Chamue Ma̧ȩ 1 31
31
Chauro judi ja̧borëremȩde jibëa̧ u̧ri̧borë
1Ado pjiriteo judiro̧ goae tarari̧ acji järëreji̧ri̧diro̧jȩrȩ icharaita ji̧ri̧iäpȩmo̧ Giboa quȩmȩ ya̧mi̧räpȩ ju̧ri̧. Ado no̧i̧dë oa ja̧bo tänȩrëreji̧ri̧diro̧jȩrȩ. Ado pio ju̧i̧iä icharaita judiro̧ goae tarari̧ a̧dë bagureno̧rëreji̧ri̧diro̧jȩrȩ, uapa tjamo̧ji̧ri̧rȩ. 2Ado Chauro judi jibëa̧ u̧ri̧borë peaja̧di a̧dë bagurarëreji̧ri̧diro̧jȩrȩ. Jabo cjäri̧ madiro̧jȩrȩ, pjiriteo judiro̧ cho̧rë jäji̧ri̧rȩ nö̧tadiäa̧diro̧jȩrȩ. Ado Chauro ja̧ u̧ri̧ pio ji̧ri̧ ja̧bo tänȩa̧diro̧jȩrȩ ütëbo oa. Jonata̧ pio ju̧i̧, Abinadabo pio ju̧i̧, ado Maquicha pio ju̧i̧bo ja̧bo tänȩrëreji̧ri̧diro̧jȩrȩ. 3Ado Chuaro pio ju̧i̧ tjamo̧ri̧ ja̧bo tänȩtämi̧ cjiaji̧ri̧rȩ goae tarari̧ ae chjaorëreji̧ri̧diro̧jo̧ȩ. Ado tjamo̧i̧ cjiari̧ aea̧ oaiä, jabechji̧ aea̧ oa cjiarëremȩde. Aja̧, goe maeari̧, ja̧bopai̧ dari̧ aea̧ oa cjiarëremȩde. 4Pio ju̧i̧iä Chauro judi chjaodëri̧ yo̧a̧dejȩ jibëa̧ chjito̧ oa arë yürümȩ pio ju̧i̧iäpȩmo̧:
—Danȩ, na̧ tjapënȩ jujuai̧ oa go̧dü tänȩno̧jo̧ȩ na̧ joëri pio judiri. Ado jo̧ȩra̧pe cjacjarë guacoe pio coa ja̧bo tänȩpea̧ oa. Jabechji̧ Ütë tjamo̧ ju̧i̧iäpȩmo̧ quëna̧dëji̧ri̧ pjiriteo pio judiro̧ pio coa conȩdachea oa, pio coadi chjaocjiami̧ dari̧ japachea oa, pio coa ja̧bo tänȩchea oa, jabechji̧ jo̧ȩra̧pe ja̧bo tänȩno̧coe jabërä. Jaevä. Jo̧ȩra̧pe cjacjarë guacoe —yo̧a̧dejȩ.
Jabo Chauro ja̧ chjito̧ oa arë yürümȩ judi jibëa̧ ütë pio ju̧i̧iäpȩmo̧ ba chia daea̧ oaiä, uapë daea̧ oaiä, jabechji̧ ja̧bo tänȩdëri̧ cjiarëremȩdejȩ. Pio ju̧i̧iä Chauro judi jibëa̧ ma̧na̧ri̧ ja̧botämi̧ cjiamȩrȩ mitëa̧de jibëa̧ tjapënȩ jujui̧ oa, yu̧ra̧ gaipa tjamo̧ oa. Ado yu̧ra̧ oa jibëa̧ iräpȩmo̧ gua ëte acji china̧därärëremȩdejȩ cjacjarë guarea̧mi̧ dari̧, ja̧borea̧mi̧ dari̧. Aja̧, ja̧di dari̧ ja̧borëremȩde, jibëa̧ ma̧na̧ri̧ japamȩrȩ. 5Ado Chauro pio ju̧i̧rea̧ ja̧ chjito̧ oa arë yürüremȩ judi pio ju̧i̧ daea̧ oaiä, peaja̧di dari̧ japarëremȩde jibëa̧ ütë pio ju̧i̧ nö̧ta ja̧bopea̧ oa. 6Ado pio jiro domȩ ju̧i̧iä no̧i̧dërë ja̧borëreji̧ri̧dirȩ. Chauro judi, ju̧i̧ ja̧ u̧ri̧ judiro̧, ju̧i̧ ja̧ chjito̧ oa arë yürümȩ judi, ado ju̧i̧ ja̧ guadia chjö̧na̧i̧rȩ ja̧borëreji̧ri̧dirȩ.#31:6 Aja̧, Chauro judi ja̧borëremȩde, jibëa̧ ma̧na̧ri̧ japamȩrȩ. Jabechji̧ Ütë tjamo̧ pio judi ütë cjatä tänȩrëremȩdejȩ jibëa̧ ma̧ȩrä cjo̧ro̧dëa̧ oaiä. Jabechji̧ Ütë tjamo̧ pio judi yo̧a̧mi̧ japatärea̧ ji̧, jibëa̧ ma̧na̧ri̧ jo̧rȩtamȩrȩ japarëremȩde. Ado pio ju̧i̧iä ütë cjatä tänȩrëremȩdejȩ. Aja̧, pio judi chiri ütëmȩrȩ cjo̧ro̧rërea̧ ji̧, Davi pio judi ano̧ mire chiri ütëpe bagarëremȩde. Ado icharaita judiro̧ peadëri ja̧ ba chia darëreji̧ri̧diro̧jo̧ȩ Davi pio ju̧i̧. Ado Eboro̧ quȩmȩräpȩmȩ oa goëdepea̧diro̧jo̧ȩ. Go̧ȩ ni̧bä chji̧vä ma̧ȩ oa, Chamue Ma̧ȩ 2.
Currently Selected:
Chamue Ma̧ȩ 1 31: Pume
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved
Chamue Ma̧ȩ 1 31
31
Chauro judi ja̧borëremȩde jibëa̧ u̧ri̧borë
1Ado pjiriteo judiro̧ goae tarari̧ acji järëreji̧ri̧diro̧jȩrȩ icharaita ji̧ri̧iäpȩmo̧ Giboa quȩmȩ ya̧mi̧räpȩ ju̧ri̧. Ado no̧i̧dë oa ja̧bo tänȩrëreji̧ri̧diro̧jȩrȩ. Ado pio ju̧i̧iä icharaita judiro̧ goae tarari̧ a̧dë bagureno̧rëreji̧ri̧diro̧jȩrȩ, uapa tjamo̧ji̧ri̧rȩ. 2Ado Chauro judi jibëa̧ u̧ri̧borë peaja̧di a̧dë bagurarëreji̧ri̧diro̧jȩrȩ. Jabo cjäri̧ madiro̧jȩrȩ, pjiriteo judiro̧ cho̧rë jäji̧ri̧rȩ nö̧tadiäa̧diro̧jȩrȩ. Ado Chauro ja̧ u̧ri̧ pio ji̧ri̧ ja̧bo tänȩa̧diro̧jȩrȩ ütëbo oa. Jonata̧ pio ju̧i̧, Abinadabo pio ju̧i̧, ado Maquicha pio ju̧i̧bo ja̧bo tänȩrëreji̧ri̧diro̧jȩrȩ. 3Ado Chuaro pio ju̧i̧ tjamo̧ri̧ ja̧bo tänȩtämi̧ cjiaji̧ri̧rȩ goae tarari̧ ae chjaorëreji̧ri̧diro̧jo̧ȩ. Ado tjamo̧i̧ cjiari̧ aea̧ oaiä, jabechji̧ aea̧ oa cjiarëremȩde. Aja̧, goe maeari̧, ja̧bopai̧ dari̧ aea̧ oa cjiarëremȩde. 4Pio ju̧i̧iä Chauro judi chjaodëri̧ yo̧a̧dejȩ jibëa̧ chjito̧ oa arë yürümȩ pio ju̧i̧iäpȩmo̧:
—Danȩ, na̧ tjapënȩ jujuai̧ oa go̧dü tänȩno̧jo̧ȩ na̧ joëri pio judiri. Ado jo̧ȩra̧pe cjacjarë guacoe pio coa ja̧bo tänȩpea̧ oa. Jabechji̧ Ütë tjamo̧ ju̧i̧iäpȩmo̧ quëna̧dëji̧ri̧ pjiriteo pio judiro̧ pio coa conȩdachea oa, pio coadi chjaocjiami̧ dari̧ japachea oa, pio coa ja̧bo tänȩchea oa, jabechji̧ jo̧ȩra̧pe ja̧bo tänȩno̧coe jabërä. Jaevä. Jo̧ȩra̧pe cjacjarë guacoe —yo̧a̧dejȩ.
Jabo Chauro ja̧ chjito̧ oa arë yürümȩ judi jibëa̧ ütë pio ju̧i̧iäpȩmo̧ ba chia daea̧ oaiä, uapë daea̧ oaiä, jabechji̧ ja̧bo tänȩdëri̧ cjiarëremȩdejȩ. Pio ju̧i̧iä Chauro judi jibëa̧ ma̧na̧ri̧ ja̧botämi̧ cjiamȩrȩ mitëa̧de jibëa̧ tjapënȩ jujui̧ oa, yu̧ra̧ gaipa tjamo̧ oa. Ado yu̧ra̧ oa jibëa̧ iräpȩmo̧ gua ëte acji china̧därärëremȩdejȩ cjacjarë guarea̧mi̧ dari̧, ja̧borea̧mi̧ dari̧. Aja̧, ja̧di dari̧ ja̧borëremȩde, jibëa̧ ma̧na̧ri̧ japamȩrȩ. 5Ado Chauro pio ju̧i̧rea̧ ja̧ chjito̧ oa arë yürüremȩ judi pio ju̧i̧ daea̧ oaiä, peaja̧di dari̧ japarëremȩde jibëa̧ ütë pio ju̧i̧ nö̧ta ja̧bopea̧ oa. 6Ado pio jiro domȩ ju̧i̧iä no̧i̧dërë ja̧borëreji̧ri̧dirȩ. Chauro judi, ju̧i̧ ja̧ u̧ri̧ judiro̧, ju̧i̧ ja̧ chjito̧ oa arë yürümȩ judi, ado ju̧i̧ ja̧ guadia chjö̧na̧i̧rȩ ja̧borëreji̧ri̧dirȩ.#31:6 Aja̧, Chauro judi ja̧borëremȩde, jibëa̧ ma̧na̧ri̧ japamȩrȩ. Jabechji̧ Ütë tjamo̧ pio judi ütë cjatä tänȩrëremȩdejȩ jibëa̧ ma̧ȩrä cjo̧ro̧dëa̧ oaiä. Jabechji̧ Ütë tjamo̧ pio judi yo̧a̧mi̧ japatärea̧ ji̧, jibëa̧ ma̧na̧ri̧ jo̧rȩtamȩrȩ japarëremȩde. Ado pio ju̧i̧iä ütë cjatä tänȩrëremȩdejȩ. Aja̧, pio judi chiri ütëmȩrȩ cjo̧ro̧rërea̧ ji̧, Davi pio judi ano̧ mire chiri ütëpe bagarëremȩde. Ado icharaita judiro̧ peadëri ja̧ ba chia darëreji̧ri̧diro̧jo̧ȩ Davi pio ju̧i̧. Ado Eboro̧ quȩmȩräpȩmȩ oa goëdepea̧diro̧jo̧ȩ. Go̧ȩ ni̧bä chji̧vä ma̧ȩ oa, Chamue Ma̧ȩ 2.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2021 Global Partners, All Rights Reserved