji̧ri̧pea̧dirȩ. Judiro̧ ütëborë cja̧rȩmȩ chiri codë oa cjo̧ro̧tärea̧ ji̧, tutimi̧ dari̧ japarëreji̧ri̧diro̧jo̧ȩ. Yo̧a̧ri̧ bubarë cjo̧ro̧ji̧ri̧pea̧dirȩ. Ado cja̧rȩmȩ buba üdë Juda quȩmȩde. Jerucharȩ quȩmȩ bë ma̧ri̧ üdë Juda quȩmȩ chirirärëremȩde. Ado cja̧rȩmo̧ buba üdë, Icharai quȩmȩde. Ado Chamaria quȩmȩ bë ma̧ri̧ oa ba chia darëreji̧ri̧diro̧jo̧ȩ. Aja̧, ja̧di dari̧ cjo̧ro̧ji̧ri̧pea̧dirȩ Abaraa̧ pio judiri ja̧ji̧ri̧ judiro̧, judio pio judiro̧. Ji̧mo̧ cjo̧ro̧tärea̧ ji̧, chjadëri̧ ëba cjo̧ro̧tärea̧ ji̧, yo̧a̧ri̧ bubape bagami̧ dari̧ ano̧ mire cjo̧ro̧rëreji̧ri̧dirȩ, ji̧mo̧ cjo̧ro̧dëpe bagari̧. Dai oa cjo̧ro̧mȩ ütë cja̧rȩmȩ oa goatärea̧ ji̧, jabechji̧ yo̧a̧ri̧ chiri ütë oa goaji̧ri̧pea̧dirȩ. Ado Icharai quȩmȩ chiriräpȩ cjo̧ro̧ji̧ri̧ pio judiro̧ chjuari̧ jiadarëreji̧ri̧diro̧jo̧ȩ Ütë tjamo̧ ju̧i̧. Ta̧rë ja̧bodërëreji̧ri̧diro̧jo̧ȩ. Ütë tjamo̧ ja̧ ma̧ȩ üdë goae tjamo̧dëpe bagarëremȩdejȩrȩ. Jabechji̧ jibëa̧ maea oa jo̧rȩtaji̧ri̧pea̧dirȩ, Ütë tjamo̧ pio ju̧i̧ ja̧ oa jo̧rȩtatärea̧ ji̧. Ado pio ju̧i̧iä Ütë tjamo̧ judi bape chjaorëremȩdejȩrȩ. Jabechji̧ ado cja̧rȩmo̧ chiriräpȩ cjo̧ro̧ji̧ri̧ pio ji̧ri̧ acji järea̧ yürürëremȩdejȩrȩ. Tjamo̧ davä. Icharairäpȩ cjo̧ro̧ji̧ri̧ pio ji̧ri̧iäpȩmo̧ acji jäpea̧ oa, acji tai̧rea̧ yürürëremȩdejȩrȩ Achiria quȩmȩräpȩ cjo̧ro̧ji̧ri̧ pio ji̧ri̧. Ado Ochea judi pio ji̧ri̧ daea̧rä, 'Jabo cjäri̧ maa̧ro̧da, dëbëpe chjaorea̧mi̧dëa̧ro̧ji̧ri̧da, chja ja̧di ji̧ri̧ ja̧ mu̧i̧tjoi̧mi̧ dari̧ cjiadiätäreji̧ri̧a̧ro̧da' quëna̧ jo̧rȩtamȩrȩ ma̧ȩ yürü chjadürëremȩdejȩrȩ guadia ji̧ri̧, pio jibë acji jana̧na̧ra̧ji̧ri̧ pio ji̧ri̧. “Cjäri̧ ma, ja̧bo tänȩdëchji̧ibe” yo̧ chjadüa̧dejȩrȩ. “Jabechji̧ ju chia tjamo̧nȩrȩ. Nö̧tadë marea̧ro̧dibe. 'Jabechji̧ boadäräa̧ oa cjiaa̧ro̧da, japarea̧ decjiadida' quëna̧ jo̧rȩtaji̧ri̧pea̧rea̧rȩ. Jabechji̧ ja̧bo tänȩdëchji̧ibe.” Aja̧, ja̧di ta̧rëri̧ yo̧mȩrȩ yo̧ chjadürëremȩdejȩrȩ Ochea quȩmȩ ütë judi. Ado pio ju̧i̧iä acji jana̧ji̧ri̧ judiro̧ ja̧bo tänȩdëa̧diro̧jȩrȩ, jabo chëre oa ba ano̧ tänȩrëreji̧ri̧diro̧jȩrȩ jibëa̧ ütë pio ju̧i̧iäpȩmo̧. Aja̧, Ochea pio ju̧i̧, jibëa̧ pumȩbo oa ui nö̧ta ba ano̧ tänȩa̧diro̧jȩrȩ chëre ji̧ra̧ tjamo̧ oa. Tjamo̧ davä. Chamanacha quȩmȩ ütë ja̧ guadia pio judiro̧ acji go̧düdäräa̧ pio judiri yurori ba ano̧riärëreji̧ri̧diro̧jo̧ȩ Achiria ja̧ ütë pio ju̧i̧iäpȩmo̧. Jabechji̧ boadäräa̧ oa cjia̧ oaiä, Chamanacha pio ju̧i̧ ja̧ chja̧oerä ano̧ mire cjo̧ro̧ji̧ri̧pea̧ oaiä, pio ju̧i̧ ja̧ mu̧i̧tjoi̧mi̧ dari̧ cjo̧ro̧ji̧ri̧pea̧ oaiä, jabechji̧ ui nö̧ta chëre ji̧ra̧ tjamo̧ oa ba ano̧ chjaoriärëreji̧ri̧diro̧jo̧ȩ, jabëtari̧mi̧dë oa. 4Jabo ja̧di dari̧ cjo̧ro̧pea̧ üdë goae tjamo̧dërëremȩdejȩ Ochea ju̧i̧, Icharai ja̧ ütë pio ju̧i̧. Pio ju̧i̧iä japamitë chjätä ëte, goadi ma̧ȩ chjadürëremȩdejȩ Cho quȩmȩ ütë pio ju̧i̧iäpȩmo̧, Ejitoräpȩ cjo̧ro̧mȩ ütë pio ju̧i̧iäpȩmo̧. Aja̧, Achiriaräpȩ cjo̧ro̧mȩ ütë pio ju̧i̧ ja̧ chja̧oerä cjo̧ro̧dëri̧ cjia̧ oaiä, ui nö̧ta ba ano̧dëri̧ cjia̧ oaiä, jabechji̧ ma̧ȩ chjadürëremȩdejȩ pio jȩaiäpȩmo̧ a̧doera̧tä, jibëa̧ guadia pio ji̧ri̧ chjadütä, Achiriaräpȩ cjo̧ro̧ji̧ri̧ pio ji̧ri̧ ba dëbë boadärätä. Ado ja̧di dari̧ japa ëte, jabechji̧ Ochea judi Achiriaräpȩ cjo̧ro̧mȩ ütë pio ju̧i̧ chjadëri̧ ba ano̧rërea̧ ji̧, ui nö̧ta chjadëri̧ ba ano̧rërea̧ ji̧, ba ano̧dëmȩpea̧dejȩ. Jabo Achiriaräpȩ cjo̧ro̧mȩ ütë üdë pio ju̧i̧ chjiari goë ta̧rëa̧ oaiä, chjaodëri̧ chjadürëremȩdejȩrȩ jibëa̧ guadia oa Ochea pio ju̧i̧ mitëpea̧ oa. Ado pio ju̧i̧ mitë ëte chaärea̧ bëräpȩ chaärëreji̧ri̧diro̧jo̧ȩ.
Achiriariji̧ri̧ guadia judiro̧ acji järëreji̧ri̧diro̧jo̧ȩ Chamaria bë ma̧ri̧räpȩ
5Ado Icharai ja̧ ütë pio ju̧i̧ chaä tänȩa̧ duri oa, Chamanacha judi jibëa̧ guadia pio ji̧ri̧ nö̧ta acji järëremȩde Icharai quȩmȩ chiriräpȩ. Ado ju̧ri̧pȩ go̧düdäräa̧rä, icharaita pio ji̧ri̧ ja̧bo tänȩriä acji tai̧rëreji̧ri̧dirȩ. Jachi oa jäji̧ri̧rȩ acji tai̧rëreji̧ri̧dirȩ Chamaria quȩmȩ bë ma̧ri̧räpȩ yuro. Jabo Chamaria bë ma̧ri̧ oa chjaodëri̧ acji yu̧a̧tärea̧ ji̧, chjaodëri̧ acji yu̧a̧rea̧ dadëa̧dirȩ. Tutia̧rä cjia̧ oaiä, jabechji̧ yu̧a̧rea̧ dadëa̧dirȩ. Tjamo̧ davä. Chamaria bë ma̧ri̧ üdë tutia̧rä cjiarëremȩde. Tutirea̧ ana̧ra̧, uë tjamo̧ra̧ tutia̧ oa cjiarëremȩde, itu tjamo̧ra̧. Pio ju̧i̧iä guadia judiro̧ chjaodëri̧ acji yu̧a̧tärea̧ ji̧, yu̧a̧rea̧ dadëa̧dirȩ, jabomo̧ tjoro tänȩrëreji̧ri̧diro̧jo̧ȩ. Aja̧, guadia judiro̧ bë yuroti̧ oa tjoro tänȩa̧diro̧jo̧ȩ. Jabechji̧ bë ma̧ri̧ oa chjadëri̧ jidapea̧ oa, bë mari̧ri pio judiri goadi go̧dürea̧ dachea oa, jurarea̧ gatë tänȩmȩ pio judi bë ma̧ri̧räpȩ yu̧a̧rea̧ dachea oa, jabechji̧ jidataji̧ri̧rȩ goë cjo̧ro̧rëreji̧ri̧diro̧jȩrȩ tjarari̧ ui nö̧ta. Ado bë ma̧ri̧rä jurarea̧ üdë chjaodëri̧ goarijädëa̧ oaiä, jabechji̧ chjao tjamo̧pe bagarëremȩdejȩrȩ. 6Jabo tjarari̧ ui üdë chjätäa̧rä, Achiria chiririji̧ri̧ guadia pio judiro̧ acji yu̧a̧rea̧ darëreji̧ri̧dirȩ. Ochea judi 9 ui ütëmȩrȩ goarërea̧rä acji yu̧a̧rea̧ darëreji̧ri̧dirȩ Chamariaräpȩ. Ado chjaodëri̧ boadäräa̧diro̧jȩrȩ. Ado boadäräa̧ ëte, yura̧ oa cjiaji̧ri̧ oa ëba baärëreji̧ri̧diro̧jȩrȩ Achiria quȩmȩ chiriräpȩ. Ado ju̧ri̧pȩ go̧düdärä ëte, o ji̧ri̧ bëpa tänȩrëreji̧ri̧diro̧jȩrȩ Ara quȩmȩräpȩ. Ado o ji̧ri̧ bëpa tänȩa̧diro̧jȩrȩ Abo quȩmȩ bea queri̧räpȩ, Gocha quȩmȩräpȩ. Ado o ji̧ri̧ bëpa tänȩa̧diro̧jȩrȩ ado cja̧rȩmo̧ pumȩ ja̧ chjarerä cjo̧ro̧pea̧ oa, jibëa̧ bë ma̧ri̧räpȩ ju̧ri̧. Aja̧, medo quȩji̧ri̧ pumȩ ja̧ chjarerä cjo̧ro̧ tänȩa̧diro̧jȩrȩ o ji̧ri̧. Ado icharaita judiro̧ jibëa̧ chiriräpȩ cjo̧ro̧rërea̧ ji̧, jabechji̧ Achiria quȩmȩ chiriräpȩ ano̧ mire cjo̧ro̧ji̧ri̧pe bagarëreji̧ri̧dirȩ, boadäräa̧ oa cjiaji̧ri̧rȩ.
7¿Jabo tjana̧ ju̧i̧iä jibëa̧ chiridëräpȩ cjo̧ro̧ji̧ri̧pe bagarëreji̧ri̧dirȩ icharaita judiro̧? ¿Tjana̧ ju̧i̧iä Achiria chiriräpȩ ano̧ mire cjo̧ro̧ji̧ri̧pea̧dirȩ? Tjana̧ ju̧i̧iädë, jabechji̧ judiro̧ Jeova pio ju̧i̧iäpȩmo̧ ji̧dë ma chjai̧dëri̧ jape chjaorërea̧ oaiä, Ütë tjamo̧ pio ju̧i̧ ji̧dë ma jiade chjaorërea̧ oaiä, jabechji̧ jibëa̧ chiridëräpȩ ano̧ mire cjo̧ro̧ji̧ri̧pea̧dirȩ. Aja̧, judiro̧ pjarao̧ pio ju̧i̧ ja̧ chja̧oeri pio judiri Go̧dü Tänȩmȩ pio ju̧i̧ jiadarërea̧ oaiä, pio jibë Ejito chiriri pio judiri Go̧dü Tänȩmȩ pio ju̧i̧ ta̧rëdiädëa̧ oaiä, jabechji̧ ja̧di dari̧ cjo̧ro̧ji̧ri̧pea̧dirȩ ado cja̧rȩmo̧ chiriräpȩ, judiro̧ teracaba ütë ji̧ra̧ oa chjacjiamȩri̧ jo̧rȩtarërea̧ oaiä. 8Tjamo̧ davä. Judiro̧ Canaa̧ quȩmȩ chiriräpȩ cjo̧ro̧rëreji̧ri̧ pumȩ pio ji̧ri̧ cho̧rë japarërea̧ oaiä, Jeovarë baä tänȩrërea̧ pumȩ pio ji̧ri̧ cho̧rë jo̧rȩtarërea̧ oaiä, dëdë, jibëa̧ chiridëräpȩ ano̧ mire cjo̧ro̧ji̧ri̧pe bagarëreji̧ri̧dirȩ. Ado pio ju̧i̧ uëri Icharai chiriräpȩ cjo̧ro̧ji̧ri̧ ütë pio judiro̧ mai̧ da tjamo̧ri̧ japarërea̧ pio ju̧i̧bo japariä cjo̧ro̧ji̧ri̧pe bagarëreji̧ri̧dirȩ icharaita judiro̧, ja̧di dari̧ japadërërea̧ ji̧. Ado pio ju̧i̧iäbo jibëa̧ chiridëräpȩ ano̧ mire cjo̧ro̧ji̧ri̧pea̧dirȩ Ütërë tänȩa̧ oaiä.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved