Mateo 18
18
Bada a nia yai lä cuo wei
tä lä wa̦lino wejei tä a̦
1Ö̦jö lä däjä showawä, cama ebä lä nocamabono wei bänö, Jesús a wa̦limaje. Abinaja bä cuma.
—Yai Badanö cama ebä ca̦i nia lä cuo wei ebä nija, ¿wedi bei a nia yai bada cuo?
2Inaja bä cuu ja, ijilu a fa nacalänö, cama bä nijamö a fa möamoblamalönö, abinaja bä nowa tama.
3—Cafä wamacö nija ei ya wa̦ lä cui, bejedi lä ya wa̦. Ijilu bä a̦ juo si ijejeoblou lä culenaja wamacö cubloimi ja, Yai Bada tänö cama ebä ca̦i nia lä cuo wei jamö, wamacö nia cuomi waiquiwä. 4Ei a wai ijilu jömöo lä mlainaja a lä cuaaö wei a lä cui, Yai Bada tänö cama ebä ca̦i lä cuo wei däjä, ö̦jö a nia shino yai bada cuo.
5’Ei a lä culenaja a wai ijilu lä cui, a shomi ma cui, camiyä ya wa̦nö a wai nofimaö fe yadioje ja, camiyä ma cui wale nofimaö mö feduoje —a cuma—. 6Ö̦jö ma cui, camiya wale bejedi lä bufii wejei bä wai lä cui, wa̦lidiwä tä jamö ö̦jö iba ai a wai luluaö lä dicoo wei tä wayu. Yanowamö a ja, bei olafi jamö maa ma bada fa jalemacöjenö, modu u jamö a befi ca̦i fa queamajenö, a mishi duamaöje ja, ö̦jö a nö bleaaö ma cuquei wei ma cui, iba ai a wai lä wa̦lidiamale a lä cui, ö̦jö bei a nö shino yai bleaaö cuquei —Jesús a cuma.
Wa̦lidiwä tä a̦fa wayu
lä tano wei tä a̦
7Abinaja Jesús a cuma.
—Wa̦lidiwä tä jamö täbä yabäcamobä, showadi tä cublawä yalo, bita jamö bä yanowamö lä bälöblai bä nö bleaaö lä cudi. Tä cua ma cule, täbä yai lä yabäcaö wejei bä lä cui, täbä wa̦lidiblamaöje yalo, ö̦jö bä nö nia shino yai bleaaö dodijio.
8’Abinaja ca̦i —a cuma—. Bei wa imicönö wa wa̦liamou dicoo ja, wa imicö fa bäblamolunö, imicö da joyamolu. Wa imicö bäblamou ja, wa nö nia ma bleaaö wei ma cui, wa demi nia lä cudio wei, ö̦jö bei tä shino yai dodijidawä. Shobali wacö jamö wa imicö demi befi ca̦i shäyäblamou ja, wacö lublou dao lä mlai jamö, ö̦jö däjä wa nö shino yai bleaaö cuquei.
’Bei wa mamicö ma cui, inaja showawä —a cuma—. Bei wa mamicönö wa wa̦liamou dicoo ja, wa mamicö fa bäblamolunö, mamicö da joyamolu. Wa mamicö bäblamou ja, wa nö nia ma bleaaö wei ma cui, shobali wacö jamö wa mamicö demi befi ca̦i shäyäblamou dicoo ja, ö̦jö däjä wa nö shino yai bleaaö cuquei.
9’Bei wa mamonö wa wa̦liamou dicoo ja, wa mamo fa ucäblamolunö, mamo da joyamolu —a cuma—. Wa mamo ma ucäblamolayou wei ma cui, Yai Bada tänö cama ebä ca̦i cuobä jamö, wa waloo fe lä yadio wei, ö̦jö bei tä shino yai dodijidawä. Shobali wacö jamö, wa mamocu demi befi ca̦i shäyäblamou dicoo ja, ö̦jö däjä wa nö shino yai bleaaö cuquei.
Oweja a lä
mojolulayono wei tä a̦
10-11Abinaja Jesús a cuma.
—Ei iba ai a wai lä cui, a nofi wa̦libo dijejä. Bämacö nowa taö lä cule. Ö̦jö bä nija Yai Bada tänö a̦jele ebä malä lämabole. Ö̦jö bä a̦jele lä cui bä a̦ nö wäobä, Fayä a lä culadi nija bä malä ajedeladi.
12’¿Wedinaja wamacö bufi yai cuu dodijio? —a cuma—. Ai a lä cuinö, yalo 100 bä oweja tabou ja, moli e mojolua dicolayou ja, a nia dayäaö, ¿ö̦jö tawä? Jefu tä balöcö jamö, 99 bä lä jäle bä fa dacödunö, moli e lä mojolulayono wei a nia dayäö cuaaö. 13A daa co̦lalei ja, a bufi nia doblalou co̦o.
’¿Ö̦jö tawä? —a cuma—. Cafä wamacö nija ei ya wa̦ lä cui, bejedi lä ya wa̦. Bä mojoluu lä mlaono wei bä 99 lä cui nija a bufi doblao cai̦ ma cuo wei ma cui, a lä mojolulayono wei a lä cui nija a bufi nia shino yai doblalou fe balojoo, a daa co̦a fe yadilalema cudeenö. 14Inaja showawä, yanowamö täbänö ei bä nofi wai tabou ma mlajei ma cui, Fayä a lä culadinö bä nofi li yai tabou. Moli a ma cui, a mojolumaö bufiomi waiquiwä —a cuma.
Jesúsnö etäbä nowa
mladamaö lä bufii wei tä a̦
15Abinaja Jesús a cuma.
—Aifä anö wa yabäcaö ja, cama nija wa fa junö, yami wafäcö culanö, a doblou lä mlaono wei wa etä a̦ nia wäaö. Wa wa̦ ji̦liaö ja, dodijidawä wafäcö nofi nia tamayou co̦o. 16Ö̦jö ma cui, wa wa̦ ji̦liaö bufiomi waiquiwä ja, aifä wa nia nacaö. Bolacabö ma cui, wa cöbö nacaö dao. Ö̦jö wa cöbö ca̦i fa junö, wa wasöö lä co̦le däjä, ö̦jö cäcöbö lä cuinö wa wa̦ nia bayeliblaböö, Moisesi tä a̦ lä cuu weinaja showawä. ¿Ö̦jö tawä? Bä dobloimi jömamou ja, moli a wa̦nö bä nia jömamou malä mlai. Bolacabö cäcöbö a̦ ma cuinö, 3 bä a̦ ma cuinö, bä a̦ faö fe lä usucui bä a̦nö bä nia shino yai jömamou.
17’Ö̦jö ma cui, ö̦jö bä a̦ ca̦i ji̦liaö bufiomi showawä ja, iba bä lä yododaö wei bä bluca nija a wa̦fa da wäcö —a cuma—. Iba bä lä cuinö a ma wasöö wejei ma cui, bä a̦ ji̦liaö bufiomi showawä dicowä ja, Yai Bada a daö lä mlajei, wa bä nofi nö lä tabobö weinaja, wa nofi nia ca̦i tabou, Lomateli bada bä befi, bä blada lä doaö wejei, wa bä nofi nö lä tabobö weinaja showawä.
18’Cafä wamacö nija ei ya wa̦ lä cui, bejedi lä ya wa̦ —a cuma—. Äyämö, bita jamö culanö wa bä wasöö ja, Yai Bada a lä culadinö tä tamaö nofi lä wa̦libole tä shino ja, wa bä nia wasöö. Wa tä tamaö lä bufio wei tä ma cui ja, inaja showawä.
19’Bämacö nowa taö co̦a lä cule —a cuma—. Bolacabö ai wafäcö bädawä lä cui, wafäcö bufi shalililanö Yai Bada nija wafäcö nacou ja, wafä tä tamaö lä bufii wei tä lä cui, Fayä a lä culadinö tä taö wä. 20Camiyä ya wa̦ ja, bolacadabö wamacö lä yododaö wei jamö, ö̦jamö lä camiyänö bämacö nia ca̦i cuo. Bolacabö wafäcö bädawä ma cui, inaja showawä —Jesús a cuma.
21Ö̦jö däjä, Jesús nija Pedro a icua fa ajedeicunö, abinaja e cuma.
—Bada tä. Iba ai anö, showadi wale yabäcadii dicoo ja, ¿wedinaja ya yai li cuaabä? ¿Wedinaja tä cudale, ya etä mladamaö cuobä? 7 wale yabäcaö cua ma waiquile ma cui, ¿ya etä nowa mladamaö fe yadiobä tawä? —Pedro e cuma.
22Abinaja Jesús e cuu nomöjöoma.
—Aifä anö 7 wa yabäcaö ma cule, wa etä nowa nia mladamaö. Aifä nija tä nowa lä cule, wa etä nia wabaimi. 23Ö̦jö cudeenö, Yai Bada tänö cama ebä ca̦i lä cuo wei tä lä cui, abinaja tä yai cuwä. A bälöo lä dodijio wei a bada cuoma. A nosie lä juamou wei bä nija bä nowa blada taboma. ¿Ö̦jö tawä? Bä nowa lä tabole bä blada co̦amaö co̦obeje, bä nacaa co̦amalalema.
24’¿Ö̦jö tawä? —a cuma—. Ö̦jö bä wa̦lii showao däjä, a nosie juamobä ai a lä cui, a ca̦i waloqueyolumaje. Ö̦jö a lä cui nija blada 10.000 tä nowa bada cuoma. 25Tä nowa cuoma ma cui, blada bä nia lä co̦amaö wei bei etä cuonomi dicowä. Tä nowa nö co̦amabimi yalo, shomi täbä nija bada anö a jöböamaö bufima. Cama a ma cui, bä suwäbö e ma cui, bä ijilubö ebä ma cui, täbä bluca lä tabono wei täbä ma cui, blada bä ja bada anö bä nia bluca nomöjöamama, tä nowa co̦amamou fe yadiobä.
26’Inaja a nia taamama yalo, a nosie juamobä a lä cui, bada nija a quilili fa dijoblaicunö, a möfe boblaquema, a nofi nia ojode fa tablamonö. Abinaja a cuma. “Bada tä. A shi jalimou dicoo dijä. Ya tä nowa bluca co̦amaö weicätä”, a cuma. 27Einaja e cuma yalo, bada a lä cuinö a nofi ojodaboma. A fa jujeblamalönö, etä nowa jödödöwä lä cuono wei etä mladamaö showadalayoma.
28’¿Ö̦jö tawä? —Jesús a cuma—. Ö̦jö ma cui, bada a nosie juamobä ö̦jö a showawä lä cui, abinaja cama a cuaaö dicooma. Sibo jamö a faö co̦o däjä, bada a nosie juamobä ai a mö feduwä lä cui, a dalalema. Ö̦jö nija bä nowa blada taboma. Bluca mlai, 100 bä nowa wai blada tabou bädaoma. Ö̦jö ma cui, bä blada co̦amaö showao fe yadiobä, bei olami ja imicö waliblaa showadaquema. “¡Iba blada 100 bä da co̦maba!”, a nowa tadalema.
29’Inaja a nowa tama yalo, bada a nosie juamobä a mö feduwä lä cui, a nofi nia ojode fa tablamonö, a quilili fa dijoblaicunö, a möfe boblaquema. A wa̦ fe blacäjolanö abinaja e cuma. “A shi jalimou dicoo dijä. Ya bä co̦amaö wä”, e cuma. 30Einaja a ma cuno wei ma cui, a nofi ojodabou mlai ja, a fe shino yai laa dicomaquema. Bä blada co̦amaö showao mlao däjä, a nia famaö co̦onomi.
31’¿Ö̦jö tawä? —Jesús a cuma—. Bada a nosie juamobä bä mö feduwä lä cuinö, ö̦jö tä fa dalalöjenö bä bufi bluca wa̦lidiblaliyoma. Ö̦jö däjä, bada nijamö bä juu fa showadaonö, tä bluca lä cublaliyono wei tä a̦ wäyäö co̦ojolomaje.
32’Bada anö cama bä a̦ fa ji̦lilänö, a doblono lä mlai a nacaa co̦malema. A waloo däjä, abinaja a nowa tama. “Wale nosie juabä cafä wa lä cui, wa yai dobloimi fe balojowä. Camiyä nija wa nofi ojode tablamobä wa wa̦ lä fano wei däjä, afä ya tä nowa bluca mladamalema. 33¿Ö̦jö tawä? Cafä bäfä nofi ojodadaö lä culayono weinaja, ¿wedi tabä inaja showawä aifä wa nofi ojode tablanomi dicowä?”, a nowa tama.
34’Bada a fa jushudalunö, a fe laa showadamaquema. Tä nowa bluca co̦amaö showao mlao däjä, a nia famaö co̦daanomi. 35¿Ö̦jö tawä? —Jesús a cuma—. Einaja showawä, bei wamacö bufi cadidiwänö aifä wama etä nowa mladamaö cuomi dicowä ja, Fayä a lä culadinö afä tä nowa nia ca̦i mladamaö ayaomi.
Currently Selected:
Mateo 18: GUU
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved
Mateo 18
18
Bada a nia yai lä cuo wei
tä lä wa̦lino wejei tä a̦
1Ö̦jö lä däjä showawä, cama ebä lä nocamabono wei bänö, Jesús a wa̦limaje. Abinaja bä cuma.
—Yai Badanö cama ebä ca̦i nia lä cuo wei ebä nija, ¿wedi bei a nia yai bada cuo?
2Inaja bä cuu ja, ijilu a fa nacalänö, cama bä nijamö a fa möamoblamalönö, abinaja bä nowa tama.
3—Cafä wamacö nija ei ya wa̦ lä cui, bejedi lä ya wa̦. Ijilu bä a̦ juo si ijejeoblou lä culenaja wamacö cubloimi ja, Yai Bada tänö cama ebä ca̦i nia lä cuo wei jamö, wamacö nia cuomi waiquiwä. 4Ei a wai ijilu jömöo lä mlainaja a lä cuaaö wei a lä cui, Yai Bada tänö cama ebä ca̦i lä cuo wei däjä, ö̦jö a nia shino yai bada cuo.
5’Ei a lä culenaja a wai ijilu lä cui, a shomi ma cui, camiyä ya wa̦nö a wai nofimaö fe yadioje ja, camiyä ma cui wale nofimaö mö feduoje —a cuma—. 6Ö̦jö ma cui, camiya wale bejedi lä bufii wejei bä wai lä cui, wa̦lidiwä tä jamö ö̦jö iba ai a wai luluaö lä dicoo wei tä wayu. Yanowamö a ja, bei olafi jamö maa ma bada fa jalemacöjenö, modu u jamö a befi ca̦i fa queamajenö, a mishi duamaöje ja, ö̦jö a nö bleaaö ma cuquei wei ma cui, iba ai a wai lä wa̦lidiamale a lä cui, ö̦jö bei a nö shino yai bleaaö cuquei —Jesús a cuma.
Wa̦lidiwä tä a̦fa wayu
lä tano wei tä a̦
7Abinaja Jesús a cuma.
—Wa̦lidiwä tä jamö täbä yabäcamobä, showadi tä cublawä yalo, bita jamö bä yanowamö lä bälöblai bä nö bleaaö lä cudi. Tä cua ma cule, täbä yai lä yabäcaö wejei bä lä cui, täbä wa̦lidiblamaöje yalo, ö̦jö bä nö nia shino yai bleaaö dodijio.
8’Abinaja ca̦i —a cuma—. Bei wa imicönö wa wa̦liamou dicoo ja, wa imicö fa bäblamolunö, imicö da joyamolu. Wa imicö bäblamou ja, wa nö nia ma bleaaö wei ma cui, wa demi nia lä cudio wei, ö̦jö bei tä shino yai dodijidawä. Shobali wacö jamö wa imicö demi befi ca̦i shäyäblamou ja, wacö lublou dao lä mlai jamö, ö̦jö däjä wa nö shino yai bleaaö cuquei.
’Bei wa mamicö ma cui, inaja showawä —a cuma—. Bei wa mamicönö wa wa̦liamou dicoo ja, wa mamicö fa bäblamolunö, mamicö da joyamolu. Wa mamicö bäblamou ja, wa nö nia ma bleaaö wei ma cui, shobali wacö jamö wa mamicö demi befi ca̦i shäyäblamou dicoo ja, ö̦jö däjä wa nö shino yai bleaaö cuquei.
9’Bei wa mamonö wa wa̦liamou dicoo ja, wa mamo fa ucäblamolunö, mamo da joyamolu —a cuma—. Wa mamo ma ucäblamolayou wei ma cui, Yai Bada tänö cama ebä ca̦i cuobä jamö, wa waloo fe lä yadio wei, ö̦jö bei tä shino yai dodijidawä. Shobali wacö jamö, wa mamocu demi befi ca̦i shäyäblamou dicoo ja, ö̦jö däjä wa nö shino yai bleaaö cuquei.
Oweja a lä
mojolulayono wei tä a̦
10-11Abinaja Jesús a cuma.
—Ei iba ai a wai lä cui, a nofi wa̦libo dijejä. Bämacö nowa taö lä cule. Ö̦jö bä nija Yai Bada tänö a̦jele ebä malä lämabole. Ö̦jö bä a̦jele lä cui bä a̦ nö wäobä, Fayä a lä culadi nija bä malä ajedeladi.
12’¿Wedinaja wamacö bufi yai cuu dodijio? —a cuma—. Ai a lä cuinö, yalo 100 bä oweja tabou ja, moli e mojolua dicolayou ja, a nia dayäaö, ¿ö̦jö tawä? Jefu tä balöcö jamö, 99 bä lä jäle bä fa dacödunö, moli e lä mojolulayono wei a nia dayäö cuaaö. 13A daa co̦lalei ja, a bufi nia doblalou co̦o.
’¿Ö̦jö tawä? —a cuma—. Cafä wamacö nija ei ya wa̦ lä cui, bejedi lä ya wa̦. Bä mojoluu lä mlaono wei bä 99 lä cui nija a bufi doblao cai̦ ma cuo wei ma cui, a lä mojolulayono wei a lä cui nija a bufi nia shino yai doblalou fe balojoo, a daa co̦a fe yadilalema cudeenö. 14Inaja showawä, yanowamö täbänö ei bä nofi wai tabou ma mlajei ma cui, Fayä a lä culadinö bä nofi li yai tabou. Moli a ma cui, a mojolumaö bufiomi waiquiwä —a cuma.
Jesúsnö etäbä nowa
mladamaö lä bufii wei tä a̦
15Abinaja Jesús a cuma.
—Aifä anö wa yabäcaö ja, cama nija wa fa junö, yami wafäcö culanö, a doblou lä mlaono wei wa etä a̦ nia wäaö. Wa wa̦ ji̦liaö ja, dodijidawä wafäcö nofi nia tamayou co̦o. 16Ö̦jö ma cui, wa wa̦ ji̦liaö bufiomi waiquiwä ja, aifä wa nia nacaö. Bolacabö ma cui, wa cöbö nacaö dao. Ö̦jö wa cöbö ca̦i fa junö, wa wasöö lä co̦le däjä, ö̦jö cäcöbö lä cuinö wa wa̦ nia bayeliblaböö, Moisesi tä a̦ lä cuu weinaja showawä. ¿Ö̦jö tawä? Bä dobloimi jömamou ja, moli a wa̦nö bä nia jömamou malä mlai. Bolacabö cäcöbö a̦ ma cuinö, 3 bä a̦ ma cuinö, bä a̦ faö fe lä usucui bä a̦nö bä nia shino yai jömamou.
17’Ö̦jö ma cui, ö̦jö bä a̦ ca̦i ji̦liaö bufiomi showawä ja, iba bä lä yododaö wei bä bluca nija a wa̦fa da wäcö —a cuma—. Iba bä lä cuinö a ma wasöö wejei ma cui, bä a̦ ji̦liaö bufiomi showawä dicowä ja, Yai Bada a daö lä mlajei, wa bä nofi nö lä tabobö weinaja, wa nofi nia ca̦i tabou, Lomateli bada bä befi, bä blada lä doaö wejei, wa bä nofi nö lä tabobö weinaja showawä.
18’Cafä wamacö nija ei ya wa̦ lä cui, bejedi lä ya wa̦ —a cuma—. Äyämö, bita jamö culanö wa bä wasöö ja, Yai Bada a lä culadinö tä tamaö nofi lä wa̦libole tä shino ja, wa bä nia wasöö. Wa tä tamaö lä bufio wei tä ma cui ja, inaja showawä.
19’Bämacö nowa taö co̦a lä cule —a cuma—. Bolacabö ai wafäcö bädawä lä cui, wafäcö bufi shalililanö Yai Bada nija wafäcö nacou ja, wafä tä tamaö lä bufii wei tä lä cui, Fayä a lä culadinö tä taö wä. 20Camiyä ya wa̦ ja, bolacadabö wamacö lä yododaö wei jamö, ö̦jamö lä camiyänö bämacö nia ca̦i cuo. Bolacabö wafäcö bädawä ma cui, inaja showawä —Jesús a cuma.
21Ö̦jö däjä, Jesús nija Pedro a icua fa ajedeicunö, abinaja e cuma.
—Bada tä. Iba ai anö, showadi wale yabäcadii dicoo ja, ¿wedinaja ya yai li cuaabä? ¿Wedinaja tä cudale, ya etä mladamaö cuobä? 7 wale yabäcaö cua ma waiquile ma cui, ¿ya etä nowa mladamaö fe yadiobä tawä? —Pedro e cuma.
22Abinaja Jesús e cuu nomöjöoma.
—Aifä anö 7 wa yabäcaö ma cule, wa etä nowa nia mladamaö. Aifä nija tä nowa lä cule, wa etä nia wabaimi. 23Ö̦jö cudeenö, Yai Bada tänö cama ebä ca̦i lä cuo wei tä lä cui, abinaja tä yai cuwä. A bälöo lä dodijio wei a bada cuoma. A nosie lä juamou wei bä nija bä nowa blada taboma. ¿Ö̦jö tawä? Bä nowa lä tabole bä blada co̦amaö co̦obeje, bä nacaa co̦amalalema.
24’¿Ö̦jö tawä? —a cuma—. Ö̦jö bä wa̦lii showao däjä, a nosie juamobä ai a lä cui, a ca̦i waloqueyolumaje. Ö̦jö a lä cui nija blada 10.000 tä nowa bada cuoma. 25Tä nowa cuoma ma cui, blada bä nia lä co̦amaö wei bei etä cuonomi dicowä. Tä nowa nö co̦amabimi yalo, shomi täbä nija bada anö a jöböamaö bufima. Cama a ma cui, bä suwäbö e ma cui, bä ijilubö ebä ma cui, täbä bluca lä tabono wei täbä ma cui, blada bä ja bada anö bä nia bluca nomöjöamama, tä nowa co̦amamou fe yadiobä.
26’Inaja a nia taamama yalo, a nosie juamobä a lä cui, bada nija a quilili fa dijoblaicunö, a möfe boblaquema, a nofi nia ojode fa tablamonö. Abinaja a cuma. “Bada tä. A shi jalimou dicoo dijä. Ya tä nowa bluca co̦amaö weicätä”, a cuma. 27Einaja e cuma yalo, bada a lä cuinö a nofi ojodaboma. A fa jujeblamalönö, etä nowa jödödöwä lä cuono wei etä mladamaö showadalayoma.
28’¿Ö̦jö tawä? —Jesús a cuma—. Ö̦jö ma cui, bada a nosie juamobä ö̦jö a showawä lä cui, abinaja cama a cuaaö dicooma. Sibo jamö a faö co̦o däjä, bada a nosie juamobä ai a mö feduwä lä cui, a dalalema. Ö̦jö nija bä nowa blada taboma. Bluca mlai, 100 bä nowa wai blada tabou bädaoma. Ö̦jö ma cui, bä blada co̦amaö showao fe yadiobä, bei olami ja imicö waliblaa showadaquema. “¡Iba blada 100 bä da co̦maba!”, a nowa tadalema.
29’Inaja a nowa tama yalo, bada a nosie juamobä a mö feduwä lä cui, a nofi nia ojode fa tablamonö, a quilili fa dijoblaicunö, a möfe boblaquema. A wa̦ fe blacäjolanö abinaja e cuma. “A shi jalimou dicoo dijä. Ya bä co̦amaö wä”, e cuma. 30Einaja a ma cuno wei ma cui, a nofi ojodabou mlai ja, a fe shino yai laa dicomaquema. Bä blada co̦amaö showao mlao däjä, a nia famaö co̦onomi.
31’¿Ö̦jö tawä? —Jesús a cuma—. Bada a nosie juamobä bä mö feduwä lä cuinö, ö̦jö tä fa dalalöjenö bä bufi bluca wa̦lidiblaliyoma. Ö̦jö däjä, bada nijamö bä juu fa showadaonö, tä bluca lä cublaliyono wei tä a̦ wäyäö co̦ojolomaje.
32’Bada anö cama bä a̦ fa ji̦lilänö, a doblono lä mlai a nacaa co̦malema. A waloo däjä, abinaja a nowa tama. “Wale nosie juabä cafä wa lä cui, wa yai dobloimi fe balojowä. Camiyä nija wa nofi ojode tablamobä wa wa̦ lä fano wei däjä, afä ya tä nowa bluca mladamalema. 33¿Ö̦jö tawä? Cafä bäfä nofi ojodadaö lä culayono weinaja, ¿wedi tabä inaja showawä aifä wa nofi ojode tablanomi dicowä?”, a nowa tama.
34’Bada a fa jushudalunö, a fe laa showadamaquema. Tä nowa bluca co̦amaö showao mlao däjä, a nia famaö co̦daanomi. 35¿Ö̦jö tawä? —Jesús a cuma—. Einaja showawä, bei wamacö bufi cadidiwänö aifä wama etä nowa mladamaö cuomi dicowä ja, Fayä a lä culadinö afä tä nowa nia ca̦i mladamaö ayaomi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved