Mateo 15
15
Yai Bada tänö tä yai
lä bufii wei tä a̦
1Ö̦jö däjä, Jelusale jamö culanö, Jesús nijamö judio bada bä co̦cablaleyoluma. ¿Ö̦jö tawä? Faliseo bä bada ma cui, Moisesi etä a̦ ja täbä lä damaö wejei bä ma cui, ö̦jö bä bada fa co̦cablaleyolunö, abinaja ebä cuma.
2—Judio bämacö nö badabö lä cuaano wei, bäma bä owäbou nodiablalaö showaobä tä ma cule ma cui, ¿wedi tabä afä wa bä lä nocamabole bä lä cui, inaja bei bä li cuaaimi dicowä? Bä imicö ya̦lömou mlai ja, bei bä li iyaö dicoo —ebä cuma.
3Jesúsnö cama bä wa̦lii nomöjöoma.
—Cafä wamacö ma cui, ¿wedi tabä nö badabö tä a̦ ja wamacö bufi mö shino blucao fa dicoonö, Yai Bada tänö tä nabä yai lä shömaö wei wama tä taimi? 4Yai Bada wama tä a̦ juaö malä mlai. ¿Ö̦jö tawä? Jaba däjä, abinaja Yai Bada tänö bä nowa tama.
Faafä a ma cui, naafä a ma cui, dodijidawä wama bä ca̦i fa cuonö, wama bä a̦ nia juaö.
’Einaja bä nowa tama. Abinaja ca̦i.
Bä fö̦ö e nija a wa̦ wa̦lidiwä faö ja, a shämobä ö̦jö a waiquiwä. Bä nöö e ma cui nija a wa̦ ca̦i wa̦lidiwä faö dicoo ja, inaja showawä.
’¿Ö̦jö tawä? Einaja bä nowa tama —Jesús a cuma—. 5Ö̦jö ma cui, judio wamacö bada lä cui, abinaja cafä wamacö li cuu. “Ma. Faafä, naafä, wama bä bayeliblabä bä ma cule, wama täbä lä tabole, Yai Bada nija wama täbä a̦fa yaia wäyäö ja, faafä nija täbä nö jöböamobimi lä waiquii täbä”, wamacö cuu dicoo. 6¿Ö̦jö tawä? Yai Bada tä a̦ juamobä tä a̦ waiquiwä ma cui, wamacö nö badabö lä cuaano wei tä ja, wamacö bufi mö shino blucao fa dicoonö, ö̦jö wama tä a̦ li läablalaö, Yai Bada tä a̦ juaö mlaobeje.
7’Yai Bada a wa̦no wäyälewä Isaia a lä cuinö, cafä wamacö a̦fa wäyäö balöo ja, a bejedimoma —a cuma—. Jole jole wamacö dodijaö buo. Isaia etä a̦ oni jamö, abinaja tä a̦ cuu.
8Fei bä lä cuinö, bei bä caficönö wale nofi doablaö ma buo wejei ma cui, camiyä nija bei bä bufi yai cuami. 9Camiyä wale a̦fa Bada doblao ma taö wejei ma cui, bä jolemou dicoo ja, bä a̦ nö bleo bädao. Iba tä a̦ jo̦wa ma wäyäö wejei ma cui, ö̦jö iba tä a̦mi. Cama yanowamö täbä a̦ li bädawä.
’Einaja tä a̦ cuu —Jesús a cuma.
Täbä bufi yai lä
shamiblou wei tä a̦
10Ö̦jö däjä, Jesúsnö täbä fa nacaalalönö, abinaja bä nowa tama.
—Bei. Wamale a̦ da ji̦liyo. Bä bufi da jaducuicu. 11Täbä lä waö wejei täbänö, täbä bufi shamiblou daomi. ¿Ö̦jö tawä? Täbä lä cublai täbänö mlai, bei täbä caficö jamö tä a̦ wa̦lidiwä lä wawäblou wei tänö, ö̦jö tänö täbä bufi yai shamiblamou —bä nowa tama.
12Ö̦jö däjä, Jesúsnö bä lä nocamabono wei bä lä cui, abinaja bä cuyoluma.
—Wa tä a̦ lä wäyäblei tä a̦ ja, faliseo wa bä bufi bada jushudamalema. ¿Wa tä daö cule? —bä cuma.
13Abinaja Jesús a cuu nomöjöoma.
—Fayä a lä culadinö fibä döano lä mlai, fibä nia bluca ucäblamou majöo. 14Ö̦jö bä bada lä cui, bä a̦ faö buo. Täbä lulubobeje, ö̦jö bä waiquiwä ma cui bä jubäbö. ¿Ö̦jö tawä? Jubäbö a lä cui, ai a jubäbö mö feduwänö a lulubou dicoo ja, täca täca aca jamö cäcöbö nia queo bolacao showadao —a cuma.
15Ö̦jö däjä, abinaja Pedro e cuma.
—Nii wa bä a̦fa wayoaö lä yacläofe, ¿wedinaja bei wa cuu da cufanö? —e cuma.
16Abinaja Jesús a cuu nomöjöoma.
—Uo. Cafä wamacö ma cui, ¿wamacö bufi ca̦i jaducuwämi tawä? 17Bei wamacö bufi jamö bä nii didio malä mlai, wamacö bufi shamiamabä. Bei wamacö busi jamö bä nii li didio fa balöonö, bä li faoblou co̦o malä cui. 18Bei täbä bufi jamö tä wa̦lidiwä lä didile tä lä cui, bei täbä caficö jamö ö̦jö tä a̦ yai wa̦lidiwä wawäblou. Ö̦jö lä tänö täbä bufi yai shamiblou. 19Bei täbä bufi jamö tä wa̦lidiwä didia yalo, wa̦lidiwä tä jamö bä bufi shino dayäo. Ö̦jö däjä, täbä yanowamö shäöje. Bä joleblalou. Bä nofi beshili jushuaö. Shomi täbä madofi ca̦i lämaöje. Täbä a̦fa jole jole ca̦i wäyäöje. Täbä a̦fa ca̦i wayoaöje. 20Ö̦jö tä wa̦lidiwä bluca lä cui, yanowamö täbä bufi jamö tä fa didionö, tä wawäblou. Ö̦jö tänö täbä bufi yai shamiblou, imicö shaminö täbä lä iyaö wei tänö mlai —a cuma.
Suwä shomiteliyomanö
Jesús a lä bufiblaleno wei tä a̦
21Ö̦jamö a jocäa fa co̦lunö, Diloteli bä lä bälöle jamö a alayoma, Sidonoteli bä bälöa mö lä fedule jamö. 22Ö̦jamö lä, Canaanateliyoma a suwä lä bälöono wei a fa waloicunö, Jesús nija a wa̦ i̦cali fama.
—¡Bada tä! ¡David nodiwä wa lä cui! Wale nofi da ojodadalö. Fecula anö tääyä a nö bleaamaö dodijia lä cule —e cuma.
23Ö̦jö ma cui, Jesús a wa̦ juonomi. ¿Ö̦jö tawä? A wa̦ juono ma mlai ma cui, a wa̦ suwä faö fe yadiblou showawä ja, Jesús nijamö bä lä nocaono wei bä a̦ fayoluma. Bä a̦ fe blacäjou ja, abinaja bä cuma.
—¡Ei shomiteliyoma a suwä shömöa da co̦lö! ¡A wa̦ waidaloimi! —bä cuma.
24Ö̦jö däjä, abinaja suwä nija Jesús e cuma.
—Isaeli ebä nodiwä nija Yai Bada tänö wale yai shömölema, cama oweja ebä nö yamili lä beblalole bä lä cui bä nija. Cafä shomi wamacö nija mlai —e cuma.
25Ö̦jö ma cui, Canaanateliyoma a suwä fa ajedeblaliyolunö, a möfe bolanö abinaja e cuma.
—¡Bada tä! ¡Wale da bayeliblalö!
26A wa̦ juo ja, a wa̦ faö yacläablaloma. Shomiteliyoma a cuoma cudeenö, abinaja Jesús a cuma.
—Ijilu bä nia lä iyaö wei bä nii lä cui, ji̦ima bä nija bä jöböamou bashiblao ja, tä dodijidawämi —a cuma.
27Ö̦jö ma cui, a nia bayeliblamou fe fa yadionö, abinaja a suwä cuu nomöjöoma.
—Awei, Bada tä. Wa bejedimou. Ö̦jö ma cui, bä shö̦ö ebä iyabä jamö, täbä lä̦cashi lä bläläö wei täbä ja, ji̦ima bä ma cui bä ca̦i malä iyaö wei —a suwä cuma.
28Ö̦jö däjä, abinaja Jesús e cuma.
—Ja̦o. ¡Bejedi lä wale nofi yai mölabou! Ö̦jö cudeenö, bäfä bayeliblaö weicätä, wa lä cufenaja showawä —e cuma.
Ö̦jö däjä, lobe bä tää e jaloa showadalayoma.
Jesúsnö täbä bluca lä jalomalaleno wei tä a̦
29Jesús a aa fa co̦lufälönö, modu Calilea u casö jamö a juu cuaama. Jefu tä balöcö jamö a fa dolequebofälönö, a lobejelayoma. 30Cama nija bluca täbä waloa jebejelayoma. Bä juu lä wa̦lidiono wei bä ma cui, ai bä lä wa̦lidiono wei bä ma cui, bä lä jubäböono wei bä ma cui, bä aca lä boleböono wei bä ma cui, ai bä ca̦i bluca ma cui, Jesús nija bä ca̦i waloa fa jäbojolujenö, bä bluca jaloa showadamalalejelayoma.
31¿Ö̦jö tawä? Bä aca lä boleböono wei bä a̦ dodijidawä fablamalema. Bä lä wa̦lidiono wei bä ca̦i dodijidablalema. Bä juno lä mlai bä ca̦i jublamalema. Bä lä jubäböono wei bä mamocu ca̦i dodijidablalema. Ö̦jö bä bluca lä jalole bä fa dalalöjenö, täbä lä co̦camono wei täbä a̦ fejelou fe balojooma. Yai Bada a nofi doablaö fe balojoomaje, Isaeli ebä nija a bufiblamobä a lä cui.
Jesúsnö täbä bluca iyaa
lä co̦maleno wei tä a̦
32Bä lä co̦camono wei bä niibö cuo fa mlacunö, cama ebä lä nocamabono wei Jesúsnö bä nacaa ajedelema. Abinaja bä nowa tama.
—Ei bä lä co̦camole bä nija ya bufi wajäaö a lä cule. Camiyä nijamö bä lä co̦cale, bolacabö tä mö didi tabou waiquiaje. Bä iyabä täbä ca̦i cuami. Bä ofäö cudeenö ya bä shömaö moji, bä ofili wäcäcou dicoo mlaobä —bä nowa tama.
33Bä lä nocamabono wei bä lä cui, abinaja bä cuma.
—Ei tä ulifi bloque dodijiwä. ¿Wedi jamö täbä nii ja yama bä li iyamabä? Bä bluca fe balojowä —bä cuma.
34Abinaja Jesús a cuma.
—¿Wedinaja bä nii cudale, wama bä tabou culawä?
—Nii 7 yama bä tabou bädaa lä cule —bä cuma—. Yuli bolacadabö cäcö ca̦i wai.
35Ö̦jö däjä, bä lä co̦camono wei bä lä cui, mashita a jamö bä loamaö bufima. 36Nii 7 bä lä tabono wejei bä fa dälönö, yuli cäcö ca̦i wai fa dälönö, Yai Bada nija, ö̦jö bä ja a bufi a̦fa doblalou wäyämoma. Ö̦jö däjä, bä nii cäa fa nomöjölalönö, cama ebä lä nocamabono wei bä nija bä jöböquema. Ö̦jö bä lä cuinö, täbä lä co̦camono wei täbä dobäö cuaaö nomöjöomaje.
37Bä bluca fa iyaolalunö, bä bädöolaliyoma. Ö̦jö däjä, cama ebä lä cuinö, nii bä sheje co̦ablaö fa cuaajenö, wöö 7 bä jamö bä nii sheje fe lajomalalemaje. 38Bä lä iyano wei bä wa̦lo lä cui, jai 4.000 bä cuoma, suwä bä ca̦i, ijilu bä ca̦i.
39Ö̦jö däjä, Jesúsnö bä shömöa fa co̦abodunö, canawä a jamö cama ebä ca̦i döcäcäo fa co̦balunö, Macadana tä ulifi jamö bä befi ca̦i caläa nomöjölayofälöma.
Currently Selected:
Mateo 15: GUU
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved
Mateo 15
15
Yai Bada tänö tä yai
lä bufii wei tä a̦
1Ö̦jö däjä, Jelusale jamö culanö, Jesús nijamö judio bada bä co̦cablaleyoluma. ¿Ö̦jö tawä? Faliseo bä bada ma cui, Moisesi etä a̦ ja täbä lä damaö wejei bä ma cui, ö̦jö bä bada fa co̦cablaleyolunö, abinaja ebä cuma.
2—Judio bämacö nö badabö lä cuaano wei, bäma bä owäbou nodiablalaö showaobä tä ma cule ma cui, ¿wedi tabä afä wa bä lä nocamabole bä lä cui, inaja bei bä li cuaaimi dicowä? Bä imicö ya̦lömou mlai ja, bei bä li iyaö dicoo —ebä cuma.
3Jesúsnö cama bä wa̦lii nomöjöoma.
—Cafä wamacö ma cui, ¿wedi tabä nö badabö tä a̦ ja wamacö bufi mö shino blucao fa dicoonö, Yai Bada tänö tä nabä yai lä shömaö wei wama tä taimi? 4Yai Bada wama tä a̦ juaö malä mlai. ¿Ö̦jö tawä? Jaba däjä, abinaja Yai Bada tänö bä nowa tama.
Faafä a ma cui, naafä a ma cui, dodijidawä wama bä ca̦i fa cuonö, wama bä a̦ nia juaö.
’Einaja bä nowa tama. Abinaja ca̦i.
Bä fö̦ö e nija a wa̦ wa̦lidiwä faö ja, a shämobä ö̦jö a waiquiwä. Bä nöö e ma cui nija a wa̦ ca̦i wa̦lidiwä faö dicoo ja, inaja showawä.
’¿Ö̦jö tawä? Einaja bä nowa tama —Jesús a cuma—. 5Ö̦jö ma cui, judio wamacö bada lä cui, abinaja cafä wamacö li cuu. “Ma. Faafä, naafä, wama bä bayeliblabä bä ma cule, wama täbä lä tabole, Yai Bada nija wama täbä a̦fa yaia wäyäö ja, faafä nija täbä nö jöböamobimi lä waiquii täbä”, wamacö cuu dicoo. 6¿Ö̦jö tawä? Yai Bada tä a̦ juamobä tä a̦ waiquiwä ma cui, wamacö nö badabö lä cuaano wei tä ja, wamacö bufi mö shino blucao fa dicoonö, ö̦jö wama tä a̦ li läablalaö, Yai Bada tä a̦ juaö mlaobeje.
7’Yai Bada a wa̦no wäyälewä Isaia a lä cuinö, cafä wamacö a̦fa wäyäö balöo ja, a bejedimoma —a cuma—. Jole jole wamacö dodijaö buo. Isaia etä a̦ oni jamö, abinaja tä a̦ cuu.
8Fei bä lä cuinö, bei bä caficönö wale nofi doablaö ma buo wejei ma cui, camiyä nija bei bä bufi yai cuami. 9Camiyä wale a̦fa Bada doblao ma taö wejei ma cui, bä jolemou dicoo ja, bä a̦ nö bleo bädao. Iba tä a̦ jo̦wa ma wäyäö wejei ma cui, ö̦jö iba tä a̦mi. Cama yanowamö täbä a̦ li bädawä.
’Einaja tä a̦ cuu —Jesús a cuma.
Täbä bufi yai lä
shamiblou wei tä a̦
10Ö̦jö däjä, Jesúsnö täbä fa nacaalalönö, abinaja bä nowa tama.
—Bei. Wamale a̦ da ji̦liyo. Bä bufi da jaducuicu. 11Täbä lä waö wejei täbänö, täbä bufi shamiblou daomi. ¿Ö̦jö tawä? Täbä lä cublai täbänö mlai, bei täbä caficö jamö tä a̦ wa̦lidiwä lä wawäblou wei tänö, ö̦jö tänö täbä bufi yai shamiblamou —bä nowa tama.
12Ö̦jö däjä, Jesúsnö bä lä nocamabono wei bä lä cui, abinaja bä cuyoluma.
—Wa tä a̦ lä wäyäblei tä a̦ ja, faliseo wa bä bufi bada jushudamalema. ¿Wa tä daö cule? —bä cuma.
13Abinaja Jesús a cuu nomöjöoma.
—Fayä a lä culadinö fibä döano lä mlai, fibä nia bluca ucäblamou majöo. 14Ö̦jö bä bada lä cui, bä a̦ faö buo. Täbä lulubobeje, ö̦jö bä waiquiwä ma cui bä jubäbö. ¿Ö̦jö tawä? Jubäbö a lä cui, ai a jubäbö mö feduwänö a lulubou dicoo ja, täca täca aca jamö cäcöbö nia queo bolacao showadao —a cuma.
15Ö̦jö däjä, abinaja Pedro e cuma.
—Nii wa bä a̦fa wayoaö lä yacläofe, ¿wedinaja bei wa cuu da cufanö? —e cuma.
16Abinaja Jesús a cuu nomöjöoma.
—Uo. Cafä wamacö ma cui, ¿wamacö bufi ca̦i jaducuwämi tawä? 17Bei wamacö bufi jamö bä nii didio malä mlai, wamacö bufi shamiamabä. Bei wamacö busi jamö bä nii li didio fa balöonö, bä li faoblou co̦o malä cui. 18Bei täbä bufi jamö tä wa̦lidiwä lä didile tä lä cui, bei täbä caficö jamö ö̦jö tä a̦ yai wa̦lidiwä wawäblou. Ö̦jö lä tänö täbä bufi yai shamiblou. 19Bei täbä bufi jamö tä wa̦lidiwä didia yalo, wa̦lidiwä tä jamö bä bufi shino dayäo. Ö̦jö däjä, täbä yanowamö shäöje. Bä joleblalou. Bä nofi beshili jushuaö. Shomi täbä madofi ca̦i lämaöje. Täbä a̦fa jole jole ca̦i wäyäöje. Täbä a̦fa ca̦i wayoaöje. 20Ö̦jö tä wa̦lidiwä bluca lä cui, yanowamö täbä bufi jamö tä fa didionö, tä wawäblou. Ö̦jö tänö täbä bufi yai shamiblou, imicö shaminö täbä lä iyaö wei tänö mlai —a cuma.
Suwä shomiteliyomanö
Jesús a lä bufiblaleno wei tä a̦
21Ö̦jamö a jocäa fa co̦lunö, Diloteli bä lä bälöle jamö a alayoma, Sidonoteli bä bälöa mö lä fedule jamö. 22Ö̦jamö lä, Canaanateliyoma a suwä lä bälöono wei a fa waloicunö, Jesús nija a wa̦ i̦cali fama.
—¡Bada tä! ¡David nodiwä wa lä cui! Wale nofi da ojodadalö. Fecula anö tääyä a nö bleaamaö dodijia lä cule —e cuma.
23Ö̦jö ma cui, Jesús a wa̦ juonomi. ¿Ö̦jö tawä? A wa̦ juono ma mlai ma cui, a wa̦ suwä faö fe yadiblou showawä ja, Jesús nijamö bä lä nocaono wei bä a̦ fayoluma. Bä a̦ fe blacäjou ja, abinaja bä cuma.
—¡Ei shomiteliyoma a suwä shömöa da co̦lö! ¡A wa̦ waidaloimi! —bä cuma.
24Ö̦jö däjä, abinaja suwä nija Jesús e cuma.
—Isaeli ebä nodiwä nija Yai Bada tänö wale yai shömölema, cama oweja ebä nö yamili lä beblalole bä lä cui bä nija. Cafä shomi wamacö nija mlai —e cuma.
25Ö̦jö ma cui, Canaanateliyoma a suwä fa ajedeblaliyolunö, a möfe bolanö abinaja e cuma.
—¡Bada tä! ¡Wale da bayeliblalö!
26A wa̦ juo ja, a wa̦ faö yacläablaloma. Shomiteliyoma a cuoma cudeenö, abinaja Jesús a cuma.
—Ijilu bä nia lä iyaö wei bä nii lä cui, ji̦ima bä nija bä jöböamou bashiblao ja, tä dodijidawämi —a cuma.
27Ö̦jö ma cui, a nia bayeliblamou fe fa yadionö, abinaja a suwä cuu nomöjöoma.
—Awei, Bada tä. Wa bejedimou. Ö̦jö ma cui, bä shö̦ö ebä iyabä jamö, täbä lä̦cashi lä bläläö wei täbä ja, ji̦ima bä ma cui bä ca̦i malä iyaö wei —a suwä cuma.
28Ö̦jö däjä, abinaja Jesús e cuma.
—Ja̦o. ¡Bejedi lä wale nofi yai mölabou! Ö̦jö cudeenö, bäfä bayeliblaö weicätä, wa lä cufenaja showawä —e cuma.
Ö̦jö däjä, lobe bä tää e jaloa showadalayoma.
Jesúsnö täbä bluca lä jalomalaleno wei tä a̦
29Jesús a aa fa co̦lufälönö, modu Calilea u casö jamö a juu cuaama. Jefu tä balöcö jamö a fa dolequebofälönö, a lobejelayoma. 30Cama nija bluca täbä waloa jebejelayoma. Bä juu lä wa̦lidiono wei bä ma cui, ai bä lä wa̦lidiono wei bä ma cui, bä lä jubäböono wei bä ma cui, bä aca lä boleböono wei bä ma cui, ai bä ca̦i bluca ma cui, Jesús nija bä ca̦i waloa fa jäbojolujenö, bä bluca jaloa showadamalalejelayoma.
31¿Ö̦jö tawä? Bä aca lä boleböono wei bä a̦ dodijidawä fablamalema. Bä lä wa̦lidiono wei bä ca̦i dodijidablalema. Bä juno lä mlai bä ca̦i jublamalema. Bä lä jubäböono wei bä mamocu ca̦i dodijidablalema. Ö̦jö bä bluca lä jalole bä fa dalalöjenö, täbä lä co̦camono wei täbä a̦ fejelou fe balojooma. Yai Bada a nofi doablaö fe balojoomaje, Isaeli ebä nija a bufiblamobä a lä cui.
Jesúsnö täbä bluca iyaa
lä co̦maleno wei tä a̦
32Bä lä co̦camono wei bä niibö cuo fa mlacunö, cama ebä lä nocamabono wei Jesúsnö bä nacaa ajedelema. Abinaja bä nowa tama.
—Ei bä lä co̦camole bä nija ya bufi wajäaö a lä cule. Camiyä nijamö bä lä co̦cale, bolacabö tä mö didi tabou waiquiaje. Bä iyabä täbä ca̦i cuami. Bä ofäö cudeenö ya bä shömaö moji, bä ofili wäcäcou dicoo mlaobä —bä nowa tama.
33Bä lä nocamabono wei bä lä cui, abinaja bä cuma.
—Ei tä ulifi bloque dodijiwä. ¿Wedi jamö täbä nii ja yama bä li iyamabä? Bä bluca fe balojowä —bä cuma.
34Abinaja Jesús a cuma.
—¿Wedinaja bä nii cudale, wama bä tabou culawä?
—Nii 7 yama bä tabou bädaa lä cule —bä cuma—. Yuli bolacadabö cäcö ca̦i wai.
35Ö̦jö däjä, bä lä co̦camono wei bä lä cui, mashita a jamö bä loamaö bufima. 36Nii 7 bä lä tabono wejei bä fa dälönö, yuli cäcö ca̦i wai fa dälönö, Yai Bada nija, ö̦jö bä ja a bufi a̦fa doblalou wäyämoma. Ö̦jö däjä, bä nii cäa fa nomöjölalönö, cama ebä lä nocamabono wei bä nija bä jöböquema. Ö̦jö bä lä cuinö, täbä lä co̦camono wei täbä dobäö cuaaö nomöjöomaje.
37Bä bluca fa iyaolalunö, bä bädöolaliyoma. Ö̦jö däjä, cama ebä lä cuinö, nii bä sheje co̦ablaö fa cuaajenö, wöö 7 bä jamö bä nii sheje fe lajomalalemaje. 38Bä lä iyano wei bä wa̦lo lä cui, jai 4.000 bä cuoma, suwä bä ca̦i, ijilu bä ca̦i.
39Ö̦jö däjä, Jesúsnö bä shömöa fa co̦abodunö, canawä a jamö cama ebä ca̦i döcäcäo fa co̦balunö, Macadana tä ulifi jamö bä befi ca̦i caläa nomöjölayofälöma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2012, All Rights Reserved